مەکتەبا ڕێکخستنا پ.د.ك ل بەهدینان

01/06/2026

نیڤرۆیا ئەڤرۆ دووشەمبی 2026/6/1، ڕێزدار نێچیرڤان بارزانی، سەرۆکێ هەرێما کوردستانێ، پێشوازی ل ڕێزدار موسەننا ئەلسامەرائی، سەرۆکێ هەڤپەیمانیا عەزم کر.

د دیدارەکێدا، ڕەوشا سیاسی یا وەڵاتی، گرنگیا پێکئینانا حکوومەتێ و پڕکرنا وەزارەتان و هێلانا چەکی بتنێ د دەستێ دەوڵەتێدا هاتە گەنگەشەکرن. د هەر دوو ئالیان جەخت ل سەر پێدڤیا هاریکاری و هەماهەنگیا ئالیێن سیاسی کر دا کو خزمەتا بەرژەوەندیا گشتی و سەقامگیریێ بکەت.

پەیوەندیێن د ناڤبەرا هەولێر و بەغدا دا تەوەرەکێ دی یێ دیدارێ بوو. ھەروەسا جەخت ل سەر پێدڤیا چارەسەرکرنا ئاریشەیێن هەلاویستی ب ڕێیا دیالۆگ و لێکتێگەهشتنێ کر، ب ئاوایەکی کو بەرژەوەندیا هەموویان و سەقامگیریا وەڵاتی بپارێزیت.

دوماهیک پێشهاتێن هەرێمی و دۆخێ دەڤەرێ، تەوەرەکێ دی یێ دیدارێ بوو.

01/06/2026

ئەحمەد محەممەد سەعید نوری بریفکانی، ئێکەم حەجیێ پارێزگەها دهوکێ ل مەدینێ گیانێ خوە ژدەست دا

مەکتەبا رێکخستنا پ.د.ك ل بەهدینان سەرەخوشێن خوە ئاراستەی مالباتا خودێ ژێ رازی ئەحمەد محەممەد سەعید نوری دکەتن، کو ناڤبری بۆ ئەداکرنا فەریزا حەجێ سەرەدانا سعودیێ کربو، پەیام هاتیە ئاراستەکرن کو خودێ ژێ رازی ل جهەکێ پیرۆز ل مەدینێ و دئەداکرنا ئەرکەکێ ئاینی یێ پاک و جوان بەرامبەر یەزدانی گیانێ خوە سپاردیە، جهێ خودێ ژێ رازی بەهەشتا بەرین بت، داخازێ ژ خودایێ مەزن دکەین سەبرو هەدارێ بدەتە مالبات و کەسوکارێن خودێ ژێ رازی.

دهەمان دەمدا ئامادەی هەر جورە هاریکاریەکێ و ئاسانکاریەکێ نە کو پێویست بیتن بۆ ڤەشارتنا تەرمێ خودێ ژێ رازی یان ئینانا تەرمێ ناڤهاتی.

مەکتەبا ڕێکخستنا پارتی دیموکراتی کوردستان ل بەهدینان
1ێ حوزەیرانا 2026ێ

01/06/2026

د په‌یاما سه‌رۆكێ هه‌رێمێدا هاتییه‌؛
رۆلێ دیرۆکی یێ خودێ ژێ رازی سه‌رۆك مام جەلال بلند د نرخینم. ئێکەتیێ ب خەباتا درێژ و قوربانیێن خوه‌ وەک هێزەکا کاریگەره‌ د پرۆسه‌یا سیاسی یا کوردستان و عێراقێ.

دووپاتدكه‌ین د ڤێ قۆناغێ دا کارێ پێکڤەیی و تەبایی د ناڤبەرا هەموو لایەنان دا ژ هەر دەمەکی پتر پێدڤیە. ئارمانجا سەرەکی یا ئێکرێزیێ پاراستنا دەستکەفتێن دەستووری و مافێن گەلێ کوردە.

داخازدكه‌ین کو ئەڤ یادە ببیتە دەستپێکا دانوستاندن و لێکتێگەهشتنێ بۆ چارەسەرکرنا کێشەیێن سیاسی.

01/06/2026

برووسکەیا پیرۆزباھیێ ب ھەلکەفتنا ڕۆژا جیھانیا زاڕۆکان

ب ھەلکەفتنا 1ێ حوزەیرانێ یا ڕۆژا جیھانیا زاڕۆکان، گەرمترین پیرۆزباھیێن خۆ ئاراستەی تەڤایا زاڕۆکێن کوردستانێ و جیھانێ دکەین.

زاڕۆک پاشەڕۆژ و بھایێ ھەرە مەزنێ جڤاکێ مەنە. ئەرکێ مە یێ سەرەکی یە کو ژینگەھەکا ئارام و تژی خۆشی و گرنژین بۆ وان دابینکەین.

ھیڤیا ژیانەکا تژی ئاشتی، تەندروستیەکا باش و پاشەڕۆژەکا گەش بۆ زاڕۆکێن خۆ دخوازین.

مەکتەبا ڕێکخستنا پارتی دیموکراتی کوردستان ل بەهدینان
1ێ حوزەیرانا 2026ێ

31/05/2026

مەکتەبا سیاسی یا پارتی دیموکراتی کوردستان 51 هەمین سالیادا دامەزراندنا ئێکەتیا نیشتیمانیا کوردستانی پیرۆز دکەت.

بەرێز/ باڤڵ جەلال تاڵەبانی، سەرۆکێ ئێکەتییا نیشتیمانییا کوردستانێ
بەرێزان/ ئەندامێن مەکتەبا سیاسی و جڤاتا بلند یا سیاسی و بەرژەوەندییا ئێکەتییا نیشتیمانییا کوردستانێ
ب ھەڵکەفتا (51)هەمین سالیادا دامەزراندنا ئێکەتییا نیشتیمانییا کوردستانێ، پیرۆزباھییەکا گەرم ل ھەوەیێن بەرێز و کادیر و ئەندام و لایەنگرێن ئێکەتیێ دکەین، و ھیڤیا بەردەوامیێ بۆ ھەوە دخوازین.

د ڤێ دەلیڤێ دا، جارەکا دی جەختێ ل سەر ھەماھەنگی و تەبایا د ناڤبەرا سەرجەم ھێز و لایەنێن سیاسی یێن کوردستانێ دکەین بۆ چارەسەرکرنا ڕاست و دروستا کێشە و پرسێن نوکە یێن چارەنڤیسساز، و پاراستنا دەستکەفتێن مە و بھێزکرن و ئاڤاکرنا دامەزراوان و داکۆکیکرنێ ل قەوارەیێ دەستووری و سیاسی یێ هەرێما کوردستانێ.

جارەکا دی پیرۆزباھیێ ل ھەوە دکەین.

مەکتەبا سیاسی یا پارتی دیموکراتی کوردستان
31ێ گولانا 2026ێ

28/05/2026

ڕۆژا دووێ یا جەژنێ ل دەڤەرا ئامێدیێ بۆ دوو جەژن

ئەڤرۆ 28ێ گولانا 2026ێ د چارچۆڤێ ستراتیژیەت و گرنگیپێدانا کابینەیا نەھێ یا حکۆمەتا ھەرێما کوردستانێ ب کەرتێ گەشت و گوزارێ و جۆراجۆرکرنا ژێدەرێن داهاتی و پەیداکرنا دەلیڤێن کاری، بەڕێز مەسرور بارزانی سەرەدانا گەلیێ شێرانە ل دەڤەرا ئامێدیێ کر و ھەژمارەکا دیداران ل سەر پێشڤەبرنا ژێرخانەیا گەشت و گوزاری دگەل خەلکێ دەڤەرێ ئەنجامدان.

سەرۆکوەزیران د کۆمبوونەکێ دا دگەل خودانێن پرۆژەیێن گشت و گوزاری گۆت:

دێ ھەمی ھاریکاریێن پێدڤی پێشکێشی ھەوە کەین، لێ پێدڤیە ھوێن ژی گرنگیێ ب کوالتیا کاری بدەن، کو بشێن سەرنجا گەشتیارێن بیانی ڕاکێشن.

ژ ھەژی گۆتنێ یە کو خەلکێ دەڤەرا ئامێدیێ ب ڤێ سەرەدانێ گەلەک خۆشحالبوون و ب دوو جەژن قەلەم دان.

27/05/2026

بەرپرسێ مەکتەبا ڕێکخستنێ سەرەدانا مالباتێن قوربانیێن ڕوودانا حەفتیا بۆری یا پارێزگەها دهۆکێ دکەت

ئەڤرۆ، 27ێ گولانا 2026ێ، ب هەلکەفتنا جەژنا قوربانا پیرۆز و ب مەرەما دلخۆشکرنا کەس و کارێن قوربانیێن ڕوودانا دلتەزینا حەفتیا بووری، یا پارێزگەها دهۆکێ، کو چوار گەنجێن ژێھاتی، د دەمێ ئەنجامدانا کارێ خۆ دا، گیانێ خۆ ژ دەستدابوو، بەڕێز سەربەست لەزگین، ئەندامێ مەکتەبا سیاسی و بەرپرسێ مەکتەبا ڕێکخستنا پارتی دیموکراتی کوردستان ل بەهدینان، سەرەدانا مالباتێن خودێ لێخۆشبوویان:
(ڕەیان سەفەر عەلی، ئومێد تەحسین حەسەن، سێزار شەعبان عالی و زیاد ئیبراهیم عەلی) کر.

د ڤێ سەرەدانێ دا، بەرپرسێ مەکتەبا ڕێکخستنێ زێدەباری گەهاندنا پیرۆزباهیێن جەژنێ، دڵگرانی و هەڤخەمی و ھەڤسۆزیا خۆ و مەکتەبا ڕێکخستنێ بۆ مالباتێن وان دا دیارکرن و ئامادەییا مەکتەبا ڕێکخستنێ ژی، بۆ هەر هاریكاری و پشته‌ڤانیەکا پێدڤی نیشا دا.

27/05/2026

27/05/2026

گولانا گەلەکێ زیندی: ژ ئەلفوبێیا چیا بۆ فەلسەفەیا مانێ.

شۆڕەش د دیرۆکا گەلان دا نە تنێ ڕوودانەکا دەمکی یان بزاڤەکا چەکداری یا بەربەستکریە، بەلێ وەرچەرخانەکا هزریا کویرە کو ناسنامەیا نەتەوەیەکێ ژ تێکشکاندنێ بەرەو ڕێپێدان و خۆڕاگریێ دگوهۆڕیت. شۆڕەشا گولانێ، کو ل بهارا سالا 1976ێ ژ ناخێ ئۆمێدێ و ل سەر پیستێ سۆتیێ چیا سەرهلدا، نە تنێ بەردەوامیەک بوو بۆ شۆڕەشا ئەیلوولێ، بەلێ سەروبەرەکێ نوی و مانیفێستۆیا نویبوونا مفا و ئیرادا گەلێ کوردستانێ بوو.

نڤێسین: ئەحمەد زوبێر بانی

درێژاهیا گوتاری د ئەڤێ لینکێ دا بخوینە
https://www.pdk-behdinan.org/archives/2885

26/05/2026

سەرۆکێ حکومەتێ پێشوازیێ ل فەرماندەیێ گشتی یێ هێزێن سووریا دیموکرات دکەت.

ئەڤرۆ سێشەمبی 5/26، مەسرور بارزانی، سەرۆکێ حکومەتا هەرێما کوردستانێ، پێشوازی ل مەزڵووم عەبدی، فەرماندەیێ گشتی یێ هێزێن سووریا دیموکرات (هەسەدە) کر. د دیدارەکێ دا، بیروبۆچوون ل دۆر دوماهیک گۆهڕین و پێشهاتەیێن ڕەوشا گشتی یا سووریا و پرسا کوردی ل وى وەڵاتی هاتنە ئاڵوگۆڕکرن. هەردوو ئالی هەڤڕا بوون ل سەر گرنگیا پاراستنا ئاسایش و سەقامگیریا سووریا و پاراستنا مافێن گەلێ کورد و هەموو پێکهاتەیان.