Lawani Xabat

Lawani Xabat لاپەڕەی فه‌رمى ڕێکخراوی لاوانى خه‌باتى كوردستانى ئێران

رێكخراوی لاوانی خه‌باتی كوردستانی ئێران قه‌واره‌یه‌كی سنفی و سیاسییه‌ كه‌ له‌سه‌ر باوه‌ر به‌ ئازادی كار ده‌كات بۆ ده‌سته‌به‌ركرانی مافه‌بنچینه‌ییه‌كانی لاوان ،هه‌روه‌ها دابین كردنی مافه‌ نه‌ته‌وه‌ییه‌كانی گه‌لی كورد و دامه‌زراندنی كۆمه‌ڵگایه‌كی ئازاد و دیموكراتیك له‌ كوردستاندا

پەیامی ڕێکخراوی لاوانی خەبات، بەبۆنەی یادی ۴۶ ساڵەی سازمانی خەباتهاونیشتمانانی ئازادیخواز!لاوانی تێکۆشەر و پێشەنگ لە کور...
26/08/2026

پەیامی ڕێکخراوی لاوانی خەبات، بەبۆنەی یادی ۴۶ ساڵەی سازمانی خەبات

هاونیشتمانانی ئازادیخواز!
لاوانی تێکۆشەر و پێشەنگ لە کوردستان!
کادر و پێشمەرگە و تێکۆشەرانی سازمانی خەبات!

٤٦ ساڵ بەسەر دامەزرانی سازمانی خەبات ی کوردستانی ئێراندا تێدەپەڕێت؛ ٤٦ ساڵ لە خەبات و خۆڕاگری و خزمەتکردن بە ئامانجە نەتەوەیی و نیشتیمانییەکانی گەلی کوردە.
ئەم ساڵیادە تەنیا یادکردنەوەی ڕابردوو نییە؛ بەڵکوو دەرفەتێکە بۆ بەردەوام بوون لە سەر ئەم ڕێگەو رێبازە کە نزیک بە پێنج دیەیە، تێکۆشەرانی ئازادیخواز بە بەردەوامی پەرەیان پێداوە،بە تایبەت لاوانی خوێن گەرم بە بیرکردنەوە،بەردەوام بوون لەو دەورەی چارەنووس سازەی هەیانە.
لە مێژووی ٤٦ ساڵەی سازمانی خەباتدا، لاوان هەمیشە بەشێکی گرنگ لە تێکۆشەرانی ڕیزەکانی سازمانی خەبات بوون.
لە رۆژانی سەرەتاوە ژمارەیەکی زۆر لە لاوان بە هەستێکی نیشتیمانی و ئازادیخوازانە هاتنە ناو ڕیزەکانی سازمانی خەبات و لە بوارە جۆراوجۆرەکاندا بەرپرسیاریەتیان وەرگرت و بە تواناکانی خۆیان بەشدارییان لە بەهێزکردنی ڕێکخستن و بەردەوامبوونی ڕێگەی خەبات کرد.
ئەم متمانە بە لاوان، تەنیا بەشدارییەکی مێژوویی نەبووە؛ بەڵکوو بووەتە بەشێک لە ڕوانگەی سازمان بۆ دروستکردنی داهاتوو. یەکێک لە نموونە بەرچاوەکانی ئەم ڕوانگەیە، کەسایەتیی مامۆستا شێخ جەلال حوسەینییە؛ کە خۆی لە تەمەنی لاویدا هەنگاوی خستە ناو ڕێگەی خەبات و لە تەمەنی ١٦ ساڵیدا بڕیاری بەشداری لە خەباتی نیشتیمانی دا. رێنوێنیەکانی بەڕێزیان زیاتر بوو بە هۆی ئەوە کە لاوان لە ریزەكانی سازمان هەست بە دڵنیایی بکەن و بتوانن هەم وەک خوێندکار، بیرمەند، خەباتکار و داهێنەری داهاتوو لە سازماندا دەوربگێڕن.
مامۆستا شێخ جەلال گرنگییەکی تایبەتی بە لاوان و خوێندکاران و کۆمەڵگەی مەدەنی دەدا و خەباتی مەدەنی بە یەکێک لە پشتوانە گرنگەکانی خەباتی سیاسی دەزانی. جەنابیان باوەڕی بە هێزی بیر و هزری نوێ هەبوو و پێداگری لەسەر ئەوە دەکردەوە کە ڕێگەی خەبات دەبێت هەمیشە توانای وەرگرتنی بیر و هزری سەردەمی هەبێت؛ چونکە گەشەکردنی هەر ڕێکخراوێک بە نوێبوونەوەی بیر و تواناکانی نەوە نوێکان پەیوەستە.
لە هەمان ڕوانگەوە، دامەزرانی ڕێکخراوی لاوانی خەبات خاڵێکی گرنگی مێژووییە. ئەم ڕێکخراوە بە هەوڵ و پشتگیری و باوەڕ بە توانای لاوان دامەزرا و بووە بە دەرفەتێک بۆ ئەوەی لاوان بتوانن تواناکانی خۆیان لە بوارە سیاسی، ڕێکخراوەیی، کۆمەڵایەتی و فەرهەنگییەکاندا پەرەپێبدەن.
ئەمڕۆش، ڕۆڵی لاوان لە ناو سازمانی خەباتدا بەرچاوە، بەشێک لە نەوەی نوێ لە بوارە جۆراوجۆرەکانی کاری ڕێکخراوەیی و سیاسی و لە حاستی بەرپرسیاریەتی و سەرکردایەتیدا بەشداری دەکەن. ئەمە بەڵگەی ئەوەیە کە متمانە بە نەوەی نوێ دەتوانێت ببێتە هێزێکی بەهێز بۆ بەردەوامبوونی ڕێکخراو و گەشەکردنی بیر و تواناکانی.
ئەم ڕۆڵەی لاوان تەنها بە ناو ڕیزەکانی حیزب و ڕێکخراوە سیاسییەکان سنووردار نییە. لە ئێرانی ئەمڕۆدا، لاوان، کچان و کوڕان، لە پێشەنگی زۆرێک لە جموجۆڵ و خەباتە مافخوازانەکاندا بوون. ئەوان بە هۆشیاری و بوێریی خۆیان نیشانیان داوە کە نەوەی نوێ دەتوانێت دەنگی ئازادی، یەکسانی، کرامت و داهاتوویەکی جیاواز بێت.
بەتایبەتی بەشداریی کچانی لاو لە چالاکیە مافخوازانەکاندا پەیامێکی ڕوونی هەیە: کۆمەڵگەیەک کە ئامانجیەتی داهاتووی خۆی باشتر بکات، دەبێت بە هێزی کچان و کوڕانی لاوی خۆی پشت ببەستێت. ئەوان نە تەنیا بەشێکن لە داهاتوو؛ بەڵکوو بەشێکی زیندووی ئێستای گۆڕانکاریەکانن.
ڕێکخراوی لاوانی خەبات خۆی بە بەشێک لە پرۆسەی پەروەردەکردنی نەوەیەکی هۆشیار و خاوەن بەرپرسیاریەتی دەزانێت؛ نەوەیەک کە بتوانێت مێژووی ڕابردوو بخوێنێتەوە، لە ئەزموونەکانی پێشینیان فێربێت و بە بیر و توانای خۆی داهاتووی شیاو دروست بکات.
ئێمە لە ڕێکخراوی لاوانی خەبات باوەڕمان وایە کە مێژووی ٤٦ ساڵەی سازمان، مێراتێکی گرانبەها و قوتابخانەیەکی پڕ لە ئەزموونە بۆ نەوەی نوێ. ئەرکی ئێمە ئەوەیە ئەم مێراتە بناسین، لێی فێربین و لە هەمان کات بیر و توانای سەردەمی خۆمان بۆ دروستکردنی داهاتوویەکی باشتر بخەینە کار.
لە ٤٦ـەمین ساڵیادی دامەزرانی سازمانی خەباتدا، سەری ڕێز دادەنێین بۆ یاد و بیرەوەریی هەموو شەهیدان و تێکۆشەرانی ئەم ڕێگەیە، و پیرۆزبایی دووبارەی خۆمان پێشکەش بە هەموو ئەندامان، کادر و پێشمەرگە و دۆستان و هاوسەنگەرانی سازمانی خەبات دەکەین.
بە هیوای ئەوەی نەوەی نوێ، بە تایبەتی کچان و کوڕانی لاو، بە هەمان وزە و هومێدی نەوەکانی پێشوو، بە زانست و هۆشیاری و توانای سەردەمی خۆیان، بەردەوامی بە ڕێگەی خەبات بدەن و بەشێکی نوێ لە مێژووی گەلی خۆیان بنووسن.
٤٦ ساڵ خەباتی بێ وچان لە ڕیزەکانی سازمانی خەباتدا پیرۆز بێت و بە هیوای ڕزگاری یەکجاری نەتەوەی کورد و ئازادی و دیمۆکراسی لە ئێرانێکی ئازادداین.

ڕێکخراوی لاوانی خەبات ی کوردستانی ئێران
دەستەی بەڕێوەبەری
۳ی خەرمانان ۱۴۰۵

https://lawan.info/articles.php?id=1099

https://sazmanikhabat.com/index.php/ku-sazman/ku-youth-organization/p-yamy-kkhrawy-lawany-kh-bat-b-b-n-y-yady-46-sa-y-sazmany-kh-bat

پەیامی ڕێکخراوی لاوانی خەباتی کوردستانی ئێرانبۆ یادی ١٦ ساڵەی کۆچی دوایی مامۆستا شێخ جەلال حوسەینیهاونیشتمانیانی خۆڕاگر!...
20/07/2026

پەیامی ڕێکخراوی لاوانی خەباتی کوردستانی ئێران
بۆ یادی ١٦ ساڵەی کۆچی دوایی مامۆستا شێخ جەلال حوسەینی

هاونیشتمانیانی خۆڕاگر!
لاوانی ئازادیخواز و تێکۆشەر!
خانەوادە سەربەرزەکانی شەهیدان!

سی پووشپەڕی ئەمساڵ، شانزە ساڵ بەسەر کۆچی دوایی مامۆستا شێخ جەلال حوسەینی، ڕێبەر و دامەزرێنەری سازمانی خەبات ی کوردستانی ئێران تێدەپەڕێت؛ کەسایەتییەکی نەتەوەیی، بیرمەندێکی ڕووناکبیر، زانایەکی ئایینی، شاعیر و نووسەرێکی بەتوانا کە زۆربەی تەمەنی خۆی لە پێناو ئازادی، دادپەروەری و ڕزگاری گەلی کورد تەرخان کرد و بە ژیان و خەباتی خۆی وێنەیەکی جوانی لە فیداکاری و نیشتمانپەروەری بەجێهێشت.
مامۆستا شێخ جەلال هەر لە سەرەتای لاویەتیەوە هەستی بە بەرپرسیاری لە بەرانبەر نەتەوە و نیشتمان کرد. لە تەمەنی ١٦ ساڵیدا بە ئەندامەتی کۆمەڵەی ژێکاف چووە ناو ڕیزی خەبات و تا دوا ساتەکانی ژیانی، چرکەیەک لە ئامانجی ئازادی و سەربەستی گەلی کورد دوور نەکەوتەوە. جەنابیان ژیانی ئارام و ئاسودەی کەسی لە پێناو خزمەت بە نەتەوەکەی بەجێهێشت و بە هەموو توانایەکەی لە ڕێگەی خەبات و تێکۆشاندا بەردەوام بوو.
مامۆستا شێخ جەلال تەنها سەرکردەیەکی سیاسی نەبوو؛ بەڵکوو مامۆستایەکی گەورەی پەروەردە و هۆشیاری بوو. بەرهەمە ئەدەبی، مێژوویی و زمانەوانییەکانی هێشتا سەرچاوەیەکی بەنرخن بۆ خوێنەران و توێژەرانی کورد. جەنابیان باوەڕی وابوو کە پاراستنی زمان و ناسنامەی نەتەوەیی یەکێکە لە گرنگترین ئەرکەکانی نەوەکان.
یەکێک لە دیارترین تایبەتمەندییەکانی مامۆستا شێخ جەلال، گرنگیدان بە لاوان و نەوەی نوێ بوو. جەنابیان لاوانی بە هێزی سەرەکی گۆڕان و بەردەوامی خەبات دەزانی و هەمیشە هانیان دەدان بۆ زانست، هۆشیاری و بەشداری لە بزووتنەوەی نەتەوەیی. هەر بۆیە لە یەکێک لە وتەکانی خۆیدا دەفەرموو:
"خەباتی گەلی کوردستان سەنگەری زۆرن. پێشمەرگە، کە لە سەنگەری شەرەف و پارێزەری کوردستاندایە، پێویستی بە پشتیوانی گەل هەیە، بەتایبەت لاوە خوێندکارەکان. هەموو دەمێک مەدرەسە سەنگەری موبارزە بووە و شان بە شانی سەنگەری چەکداری، زەربەتی مەعنەوی و ڕۆحیان لە دژمن داوە."
ئەم تێڕوانینەی مامۆستا هێشتا ڕێنمایەکی گرنگە بۆ نەوەی لاوانی کوردستان؛ ئەو نەوەیەی کە لە سەنگەری زانست، ڕاگەیاندن، ڕێکخستن، خەباتی مەدەنی و پێشمەرگایەتیدا درێژەپێدەری ڕێگەی ئازادییە.
هەروەها مامۆستا شێخ جەلال هەمیشە بانگەشەی بۆ تەبایی و یەکڕیزی هێزە سیاسییەکان دەکرد و بە دژی هەر چەشنە براکوژی و دابەشبوونێک وەستایەوە. جەنابیان باوەڕی وابوو کە سەرکەوتنی خەباتی نەتەوەیی بەبێ یەکگرتوویی و هاوهەوڵی هێزەکانی کوردستان دژوار دەبێت.
مامۆستا شێخ جەلال لە یەکێک لە وتەکانی دیکەیدا دەفەرموو:
"نابێت بە ساڵێک و دوو ساڵ و دە ساڵ و پەنجا ساڵ، دەبێت نەسلەها و نەسلەها بەدوای یەکدا هەتا گەیشتن بە ئاوات موبارزە بکەن."
ئەم پەیامە هێشتا وەک ئامانەتێکی فکری لە ئەستۆی نەوەی ئێمەدایە. ئێمەی لاوانی خەبات لە یادی شانزە ساڵەی کۆچی دوایی ئەو ڕێبەرە مەزنەدا، پەیمان نوێ دەکەینەوە کە بەردەوام بین لەسەر ڕێبازی نەتەوەیی، نیشتمانی، دیموکراتی و مرۆڤدۆستانەی جەنابیان و هەموو هەوڵ و توانامان بخەینە خزمەت ئازادی، دادپەروەری و دەستەبەرکردنی مافە ڕەواکانی نەتەوەی کورد. بەتایبەت لە هەلوومەرجی هەنووکەدا کە یەکێک لە ئاواتە گەورەکانی جەنابیان کە هاوپەیمانی هێز و لایەنە سیاسیەکانی کوردستانی ئێران بوو هاتۆتە دی. هاوپەیمانیەک کە دڵخۆشکەرە بۆ خەڵکی ئازادیخواز و تەنیا ڕێگەیە بۆ گەیشتنی نەتەوەی کورد بە ئازادی و سەقامگیری لە وڵات و نیشتماندا. هاوپەیمانیەک کە لەم دۆخەی ڕژیمداو لەم هەلوومەرجەی کۆتایی هاتنیدا، زۆرتر لە هەرکاتێک زەروورە کە هاوکاری و تەباییەکانی پتەوتر بکات و ڕێگە نەدات هیچ چتێک درز و کەلێن بخاتە نێوانیان. نەتەوەی کورد پاش سەدان ساڵ خەبات و بەرخۆدان، شیاوی ئەوەیە کە لە خاکی خۆیدا بە ئازادی ژیان بکات و لەدەستی داگیرکەر ڕزگار بێت.
بەرز و بەڕێز بێت یادی مامۆستا شێخ جەلال حوسەینی، ڕێبەر و دامەزرێنەری سازمانی خەبات ی کوردستانی ئێران

ڕێکخراوی لاوانی خەباتی کوردستانی ئێران
دەستەی بەڕێوەبەری
۲۹ی پووشپەڕ ۱۴۰۵

https://lawan.info/articles.php?id=1098

بیانیه سازمان جوانان خەبات کوردستان ایران در حمایت از اعتراضات دانشجویان و بازاریاندر روزهای اخیر، موج تازه‌ای از اعتراض...
15/07/2026

بیانیه سازمان جوانان خەبات کوردستان ایران در حمایت از اعتراضات دانشجویان و بازاریان

در روزهای اخیر، موج تازه‌ای از اعتراضات در دانشگاه‌ها و مراکز آموزشی ایران شکل گرفته و اکنون گزارش‌های منتشر شده از بازار تهران و برخی مراکز تجاری دیگر، از گسترش دامنه نارضایتی به میان بازاریان و اصناف حکایت دارد. این روند بار دیگر نشان می‌دهد که بحران حاکم بر ایران نه یک مشکل مقطعی، بلکه نتیجه دهه‌ها سیاست‌های ضد مردمی، سرکوبگرانه و ویرانگر رژیم ایران است.
دانشجویان، به‌عنوان پیشگامان اعتراضات اجتماعی، در روزهای گذشته صدای اعتراض خود را علیه شرایط فاجعه‌بار اقتصادی، محدودیت‌های سیاسی و نابودی چشم‌انداز آینده بلند کردند. امروز نیز بازاریان که خود از نخستین قربانیان فروپاشی اقتصادی، تورم افسارگسیخته و بی‌ثباتی بازار هستند، به این موج اعتراضی پیوسته‌اند. این پیوند میان دانشگاه و بازار، یادآور مقاطع مهمی از تاریخ مبارزات مردم ایران و از جمله اعتراضات گسترده دی‌ماه ۱۳۹۶ است که از مطالبات اقتصادی آغاز شد و به اعتراضی فراگیر علیه کلیت نظام حاکم تبدیل گردید.
در حالی که مردم ایران و بە ویژە جوانان که در این وضعیت با فقر، بیکاری، گرانی، فساد و ناامنی اقتصادی دست‌وپنجه نرم می‌کنند، حاکمیت همچنان بر سیاست‌های جنگ‌طلبانه، تنش‌آفرین و ماجراجویانه خود اصرار می‌ورزد. جنگ‌ها و بحران‌هایی که حکومت در آن‌ها نقش‌آفرینی می‌کند، نه برای تأمین منافع مردم، بلکه برای حفظ بقای خود است. هزینه این سیاست‌ها را نیز مردم و به‌ویژه نسل جوان می‌پردازند؛ جوانانی که به جای برخورداری از فرصت‌های زندگی، کار و پیشرفت، با بیکاری، مهاجرت اجباری، سرکوب، زندان و چشم‌ اندازی تاریک روبه‌رو شده‌اند.
تجربه سال‌های گذشته به روشنی نشان داده است که حاکمیت ایران نه اراده‌ای برای اصلاح دارد و نه حاضر است از سیاست‌ های ضد مردمی خود دست بردارد. از دی‌ماه ۱۳۹۶ تا آبان ۱۳۹۸، از خیزش «ژن، ژیان، ئازادی» تا اعتراضات و اعتصابات کارگری، صنفی و دانشجویی، پاسخ حکومت به مطالبات مردم چیزی جز سرکوب، زندان، گلوله و اعدام نبوده است.
سازمان جوانان خەبات کوردستان ایران ضمن حمایت کامل از اعتراضات دانشجویان، بازاریان و تمامی اقشار معترض جامعه، بر این باور است که ریشه بحران‌های کنونی در ماهیت استبدادی و ضد مردمی رژیم ایران نهفته است. از این رو، راه برون‌ رفت از وضعیت فاجعه‌بار کنونی صرفاً در تغییر چند سیاست یا جابه‌جایی چند مقام حکومتی خلاصه نمی‌شود، بلکه در پایان دادن به حاکمیتی است که دهه‌ها آزادی، عدالت، رفاه و کرامت انسانی را از مردم ایران سلب کرده است.
امروز بیش از هر زمان دیگری ضرورت همبستگی دانشجویان، جوانان، کارگران، بازاریان، زنان و تمامی نیروهای آزادی‌خواه احساس می‌شود. اتحاد این نیروها می‌تواند زمینه‌ساز شکل گیری جنبشی فراگیر برای دستیابی به آزادی، عدالت، برابری و حق تعیین سرنوشت مردم باشد.

سازمان جوانان خەبات کوردستان ایران
هیئت اجرایی
٢٤ تیر ١٤٠٥

https://lawan.info/articles.php?id=1097

لاوان، بەرەی سەرەکی بەرخۆدان لە قۆناغی شەڕ و ئاڵۆزیدا✍ماردین زاهدیلە هەلومەرجی شەڕی ڕاستەوخۆی ڕژیمی ئێران و ئەمریکا، کور...
24/05/2026

لاوان، بەرەی سەرەکی بەرخۆدان لە قۆناغی شەڕ و ئاڵۆزیدا

✍ماردین زاهدی
لە هەلومەرجی شەڕی ڕاستەوخۆی ڕژیمی ئێران و ئەمریکا، کوردستان جارێکی دیکە دەبێتە یەکێک لە گرنگترین بەرەکانی ملمالنێی ناوچەیی. لەو دۆخەدا، حیزبە کوردستانییەکان نەک تەنها لەبەردەم دەرفەتێکی سیاسیی مێژوویی دەبن، بەڵکو هاوکات لە بەرانبەر مەترسی گەورەی ئەمنی، سەربازی و سیاسییشدان. ئەزموونی مێژوویی گەلی کورد نیشانی داوە کە هەر گۆڕانکارییەکی گەورەی ناوچەیی دەتوانێت ڕەوتی خەبات بگۆڕێت، بەڵام تەنیا ئەو هێزانە دەمێننەوە و کاریگەرییان دەبێت کە ستراتیژییەکی ڕوون، یەکڕیزیی ناوخۆیی و پشتگیریی جەماوەریان هەبێت.
لەم دۆخەدا، ڕژیمی ئێران، کوردستان تەنیا وەک ناوچەیەکی جوغرافی نابینێت، بەڵکو وەک بەرەیەکی ناوخۆیی بۆ هەڕەشە لەسەر ئاسایشی خۆی سەیری دەکات، بۆیە ئاساییە کە لەگەڵ زیادبوونی ئاڵۆزییەکان، فشار لەسەر حیزبەکانی کوردستانی ئێران توندتر بێت. لە هێرشی مووشەکی و درۆنی بگرە تا ترۆر، شەڕی دەروونی و فشار لەسەر هەرێمی کوردستان. ئامانجی ڕژیم لەم قۆناغەدا ئەوەیە حیزبەکان لە خەڵک دووربخاتەوەو خەباتی کوردستان وەک بابەتێکی ئەمنی دژ بە وڵات لەقاو بدات نەک مەترسیەک بۆ سەر دەسەڵاتەکەی.
بەڵام لە ڕاستیدا هەر لاوازبوونێکی دەسەڵاتی حاکم دەتوانێت بوارێکی نوێ بۆ گەشەکردنی خەباتی ئازادیخوازانە لە ئێران و کوردستاندا دروست بکات، بەڵام ئەو دەرفەتە تەنها ئەوکاتە بە قازانجی حیزبە کوردستانییەکان دەبێت کە خەبات لە چوارچێوەی سەربازییدا نەبێت و ببێتە پڕۆژەیەکی سیاسی، کۆمەڵایەتی و نیشتمانی. ئەمڕۆ مانەوەی حیزبەکان تەنها بە هێزی پێشمەرگە پارێزراو نابێت، بەڵکو پشتگیری جەماوەری، چالاکی میدیایی، ڕێکخستن و توانایی بوون بە ئاڵتێرناتیوێکی سیاسی پلان بۆ داڕێژراو، گرنگترە لە هەر کاتێکی تر.
لەم نێواندا، ڕۆڵی لاوانیش گرنگترە لە هەر کاتێکی دیکە. ڕژیمی ئێران لە ساڵانی ڕابردوودا هەوڵی داوە بە سەرکوت، بێکاری، هەژاری، ماددەهۆشبەر، کۆچ و ناهومێدی کۆمەڵایەتی، توێژی لاوان لە سیاست و خەبات دوور بخاتەوە. بەڵام هەر ئەو نەوەیە ئەمڕۆ گەورەترین هێزی گۆڕانکارییەو ئەگەر ئۆپۆزسیۆنی کوردستانی نەیتوانێت پەیوەندییەکی ڕاستەقینە، نوێ و بەردەوام لەگەڵ لاوان دروست بکات، لە داهاتوودا بە قەیرانی ڕەوایی و لاوازیی ڕێکخراوەیی توش دەبێ.
لێرەدا ڕۆڵی ڕێکخراوەیی لاوانی حیزبەکان دەبێتە بابەتێکی ستراتیژی. ڕێکخراوەکانی لاوان نابێت تەنیا بەشی بانگەشەیی یان تشریفاتیی حیزبەکان بن، بەڵکو دەبێ ببنە پردی ڕاستەقینەی نێوان ئۆپۆزسیون و نەوەی نوێ. لاوانی ئەمڕۆ تەنیا گوێگرى دروشمە کۆنەکان نین، ئەوان بەدوای بەشداریکردن، گوێلێگرتن، ڕۆڵگێڕان بۆ هیوای داهاتوون. لێرەدا ڕێکخراوەکانی لاوان دەبێ زمانی نەوەی نوێ تێبگەن و ببن بە زمانحاڵیان، لە میدیا و تۆڕە کۆمەڵایەتییەکاندا چالاک و داهێنەر بن؛ لە زانکۆ، ناوەندە ڕۆشنبیرییەکان و کۆمەڵگەدا ڕۆڵی کاریگەر هەبێت و خەبات بە بابەتە ڕاستەقینەکانی ژیانی خەڵک وەک ئازادی، مافەکانی ژنان، دۆخی ئابووری، ژینگە و کرامەتی مرۆڤەوە گرێ بدەن.
هەرچەندە پەیوەندیی حیزبەکان لەگەڵ لاوان قووڵتر و زیندووتر بێت، هێندەش توانای ڕژیم بۆ دوورخستنەوەی ئۆپۆزسیون کەمتر دەبێت. داهاتووی خەباتی کوردستان زیاتر لە هەر کاتێک پەیوەستە بە توانای حیزبەکان لە ڕاکێشان، ڕێکخستن و پەروەردەکردنی توێژی لاو.
یەکێکی دیکە لە مەترسیدارترین سناریۆکان بۆ کوردستان، چوونە ناو شەڕێکی درێژخایەن و فرسایشییە. شەڕی فرسایشی، جگە لە لاوازکردنی دەوڵەت، دەتوانێت خۆی کۆمەڵگەش بەرەو داڕمان ببات و لەو دۆخەدا، هەژاری و بێکاری زۆرتر دەبێت، کۆچ و دەرچوونی لاوان خێراتر دەبێت، ئەمنی کردنی کۆمەڵگە و دەسەڵاتی سەربازی زۆرتر دەبێت, و مەترسیی جاسووسی، ناکۆکیی ناوخۆیی و ماندووبوونی ڕۆحی خەبات زۆرتر دەبێت.
ڕژیمی ئێران لە شەڕی فرسایشیدا هەوڵ دەدات لەژێڕ ناوی بەرگریی نیشتمانی، هەر دەنگێکی دژبەر سەرکوت بکات و ئۆپۆزسیون بە پاشکۆی دەرەکی بناسێنێت. هەمانکات، هێزە دەرەکییەکانیش ڕەنگە تەنیا لە چوارچێوەی قازانجەکانی خۆیاندا سەیری حیزبە کوردیەکان بکەن، نەک وەک هاوپەیمانییەکی ڕاستەقینەی پڕۆژەی ئازادی. بۆیە گەورەترین هەڵە بۆ حیزبە کوردیەکان ئەوەیە کە هەموو ستراتیژییەکانیان لەسەر شەڕ و گۆڕانکارییە سەربازییەکان دابنێن. لە شەڕی فرسایشیدا، ئەو هێزە دەمێنێتەوە کە جگە لە توانای دیفاع، پشتگیریی جەماوەری، ڕەوایی سیاسی، تۆڕی میدیایی و توانای ڕێکخستنی ناوخۆیی هەبێت.
لەو قۆناغە هەستیارەدا، ئەوەی دەتوانێت داهاتووی حیزبە کوردستانییەکان بپارێزێت بریتییە لە:
پاراستنی یەکڕیزی و ڕێگرتن لە بێ هیوایی و ناهومێدی ناوخۆیی، بەهێزکردنی ئامادەبوونی ڕێکخراوەیی لە ناوخۆی کوردستان، گەشەپێدانی ڕۆڵی ڕێکخراوەکان و لاوان و پەیوەندیی ڕاستەوخۆ لەگەڵ نەوەی نوێ، سەرمایەگوزاری لەسەر میدیا، دیپلۆماسی و ڕای گشتی، پاراستنی ئارامیی هەریمی کوردستان وەک قووڵایی ستراتیژیی خەبات و ئامادەکاری و خۆ ڕێکخستن بۆ ئاڵتێرناتیوێکی سیاسی باوەپێکراو لە کوردستان و ئێران.
ئەمڕۆ خەباتی کوردستان لە یەکێک لە ئاڵۆزترین قۆناغەکانی مێژووی خۆیدایە. ئەگەر حیزبە کوردیەکان بتوانن هاوسەنگی لەنێوان بەرخودان، عەقڵانییەتی سیاسی، سەربەخۆیی بڕیار و پشتگیریی جەماوەریدا بپارێزن، ئەو قەیرانە دەتوانێت ببێتە دەرفەتێک بۆ بەهێزکردنی شوێنی نەتەوەیی و سیاسیی گەلی کورد، بەڵام ئەگەر بەرەو شەڕی فرسایشی، دووبەرەکی و پاشکۆیی بچن، مەترسیی لاوازبوون و لەدەستدانی بەشێکی گەورەی سەرمایەی جەماوەریش زۆر جددی دەبێت.

30/04/2026

پەیامی بەڕێز سکرتێری گشتی، کاک بابەشێخ حوسەینی، بەبۆنەی ۱۱ ی بانەمەڕ ۱۵هەمین ساڵیادی دامەزرانی ڕێکخراوی لاوانی خەباتی کوردستانی ئێران

ڕاگەیەندراوی ڕێکخراوی لاوانی خەبات، بەبۆنەی ۱۵هەمین ساڵەی دامەزرانی لاوانی خەباتهاونیشتمانیانی ئازادیخواز!لاوانی پێشەنگ ...
30/04/2026

ڕاگەیەندراوی ڕێکخراوی لاوانی خەبات، بەبۆنەی ۱۵هەمین ساڵەی دامەزرانی لاوانی خەبات

هاونیشتمانیانی ئازادیخواز!
لاوانی پێشەنگ و کۆڵنەدەر!

بەبۆنەی ۱۱ی بانەمەڕ، یادی ۱۵ ساڵەی ڕێکخراوی لاوانی خەباتی کوردستانی ئێران، گەرمترین پیرۆزبایی پێشکەش بە خانەوادەی سەربەرزی شەهیدان، بەتایبەت شەهیدانی ئەو دواییەی شۆڕشی ئازادیخوازی لە کەمپەکانی سازمانی خەبات و هێزو لایەنە سیاسیەکانی کوردستانی رۆژهەڵات لە هەرێمی کوردستان کە بە هۆی هێرشی مووشەکی و درۆنی شەهید کران و هەروەها شەهیدانی ئیعدام کراو لە چەند مانگی رابردوودا، زیندانیانی سیاسیی خۆڕاگر، لاوانی تێکۆشەری ڕیزەکانی سازمانی خەبات و لاوانی ئازادیخواز لە سەرانسەری جیهان دەکەین.
۱۵ ساڵ پێش ئێستاو لە ساڵی ۱۳۹۰ی کۆچی خۆری، پاش چەندین ساڵ چالاکی لاوانی خەباتکار لە ڕیزەکانی سازمانی خەبات کە ڕۆڵی گرنگیان لە بەڕێوەبەری سازمانی خەبات بە گشتی ڕێکخراوی لاوانی خەبات هەبووە کە لە ئاکامی ئەو تێکۆشانەی لاواندا بووە هۆی ئەوەی یەکەم کۆنگرەی خۆی ببەستێ و چالاکیەکانی زۆرتر پەرە پێی دا. هەر وەک ئاماژە کرا، لاوان هەر لە سەرەتای دامەزرانی سازمانی خەباتەوە ڕۆڵێکی کاریگەر و بەرچاویان هەبوە لە بەڕێوەبەری سیاسیی و نیزامی سازمان و ئەو ڕێگەیە بۆ خزمەتی زۆرتر و پەروەردەیان بۆ هەموار کراوەو بیری سەردەمیانەو پێشکەوتووخوازانە بەو جۆرە ڕیزەکانی سازمانی تەنیوە.
ڕێکخراوی لاوانی خەبات، لەماوەی بەفەرمی بونیەوە هەموو هەوڵ و توانای خۆی لە پێناو پەرەپێدانی پەیوەندی نێوان ڕیزەکانی سازمان و ناوخۆی وڵات پتەوتر بکاتەوەو بە وریاتر کردنەوەی بیر و ڕایان و کاریگەری ڕۆڵیان لە وڵات و نیشتمان، هەروەها گەیاندنی دەنگیان کە ڕژیمی ئێران هەوڵی کپ کردنی ئەدات، بە گوێی جیهان و کۆمەڵگەی جیهانی بگەینێت. لەو بوارەشدا هەتا پێی کراوە، لە کۆڕ و کونفرانس، چالاکی ناوخۆیی، چالاکی رێکخراوە مەدەنیەکان، چالاکی سیاسیی نیزامی لە خزمەت بە توێژی لاو، بەشداری دڵسۆزانەو بە پەرۆشی کردوە.
ڕێکخراوی لاوانی خەبات، بەهەست کردن بە دۆخی لاوان لە ناوخۆی کوردستان و ئێران و فشارەکانی دەسەڵات بۆ ڕاکێشانی ئەو توێژە بۆ لایەنگری بیڕۆکە دواکەوتووەکانی و هەروەها سەرکوتی جیابیران و ناڕازیانی دەسەڵاتەکەی، چەندین ساڵە تێدەکۆشێت کە بە هەوڵ بۆ یەکیەتی و تەبایی زۆرتر لە نێوان لایەنە سیاسیی و ڕێکخراوەکان، هەستی نیشتمانی بۆ گەیشتن بە ئازادی یەکجاری بەرز ڕابگرین.

لاوانی ئازا و بوێر!
ئەمڕۆ نەوەی لاوان لە ئێران و کوردستان، نەک تەنیا بە یەک قەیران، بەڵکوو بە کۆمەڵێک قەیرانی بنەڕەتی و سەپێندراو ڕووبەڕووە؛ قەیرانەکان لە ئەنجامی دەیان ساڵ سیاسەتی هەڵە، سەرکوت و کردەوەی دژەمرۆڤایەتی ئەو دەسەڵاتەیە.
وڵاتی ئێران بە نزیکەی ٢٤ ملیۆن لاو لە نێوان تەمەنی ١٥ تا ٣٤ ساڵ، یەکێکە لە کۆمەڵگە گەنجەکانی ناوچەکە؛ بەڵام ئەو هێزە مرۆییە گەورەیە، لەبری ئەوەی ببێتە بزوێنەرێک بۆ پێشکەوتن، بەهۆی سیاسەتە هەڵەکانی ڕژیمی ئێران، گۆڕاوە بۆ قەیرانێکی کۆمەڵایەتی.
دەسەڵاتداران بۆ شاردنەوەی لاوازی و نەزانکاریەکانیان ڕێژەی بێکاری لە نێو لاوانی وڵاتدا نزیکەی ٧٪ ڕادەگەێنن، بەڵام ڕێژەی بێکاری لە نێو لاواندا نزیکەی ٢٠٪ و لە هەندێک ناوچەی دیکەی ئێران وەک کوردستان و بلوچوستان زیاترە. بەشێکی زۆر لە بێکاران لاوان، خوێندکار و دەرچووانی دانشگاكانن و ناچارن کاری کاتی، کەم‌مووچەو ناپەیوەندیدار بە پسپۆڕیان بکەن، هەروەها نزیکەی ٣ ملیۆن لاو نە کاریان هەیەو، نە دەخوێنن و بەشێوەیەکی ڕاستەوخۆ لە چەرخی ئابووری و خوێندن، وەدەرخراون.
زۆربوونی هەژاری، هەڵاوسان و نەبوونی ئاسایشی ژیانی ڕۆژانە، ژیانی ملیۆنان لاوی گەیاندۆتە سنووری مانەوەو شەڕ بۆ زیندوو بوون. مەودای قووڵی نێوان سیستەمی پەروەردەو بازاڕی کار، نەک تەنها هیوای پێشکەوتنی لاواز کردووە، بەڵکوو بۆتە هۆی بڵاوبوونەوەی ناهۆمێدی و نەبوونی هومێد بە داهاتوو و ژیان. لەو دۆخەدا، کۆچ کردن و پەنا بردن بۆ وڵاتانی دیکە، چ یاسایی و چ قاچاغی، بۆتە یەکێک لە بژاردە سەرەکییەکان بۆ زۆربەی لاوان و بەردەوامی دەرچوونی هێزی مرۆیی لێکەوتۆتەوە.
بەڵام ئەوەی دۆخەکەی گەیاندۆتە قۆناغێکی مەترسیدارتر، تەنها قەیرانی ئابووری نییە؛ بەڵکوو سەرکوتی سیستەماتیکی سیاسی و کۆمەڵایەتییە کە دەیان ساڵە ڕژیم خەریکە بەو شێوەیە هەوڵ بۆ مانەوی خۆی ئەدات. لە ماوەی ناڕەزایەتییەکانی ئەم ساڵانەی دواییدا، هەزاران کەس گیراون کە بەشێکی زۆر و گرنگیان لاوانن. ئەو گرتنانە زۆرجار بە تۆمەتی ناڕەواو لە ژێر ناوی «کردەوە دژی ئاسایشی نەتەوەیی» و «محاربه» بووە و لە زۆر حاڵەتدا بە سزادانی درێژخایەنی زیندان و ئیعدام بۆ ئامرازێک بۆ دروستکردنی ترس و کۆنترۆڵی کۆمەڵگە کەڵکی لێوەردەگرن. ڕاگەیاندن و جێبەجێکردنی ئەو سزادانانە بۆ لاوان بە تایبەت و تێکۆشەرانی خەباتکار،نیشاندەری ئەوەیە کە ڕژیمی ئێران لەبری وەڵامدانەوە بە داواکارییەکان، پشت بە سەرکوت و تەرساندن دەبەستێت، کە لە کوردستان، ئەو سەرکوتانە بە شێوەیەکی توندتر لە ئارادایە.
دەسەڵات، هەر داواکارییەکی مەدەنی دەگۆڕێت بۆ مەترسییەکی سیاسی و لاوانی کوردی خستووتە بەر توندترین شێوەکانی سەرکوت.
لە پەرەسەندنی ڕێژەی سزادانی قورس، گرتنی هەڕەمەکی و بەکۆمەڵ،
لە هەمان کاتدا، توندبوونی گرژیە ناوچەییەکان و شەڕی سەربازی لەگەڵ هێزە دەرەکییەکان، بە تایبەتی ئیسرائیل و ئەمریکا، جارێکی تر پیشاندەدات کە ئەو دەسەڵاتە بۆ مانەوەی خۆی، ئامادەیە خەرجییەکی قورس بخاتە سەر کۆمەڵگە بە تایبەتی سەر توێژی لاوان. هەر شەڕێک، ڕاستەوخۆ دەبێتە هۆی زیادبوونی قوربانی بوونی لاوان،پەرەسەندنی هەژاری، بێکاری، نەبوونی ئاسایش و توندکردن و زیاتر داخستنی بوارە کۆمەڵایەتی و سیاسییەکان و داهاتووی لاوان تووشی مەترسییەکی زیاتر دەکات.
لەم هەلومەرجە هەستیارەدا ڕۆڵی ڕێکخراوی لاوانی خەباتی کوردستانی ئێران، وەک یەکێک لە هێزە چالاک و ڕێکخراوەکان، هەوڵی داوە ئاگاداریی سیاسی بەرز بکاتەوە، ڕۆحی بەرهەڵستکاری بەهێز بکات و هێزێکی چاڵاک بێت لە ڕێگەی خەبات بۆ ئازادی و دادپەروەری.
ڕاستی ئەوەیە کە نەوەی لاوان گرنگترین قوربانی دۆخی ئێستایە.
ئێمە باوەڕمان وایە کە داهاتووی ئێران و کوردستان، نە لە بەردەوامبوونی قەیران و سەرکوت، بەڵکوو لە پشتبەستن بە ئیرادە، ئاگاداری و خەباتی لاواندا دیاری دەکرێت. پشتگوێخستنی ئەم ڕاستییە، تەنها دەبێتە هۆی قووڵتر بوونی قەیران و گەورەتر بوونی درزی نێوان کۆمەڵگەو لە ئاکامدا لە ناوبردن و روخاندنی دەسەڵاتی ملهوڕو دیکتاتۆر.
لە پێشوازی لە پانزەهەمین ساڵیادی دامەزراندنی ڕێکخراوی لاوانی خەباتی کوردستانی ئێران، ڕوانگەی ئێمە بەشێکە لەو ڕاستیانە کە ژیانی لاوانی لە ئێران و کوردستانی گرتۆتەوە، بۆیە دووبارە پێداگری دەکەین لەسەر بەرپرسیایەتی مێژوویی ئەم نەوەیە لە ڕێگەی خەبات بۆ ئازادی، دادپەروەری و ڕزگاریی. ئەم ساڵیادە، هێمای بەردەوامیی ڕێگەیەکە بۆ ئازادی، بەرهەڵستکاری و ڕێکخستنی سەردەمیانەو پێشکەوتووخوازانەو دەگاتە ئامانجە ڕەواکان و ئازادی نەتەوەو نیشتمان داگیرکراومان دابین دەکات.

جارێکی دیکە گەرمترین پیرۆزبایی پیشکەش بە لاوانی ئازادیخواز دەکەین و هیوادارین بە زووترین کات ئازادی و ڕزگاری بۆ وڵاتەکەمان بگەڕێتەوە.

ڕێکخراوی لاوانی خەباتی کوردستانی ئێران
دەستەی بەڕێوەبەری

https://lawan.info/articles.php?id=1095

Address

Erbil
Irbil
1

Telephone

+9647509601266

Website

Alerts

Be the first to know and let us send you an email when Lawani Xabat posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Lawani Xabat:

Shortcuts

Share

Category