01/10/2026
స్థానిక సంస్థల ఎన్నికలకు టీడీపీ శ్రేణులు సమాయత్తం కావాలి పామర్రు ఎమ్మెల్యే వర్ల కుమార్ రాజా గారు, జిల్లా అధ్యక్షుడు వీరంకి వెంకట గురుమూర్తి గారు...
రానున్న స్థానిక సంస్థల ఎన్నికలను దృష్టిలో ఉంచుకుని తెలుగుదేశం పార్టీ నాయకులు, కార్యకర్తలు సమన్వయంతో పనిచేసి గ్రామ, వార్డు స్థాయిల్లో పార్టీని మరింత బలోపేతం చేయాలని కృష్ణా జిల్లా టీడీపీ అధ్యక్షుడు వీరంకి వెంకట గురుమూర్తి గారు, పామర్రు శాసనసభ్యులు వర్ల కుమార్ రాజా గారు పిలుపునిచ్చారు. పామర్రు టౌన్ పాలసీతల కళ్యాణ మండపంలో నిర్వహించిన జిల్లా పార్టీ ముఖ్య నాయకుల సమావేశంలో ఎమ్మెల్యే గారు మాట్లాడుతూ అభివృద్ధి, సంక్షేమ కార్యక్రమాలను ప్రజల్లోకి తీసుకెళ్లాలి, కార్యకర్తలే తెలుగుదేశం పార్టీకి అసలైన బలమని, ప్రతి గ్రామంలో నాయకులు సమన్వయంతో ముందుకు సాగాలని సూచించారు. కూటమి ప్రభుత్వం చేపడుతున్న అభివృద్ధి, సంక్షేమ కార్యక్రమాలను ఇంటింటికీ వివరిస్తూ, గత వైసీపీ పాలనలో ప్రజలు పడిన ఇబ్బందులను గుర్తుచేయాలన్నారు.
ఎన్నికల సమయం దగ్గరపడుతుండటంతో వైకాపా నాయకులు చేస్తున్న విమర్శలను, గతంలో ఇచ్చిన నెరవేర్చని హామీలను ప్రజలు ఎప్పటికీ మరచిపోరని స్పష్టం చేశారు. ఈ సమావేశంలో కృష్ణా జిల్లా టీడీపీ ప్రధాన కార్యదర్శి గోపు సత్యనారాయణ గారు, పామర్రు నియోజకవర్గ అబ్జర్వర్ గొట్టిముక్కల రఘురామ రాజు గారు, జిల్లా గ్రంథాలయ సంస్థ చైర్మన్ ఎం.ఎస్. బేగ్ గారు, వారితో పాటు పార్లమెంట్, నియోజకవర్గ,గ్రామ స్థాయి నాయకులు, ఐదు మండలాల అధ్యక్ష కార్యదర్శులు, సీనియర్ నాయకులు,తెలుగు మహిళలు మరియు కార్యకర్తలు పాల్గొన్నారు.
