19/09/2026
ئاگاداری بۆ هاوڵاتیانی خۆشەویست…
٠ سیستەمی ئەپلیکەیشنی نۆرەگرتنی ئەلیکترۆنی ( حجز الكتروني ) کارایە هاوڵاتیان دەتوانن نۆرە دابنێن بۆ دەرهێنانی پاسپۆرتی ئەلیکترۆنی لە ھەرچوار نووسینگەی سنووری پارێزگای ھەولێر ، نووسینگەی یەکی پاسپۆرتی پارێزگای هەولێر (أربيل المركزي) و نووسینگەی دووی پاسپۆرتی پارێزگای هەولێر (أربيل الثاني) و نووسینگەی پاسپۆرتی سۆران و نووسینگەی پاسپۆرتی کۆیە.
لە ئێستادا نۆرە بۆ رۆژانی یەکشەممە تاوەکوو چوارشەممەی ئەم هەفتەیە بەردەستە تاوەکوو نۆرە تەواو دەبێت.
سیستەمی دانانی نۆرە بە تەواوی بە خۆراییە و بەژمارەی مۆبایلی خۆت نۆرە دادەنێیت (لە ئێستادا ئەو ژمارە مۆبایلەی پێشتر نۆرەی داناوە ناتوانێت دووبارە نۆرە دابنێت).
لە ئەگەری نەبوونی نۆرە پێویستە بری ٥٠ هەزار دینار رسووماتی بەدەر لە نۆرە زیاتر بدەی جگە لە رسووماتی دەرهێنان و نوێکردنەوەی پاسپۆرت و دوای کاتژمێر ٩:٣٠ مامەلەی بەدەر لە نۆرە وەردەگیرێت و بە هەمان میکانیزمی نۆرەی ئاسایی مامەلەکەی ڕایی دەکرێت، بۆیە واباشترە پێش سەردانی کردن نۆرەی ئەلیکترۆنی دابنێن.
٠ دانانی نۆرە لە ڕێگای ئەپلیکەیشنی (الجواز العراقي ) دەبێت لە ڕێگای مۆبایلەکەی خۆتەوە کە بۆ هەردوو سیستەمی ئاندرۆید و ئای ئۆ ئێس بەردەستە یان لە رێگای ویبسایت کە لەخوارەوە لینکەکەی دانراوە دەتوانی حجزەکە بکەیت و نۆرە بۆ خۆت و ئەندامانی خێزانەکەت دابنێیت و کات و رۆژی سەردانت دیاری دەکەی و لە کۆتاییدا بارکۆدێکت بۆ دیار دەکەوێت وێنەی بگرە و لەمۆبایلەکەت ھەلیگرە لە رۆژی سەردانی کردنت بەکاردێت بۆ ڕایی کردنی مامەلەکەت.
٠ پێویستە کارتی بانکی ماستر کارد یان ڤیزا کاردت پێ بێت لەکاتی سەردانی کردن ) و بەناوی خۆت بێت و بری رسووماتەکە بە دیناری عیراقی تێدابێت بۆ پێدانی ڕسوومات کە بڕەکەی ٩١٠٠٠ هەزار دینارە.(دەتوانی کارتی بانکی (هەژماری من) بەکاربهێنیت بۆ پێدانی رسوومات).
٠ کارتی نیشتمانی ڕەسەن مەرجە بۆ دەرهێنان و نوێکردنەوەی پاسپۆرت،وە پاسپۆرتی کۆن ئەگەر مامەڵەکەت بۆ نوێ کردنەوەی پاسپۆرت بێت.
٠ ئەو ھاولاتیانەی نۆڕەیان بۆ شەفتی ئێوارەیە پێویستە دوو کاتژمێر پێش کاتی نۆرەکەت لە نووسینگەی پاسپۆرت ئامادەبیت بۆ ڕایی کردنی مامەلەکەت.
• بۆ خوار ١٨ ساڵ پێویستە باوک (وەلی ئەمر )خۆی ئامادەبێت لەکاتی جێبەجێ کردنی مامەلە و وەرگرتنەوە.
لینکی وێب سایتی نۆرەگرتن :
https://appointment.epp.iq/p/p/reservation
بۆ هەر پرسیارێک دەربارەی رێنماییەکان نامە بۆ پەیج بنێرن و لە زووترین کاتدا وەڵامتان دەدرێتەوە.
بەڕێوەبەرایەتی پاسپۆرتی پارێزگای هەولێر - ڕاگەیاندن و پەیوەندییەکان
