29/02/2024
ഫെബ്രുവരി 29
സ: കൊച്ചനിയൻ
രക്തസാക്ഷി ദിനം
കുട്ടനെല്ലൂർ ഗവ. കോളേജ് യൂണിയൻ ജനറൽ സെക്രട്ടറിയും എസ്. എഫ്. ഐ ഒല്ലൂർ ഏരിയ പ്രസിഡന്റും തൃശൂർ ജില്ലാ കമ്മിറ്റി അംഗവും ആയിരുന്നു സഖാവ്. കാലിക്കറ്റ് സർവ്വകലാശാല യൂണിയൻ ഇൻ്റർസോൺ കലോത്സവം തൃശ്ശൂരിൽ ആരംഭിച്ചു മണിക്കൂറുകൾ കഴിഞ്ഞപ്പോൾ പ്രധാന വേദിയായ പാലസ് ഗ്രൗണ്ടിനു മുന്നിലെ സംഘാടക സമിതി ഓഫീസിനു മുന്നിൽ കെ.എസ്.യു കാപാലിക സംഘം സ: കൊച്ചനിയനെ കുത്തിമലർത്തി. യൂണിയൻ ജനറൽ സെക്രട്ടറി എന്ന നിലയിൽ അർഹതപ്പെട്ട ബാഡ്ജ് ചോദിക്കാൻ ചെന്ന കൊച്ചനിയനെയും അബ്ദുൾ റസാഖ്, രാജൻ എന്നീ സഖാക്കളെയും ആയുധസജ്ജരായി നിന്ന കെ. എസ്. യു സെനറ്റ് മെമ്പർ ഉൾപ്പെട്ട അക്രമിസംഘം ആക്രമിക്കുയായിരുന്നു. വയറിനു കുത്തേറ്റു കുടൽ മാല പുറത്ത് ചാടി രക്തം വാർന്ന് കിടന്ന സഖാവിനെ സമയത്ത് ആശുപത്രിയിൽ എത്തിക്കാൻ പോലും പോലീസ് തയ്യാറായില്ല. 20 മിനിട്ടിനു ശേഷം ആശുപത്രിയിൽ എത്തിച്ചപ്പോഴേക്കും സഖാവ് ഈ ലോകത്തോട് വിട പറഞ്ഞിരുന്നു. കലോത്സവവേദികൾ പോലും കലാപവേദിയാക്കുന്ന കാപാലിക സംഘത്തെ കാലം ചവിട്ടിയാഴ്ത്തിയതിനു കൊച്ചനിയന്റെ രക്തസാക്ഷിത്വം ഒരു പ്രധാനപ്പെട്ട കാരണമായി തീർന്നു.
