१७ ऑक्टोबर २०१० : विजयादशमीच्या शुभमुहूर्तावर युवासेनेची स्थापना.
माननीय आदित्य ठाकरे यांची युवासेना प्रमुख म्हणून नेमणूक.
मुंबई विद्यापीठ विद्यार्थी परिषद् २०१०-११ यासाठी अध्यक्ष व सचिव पदावर युवासेनेच्या उमेदवारांची बिनविरोध निवड. विद्यापीठावर फडकला युवासेनेचा भगवा.
मुंबई विद्यापीठात अत्यंत प्रतिष्ठेच्या समजल्या जाणाऱ्या वर्ष २०१० च्या सिनेट निवडणुकीत १० पैकी ८ जागा जिंकून विद्यापीठावर युवासेना
प्रमुख मा. आदित्य ठाकरे यांच्या नेतृत्वाखाली युवासेनेचे निर्विवाद वर्चस्व.
मुंबई विद्यापीठ उपकेन्द्र उभारण्यासाठी कल्याण-डोंबिवली मनपाने विद्यापीठाचे कुलगुरू डॉ. राजन वेळूकर यांच्याकडे जागा हस्तांतरित केली. यासाठी युवासेना प्रमुख मान. आदित्य ठाकरे यांनी पाठपुरावा केला होता.
परीक्षा विभागातील विद्यार्थ्यांच्या तक्रारीचे निवारण करण्यासाठी युवासेनेने जोरदार पाठपुरावा करून प्रत्येक महिन्याच्या पहिल्या, दुसऱ्या आणि पाचव्या शनिवारी विद्यार्थी तक्रार निवारण दरबार भरविण्यास भाग पाडले.
तसेच विद्यार्थांना तक्रार करणे सोयीचे होण्याकरिता विद्यापीठाच्या मुख्य वेबसाईटला लिंक करून सिनेट सदस्य व विद्यार्थी तक्रार निवारण समिती यांच्याशी संपर्क करण्यासाठी वेबसाईट बनवली.
मुंबई विद्यापीठाचा पुनर्मूल्यांकन निकाल लवकर जाहीर करण्यासाठी युवासेना व सिनेट सदस्यांनी सतत पाठपुरावा केला.
विद्यापीठ सर्वच परीक्षांचा निकाल वेळेवर लावण्यास असमर्थ ठरते. अभियांत्रिकी, विधी, वाणिज्य, कला, विज्ञान तसेच सर्वच परीक्षांचे निकाल वेळेवर लावण्यासाठी सर्व सिनेट सदस्यांनी विद्यापीठावर सतत दबाव आणून शक्य तितक्या लवकर निकाल जाहीर करण्यास भाग पाडले आहे. या संपूर्ण निकालप्रक्रियेवर युवासेना सिनेट सदस्य कायम लक्ष ठेवून असतात व विद्यार्थी माहिती देत असतात.
पाटकर महाविद्यालयातील प्राध्यापकांच्या अश्लील व गैरवर्तणुकीविरोधात आवाज उठवून महाविद्यालय व पोलीस यंत्रणेला प्राध्यापकावर करवाई करण्यास भाग पाडले.
तृतीय वर्षातील विद्यार्थांना परीक्षा देताना पुरवणी उत्तरपत्रिका पुरवण्यास विद्यापीठ टाळाटाळ करीत होते. याविरुद्ध सिनेट सदस्यांनी जोरदार आवाज उठवून विद्यार्थांना लागतील तेवढ्या पुरवण्या उपलब्ध करण्यास भाग पाडले.
अपंग विद्यार्थांना पेपर सोडविताना १ तास जास्त वेळ देण्याची मुभा आहे. परंतु बऱ्याच महाविद्यालायांना याची माहिती नसल्यामुळे बरेचसे विद्यार्थी यापासून वंचित राहतात. याबाबत सिनेट सदस्यांनी जागरुकता दाखवून अपंग विद्यार्थांना पेपर सोडविण्यासाठी त्यांच्या हक्काचा एक तास मिळवण्यासाठी सहकार्य केले.
देशपातळीवरील तिरंदाजी स्पर्धेमध्ये निवड झालेल्या खेळाडूंना स्पर्धेत प्रवेश देण्यास मुंबई विद्यापीठ सहकार्य करत नव्हते. याविरुद्ध आदित्यसाहेबांच्या मार्गदर्शनाखाली सिनेट सदस्यांनी आवाज उठवून या खेळाडूंना न्याय मिळवून दिला.
चिनॉय व एम.व्ही.एल.यू. मोक्याचा ठिकाणी असलेल्या महाविद्यालयाच्या व्यवस्थापनाने महाविद्यालय बंद करण्यासाठी विद्यार्थ्यांना वैयक्तिक त्रास देऊन परीक्षेस बसण्यास हरकत घेतली होती. याविरुद्ध युवासेनेने जोरदार आंदोलन केले तसेच विद्यापीठ स्तरावर देखील सिनेट सदस्यांच्या माध्यमातून महाविद्यालयावर दबाव आणला. या परिस्थितीत युवासेनेच्या शिष्टमंडळाने कुलगुरू डॉ. राजन वेळूकर यांना घेराव घालून सर्व विद्यार्थ्यांना दूरशिक्षण अभ्यासक्रमातील परीक्षेस सामावून घ्यायला लावून त्यांना परीक्षेस बसायला दिले. त्याचबरोबर सिनेट सदस्यांनी विद्यापीठ स्तरावर दबाव आणून शेवटच्या वर्षाच्या विद्यार्थ्यांना परीक्षेस बसविण्यास भाग पडले. यासाठी केलेल्या आक्रमक संघर्षात युवासेनेच्या असंख्य पदाधिकाऱ्यांना अटक झाली होती. हा प्रश्न सोडविण्यासाठी युवासेनाप्रमुख आदित्य ठाकरे यांनी मुख्यमंत्र्यांची भेट घेतली होती.
भायखळा येथील सेंट मेरी विद्यालयाची मान्यता शासनाने रद्द केली होती. यांचा नाहक त्रास संबंधित विद्यालयातील विद्यार्थी व पालकांना होत होता. जवळजवळ १५०० विद्यार्थांना दुसऱ्या शाळेत विस्थापित व्हावे लागणार होते युवासेनेने यास जोरदार आक्षेप घेतला आणि विद्यालयाला पूर्ववत मान्यता मिळवून देण्यात सहकार्य केलं आणि विद्यार्थी व पालकांना न्याय मिळवून दिला.
मिशन क्लीन या अभिनव उपक्रमाच्या माध्यमातून महाविद्यालयातील स्वच्छतागृहे, उपाहारगृहे यांना ग्रेड देण्याची मागणी युवासेनेने केली. यासंबंधी सिनेटच्या बैठकीत तसा ठराव मान्य करून घेतला तसेच अजूनही याबाबत युवासेना पाठपुरावा करत आहे
मुंबई विद्यापीठच्या प्राधिकरण निवडणुकीमध्ये युवासेनेचे सिनेट सदस्य कार्यकारी कमिटी व इतर समित्यांवर निवडून आले. पुन्हा एखदा युवासेनेचे निर्विवाद वर्चस्व सिद्ध झाले
गोरेगाव (प.) येथील एल.एन.पटेल महाविद्यालयातील ७३ विद्यार्थांना दुसऱ्या वर्षातील वाणिज्य शाखेतील अनुदानित तुकडीमध्ये प्रवेश देण्यास महाविद्यालयास भाग पाडले.
रत्नागिरी उपकेंद्रामध्ये असलेल्या अपुऱ्या कर्मचाऱ्यांमुळे विद्यार्थांना त्रास होत होता. याविरुद्ध सिनेट सदस्यांनी सभागृहात आवाज उठवून तेथे अपूर्ण बांधकाम पुन्हा सुरू करण्यासाठी आणि कर्मचारी यांची संख्या वाढवण्यासाठी यशस्वी पाठपुरावा केला.
मुंबई विद्यापीठामध्ये संबंधित विद्यार्थ्यांच्या तक्रारी ऐकून घेण्यासाठी सिनेट सदस्यांना कायमस्वरूपी जागा नाही यासाठी विद्यापीठामध्ये ठिय्या आंदोलन करून जागा उपलब्ध करून घेतली
युवासेना प्रमुख मा. आदित्य ठाकरे यांच्या संकल्पनेतून रस्त्यावर, उद्यानात दिव्याच्या प्रकाशावर अभ्यास करणाऱ्या विद्यार्थ्यांसाठी मुंबई मनपाने १६ शाळा अभ्यासिकेसाठी उपलब्ध करून दिल्या.
युवासेना प्रमुख आदित्य ठाकरे यांनी दिल्लीत तत्कालीन रेल्वे मंत्री ममता बॅनर्जी यांची भेट घेतली. त्यांच्या सोबत झालेल्या चर्चेत आदित्य यांनी विद्यार्थी आणि जेष्ठ नागरिकांसाठी वेगळ्या डब्याची मागणी केली. त्यानंतर येणाऱ्या अर्थसंकल्पात तत्कालीन मा. रेल्वे मंत्री ममता बॅनर्जी यांनी याविषयी घोषणा केली होती.
राज्यातील शिकाऊ डॉक्टरांचे विद्यावेतन रु. २५५० इतके अत्यल्प होते. या अन्यायाविरुद्ध त्यांनी केलेल्या आंदोलनामध्ये युवासेना अध्यक्ष मा. आदित्य ठाकरे यांच्या मार्गदर्शनाखाली सर्व डॉक्टरांना जोरदार पाठिंबा दिला. यासाठी आदित्य ठाकरे यांनी मुख्यमंत्र्याची भेट घेऊन विद्यावेतन वाढविण्याची आग्रही मागणी केली. युवासेनेमुळे बाकीच्या पक्षांचं लक्ष पण या आंदोलनाकडे लागलं.
मुंबईत अनधिकृतरीत्या असलेल्या धोकादायक गतिरोधकांविरुद्ध आवाज उठवून सगळे गतिरोधक एकसमान करण्याची मागणी मनपाकडून मान्य करून घेतली.
मुंबई विद्यापीठात युवासेनेच्या मागणीनुसार प्रथमच जनता दरबार सुरू करण्यात आला. महिन्याच्या पहिल्या, तिसऱ्या आणि पाचव्या शनिवारी ११.०० ते १.३० परीक्षा भवन विद्यानगरीमध्ये जनता दरबार घेतला जातो.
मुंबई विद्यापीठाच्या तृतीय वर्षाच्या कला, वाणिज्य, बी.एम.एस. आणि बी.एससी. शाखेचा विलंबलेला निकाल युवासेनेच्या आंदोलनामुळे त्वरित जाहीर झाला आणि विद्यापीठाचे संकेतस्थळ कार्यरत नसल्यामुळे युवासेनेच्या मदत कक्षाने सुमारे १६,५७१ विद्यार्थांना निकालासंदर्भात मदत केली.
मुंबई विद्यापीठाच्या विलंबलेल्या निकालामुळे IBPS बँकिंग प्रवेशाच्या परीक्षेची १ जुलैची शेवटची तारीख होती. या वर्षी निकाल उशिरा लागल्याने यंदा उत्तीर्ण होणारे पदवीधर अर्ज भरण्यास असमर्थ होते. ही मुदत वाढवून १५ ऑगस्ट करावी यासाठी युवासेनेतर्फे IBPS ला निवेदन देण्यात आले आणि विद्यापीठास देखील IBPS ला यासंदर्भातील निवेदन देण्यास भाग पाडले.
मुंबईत अतिवृष्टीमुळे आणि उच्च ज्वारामुळे निर्माण झालेल्या परिस्थितीला तोंड देण्यासाठी शिवसेना – युवासेना मुंबई महानगरपालिका यांच्या मदत कक्षातून मुंबईकरांच्या सेवेसाठी तत्पर होती.
आशियाई हॉकी करंडक स्पर्धेत विजयी झालेल्या हिंदुस्थानी संघ व त्या संघात समाविष्ट असलेल्या मुंबईकर युवराज वाल्मिकी यांचं स्वागत युवासेनेतर्फे करण्यात आले व हिंदुहृदयसम्राट शिवसेनाप्रमुख मा.श्री. बाळासाहेब ठाकरे, शिवसेना कार्यकारी प्रमुख मा. उद्धवसाहेब ठाकरे यांनी आणि युवासेना प्रमुख मा. आदित्य ठाकरे यांनी युवराजला हॉकी खेळाचे किट देऊन भविष्यात लागेल ती मदत करण्याचे जाहीर केले.
युवासेना अवाजवी एसएमएसवर रोख लावणाऱ्यांच्या विरोधात आहे. TDTALM या प्रकारच्या एसएमएसवर प्रतिबंध केलाच पाहिजे किंवा त्या स्वीकारण्याचा अथवा बंद करण्याचा DND सारखा विकल्प असला पाहिजे. सरकारने एसएमएसवर बंदी घालणे म्हणजे अभिवादन स्वातंत्र्यावर गदा आणण्यासारखे आहे. युवासेना याविरोधात आहे. त्याऐवजी सरकारने आतंकवाद, भूक, भ्रष्टाचार आणि महागाई थांबवली पाहिजे.
गत वर्षांमध्ये ४ वेळा प्रभारी प्राचार्यांच्या नेमणुका करणाऱ्या शासकीय कायदे महाविद्यालयावर (GLC) दयनीय अवस्था आली होती आणि तेव्हाचे प्राचार्य हे न्यूट्रिशिनिअस्ट व होम सायन्सचे शिक्षक होते म्हणून त्यांच्या विरोधात युवासेनेने निदर्शने व आंदोलने केली. सोबत जोरदार पाठपुरावा केला आणि अनुभवी व उच्चशिक्षित कायद्याचे ज्ञान असलेले पूर्ण वेळ प्राचार्य देण्यास भाग पडले.
अभियांत्रिकी महाविद्यालय :
मुंबई विद्यापीठाच्या अंतर्गत येणाऱ्या अभियांत्रिकी महाविद्यालयातील सोयी-सुविधांचा आढावा घेण्यासाठी व त्याबाबतचा अहवाल वेळच्या वेळी संबंधित व्यवस्थापनांना देण्यासाठी महाविद्यालयीन पातळीवर स्थानिक परीक्षण समिती नेमा अशी मागणी युवासेनेने केली आहे. काही महाविद्यालयांच्या प्रयोगशाळांमध्ये आवश्यक उपकरणे नाहीत, कुठे प्रत्येक विषयाला प्राध्यापक नाहीत, ग्रंथालयात पुरेशी पुस्तके नाहीत, जिमखाना नाही, कॅन्टीन स्वच्छ नाहीत तर कुठे विद्यार्थ्यांकरता कॉमन रूम नाही. अशा विविध तक्रारींचा यात समावेश आहे. या तक्रारींची गंभीर दखल घेऊन युवाप्रमुख आदित्य ठाकरे यांच्या मार्गदर्शनानुसार युवासेनेने के.सी. कॉलेज दत्ता मेघे व यादवराव तासगावकर आदी महाविद्यालयांच्या व्यवस्थापनाला सूचना केल्या आहेत.
तरुणांसाठी युवासेनेची हेल्पलाईन : शिक्षण, आरोग्य, रोजगार याबरोबरच तरुणांच्या दैनंदिन जीवनातील प्रश्न सोडवण्यासाठी युवासेनेची हेल्पलाईन सेवा सुरू करण्यात आली आहे.
दूरध्वनी क्र २४३२८१८१
युवासेनेचे सिनेट सदस्य सोमवार, बुधवार आणि शुक्रवार सायं. ५ ते ७ या वेळेत विद्यार्थांच्या तक्रारी ऐकून घेण्यासाठी शिवसेना भवन येथे उपस्थित असतात.
