Collector Gir Somnath

02/10/2026

02/10/2026

*સ્વચ્છતા, ત્યાં પ્રભુતા*
---------
*રાષ્ટ્રપિતા મહાત્મા ગાંધીજીની જન્મ જયંતીના અવસરે કલેક્ટર કચેરીના પરિસરમાં સ્વચ્છતા અભિયાન યોજાયું*
-----------------
*કલેક્ટર શ્રી જીતેન્દ્રસિંહ વાઘેલા અને નિવાસી અધિક કલેક્ટર શ્રી રાજેશ આલ સહિતના અધિકારીઓ-કર્મચારીઓએ ઝાડું પકડી સમગ્ર કલેક્ટર પરિસરની સફાઈ કરી*
-----------------
*કલેક્ટર પરિસર સાથે સમગ્ર જિલ્લામાં આવેલી મહેસૂલ તંત્રની કચેરીઓ અને તેના પ્રાંગણમાં પણ સફાઈ અભિયાન હાથ ધરાયું*
--------
સમગ્ર દેશમાં તા.૦૨ ઓક્ટોબર, એટલે કે, ગાંધી જયંતિના અવસરે 'સ્વચ્છતા હી સેવા' ના મંત્ર થકી સ્વસ્થ અને સ્વચ્છ સમાજના નિર્માણના સંકલ્પ માટે સામૂહિક શ્રમદાન થકી સ્વચ્છતાનો સંદેશો આપવામાં આવે છે.

અત્યારે રાજ્યભરમાં 'સેવા સંકલ્પ અભિયાન' ચાલી રહ્યું છે અને આજે રાષ્ટ્રપિતા એવા ગાંધીજીનો જન્મદિવસ પણ છે. તેવા સુભગ અવસરે જિલ્લા કલેક્ટર શ્રી જીતેન્દ્રસિંહ વાઘેલાના નેતૃત્વમાં જિલ્લા સેવા સદન, ઇણાજ ખાતે મહેસૂલી વિભાગ દ્વારા સફાઈ અભિયાન હાથ ધરવામાં આવ્યું હતું.

કલેક્ટર પરિસર સાથે સમગ્ર જિલ્લામાં આવેલી મહેસૂલ તંત્રની કચેરીઓ અને તેના પ્રાંગણમાં પણ સફાઈ અભિયાન હાથ ધરાયું હતું.

કલેક્ટર શ્રી જીતેન્દ્રસિંહ વાઘેલાએ હાથમાં ઝાડૂ લઈ પરિસરમાં સફાઈ કરી હતી. સફાઈની સાથે જ તેમણે પાવડો લઈ પાથ-વે અને કચેરીના પરિસરની રોડસાઈડ પર ઉગી નીકળેલી વેલ અને ઝાડી-ઝાંખરા જેવાં અડચણો દૂર કરી પરિસરને સ્વચ્છ બનાવવામાં પોતાનું યોગદાન આપ્યું હતું..

આસપાસનું પરિસર સ્વચ્છ હશે તો બીમારીઓથી બચી શકાશે અને સ્વસ્થ સમાજનું નિર્માણ કરી શકાશે તેવા સંકલ્પ સાથે નિવાસી અધિક કલેક્ટર શ્રી રાજેશ આલ સહિતના વહીવટીતંત્રના અધિકારીઓ-કર્મચારીઓએ પોતાના શ્રમદાન થકી સમગ્ર કલેકટર પરિસરને ચોખ્ખું બનાવ્યું હતું.

નિવાસી અધિક કલેક્ટર શ્રી સહિતના કર્મચારીઓએ સમગ્ર પરિસરમાંથી પ્લાસ્ટિકની બોટલો, સૂકા નારિયેળ, વેફર્સ અને અન્ય પ્લાસ્ટિકના પડિકાઓ, સૂકાઈ ગયેલી નારિયેલી, સૂકા પાંદડાઓ, ઊગી નીકળેલી વેલ, પૂંઠા અને કાગળો સહિતનો નક્કામો કચરો એકત્ર કર્યો હતો.

આમ, સમગ્ર જિલ્લામાં ઉત્સાહપૂર્વક મહેસૂલીતંત્ર પરિષરોની સાફ-સફાઈ થકી અધિકારીઓ-કર્મચારીઓએ ‘જ્યાં સ્વચ્છતા, ત્યાં પ્રભુતા’નો સંદેશ આપ્યો હતો.

00 000 00 000 000

30/09/2026

વેરાવળની ચોક્સી કોલેજ ખાતે તાલુકાકક્ષાના વનમહોત્સવની ઉજવણી થઈ
----------------
વિદ્યાર્થીઓ વૃક્ષારોપણ કરી પ્રકૃતિના સંવર્ધન માટે સંકલ્પબદ્ધ થયા
----------------
પ્રકૃતિ અને સંસ્કૃતિ એ માનવજીવનના અભિન્ન અંગ છે. વિદ્યાર્થીઓમાં પ્રકૃતિનું સંવર્ધન અને સંરક્ષણ કરવાની સમજ વિકસે એવા હેતુસર વેરાવળની ચોક્સી કોલેજ ખાતે તાલુકાકક્ષાના વનમહોત્સવની ઉજવણી કરવામાં આવી હતી.

સીટી મામલતદાર શ્રી એચ.એમ.બારૈયાએ જણાવ્યું હતું કે, કલેક્ટર શ્રી જીતેન્દ્રસિંહ વાઘેલાના માર્ગદર્શનમાં ગીર સોમનાથ જિલ્લા અને તાલુકા કક્ષાએ વન મહોત્સવની ઉજવણી થઈ રહી છે. વનવિભાગ દ્વારા નાગરિકોને રોપા વિતરણ કરી અને વૃક્ષારોપણ માટે પ્રોત્સાહન આપવામાં આવી રહ્યું છે.

મામલતદારશ્રીએ નેપાળ આપદાનું ઉદાહરણ આપી જણાવ્યું હતું કે, પર્યાવરણના પ્રદૂષણના કારણે ગ્લોબલ વોર્મિંગ જેવી મુશ્કેલીઓનો મનુષ્ય સામનો કરી રહ્યો છે. ગ્લોબલ વોર્મિંગના કારણે અન્ય મુશ્કેલીઓ સર્જાય છે. જેથી માનવજીવન ખતરામાં મૂકાય છે. આ તમામ મુશ્કેલીઓનું નિવારણ પ્રકૃતિનું જતન જ છે. જેથી સાથે મળી પ્રકૃતિનું જતન કરવું જરૂરી છે.

કૉલેજના આચાર્ય શ્રી જીગર રાવલે જણાવ્યું હતું કે, પ્રકૃતિનું જતન પ્રાથમિક શિક્ષણથી જ શીખવવામાં આવે છે. ભારતીય ઋષિ પરંપરામાં અપાતા શિક્ષણમાં પણ પ્રકૃતિનું સંવર્ધન વણી લેવામાં આવ્યું છે. આપણી સંસ્કૃતિમાં વડ, પીપળો અને તુલસી જેવા વૃક્ષ-છોડની પણ પૂજા કરવામાં આવે છે.

વિદ્યાર્થીઓને સંબોધન કરતાં તેમણે જણાવ્યું હતું કે, જેમ આપણે પ્રકૃતિના ખોળે ફરવા જઈએ અને તસવીરો અચૂક લઈએ છીએ તેમ જ પ્રકૃતિના જતનમાં પણ ફાળો આપવો જોઈએ. વૃક્ષારોપણ એ ધરતીનું ઋણ ચૂકવવાની તક છે. જેમ-જેમ વિજ્ઞાન આગળ વધતું જાય છે, તેમ-તેમ પ્રકૃતિનું જતન પણ વધારવું જોઈએ.

આમ કહી તેમણે વિદ્યાર્થીઓને જન્મદિવસ નિમિત્તે વૃક્ષારોપણ કરી ઉજવણી કરવા અને 'પ્લાસ્ટિક મુક્ત કેમ્પસ' બનાવવા અપીલ કરી હતી.

સામાજીક વનીકરણ રેન્જ પ્રભાસપાટણના સહયોગથી યોજાયેલા આ કાર્યક્રમમાં રેન્જ ફોરેસ્ટ ઓફિસર શ્રી સદાશિવ પંડ્યા સહિત વનવિભાગના અધિકારીઓ-કર્મચારીઓ વિદ્યાર્થીઓ અને મહાનુભાવોએ વૃક્ષારોપણ કર્યું હતું.

કાર્યક્રમના અંતે ઉપસ્થિત સર્વે શપથ લઈ અને વૃક્ષારોપણ કરી પ્રકૃતિના સંવર્ધન માટે સંકલ્પબદ્ધ થયા હતાં.
૦૦ ૦૦૦ ૦૦

30/09/2026

વેરાવળ ચોપાટી ખાતે આવતીકાલે સવારે 'સ્વચ્છતા અભિયાન' યોજાશે
--------------------
'સ્વચ્છતા અભિયાન'માં સહભાગી થવા નાગરિકોને અનુરોધ કરતા કલેક્ટર શ્રી જીતેન્દ્રસિંહ વાઘેલા
--------------------
દેશભરમાં વડાપ્રધાન શ્રી નરેન્દ્રભાઈ મોદીના સેવા, સુશાસનના ૨૫ વર્ષ પૂર્ણ થવાના અવસરે દેશભરમાં વિવિધ નાગરિક સેવા પ્રકલ્પોનું આયોજન કરવામાં આવી રહ્યું છે.

આવા જ એક 'સેવા સંકલ્પ અભિયાન' અંતર્ગત આવતીકાલે સવારે ૮.૦૦ કલાકે વેરાવળ ચોપાટી ખાતે “એક દિવસ, એક કલાક, એકસાથે–રાષ્ટ્રવ્યાપી શ્રમદાન દિવસ” નિમિત્તે સામૂહિક સ્વચ્છતા અભિયાન યોજવામાં આવનાર છે.

જિલ્લા કલેક્ટર શ્રી જીતેન્દ્રસિંહ વાઘેલાએ આ સેવાકીય અભિયાનમાં મોટાપાયે જોડાવા માટે સ્વયંસેવી સંસ્થાઓ, જિલ્લાના નાગરિકોને આહવાન કર્યું છે.

ઉલ્લેખનીય છે કે, પરમદિવસે રાષ્ટ્રપિતા મહાત્મા ગાંધીજીની જન્મજયંતિ છે. એ સર્વવિદિત છે કે, ગાંધીજીને સ્વચ્છતા પ્રિય હતી. ત્યારે, પૂજ્ય બાપૂને અંજલિરુપે ‘સ્વચ્છ શેરી, સ્વચ્છ ગામ, સ્વચ્છ શહેર’ની ભેટ સ્વચ્છતા અભિયાન દ્વારા આપીએ તેવી અપીલ પણ જિલ્લા કલેક્ટરશ્રીએ કરી છે.

આવતીકાલે વેરાવળ ચોપાટી ખાતે સવારે ૮.૦૦ થી ૯.૦૦ કલાક દરમિયાન આ સ્વચ્છતા અભિયાન યોજાશે. આ 'સ્વચ્છતા હી સેવા' અભિયાનમાં સહભાગી બની નગરને સુંદર બનાવવા માટે સહયોગ આપીએ અને નાગરિક સમાજને સ્વચ્છ અને સુંદર નગરની ભેટ આપીએ એ સમયનો તકાજો છે.

00 000 00 000૦૦ ૦૦૦ ૦૦

30/09/2026

વેરાવળ ચોપાટી ખાતે આવતીકાલે સવારે 'સ્વચ્છતા અભિયાન' યોજાશે
--------------------
'સ્વચ્છતા અભિયાન'માં સહભાગી થવા નાગરિકોને અનુરોધ કરતા કલેક્ટર શ્રી જીતેન્દ્રસિંહ વાઘેલા
--------------------
દેશભરમાં વડાપ્રધાન શ્રી નરેન્દ્રભાઈ મોદીના સેવા, સુશાસનના ૨૫ વર્ષ પૂર્ણ થવાના અવસરે દેશભરમાં વિવિધ નાગરિક સેવા પ્રકલ્પોનું આયોજન કરવામાં આવી રહ્યું છે.

આવા જ એક 'સેવા સંકલ્પ અભિયાન' અંતર્ગત આવતીકાલે સવારે ૮.૦૦ કલાકે વેરાવળ ચોપાટી ખાતે “એક દિવસ, એક કલાક, એકસાથે–રાષ્ટ્રવ્યાપી શ્રમદાન દિવસ” નિમિત્તે સામૂહિક સ્વચ્છતા અભિયાન યોજવામાં આવનાર છે.

જિલ્લા કલેક્ટર શ્રી જીતેન્દ્રસિંહ વાઘેલાએ આ સેવાકીય અભિયાનમાં મોટાપાયે જોડાવા માટે સ્વયંસેવી સંસ્થાઓ, જિલ્લાના નાગરિકોને આહવાન કર્યું છે.

ઉલ્લેખનીય છે કે, પરમદિવસે રાષ્ટ્રપિતા મહાત્મા ગાંધીજીની જન્મજયંતિ છે. એ સર્વવિદિત છે કે, ગાંધીજીને સ્વચ્છતા પ્રિય હતી. ત્યારે, પૂજ્ય બાપૂને અંજલિરુપે ‘સ્વચ્છ શેરી, સ્વચ્છ ગામ, સ્વચ્છ શહેર’ની ભેટ સ્વચ્છતા અભિયાન દ્વારા આપીએ તેવી અપીલ પણ જિલ્લા કલેક્ટરશ્રીએ કરી છે.

આવતીકાલે વેરાવળ ચોપાટી ખાતે સવારે ૮.૦૦ થી ૯.૦૦ કલાક દરમિયાન આ સ્વચ્છતા અભિયાન યોજાશે. આ 'સ્વચ્છતા હી સેવા' અભિયાનમાં સહભાગી બની નગરને સુંદર બનાવવા માટે સહયોગ આપીએ અને નાગરિક સમાજને સ્વચ્છ અને સુંદર નગરની ભેટ આપીએ એ સમયનો તકાજો છે.

00 000 00 000૦૦ ૦૦૦ ૦૦

29/09/2026

સેવા સેતુ 2.1(ગ્રામ્ય) કક્ષાનો બીજા તબક્કા કાર્યક્રમનો શુભારંભ
-----------------------------
વેરાવળ તાલુકાના ચમોડા ગામે પ્રાથમિક શાળા ખાતે આજ રોજ સેવા સેતુ 2.1(ગ્રામ્ય) બીજા તબક્કા કાર્યક્રમનો શુભારંભ કરવામાં આવ્યો. આ કાર્યક્રમમાં માન.સાંસદ સભ્યશ્રી (રાજ્યસભા) માનસિંહભાઈ પરમાર, ,તાલુકા પંચાયત પ્રમુખ, મામલતદારશ્રી વેરાવળ, ટીડીઓશ્રી વેરાવળ,તાલુકા ભાજપ પ્રમુખ તથા અન્ય પદાધિકારીશ્રીઓ તથા સરપંચશ્રીઓ અને સામાજીક અગ્રણીઓ ઉપસ્થિત રહ્યાં હતા..

29/09/2026

સેવા સેતુ 2.1(ગ્રામ્ય) કક્ષાનો બીજા તબક્કા કાર્યક્રમનો શુભારંભ
-----------------------------
સુત્રાપાડા તાલુકાના ઉંબરી ગામે પ્રાથમિક શાળા ખાતે આજ રોજ સેવા સેતુ 2.1(ગ્રામ્ય) કક્ષાનો બીજા તબક્કા કાર્યક્રમનો શુભારંભ કરવામાં આવ્યો. જેમાં આસપાસ ગામોના લોકો ને સ્થળ પર જ સેવા મળી રહે તે માટે પ્રોત્સાહિત કરવામાં આવ્યાં.આ કાર્યક્રમમાં માન.ધારાસભ્યશ્રી ભગવાનભાઈ બારડ, મામલતદારશ્રી સુત્રાપાડા, ટીડીઓશ્રી સુત્રાપાડા, મસરીભાઈ જિલ્લા શિક્ષણ સમિતિ ચેરમેનશ્રી, પ્રતાપભાઇ બારડ કિશાન મોરચા મહામંત્રીશ્રી, જશુભાઈ સોલંકી કારોબારી ચેરમેનશ્રી તાલુકા પંચાયત સુત્રાપાડા , અને સરપંચશ્રીઓ તથા સામાજીક અગ્રણીઓ ઉપસ્થિત રહ્યાં હતા..

29/09/2026

સેવા સેતુ 2.1(ગ્રામ્ય) કક્ષાનો બીજા તબક્કા કાર્યક્રમનો શુભારંભ
-----------------------------
*ગીરગઢડા* તાલુકાના *નાના સમઢિયાળા* ગામે પ્રાથમિક શાળા ખાતે આજ રોજ સેવા સેતુ 2.1(ગ્રામ્ય) કક્ષાનો બીજા તબક્કા કાર્યક્રમનો શુભારંભ કરવામાં આવ્યો. જેમાં ક્લસ્ટર હેઠળના ગામોના લોકો ને સ્થળ પર જ સેવા મળી રહે તે માટે પ્રોત્સાહિત કરવામાં આવ્યાં. કાર્યક્રમમાં મામલતદારશ્રીની ટીમ, ટીડીઓશ્રી , ટીપીઓશ્રી અન્ય લાગુ ડિપાર્ટમેન્ટ ના અધિકારી કર્મચારી ઉપસ્થિત રહ્યા હતા.તથા સામાજિક અગ્રણીઓ અને સરપંચ ઉપસ્થિત રહ્યાં હતા

28/09/2026

સૂત્રાપાડા બીચ ખાતે મેગા ક્લીનઅપ ડ્રાઇવ યોજાઈ
----------------
પ્લાસ્ટિકની બોટલો, પ્લાસ્ટિકની થેલીઓ, પેકિંગ સામગ્રી તથા અન્ય કચરો એકત્ર કરાયો
----------------
સેવા સંકલ્પ અભિયાન અંતર્ગત સૂત્રાપાડા બીચ ખાતે મદદગાર ફાઉન્ડેશન દ્વારા મેગા ક્લીનઅપ ડ્રાઇવનું સફળ આયોજન કરવામાં આવ્યું હતું.

આ સ્વચ્છતા અભિયાન દરમિયાન સૂત્રાપાડા બીચ અને આસપાસના દરિયાકિનારેથી પ્લાસ્ટિકની બોટલો, પ્લાસ્ટિકની થેલીઓ, પેકિંગ સામગ્રી તથા અન્ય કચરો એકત્ર કરી સ્થળને સ્વચ્છ કરવામાં આવ્યું હતું. એકત્ર થયેલા કચરાનું યોગ્ય રીતે વર્ગીકરણ કરી નિકાલ માટે મોકલવામાં આવ્યું હતું.

અભિયાનમાં સૂત્રાપાડા નગરપાલિકાના કર્મચારીઓ, સ્વયંસેવકો, યુવાનો તથા નગરજનો દ્વારા ઉત્સાહપૂર્વક ભાગ લેવામાં આવ્યો હતો. દરિયાકિનારે કચરો ન નાખવા, પ્લાસ્ટિકનો ઓછો ઉપયોગ કરવા તથા જાહેર સ્થળોની સ્વચ્છતા જાળવવા અંગે ઉપસ્થિત લોકોને જાગૃત કરવામાં આવ્યા હતા.

મદદગાર ફાઉન્ડેશન દ્વારા જણાવવામાં આવ્યું હતું કે, સ્વચ્છતા એ સૌની જવાબદારી છે. સ્વચ્છ દરિયાકિનારો – સ્વચ્છ સૂત્રાપાડા માટે નિયમિત રીતે સ્વચ્છતા અને જનજાગૃતિની કામગીરી કરવામાં આવશે જેમાં દરિયાકિનારાની સ્વચ્છતા જાળવવા માટે નગરજનોને પણ સહયોગ આપવા અનુરોધ કરવામાં આવ્યો હતો.
૦૦ ૦૦૦ ૦૦ ૦૦૦