25/08/2026
മംഗലാപുരം സെന്ട്രല്, മംഗലാപുരം ജംഗ്ഷന് ഉള്പ്പെടെയുള്ള സുപ്രധാന ഭാഗങ്ങള് പാലക്കാട് ഡിവിഷനില് നിന്ന് വെട്ടിമുറിച്ച് കേരളത്തിലെ റെയിൽവേ മേഖലയെ തകർക്കുന്ന ബിജെപി കേന്ദ്ര ഗവൺമെൻ്റിനെതിരെ തിരൂർ റെയിൽവേ സ്റ്റേഷനിലേക്ക് ഡിവൈഎഫ്ഐ മലപ്പുറം ജില്ലാ കമ്മിറ്റിയുടെ നേതൃത്വത്തിൽ യുവജന മാർച്ച് സംഘടിപ്പിച്ചു.
റെയിൽവേ സ്റ്റേഷനിലേ സിറ്റി ജംഗഷനിൽ നിന്ന് ആരംഭിച്ച സമരം റെയിൽവേ സ്റ്റേഷൻ മുൻപിൽ പോലീസ് തടഞ്ഞു.
സമരം കർഷക തൊഴിലാളി യൂണിയൻ ജില്ലാ സെക്രട്ടറി ഇ ജയൻ ഉദ്ഘാടനം ചെയ്തു. ജില്ലാ പ്രസിഡൻ്റ് പി ഷബീർ അധ്യക്ഷത വഹിച്ചു. ജില്ലാ ട്രഷറർ തേജസ് കെ ജയൻ സംസ്ഥാന കമ്മിറ്റി അംഗങ്ങളായ എൻ എം ഷഫീഖ് , ഇ ലിനീഷ്, ജില്ലാ ജോ സെക്രട്ടറി പി സൈഫുദ്ധീൻ, വൈസ് പ്രസിഡൻ്റ് ഇ അഫ്സൽ, എന്നിവർ സംസാരിച്ചു ജില്ലാ സെക്രട്ടറി കെ ശ്യാം പ്രസാദ് സ്വാഗതവും ബ്ലോക്ക് സെക്രട്ടറി പി സുമിത്ത് നന്ദിയും പറഞ്ഞു.
