22/05/2026
تريد تسوي ادامه / اقره منشوري زين / مو شرط تشتغل عندي بس حتى تعرف تتصرف صح✅
اكيد شايف هواي منشورات عن الادامه وشايف اسعار من ١٠ الف وفوك وكلمن يكول اني الاحسن
لنفترض الخبره متوفره بالعمل بكل الاماكن وهذا شي مو صحيح .
من تجي انت متفق على ادامه ب٣٠ االف مثلا يفتحلك كذا وكذا وتنظيف وهالامور يسويلك جريدة مرتبه للفتح والشد
هنا انت راح تتونس تشوف هواي شغلات ب٣٠ الف وتحس نفسك كسبت صفقه مرتبه
لكن الفكرة وين سيارتك نهائيا ما محتاجة هاي الجريدة كلها واكو شغلات اهم لو بس تبدلها ينتهي الموضوع
هنا انتو متفقين على ٣٠ الف واح يفتح ويبدي يكلك ( البلكات تعبانه ذني سعرهن ٦٠ الف هنا انت بديت تبلع ريكك عله كيف وممكن تطكلك جكاره وتسحب اول نفس بعده ماطلع النفس كلك هاي عبوه الفيتبم تعبانه شلون تمشي عليها هنا انت راح تغص بالنفس مال الجكاره وراح تتركها شويه هنا ضافلك مثلا ٧٠ الف
انت جايب ٣٠ الف وياك وفرحان. وهنا صار الحساب ١٦٠
هنا بديت تشك انو صاحب المحل اما غشاش اما انت تحيرت متعرف نوع شعورك زين ترجع تشدها وتدفع بس ٣٠
هنا انت عرفت اكو شغلات تعبانه وراح تظطر تسويها بعدين من يصير عدك فلوس وراح تخسر بعد ٣٠
راح تضطر تدبر الفلوس وتسويها
مقصدي وين بعد كل هاي الجريدة؟
اول شي جماعه ال ٥٠ الف والسيارات الزيرو لاتفكر تسوي ادامه اذا ماعدك مشكلة بالسياره ولا تحط روحك بيها اتركها ساتره عليك خوش؟
نجي للي ماشين ٧٠ وفوك هنا انت تجي تفحص يطلع وياك او يفحصلك نضري او يسالك مجموعة اساله على اساها تقرر تفتح لو تترك الموضوع
طبعا انت لازم تحسب حساب لكلشي
بلكات السيارات الكوري تنفس طبيعي ( ٥ الى ٦٥) الف بين التجاري للاصلي اسعارهن بيهن نوعيات والرخيص يسويلك ضعف سحب واصراف عالي وخربطه وعمر قليل وترجع تفتح ومشاكل حتى تكوم مكينه )
طبعا مو معنى سعر غالي يعني بلك زين هنا يعتمد على امانه الفني وخوفه من الله وشوفه ينطيك ضمان لو يكلك خطيتك بركبتي روووووح يمي 🙂🔫
فلتر بنزين ١٠ لل٦٥
عبوه كاملة ٢٥ الى ٢٥٠ حسب نوع السيارة
فلتر هوه ٣ الى ٢٠
هواي نوعيات اذا متعرف بيهن تنغلب مثل ما الله واحد. لذلك اختار شخص ثقه
اذا سيارتك بيها نضح دهن من فوك ( من الواشر احسبلك ٥٠ الى ١٠٠ مواد وعمل
اذا سيارتك بيها تنزيل تانكي حتى يفتح فيتبم ضيفلك ٤٠ الى. ١٢٥ حسب نوع السياره بس اجور عمل
اذا سيارتك ٦ سلندر ضيفلك ٥٠ اجرة اضافيه عل عمل وبعض التفاصيل
اذا جانت سيارتك تصرف بانزين او ضعف سحب او خربطه مستحيل تطلع باجور عمل بس اكيد عدك قطع غيار تالفه ولازم تتبدل خلي جوه ايدك فلوس زينه واهم شي اسال عن اخلاق ابو المحل قبل كلشي لان يتعتب ويخاف الله
١/ منضومه البانزين
٢/منضومه الدهن
٣/منضومه الهواء
٤/منضومه ماء
ذني كلهن الهن ادامات معينه اسال واستفسر اجاوبك بالتعليقات
