بەڕێوەبەرایەتی شوێنەواروکەلەپوری ڕاپەڕین

29/10/2025

03/10/2025

کارکردن بۆ ماوەی هەفتەیەک لە گردی ( بایز ئاغا ) دەشتی بیتوێن، بەهۆی کەمبوونەوەی ئاوی دەریاچەی دووکان، دەرفەتێکی بۆ ڕەخساندین هەڵکۆڵینێکی ڕزگاری و تاقیکاری لە شوێنەوارەکەدا ئەنجام بدەین، ئەوەی کە بەدەستهات تەنها پاشماوەی گڵێنەیی سەردەمی کۆتایی برۆنز بەتایبەتی شێوازی ( ئاشوری ناوەڕاست ). بەهۆی وێرانبوون و داخورانی و شۆرنەوەی نشینگە نیشتەجێبوونەکە بەهۆی ئاو و شەپۆلی دەریاچەکە، چونکە زۆرینەی کات و وەرزەکان لەژێر ئاودایە، ئەمە جگە لە خەڵکی نابەرپرس و نا دڵسۆز لەزۆر چین توێژ کە چەندان چاڵ و هەڵکەندن لە زۆرینەی بەشەکانی گردەکە ئەنجامدراوە. کاری کنەوپشکنەنەکە بە هاوبەشی هەر سێ لایەنی ( زانکۆی پیزای ئیتاڵی و بەڕێوەبەرایەتییەکانی شوێنەوار و کەلەپووری سلێمانی و ڕاپەڕین ) ئەنجام درا.
وێنەی هەوایی ( محمد موراد ئاکۆیی )
وێنەی چاڵ و پاشماوەی ژورێکی خشت ڕێژکراو پڕۆفیسۆر ( جەسپەر ئایدم ) .

04/09/2025

وەرزێکی دیکەی کاری هەلکۆین لەگردی تلێ دەست پێدەکاتەوە

بە هاوکاری و هەماهەنگی بەڕێز سەرپەرشتیاری ئیدارەی سەربەخۆی ڕاپەڕین ( هیوا قەرەنی)
لەژێر چاودێری بەڕێز بەڕێوەبەری گشتی شوێنەواروکەلەپوری کوردستان
کارکردن لە گردی تلێ ی ناحیەی بێتواتە لەسنوری قەزای ڕانیە دەستی پێکردەوە کەلەلایەن زانکۆی ئەلتای هەنگاری کاری کنەوپشکنینی شوێنەواری بۆ ئەنجام دەدەریت.

11/05/2025

بەژداری بەڕێوەبەری بەڕێوەبەرایەتی شوێنەواروکەلەپووری ڕاپەڕین لە یەکەمین کۆنفرانسی گەشەپێدانی ئیدارەی سەربەخۆی ڕاپەڕین.
باس لە پڕۆژەکان و پلانی بەرەوپێشخستن و بەگەشتیاری کردنی شوێنەوار و کەلەپوور کرا .

05/03/2025

یادی ڕاپەڕینی شاری ڕانیەی قارەمان بەبەرزی کرایەوە

ئەمڕۆ (٥/ ٣) لەشاری ڕانیەی قارەمان مەڕاسیمی یادی ڕاپەڕینە مەزنەکەی کوردستان ئەنجامدرا بە ئامادەبوونی چەندین لێپسراوانی دامودەزگا حکومی و حیزبیەکان و کەس و کاری سەربەرزی شەهیدان و جەماوەرێکی زۆری دەڤەرەکەمان و کوردستان.

04/03/2025

لە ٥ ی ئازاری ساڵی ١٩٩١ خەڵکی ئازا و بوێری شاری ڕانیە لە دژی زوڵم و ستەمی ڕژێمی بەعس ڕاپەڕین و بوون بەسەرمەشقی ئازادی و دەروازەی ڕاپەڕین لەسەرتاسەری کوردستان، ڕاپەڕین بۆ گەلی کورد وەرچەرخانێکی مێژوویی و قۆناغێک بوو لە قۆناغەکانی خەباتی شۆرشگێڕی و دەرچوون لە ژێر جڵەوی ستەمگەرایی و هەنگاونان بۆ قۆناغی حوکمڕانییەکی خۆماڵی.

19/02/2025

تۆمارکردنی چەند ناوچەیەکی شوێنەواری لە دەشتی بیتوێن و ناو دەریاچەی دووکان بە پێ ی ستانداردی نێودەوڵەتی

24/10/2024

چالاکی هۆشیاری شوێنەواری
وەک بەشێک لە کارو پڕۆژە شوێنەواریەکان چالاکیەکی هۆشیاریمان ئەنجام دا بۆ خوێندکارانی قوتابخانەی زیرەکی ناحکومی .
بە سەرپەرشتی بەڕێوەبەرایەتیمان و تیمی زانکۆی پیسای ئیتاڵی لە گردی شمشارەی قەزای ڕانیە .

18/10/2024

11/10/2024

بەشێکی تر لە دەسکەوت و کارو پڕۆژەکانمان بۆ دەرخستنی مێژووی شارستانیەتی ناوچەکە

06/10/2024

سەردانیکردنی بەڕێز (کەیفی مەستەفا)بەڕێوەبەری گشتی شوێنەوار و کەلەپوری هەرێمی کوردستان بەیاوەی بەڕێوەبەری بەڕێوەبەرایەتیمان بۆ گردی شمشارە و تیمی ئیتاڵی لە سنوری قەزای ڕانیە .