گروپی شاخەوانی هەڵگۆرد halgord mountaineering group

09/01/2026

زۆر ‎دڵگرانین بەبیستنی هەواڵی کۆچی دوایی هاوڕێی شاخەوانمان کاکە ( دیاکۆ ئیسماعیل ) ئەندامی ڕێکخراوی شاخەوانی (هەڵۆ) کە ئەمڕۆ لە میانی گەشتێکیان بۆ چیای پیرەمەگروون لەکاتی هاتنە خوارەوەی دەخزێت و دەکەوێتە دۆڵی (بەردەسفرە) و گیان لەدەست دەدات.

لە خوای گەورە داواکارین جێگای بەهەشتی بێت و سەبروئارامی ببەخشێت بە هاوڕێ و کەس و کاریان..

گروپی شاخەوانی هەڵگۆرد

18/08/2024

بەرنامەی گەشتی هەڵگۆرد 2️⃣0️⃣2️⃣4️⃣/8️⃣/1️⃣7️⃣.1️⃣6️⃣
وەک ئەندامێکی تیمی شاخەونی هڵگۆرد بەیانی ڕۆژی هەینی لەڕێگای شیویزارێ و سەرچاڵەوە چوینە شوێنی کەمپ و شەومانەوەی لوتکەی هەڵگۆرد و بەیانی چونە لوتکەی تابلۆ و چاومان کەوت بە کۆمەڵەی هەردەوانیی گەرمیان و خۆشحاڵ بوین بە دیداریان ، دوای مانەوەی چەند کاتژمێرێک لە پاکردنەوەی پاشماوەی گەشتیار و شاخەوانان گەڕاینەوە .

12/08/2024

داوای هاوکاری دەکەم بۆ
حەوزی ئاوی هەڵگۆرد
بیرۆکەی تیمی شاخەوانی هەڵگۆرد بۆ کۆکردنەوەی ئاوی بەفر لەسەر لوتکەی هەڵگۆرد لە کۆتایی هاوین و پایز بەتایبەت لە وەرزی وشکەساڵیدا
سەرەتا چاڵێکی ١ مەتری هەڵدەکەنین لە نزیک کەوی بەفرێکی شوێنی کەمپی شەو مانەوەی هاوینە و دواتر بە بەرد و چیمەنتۆ ناوەوەی لەبغ دەکەین تاکوو ئاوی بەفری تواوە کۆبکاتەوە
پڕۆژەکە بۆ خزمەتی گشتیە ، هەر ( شاخەوان و سروشت دۆستێک یان ژینگە دۆست یان گروپێکی شاخەوانی ) ئامادەیی هاوکاری هەیە پەیوەندیمان پێوە بکان
قۆناغەکانی دروستکردنی
١ - هەڵکەندنی چاڵێکی یەک مەتر چوارگۆشە .
٢ - سەرخستنی لم و چەمەنتۆ بە ماتۆڕ و ئەسپ و جانتای شاخەوانی .
٣ - ڕوپۆشکردنی ناوەوەی چاڵەکە بە بەرد و دواتر چیمەنتۆ کردنی .

سودەکانی
١- شاخەوانەکان لە کۆتایی هاویندا دەتوانن لەکاتی
شەومانەوە لە لوتکە سود لەو ئاوە وەربگرن
٢- ١ - ئاژەڵە کێویەکان لەوەرزی بێئاوی و شکەساڵیدا ئاوی لێدەخۆنەوە
٣ - شوانە کۆچەریەکان لە ناوڕاستی هاوین دەتوانن سود لە ئاوەکە وەرگرن .
کاتی دەست پێکردن ڕۆژی هەینی 2024/8/17.16
کارکردن بەردەوام دەبێت هەموو ڕۆژێکی هەفتە تاکوو تەواو دەبێت .

03/05/2024

پرسە
بەداخەوە ئەڕۆ چوار ئەندامی گروپی شاخەوانی سەرگرمە بەهۆی لافاو لە سنوری قەرەداغ گیانیان لەدەستدا.

لەخوای گەورە داواکارین جێگایان بەهەشتی بێت و خوای گەورە سەبوری خانەوادەو کەس و کارو هەموو شاخەوانان بدات ان شاء اللە ...

02/03/2024

رێکخراوی شاخەوانی هەڵگۆرد، بە سپۆنسەری @ناوەندی وەرزشی کوردستان، و بەهاوکاری بۆری گەنجانی راپەرین، چاڵاکیەکی نمایشی یاریەکانی سەر بەفری لە گوندی وێزە ئەنجامدا.

لە نمایشەکەدا تیمی تیمی سنوبۆردی حەسارۆست و سنۆبۆردی سەنتەری بارزان و تیمی سکی چۆمان و تیمی سکی بۆردی گەنجانی ڕاپەرین بەشداربوون.

چاڵاکیەکە وێڕای نمایشی یاریەکانی سەربەفر ئامادەبووان کاتێکی خۆشیان لەناو بەفر بەسەربرد.

21/01/2024

بەرنامەی زستانی حەساری سەکران
دوای چەند شکست و گەڕانەوەیەک
ئەمجارە بەهێزێکیتری پڕ جۆش وخرۆش سەرکەوتین
تیمێکی بەتوانا و تەکنیکی و شارەزا لەگەڵ ئەندامێکی تیمی شاخەوانی هەڵگورد بۆ یەکەمجار لە وەرزی چونە لوتکەیەکی زنجیرە چیای حەساری سەکران
لە ساڵی 2008 وە دەچینە چواردەوری چیای حەساری سەکران و چەند جارێک چوینە لوتکەی قیبلە (کۆخە ) لە زنجیرە چیای حەساری سەکران
لەم چەند ساڵەی دوایی چەند هەوڵێکماندا لەزستاندا بگەینە لوتکەکانی ترلە حەساری سەکران بەڵام هەرجارە و بەهۆکارێکی سەلامەتی گەڕاینەوە

لە کۆتا جاری ئەمساڵ 2023/12/20 ئەندامێکی تیمی شاخاونی هەڵگۆرد و کاک Babashekh ڕێژەیەکی باش سەرکەوتین بەڵام لەبەر گۆڕانی کەش و هەوا نەمانتوانی بگەینە لوتکە
ئەمجارە دوای کۆکردنەوەی هەموو هەوڵ و ئەزمونی شکستەکان توانیمان ڕێگاچارەی سەرکەوتن دیاری بکەین و بەخۆشحاڵییەوە لە 2024/1/19 بەتیمێکی بەتوانا و کەل و پەلی تەکنیکی و زستانە توانیمان بڕیاری ئەو بەرنامەیە جێبەجێ بکەین
سەرەتای بەرنامەکەمان ڕۆژی هەینی 2024/1/19 لە گۆندی سەکرانەوە کات 7 بەیانی پیادەڕۆی سەرکەوتین بۆ ڕێگای بەرد قەڵشت و دواتر سەرگەڕێ و لەوێوە بۆ بەڕێگایەکی تەکنیکی و سەخت و نوێدا سەرکەوتین و
لەوێوە بۆ ساج و شەو لەوێ ماینەوە بەیانی زوو بەرەوە لوتکە سەرکەوتین و کات 10:30 گەیشتینە ئامانج دوای تەماشاکردن و سەرنج و وردبونەوە لە هەرچواردەوری و دیاریکردنی ڕێگای لوتکە کانی تر و دیکۆمێنتکردنی گەشتەکە گەڕاینەوە شوێنی کەمپ و دواتر گەڕاینەوە گوندی سەکران

لێرەوە پیرۆزبای لە هاوڕێیانی بەشداربوو دەکەم و زۆر سوپاسی هەوڵ و ماندوونیام دەکەم .
هاوڕێ شاخەوانەکان
Salarchomany
Omar Ali
Hardy Adventur
Babashekh ahmad

22/12/2023

تیمێک بە ٢ شاخەوانی بەتوانا
گەشتێکی ئەزمونی چیای سەکرانیان ئەنجامدا
دووجار ئەو بەرنامەیە دواخرا بەهۆی خراپی کەش و هەوا ، کۆتا جار لەگەڵ Babashekh Ahmad بڕیارماندا 2023/12/20 بچینە چیای حەساری سەکران
سەرەتا کات 8 لە گوندی سەکران بەڕێکەوتین و لەڕێی بەردقەڵشتەوە چوینە سەر سوی سەکران و دواتر چوینەوە پشتی کانی کەرێ و لەوێوە بۆ وارشێخان تا گەیشتینە نزیک بناوانێ و لە بەرزی 3100 متری کەمپان دانا ، دیمەنەکان بە ئەندازەیەک جوان بون بە خەیاڵ پێشبینیمان نەدەکرد بەجۆرێک بەشی زۆری چیا سەربەرزەکانی سنوری باڵەکایەتی لە یەک شوێن دیاربوون و تەمێکی سپی ئەو دۆڵانەی داپۆشیبوو هاوشێوەی تابلۆیەک ، هەرچەند لە جوانی باس بکەم هێشتا کەمە
شەو بەهیوای چونە لوتکە خەوتین کەچی لەدوای نیوەشەو کەش و هەوا گۆڕا و بایەکی بەهێز بەخێرای سەروو 80کم لە کاتژمێرێک دەستی پێکرد و پارچەی دەرەوەی خێمەی دڕاند و ناچار بە یەک بەرگی خێمە لەژێر -15 پلەی ژێر سفر ماینەوە تا بەیانی ، سەلامەتی و گەڕانەوەمان بوە هیواو ئامانجی گەشتەکە
ئینجا لە کاتی کۆکردنەوەی کەل و پەل و خێمە بەفرێکی توند دەستی پێکرد و مەودای بینین زۆر کەم بوو تا ئاستی 10مەتر هەرچواردەوری خۆمان نەدەدیت ئەوەش بوە هۆی سەرلێشواوی و ونبونی ڕێگای گەڕانەوە بەهەرچۆنێک بوو توانیمان ئاراستەی گەڕانەوە بدۆزینەوە.

16/12/2023

دیمەنی گەشتی هەڵگۆرد
گەشتی 2023/12/15 بۆ چیای هەڵگۆرد لە خواری میران پیادەڕۆی ڕۆیشتین بەهیوای گەیشتنە لوتکە بەڵام بەهۆی نەرمی بەفر و هاتنی ڕەنوو ڕەچاوکردنی سەلامەتی نەمانتوانی بگەینە لوتکە لەبەرزی 3300م گەڕاینەوە .

16/12/2023

13/12/2023

گەڵی زۆرگڤان
دەبێتە شوێنی ئەم هەفتەی گەشتی تیمی شاخەوانی هەڵگۆرد
دیمەنەکانی پایزی گەڵی زۆرگڤان هاوشێوەی نیە هەرساڵ جوانتر خۆی دەنوێنێ
گەر دەرفەتی گەشتێکی دەرەوەت بۆ نەڕەخساوە هەوڵدە ئەو دەرفەتە بقۆزەوە و گەڵی زۆرگڤان ببینە
ڕۆژی هەینی 2023/12/15 کات ٤:٣٠ لە چۆمانەوە بەڕێدەکەوین و ئێوارەی هەمان ڕۆژ دەگەڕێینەوە
هەرکەسێک ئارەزوو بەشداریکردنی هەیە پەیوەندی بکات بە
07824690425 - 07504281957

13/12/2023

گەلی زۆرگڤان
دەبێتە شوێنی ئەم هەفتەی گەشتی تیمی شاخەوانی هەڵگۆرد
دیمەنەکانی پایزی گەلی زۆرگڤان هاوشێوەی نیە هەرساڵ جوانتر خۆی دەنوێنێ
گەر دەرفەتی گەشتێکی دەرەوەت بۆ نەڕەخساوە هەوڵدە ئەو دەرفەتە بقۆزەوە و گەلی زۆرگڤان ببینە
ڕۆژی هەینی 2023/12/15 کات ٤:٣٠ لە چۆمانەوە بەڕێدەکەوین و ئێوارەی هەمان ڕۆژ دەگەڕێینەوە
هەرکەسێک ئارەزوو بەشداریکردنی هەیە پەیوەندی بکات بە
07824690425 - 07504281957

11/12/2023

لەڕۆژی جیهانی شاخەوانیدا
تیمی شاخەوانی هەڵگۆرد
کە پێشتر بەناوی گروپی شاخەوانی هەڵگۆرد بوو پیرۆزبای لە هەموو هاوڕێ شاخەوانەکان دەکات هیوای بەرەوپێش چونی زیاتری شاخەوانین لە ساڵانی داهاتوو
هیوادارین هەماهەنگی و پێکەوەی زیاتربێت لەنێوان هەموو گروپە شاخەوانیەکان

لە 2014/12/11 ئێمە وەک کۆمەڵێک گەنجی سنوری باڵەکایەتی و چۆمان بڕیاری دروستکردنی گروپی شاخەوانی هەڵگۆردماندا و لە ماوەی ئەو 9 ساڵەدا کەم تا زۆر توانیومانە خزمەتێک بەبواری شاخەوانی بکەین لە ناوچەی باڵەکایەتی و کوردستان بەگشتی ، لە ساڵی 2019 بڕیاماندا ناوی گروپی شاخەوانی هەڵگۆرد بگۆڕین بۆ ( تیمی شاخەوانی هەڵگۆرد) لەبەرواری 2018/8/13 مۆڵەتی فەرمی شاخەوانیمان لە ڕێکخراوە ناحکومیەکان وەرگرتوە
بەهۆی چەند هۆکارێکی جیاوازەوە بەشێک لە ئەندامان گروپی شاخەوانی هەڵگۆرد دابڕاون
ئێمە لەمڕۆوە بەگروتێنێکی نوێوە دەست بەکاری شاخەوانی دەکەین بەشێوەی زانستی و سەردەمی
لێرەوە داوادەکەین هەرکەس و ئارەزوو مەندێک لە ناوچەی باڵەکایەتی حەزەکات ببێت بە شاخەوان پەیوەندیمان پێوە بکات
لەگەڵ ڕێزی دەستەی بەڕێوەبەری تیمی شاخەوانی هەڵگۆرد