11/04/2026
दिग्रस तालुक्यात मतदार यादी विशेष पुनर्निरीक्षण (SIR) संदर्भातील महत्त्वपूर्ण बैठक उत्साहात पार पडली. या बैठकीस महाराष्ट्र राज्याचे मृद व जलसंधारण मंत्री तथा यवतमाळ जिल्ह्याचे पालकमंत्री संजय राठोड, लोकसभा संपर्कप्रमुख प्रीती बंड तसेच शिवसेना पश्चिम विदर्भ सह-संपर्क प्रमुख पराग पिंगळे उपस्थित होते.
यावेळी मान्यवरांनी शिवसेना पदाधिकारी, कार्यकर्ते आणि BLA-1 यांच्याशी थेट संवाद साधून मतदार नोंदणी प्रक्रियेचे महत्त्व, अचूकता आणि सजगतेची गरज अधोरेखित केली. बैठकीत ज्येष्ठ मार्गदर्शक जीवन पाटील, जिल्हाप्रमुख यशवंत पवार, जिल्हा परिषद माजी अध्यक्षा कालींदा पवार, युवा सेना लोकसभा अध्यक्ष विशाल गनात्रा, युवा सेना जिल्हाप्रमुख महेश पवार, तालुकाप्रमुख उत्तम ठावकर यांच्यासह सर्व नगरसेवक, महिला आघाडी, युवासेना व शिवसेनेचे पदाधिकारी व कार्यकर्ते मोठ्या संख्येने उपस्थित होते.
या बैठकीत आगामी निवडणुकांच्या पार्श्वभूमीवर मतदार यादी अद्ययावत ठेवण्यासाठी काटेकोरपणे काम करण्याचे आवाहन करण्यात आले.