08/10/2013
ئهنجومهنی ئاسایشی ههرێمی كوردستان دهسگیركردنی دارێژهرانی كردهوه تیرۆریستیهكهی ههولێری راگهیاند .
ڕاگهیهندراوێک له ئهنجوومهنی ئاسایشی ههرێمی کوردستانهوه
هاووڵاتیانی خۆشهویست ئاگادار دهکهینهوه که پرۆسهی لێکۆڵینهوه له کرداره تیرۆریستییهکهی رۆژی 29/9ـی بهردهم ئاسایشی ههولێر له کۆتایی نزیک بووهتهوه و ئهنجامی باش بهدهست کهوتوون. دوای شهش ساڵ له پوچهڵکردنهوهی ههوڵهکانی تیرۆریستان بۆ تێکدانی ئارامیی ههرێم، ژمارهیهک تیرۆریست توانییان له کۆتایی مانگی ڕابردوو ئهو ئاسانکاریانه بقۆزنهوه که بۆ هاتنهناوهوهی هاووڵاتیانی ناوچهکانی دیکهی عێراق دهستهبهر کراون و دزهیان کرده ناو ههرێم.
تیرۆریستان ئامانجیان گهیشتن بۆ ناو باڵاخانهی ئاسایش بوو، بۆیه دوو ئۆتۆمبێلیان له بهردهم دهروازهی ئاسایشی ههولێر تهقاندهوه و دواتر 2 خۆکوژی تر به چهک و پشتێنی بۆمبڕێژکراو به سوودوهرگرتن له کهلێنی دوای تهقینهوه ههوڵیان دا بگهنه ناو ئاسایش، بهڵام ڕووبهڕووی بهرگریی قارهمانانهی ئهفسهرانی ئاسایش بوونهوه و نهیانتوانی ئامانجهکهیان بپێکن و گشت تیرۆریستان کوژران و شکستیان هێنا. ئهم نهبهردییهی کارمهندانی ئاسایش به خوێنی 7 کارمهندی قارهمان تۆمار کرا و ههروهها له ئهنجامی تهقینهوهکان 72 کهس له کارمهندانی ئاسایش و پۆلیس و تهندروستی و بهرگریی شارستانی بریندار بوون. دهستکردنهوه و قارهمانیی ئهو 7 شههیدهی ئاسایش، ههڵوێستێکی مێژوویی و نموونهیی فیداکاری بوو و یادی ئهم خۆڕاگرییهیان ههمیشه لای گهلهکهمان به زیندوویی دهمێنێتهوه.
دوای ڕووداوهکه یهکسهر لێکۆڵینهوهکان له لایهن تیمه پسپۆڕهکانهوه دهستی پێکرا و به هاوکاریی هاووڵاتیان و دڵسۆزانی گهلهکهمان سهرهداوی باش بهدهست هاتن و توانرا چهند کهسێک له داڕێژهران و هاوکارانی کردهوهکه دهستگیر بکرێن و دانیان به تاوانهکهیاندا ناوه. ئهم تیرۆریستانه سهر به دهوڵهتی ئیسلامیی عێراق و شامن و لێکۆلینهوهکان بهردهوامن و له ماوهیهکی نزیکدا هاووڵاتیانی خۆشهویستمان له وردهکاریی زیاتر و ئهنجامی کۆتایی ئاگادار دهکهینهوه. ههر لێرهدا هاووڵاتیانی ئازیزمان دڵنیا دهکهینهوه که به ههموو توانایهک بهرپهرچی ناحهزان و تیرۆریستان دهدهینهوه و پشت به خوا و به هاوکاری و پاڵپشتیی ئێوهی خۆشهویست، ههرێمی کوردستان به دوورگهی ههمیشه ئارامی پێشکهوتن و سهقامگیری دهمێنێتهوه.
ئهنجوومهنی ئاسایشی ههرێمی کوردستان
8/10/2013
