لقی بیست و دووی گەرمیان ـ پ. د. ك

01/06/2026

ئەمڕۆ دووشەممە ١ـی ٦ـی ٢٠٢٦ شاندێکی لقی ٢٢ی گەرمیانی پارتی دیموکراتی کوردستان بە مەبەستی پیرۆزبایی ساڵیادی دامەزراندنی یەکێتی نیشتمانی کوردستان، سەردانی مەڵبەندی گەرمیانی یەکێتی نیشتمانی کوردستانیان کرد و لەلایەن بەرپرسان و هەڤاڵانی مەڵبەندەوە بە گەرمی پێشوازیان لێکرا.

هەروەها شاندەکە سەردانی مەڵبەندی گەرمیانی کۆمەڵی دادگەری کوردستانی کرد و لەلایەن بەرپرس و هەڤاڵانی مەڵبەندەوە بە گەرمی پێشوازیان لێکرا.

لە ماوەی ئەم سەردانانەدا جەخت لەسەر گرنگی پتەوکردنی پەیوەندی و هاوکاری نێوان لایەنە سیاسییەکان کرایەوە، بە مەبەستی خزمەتکردنی بەرژەوەندیی گشتی هاووڵاتیان و پاراستنی بەرژەوەندیی نیشتمانی.

لقی ٢٢ـی گەرمیان (پ.د.ك)

27/05/2026

بەناوی خودای گەورە و میهرەبان
بۆ/ خانەوادەی خوالێخۆشبوو (سلێمان محەممەد ئەحمەد).

بەداخ و پەژارەیەکی زۆرەوە هەواڵی کۆچی دوایی کەسایەتی ناوداری گەرمیان مامۆستا(سلێمان محەممەد ئەحمەد)مان پێگەشت.

بەم بۆنە خەمناکەوە پرسە و سەرەخۆشی ئاڕاستەی بنەماڵە بەڕێزەکەیان دەکەین و داواکارین خوای گەورە ئارامی بە ئێوە و خانەوادە و دۆستانتان ببەخشێت و جێگای کۆچکردوو بە بەهەشتی بەرین شاد بێت.
‏‏‎إِنَّا لِلَّهِ وَإِنَّا إِلَيْهِ رَاجِعُونَ

لقی ٢٢ـی گەرمیان (پ.د.ك)

26/05/2026

26/05/2026

پەیامی سەرۆك بارزانی بەبۆنەی جەژنی پیرۆزی قوربان

بەناوی خودای بەخشندە و میهرەبان

بە بۆنەی هاتنەوەی جەژنی پیرۆزی قوربانەوە، پیرۆزبایی خۆم ئاراستەی موسڵمانانی كوردستان و عێراق و هەموو جیهان دەكەم. پیرۆزبایی تایبەتیش ئاراستەی خانەوادەی سەربەرزی شەهیدان و پێشمەرگە قارەمانەكان و سەرجەم هاووڵاتیانی خۆشەویستی كوردستان دەكەم. لەو بۆنە پیرۆزەدا لە خودای گەورە داواكارم خێر و خۆشی و ئاسوودەیی بۆ هەموو خەڵكی كوردستان و جیهان بەدی بهێننێت.

هەروەها لەو ساتە هەستیار و چارەنووسسازەدا پەیامم بۆ لایەن و هێزە سیاسییەكانی كوردستان ئەوەیە كە هەموو لایەك بیر لە بەرژەوەندییەكانی خەڵكی كوردستان بكەنەوە و بەرژەوەندییە باڵاكانی گەلەكەمان لەسەرووی ئامانج و بەرژەوەندیی بەرتەسك دابنێن و واز لەو ململانێیە بێ ئەنجامە و، ئەو خۆخۆرییە بێنن كە ماوەیەكە پڕۆسەی سیاسیی هەرێم بەدەستیەوە دەناڵێنێت. داوا دەكەم لەدوای جەژنی پیرۆزی قوربان لایەنە سیاسییەكانی هەرێم بە دڵسۆزی و هەستی نیشتیمانپەروەرانەوە بەیەكەوە كۆببننەوە و ئەو چەقبەستووییە سیاسییە چارەسەر بكەن و كۆتایی بەم دۆخە نالەبارە سیاسییە بهێنن. ئەمە ئەركێكی ویژدانی و نەتەوەیی و نیشتیمانییەو پێویستە هەموو لایەك بە هەستی بەرپرسیارێتییەوە مامەڵەی لەگەڵدا بكەن و بگەڕێنەوە سەر ڕێگەی ڕاست.

هیوادارم ئەم جەژنە دەستپێكێك بێت بۆ باشتربوونی بارودۆخی هەرێمی كوردستان و تێپەڕبوونی گرفتە سیاسییەكان و هەروەها بەرقەراربوونی ئاشتی و ئارامی و سەقامگیری لە ناوچەكەمان و سەرانسەری جیهان.

جەژنتان پیرۆز بێت و هەمیشە لە خۆشی و سەلامەتیدا بن.

مسعود بارزانی
9ی زیلحەججەی 1447ی كۆچی
ئایاری 2026

26/05/2026

پەیامی جەنابی سەرۆك بارزانی بەبۆنەی پەنجاهەمین ساڵیادی هەڵگیرساندنی شۆڕشی گوڵان

بەناوی خودای بەخشندە و میهرەبان

شۆڕشی گوڵان قۆناغێكی گرنگ و چارەنووسسازی خەباتی گەلی كوردستان بوو. ئەم شۆڕشە درێژكراوە و هەڵگری پەیام و ئامانجەكانی شۆڕشی مەزنی ئەیلوول بوو. شۆڕشی گوڵان بۆ هەموو لایەكی سەلماند كە ئەگەر لە قۆناغێكدا خەباتی گەلی كوردستان بۆ ماوەیەكی كورت تووشی وەستان هاتبێت بەڵام ئیرادەی گەلی كوردستان هیچ كات نەشكاوە بەڵكوو بۆ گەییشتن بە ئامانجە پیرۆزەكان بە ئومێد و هێزێكی تازە لە تێكۆشان و خەباتیدا بەردەوام بووە. شۆڕشی گوڵان سەركەوتنی بەدەست هێنا چونكە، پشتی بە قارەمانێتیی پێشمەرگە و خۆڕاگریی جەماوەر و ڕێكخستنێكی بەهێز و دروشم و ئامانجی ڕوون بەست.

لە پەنجاهەمین ساڵیادی هەڵگیرساندنی شۆڕشی گوڵاندا، پێزانینم بۆ جەماوەری كوردستان و هەموو ئەو تێكۆشەر و پێشمەرگە و ئەو نیشتیمانپەروەرانە هەیە كە لە ناوخۆ و دەروەی كوردستان ڕۆڵێكی قارەمانانەیان لە شۆڕشی گوڵاندا هەبووە و مێژوویەكی درەوشاوە و پڕ لە شانازییان بۆ گەلەكەیان تۆمار كرد.

لەم یادەدا سڵاو بۆ گیانی یەكەم شەهیدی شۆڕشی گوڵان شەهید سەید عەبدوڵڵا حاجی ئۆمەرانی و شەهیدانی شۆڕشی گوڵان و هەموو شەهیدانی كورد و كوردستان دەنێرین. ئازادی و دەستكەوتەكانی تری گەلەكەمان بەرهەمی خوێنی شەهیدان و قارەمانێتی پێشمەرگە و ڕەنج و دڵسۆزیی خەباتگێڕانی شۆڕشی گوڵان و سەرجەم شۆڕشەكانی گەلی كوردستانە.

مسعود بارزانی
26ی ئایاری 2026

24/05/2026

سەردانێکی گرنگ، لە کاتێکی هەستیار
لە پێناو کوردستانێکی بەهێزتر.

20/05/2026

رۆژی چوارشەممە 20ی ئایاری 2026، کە دەکاتە شەست و چوارەمین ساڵەی بوونی بە پێشمەرگە، سەرۆک مەسعود بارزانی لە تۆڕی کۆمەڵایەتی ئێکس پەیامێکی بڵاوکردەوە.

دەقی پەیامی سەرۆک بارزانی؛

سڵاو لە ڕۆحی پاکی ئەو پێشمەرگانەی خوێنی ئاڵیان بووە هەوێنی ئازادی و سەربەرزی بۆ گەلەکەیان و لەو ڕێگەیەدا شەهید بوون.
سڵاو لە هەموو ئەو قارەمانانەی ڕێگەی پێشمەرگەبوونیان هەڵبژاردووە و ئەو ئەرکە پیرۆزەیان لەسەر شانە و چاویان ماچ دەکەم.
پێشمەرگە باڵاترین شانازییە.

05/05/2026

بەناوی خودای گەورە و میهرەبان
بۆ/ خانەوادەی خوالێخۆشبوو (سەلمە عمر).

بەداخ و پەژارەیەکی زۆرەوە هەواڵی کۆچی دوایی خێزانی کۆچکردوو دکتۆر جەلیل خەلیل و دایکی شەهید ئیبراهیم، خاتوو (سەلمە عمر)مان پێگەشت.

بەم بۆنە خەمناکەوە پرسە و سەرەخۆشی ئاڕاستەی بنەماڵە بەڕێزەکەیان دەکەین و داواکارین خوای گەورە ئارامی بە ئێوە و خانەوادە و دۆستانتان ببەخشێت و جێگای کۆچکردوو بە بەهەشتی بەرین شاد بێت.
‏‏‎إِنَّا لِلَّهِ وَإِنَّا إِلَيْهِ رَاجِعُونَ

لقی ٢٢ـی گەرمیان (پ.د.ك)

05/05/2026

ئەمڕۆ سێشەممە ٥ـی ٥ـی ٢٠٢٦ لەبارەگای لق، بەڕێز (حسین کەلاری) بەرپرسی لق و هەڤاڵانی دەستەی کارگێڕی لق و بەرپرسانی لیژنە ناوچەکان، پێشوازییان کرد لە بەڕێز کاک (سگڤان هالۆ)جێگری بەشی ڕێکخستنی مەکتەب سیاسی لەگەڵ بەڕێز کاک(دیاری حسین) یاریدەدەری مەکتەبی ڕێکخستنی پارێزگای کەرکوک–گەرمیان و هەڤاڵانی یاوەریان.
ئەم سەردانە بە مەبەستی بەدواداچوون و پەرەپێدانی کاری ڕێکخستنی سنووری لقی (٢٢) ئەنجامدرا.

دواتر کۆبوونەوەیەکی فراوان لەگەڵ ستافی لقی گەرمیانی یەکێتی قوتابیان و لاوانی دیموکراتی کوردستان ئەنجامدا، بەبۆنەی دەستبەکاربوونی لیژنە ناوچەکانی سنووری لق.
لەم کۆبوونەوەدا بەرپرسی لقی ٢٢ی گەرمیان ڕێنمایی پێویستی پێشکەش کرد دەربارەی چۆنیەتی کارکردنیان و جەختی لەسەر گرنگی ڕێکخستنی کار و هاوکاری نێوانیان کردەوە هەروەها بەڵێنی پێدان پاڵپشتی و هاوکاری تەواو بۆ سەرکەوتنی کارەکانیان دابین بکات.

هەروەها سەردانی لیژنەی ناوچەی باوەنوریان کرد و کۆبوونەوەیەکی تریان لەگەڵ ستافی لیژنە و ڕێکخراوەکان سازکرد، کە تێیدا دواڕووداوەکانی ناوچەکە خراونەڕوو و ڕێنمایی پێویست بۆ هەموو هەڤاڵان درا، بۆ ئەوەی ئامادەبن بۆ ڕووبەڕووبوونەوەی هەر بارودۆخێک.

لقـی ٢٢ـی گەرمیان(پ.د.ك)

02/05/2026

ئەمشەو شەممە ٢ـی ٥ـی ٢٠٢٦ بەڕێز (حسین کەلاری) بەرپرسی لق بەیاوەری بەشێک لە کارگێڕانی لق و بەرپرسی لیژنە ناوچەکان، لە شاری هەولێر سەردانی پێشمەرگەی شۆڕشی گوڵان بەڕێز (بەندەر عەلی مراد)یان کرد، و لە تەندروستی بەرێزیان پرسی و هیوای چاکبوونەوەی خێرا و شفای تەواویان بۆ خواستن.

لقـی ٢٢ـی گەرمیان(پ.د.ك)