PdK Tekosharan دڵسۆزان و تێكۆشەرانی پارتی

18/04/2023

06/04/2023

سەرۆک بارزانی رێککەوتنی هەولێر و بەغدا بۆ هەناردەکردنەوەی نەوتی هەرێمی کوردستان بە "هەنگاوێکی مێژوویی" ناودەبات

زانیاریی زیاتر:
https://www.rudaw.net/sorani/kurdistan/0404202329

06/04/2023

فرانسوا ئۆلاند، سەرۆکی پێشووی فەرەنسا بۆ رووداو: ئەگەر کورد نەبووایە، کە لە دەوری سەرۆک بارزانی بوون، دەبوو تاوەکو ئێستاش موسڵ لەژێر داگیرکاریی داعشدا بووایە

06/04/2023

ميسال ئالووسي لەبارەی سەرۆك بارزانی

28/03/2023

18/03/2023

مەسرور بارزانی، سەرۆکی حکومەتی هەرێمی کوردستان لە فەیسبووك پۆستێکی کردووە و نووسیویەتی: ئەمڕۆ لە چیای کۆڕەك، بەبۆنەی جەژنی نەورۆز، ئێوارەخوانێکمان بۆ ژمارەیەك لە باڵیۆز و کۆنسوڵ و نوێنەرانی وڵاتان لە هەرێمی کوردستان و عێراق ڕێکخست.

11/03/2023

سەرۆک بارزانی: رێککەوتننامەی 11ی ئادار پێناسە و بوونی گەلی كوردستانی بردە قۆناغێكی بەرزتر
دەقی پەیامی سەرۆك بارزانی:

بەناوی خودای بەخشندە و میهرەبان
ڕێككەوتننامەی یازدەی ئادار یەكێكە لە دەستكەوتە بەهادارەكانی بزووتنەوەی ڕزگاریخوازی گەلی كوردستان. گرنگیی ئەو ڕووداوە مێژوویە لەوەدایە كە لە ئەنجامی خەبات و شۆڕشی گەلی كوردستان و پارتی بە ڕابەرایەتیی بارزانی، ڕژێمی ئەو كاتی عێراق ناچار كرا كە لە یازدەی ئاداری 1970ـدا بۆ یەكەم جار و بە شێوەیەكی فەرمی دان بە بەشێك لە مافەكانی گەلەكەماندا بنێت. ئەو مافانەی كە هەر لە سەرەتای دروستبوونی دەوڵەتی عێراق نكۆڵی لێدەكرا و زەوتكرابوو.
ڕێككەوتننامەی یازدەی ئادار كە بەرهەمی خەبات و قوربانیدانی پێشمەرگە و جەماوەر و سەرجەم چینوتوێژ و پێكهاتە ئایینی و نەتەوەییەكانی كوردستان بوو، پێناسە و بوونی گەلی كوردستانی لەناو دەوڵەتی عێراق بردە قۆناغێكی بەرزتر و بڕوابەخۆبوونی لە ناخی تاكی كوردستانی بەهێزتر كرد. ئەگەرچی ڕژێمی عێراق پشتی كردە مافەكانی خەڵكی كوردستان و ڕێككەوتننامەی یازدەی ئاداری پێشێل كرد، بەڵام ئەو دەستكەوتە دەروازەیەك بوو بۆ قۆناغ و هەنگاوی گەورەتری خەباتی گەلەكەمان و بەدیهێنانی دەستكەوت و سەركەوتنی زیاتر.
لە پەنجا و سێیەمین ساڵیادی ڕێككەوتننامەی یازدەی ئازاردا وێڕای ئەوەی جەخت لە پەیامی ئاشتیخوازانە و پێكەوەژیانی گەلی كوردستان دەكەینەوە، ئەوەش بە بیر هەموو لایەك دەهێنینەوە كە گەلی كوردستان لەژێر هیچ بارودۆخ و گوشارێكدا پاشەكشە لە ماف و ئازادی و دەستكەوتەكانی ناكات.

مسعود بارزانی
11ی ئاداری 2023

11/03/2023

په‌يامى نێچيرڤان بارزانى له‌ يادى ڕێككه‌وتننامه‌ى 11ى ئازاردا
داوا لە لایەنەکان دەکەم پەند و وانەی لێ وەربگرن
دەقی پەیامی سەرۆکی هەرێمی کوردستان:
ئه‌مڕۆ له‌ يادى په‌نجا و سێهه‌مين ساڵه‌يدا، به‌ شكۆوه‌ ڕێككه‌وتنامه‌ى 11ى ئازارى 1970ى شۆڕشى ئه‌يلوول به‌ ڕێبه‌رايه‌تيى بارزانيى نه‌مر، له‌گه‌ڵ حكوومه‌تى عێراق، به ‌بير ده‌هێنينه‌وه‌. سڵاو و دروود بۆ گيانى هه‌موو شه‌هيدانى كوردستان و ئه‌و قاره‌مانانه‌ ده‌نێرين كه‌ به‌شدارييان له‌ شۆڕشى مه‌زنى ئه‌يلوودا كرد.
رێككه‌وتننامه‌ى 11ى ئازار، له‌و دۆخ و هاوكێشه‌‌ سه‌خت و ئاڵۆزه‌ ناوچه‌يى و نێوده‌وڵه‌تييانه‌‌ى ئه‌وسادا، سه‌ركه‌وتنێكى گه‌وره‌ و گرنگترين به‌ڵگه‌نامه‌ى فه‌رميى دانپێدانراوه كه‌ به‌شێك له‌ مافه‌كانى گه‌لى كوردستانى ناساند و ڕه‌وايه‌تيى دۆزه‌كه‌ى به‌ جيهان گه‌ياند. بووه‌ بنه‌ماى سه‌ره‌كيى هه‌موو ده‌ستكه‌وته‌كانى دواترى گه‌لى كوردستان هه‌ر له‌ ڕاپه‌رينه‌وه‌ تا دامه‌زراندنى په‌رله‌مان و حكوومه‌ت و فيدراڵى.
رێكه‌وتننامه‌ى 11ى ئازار، چاره‌سه‌رێكى نموونه‌يى بوو كه‌ ده‌يتوانى عێراق و گه‌له‌كه‌ى به‌ ته‌واوى به‌ره‌و چاره‌نووسێكى گه‌شتر ببات و بيكاته‌ يه‌كێك له‌ وڵاتانى پێشكه‌وتووى ناوچه‌كه‌ و جيهان. به‌ڵام په‌شيمانبوونه‌وه‌ى ده‌سه‌ڵاتدارانى عێراق و هه‌ڵبژاردنى لۆژيكى هێز له‌ جياتى هێزى لۆژيك، له‌ شه‌ڕ و مه‌ينه‌تى و دواكه‌وتن و به‌فيڕۆدانى سامان و ده‌وڵه‌مه‌ندييه‌كانى وڵات زياتر، هيچى ديكه‌ى بۆ عێراق نه‌هێنا. تا ئێستاش عێراق هه‌ر باجى ئه‌و هه‌ڵه‌يه‌ ده‌دات.
له‌م ياده‌دا داوا له‌ هه‌موو هێز و لايه‌نه‌ عێراقى و كوردستانييه‌كان ده‌كه‌م كه‌ په‌ند و وانه‌ له‌و مێژووه‌ وه‌رگرن و هه‌موومان سوود له‌ هه‌ڵه‌كانى ڕابردوو ببينين. ده‌وڵه‌مه‌ندى و توانا ماددى و مرۆيييه‌كانى عێراق بۆ پێشخستنى وڵات و خۆشگوزه‌رانيى هاووڵاتييان بقۆزينه‌وه‌. پێكه‌وه‌ كار بكه‌ين و مافى هه‌موو پێكهاته‌كانى عێراق و سيستمى فيدراڵى و سه‌روه‌رى و ئارامى و سه‌قامگيريى وڵات بپارێزين. هه‌موومان به‌ يه‌كترقبووڵكردن، لێبورده‌يى، پێكه‌وه‌ژيان، يه‌كڕيز و ته‌با، پێكه‌وه‌ بۆ بنياتنانى وڵاتێكى ئاوه‌دان، خۆشگوزه‌ران و به‌هێز و بۆ داهاتوويه‌كى باشتر كار بكه‌ين.

شكۆدار بێت يادى ڕێككه‌وتنى 11ى ئازارى 1970.
سڵاو له‌ گيانى شه‌هيدان.

نێچيرڤان بارزانى
سه‌رۆكى هه‌رێمى كوردستان
11ى ئازارى 2023

11/03/2023

مەسرور بارزانی: رێککەوتننامەی 11ـی ئادار دەسکەوتێکی گرنگی گەلی کوردستانە و بەڵگەنامەیەکی مێژووییە
دەقی پەیامەکەی سەرۆکی حکومەتی هەرێمی کوردستان:
ئه‌مڕۆ یادی ڕێککەوتننامەی یازدەی ئادار دەکەینەوە، کە پەنجا و سێ ساڵ لەمەوبەر، حکومەتی عێراق ناچار بوو، بە هۆی بەرگری و خۆراگری خەڵکی کوردستان لە شۆڕشی مەزنی ئەیلوول بە ڕێبەرایەتی بارزانیی نەمر، ئەو ڕێککەوتنە واژۆ بکات و دان بە هەندێک لە داخوازییەکانی گەلی کوردستاندا بنێت.
ڕێککەوتننامەی یازدەی ئاداری 1970، دەسکەوتێکی گرنگی گەلی کوردستانە و بەڵگەنامەیەکی مێژووییە، لە سەر سەرکەوتنی خواستی خەڵکی کوردستان و پەیامە ئاشتیخوازانەکەی، کە هەمیشە ویستویەتی لە ڕێگەی دانوستان و گفتوگۆ و ڕێگەچارەی ئاشتیانە، کێشەکان چارەسەر بكرێن. بەڵام بەداخەوە حکومەتی ئەوکاتی عێراق ، لە بەڵێن و ڕێککەوتنەکەی لەگەڵ سەرکردایەتی کوردستان پاشگەز بووەوە و دەستی بە هێرش و پەلاماردانی کوردستان کردەوە و سەرەنجام بە هۆی سیاسەتی شەڕانگێزانەی ڕژێمی عێراقەوە، هەرێمی کوردستان و عێراق بە گشتی ، ڕووبەڕووی شەڕ و وێرانکاری و کارەساتی گەورە بوونەوە ، کە تا ئێستاش خەڵکی هەرێمی کوردستان ، بە دەست ئەم تاوانانە دەناڵێنن و قەرەبووش نەکراونەتەوە،
لەم یادەدا، هەڵوێستی خۆمان لە داکۆکیکردن و دەستبەردارنەبوون لە مافە دەستوورییەکانمان و چارەسەرکردنی کێشەکان بە شێوەیەکی بنەڕەتی و ئاشتیانە و لە سەر بنەمای دەستوور، دووپات دەکەینەوە.

مەسرور بارزانی
سەرۆکی حکومەتی هەرێمی کوردستان
11ی ئاداری 2023

01/03/2023

یادی کۆچی دوایی ئەفسانەی نەتەوەیەك