13/02/2022
ئەی دۆستی ئەدەب کەدێت و روودەکەیتە مەملەکەتی حەزرەتەکانی شیعر ، بەخێربێت سەرچاوی گەشی شیعر سەر رووحی سەوزی ئەدەب، ئێرە پرە لەجوانی ئەوغەزەلانەی کەخۆیان لەناسکترین جێگای ھەست ئەخشێنن ، غەزەلێک کەرۆژانێک لەو پەنجانە تکاون کە وەک چاوی یاقوت وابوون ، لێرە زەمەن رەش و سپی یەو شوێن پێکانی شیعر رەنگینن ، لێرە ھەست بە پاکی ئەو خوێنە دەکەیت کە لە خوێنی پەیامبەرێک چووە و شیعر تیایدا قوڵپی داوە ، لەم مەملەکەتەی حەزرەتەکانی ئەدەب گەرووی شیعر پاراوەو ئاواز بۆ عیشق و ئیمان و ووڵات پەروەری ئەچرێ ، ماڵی دڵە کوتێی شیعرێکی نالی یە لەبەردەم چاوی سورمە رێژی حەبیبەدا، لێرە پەنجەرەیەک ھەیە سالم باڵی غەزەلەکانی شل کردوە بۆ فرین ، درەختێکی سەوز ھەیە کوردی لەژێر سێبەریدا شیعرێکی نوسیوە لە ناسکیدا دڵی گوڵی تاڵان کردوە ، لێرە لە ھەر تۆرانێکی حەبیبەدا مێخەکبەندەکەی پچرابێ
نالی بە شیعر ھۆنیوێتیەوە ، ھێشتا لێرە بۆنی ئارەقەی ژێرباڵی نامەکانی نالی و سالم کوردی دێت ، ئەی دۆستی ئەدەب تۆش کە ھاتی بەچڵێک شیعر ناوو نیشانت بخە گوڵدانی سەرتاقی ئەم ماڵە ، ماڵی حەزرەتەکانی شیعر.
بڵاوکردنەوەتان جێگەی سوپاسە
