22/10/2025
നാരായണ ഗുരു രചിച്ച ഹോമമന്ത്ര മഹനീയത 100 വർഷം പിന്നിടുന്നത് ഉയർത്തിപ്പിടിച്ച് മഹാമഹങ്ങൾ സംഘടിപ്പിക്കുമ്പോൾ ചില സത്യങ്ങളും വസ്തുതകളും പറഞ്ഞ് പോകണം.
=====================================
ഹോമ മന്ത്രം പിറക്കുന്ന പശ്ചാത്തലം
-----------------------------------------------------------------------------
1875 ഏപ്രിൽ 10-ന് സ്വാമി ദയാനന്ദ സരസ്വതിയാണ് ബോംബെയിൽ ആര്യസമാജം സ്ഥാപിച്ചത്.
ശ്രീനാരായണ ഗുരു മദ്രാസിലെ (ഇന്നത്തെ ചെന്നൈ) ആര്യസമാജ ഓഫീസ് സന്ദർശിച്ചത് 1914-ലാണ്.
ആര്യസമാജം കേരളത്തിൽ പ്രവർത്തനം തുടങ്ങുന്നത് 1921 ലെ മാപ്പിളലഹളയെത്തുടർന്ന് ദുരിതമനുഭവിച്ചവർക്ക് സഹായം നൽകാനാണ്. പട്ടിക്കും പച്ചക്കും വഴി നടക്കാൻ സാധിക്കുന്ന സമൂഹ്യ വ്യവസ്ഥയിൽ അവർണ്ണ ഹിന്ദുവിന് അതിന് സാധിക്കാതിരുന്നത് ദുരിതമായി ആര്യസമാജത്തിന് തോന്നിയില്ല കേരളത്തിൽ പ്രവർത്തനം ആരംഭിക്കാൻ, സവർണ്ണ ഹിന്ദുവിന് മലബാർ കലാപത്തിൽ ദുരിതം വന്നപ്പോൾ മാത്രണ് അവർക്ക് കേരളത്തിൽ ഹിന്ദുവിന് ദുരിതം വന്നതായി വെളിപാട് ഉണ്ടായത്.
1914 മുതൽ ശിവഗിരി മഠത്തെ കുറിച്ച് അറിയാവുന്ന ആര്യസമാജക്കാർ 1925 ൽ ലാണ് ശിവഗിരി മഠത്തിൽ ഒരു വൈദിക ഹോമം നടത്താൻ ആഗ്രഹം ഉന്നയിക്കുന്നത് ? എന്ത് കൊണ്ട് 11 വർഷങ്ങൾ എടുത്തു ? പരിശോധന വേണ്ടേ ??
1921 ലെ മാപ്പിളലഹളയെത്തുടർന്ന് ദുരിതമനുഭവിച്ചവർക്ക് സഹായം നൽകാൻ മലബാറിൽ എത്തിയ ആര്യസമാജം നാരായണ ഗുരുവിന്റെ വത്സല ശിഷ്യൻ ശിവഗിരി മഠത്തിലെ അന്തേവാസി കുമാരനാശാൻ എഴുതിയ മലബാർ കലാപ കവിതയിലെ
" മാറ്റുവിൻ ചട്ടങ്ങളെ സ്വയമല്ലെങ്കിൽ
മാറ്റുമതുകളീ നിങ്ങളെത്താൻ " എന്ന
ശക്തമായ തിരുത്തൽ ചിലരോട് ആവിശ്യപ്പെടുന്ന വരികൾ മലബാറിൽ കറങ്ങി നടക്കുന്നത് തിരിച്ചറിയുന്നു.
അത് മാത്രമല്ല 1924 ൽ മദൻ മോഹൻ മാളവ്യ SNDP യോഗത്തിന്റെ വാർഷിക സമ്മേളനത്തിൽ എത്തിയപ്പോൾ ഉണ്ടായ സംഭവങ്ങൾ, ശിവഗിരിയിലെ മറ്റോരു അന്തേവാസിയായ അയ്യപ്പനും കൂട്ടരും മദൻ മോഹൻ മാളവ്യയെ നിർത്തി പൊരിക്കുന്നു, രാവണന് ജയ് വിളിക്കുന്നു. കൂടാതെ 1925 മാർച്ചിൽ നടന്ന ഗുരു - ഗാന്ധി സമാഗമത്തിൽ നാരായണ ഗുരു ഗാന്ധിയുടെ ഒരു ചോദ്യത്തിന് ഉത്തരം നൽകവേ എല്ലാ മതങ്ങളും മോഷത്തിന് പര്യാപ്തം എന്ന വാദവും ആര്യസമാജത്തെ പൊടുന്നനെ ശിവഗിരി
"സ്വാംശീകരണം പദ്ധതിക്ക് " ഗൂഢമായും അടിയന്തിരമായും പ്രേരിപ്പിച്ചു. ഈ ചരിത്ര പശ്ചാത്തലങ്ങളാണ് 11 വർഷം മുമ്പ് ആര്യസമാജത്തിന് അറിയാമായിരുന്ന ശിവഗിരിയിൽ വൈദീക പൂജ 1925 ജൂലൈ മാസം പൊടുന്നനെ നടത്താനുണ്ടായ ചേതോവികാരം.
കേരളത്തിൽ ശിവഗിരി കുന്ന് കേന്ദ്രമാക്കി നാരായണ ഗുരുവും ശിഷ്യന്മാരും സവർണ്ണ ഹിന്ദുത്വ മേധാവിത്വം അനായസം തുരത്തിക്കളയുന്നു എന്ന തിരിച്ചറിവാണ്, നാരായണ ഗുരുവും ശിഷ്യ പരമ്പരയും അകലം പാലിക്കുന്ന ആര്യ ബ്രാഹ്മണ വൈദീക ഹോമ ആയിത്തത്തിന്റെ ചരട് പൊട്ടിച്ച് ശിവഗിരിയെ ഹൈന്ദവ വൽക്കരിക്കുക എന്ന ലക്ഷ്യവുമായി ആര്യസമാജം ഹിന്ദുത്വ പ്രോജക്റ്റ് ഓൺ ചെയ്തത്. നാരായണ ഗുരുവും ശിഷ്യന്മാരും സവർണ്ണ ഹിന്ദുത്വ മേധാവിത്വം അനായസം തുരത്തിക്കളയുന്നത് തങ്ങളുടെ ഹിന്ദുത്വ ക്രോഡികരണത്തിന് നന്നല്ല എന്ന് തിരിച്ചറിഞ്ഞവർ,
ബ്രാഹ്മണ്യത്തിന്റെ എക്കാലത്തെയും തുറുപ്പ് ചീട്ടായ "സ്വാംശീകരണം" പദ്ധതി ശിവഗിരി കുന്നിൽ അത്യാവിശ്യമാണ് എന്ന് തിരിച്ചറിയുന്നു. അതുകൊണ്ടാണ് 1914 ൽ ശിവഗിരിയെ കുറിച്ച് അറിഞ്ഞവർക്ക് 1925 ൽ വെളിപാട് ഉണ്ടായത്, "ശിവഗിരിയിൽ ഒരു വൈദീക ഹോമ പദ്ധതി നടപ്പിലാക്കണമെന്ന്". വലിയ സന്യാസ ശിഷ്യ സമ്പത്തും, പരമ്പരയും, ക്ഷേത്ര പ്രതിഷ്ഠ നടത്തുന്ന ആചാര്യനും ഉള്ളിടത്ത് ഞങ്ങൾ വന്ന് ഒരു പൂജയും ഹോമവും നടത്താം എന്ന് ആവിശ്യപ്പെടുന്നത് തന്നെ ഒരു " ഔചിത്യക്കേടും, കൊല്ലക്കുടിയിൽ സൂചി വിൽക്കണമെന്ന മനോഭാവവും " അല്ലാതെ പിന്നെ എന്ത് മനോഭാവമാണ് ??
1924 മുതൽ വൈക്കം സത്യാഗ്രഹത്തിൽ ശ്രദ്ധ കേന്ദ്രീകരിച്ചിരുന്ന ശിവഗിരി മഠം 1925 ൽ ആര്യ സമാജത്തിന്റെ ആഗ്രഹം സമ്മതിച്ച് കൊടുക്കുന്നു. ഒരുവൻ തന്നെ സമീപിക്കുന്നതിന്റെ ഇംഗിതം മുൻകൂടി ഗ്രഹിക്കാൻ അപാര ബുദ്ധിശക്തിയുള്ള നാരായണ ഗുരു ആര്യ സമാജത്തിന്റെ ഹിഡൻ അജണ്ട തിരിച്ചറിയുന്നു. നമ്പൂതിരി ഹിന്ദു മതക്കാരുടെ യാതോരു തരത്തിലുള്ള നിത്യ ഗണപതി ഹവന പദ്ധതികളും ഹോമാചാരങ്ങളുമായി ഒരു ബന്ധവും പുലർത്താത്ത ശിവഗിരിയിൽ നമ്പൂതിരി ഹിന്ദു മതക്കാരുടെ ഹോമബന്ധ സ്വാംശീകരണം നടത്തുന്ന പദ്ധതി നാരായണ ഗുരു പൊളിച്ചത് ഈ വേളയിൽ ചർച്ച ചെയ്യണം, അതാണ് ഈ പോസ്റ്റിന്റെ ലക്ഷ്യം.
ആരെയും നിക്ഷേധിക്കാതെ, എങ്കിൽ അവരുടെ ഗൂഢ പദ്ധതിയും പൊളിച്ച് കൊടുക്കുന്ന നാരായണ ഗുരു ആര്യ സമാജത്തിന്റെ ആഗ്രഹം സമ്മതിച്ച് കൊടുത്തു. ആര്യ സമാജത്തിന്റെ കെണി മന:സ്സിലാക്കിയ ഗുരു തന്റെ സ്വതസിദ്ധമായ വൈഭവത്തിൽ തിരിച്ച് ആര്യ സമാജത്തിന് ഒരു ചെക്ക് വെച്ചു.
ഹോമം താൻ നൽകുന്ന മന്ത്രത്തിൽ ചെയ്യാൻ ബുദ്ധിമുട്ട് ആവില്ലലോ എന്ന് ചോദിച്ച്, ഇല്ല എന്ന മറുപടി അവരിൽ നിന്ന് തരപ്പെടുത്തി.
എന്നിട്ട് എന്താ ഗുരു ചെയ്തത് ? അപ്പോൾ ഒരു മന്ത്രം രചിച്ചു അവർക്ക് നൽകിയിട്ട് ഈ മന്ത്രം ഉപയോഗിച്ച് ഹോമം ചെയ്യാൻ ആവിശ്യപ്പെട്ടു. കെണിയിൽ വീണ ആര്യസമാജക്കാർ മറ്റോരു അഭ്യാസം ഉടൻ എടുത്തു.
# # # # # # # #
ഹോമ മന്ത്രത്തിന്റെ പോരുളും കാതലും മനസ്സിലായ ആര്യ സമാജക്കാർ അതും തങ്ങളുടെതാക്കാൻ ഒരു അഭ്യാസം നടത്തി. വേദങ്ങളിൽ നിന്ന് നഷ്ടപ്പെട്ട ഈ മന്ത്രം ഗുരുവിന് എങ്ങനെ ലഭിച്ചു എന്ന്......
😂😂😂😂
എങ്ങനെ ഉണ്ട് പണി ?
ഗുരു അതിന് മറുപടി നൽകിയത്
ഇത് ഇപ്പോൾ നാം രചിച്ച് തീർന്നതേ ഒള്ളല്ലോ..... വേദങ്ങളിൽ അങ്ങനെ ഒന്ന് ഇല്ലല്ലോ എന്ന മറു ചോദ്യം ഗുരു ഉന്നയിച്ചു.
ഇതാണ് ബ്രാഹ്മണ്യത്തിന്റെ സ്വാംശീകരണ ഗൂഢ പദ്ധതി, തങ്ങൾക്ക് വെല്ലുവിളി ഉയർത്തുന്ന ഒന്നിനെ തങ്ങളുടെതാക്കുന്ന പദ്ധതി.
ഈ സ്വാംശീകരണ പദ്ധതിയിലൂടെയാണ് ഒരുകാലത്ത് തങ്ങൾ തകർത്ത ബുദ്ധമതത്തിന്റെ തത്വ ബോധിയായ, തപസ്സിലൂടെ ജ്ഞാനപദം പുൽകിയെന്ന് ആരോപിക്കുന്ന, ദൈവം ഉണ്ടോ എന്ന് തനിക്ക് അറിയില്ല എന്ന് പറഞ്ഞ, ബുദ്ധനെ ഇപ്പോൾ ബലരാമനെ മാറ്റി പത്ത് അവതാരത്തിൽ എടുത്തിരിക്കുന്നത്.
സനാതന ഹിന്ദുമതത്തിന്റെ നാല് ആരക്കാലുകളായ
ദയ, ദാനം, സത്യം, ധർമ്മം ഇവ തകർത്തു എന്നായിരുന്നു അഹിംസ സിദ്ധാന്തം മുന്നോട്ട് വെച്ച ബുദ്ധനും ബുദ്ധമതത്തിനും എതിരായ നാളിതുവരെയുള്ള സനാതന നമ്പൂതിരി മതത്തിന്റെ പ്രചരണം, അത് പറഞ്ഞ് അവർ ബുദ്ധസന്യാസിമാരെ കഴുവേറ്റി കൊന്നു.
വേദങ്ങളിൽ നിന്ന് നഷ്ടപ്പെട്ട മന്ത്രം എന്ന് ഒരു ഉളുപ്പും ഇല്ലാതെ നാരായണ ഗുരുവിന്റെ മുഖത്ത് നോക്കി ആര്യ ബ്രാഹ്മണ മതക്കാർക്ക് അന്ന് പറയാൻ പറ്റി എന്നതാണ് നാം തിരിച്ചറികേണ്ടതും ചർച്ച ചെയേണ്ടതും.
ശിവഗിരിയിലെ ശ്രീ. ശരാദ പ്രതിഷ്ഠ സമയത്ത് പോലും ശിവഗിരിയിൽ നാരായണ ഗുരു ബ്രാഹ്മണ്യ കോപ്രായ ഹോമങ്ങൾ ചെയ്തില്ല, ശരാദയുടെ ക്ഷേത്രത്തിൽ പടിത്തരമാക്കിയില്ല.
ആര്യ ബ്രാഹ്മണ മതക്കാരുടെ തങ്ങളുടെത് എന്ന് അവർ അവകാശപ്പെടുന്ന ഒരു മന്ത്രവും ശിവഗിരി കുന്നിൽ വേണ്ട എന്ന ഉറച്ച നിലപാടും തീരുമാനവുമാണ് ഹോമമന്ത്ര രചനയിലൂടെ ഗുരു മുന്നോട്ട് വെച്ചതും അതിലൂടെ നടപ്പിലാക്കിയതും എന്ന് നാം തിരിച്ചറിയണം.
ചുരുക്കി പറഞ്ഞാൽ ബ്രാഹ്മണ്യം അതിന്റെ "സ്വാംശീകരണം പദ്ധതിയുമായി" ശിവഗിരി കുന്ന് കയറിയിരുന്നില്ലയെങ്കിൽ, നാരായണ ഗുരു രചിച്ച ഹോമമന്ത്രം ജനിക്കുകയില്ലായിരുന്നു എന്ന് സാരം.
അടുത്ത ചോദ്യം, ശ്രീ നാരായണീയർ ചോദിക്കേണ്ടതും, അറിഞ്ഞിരിക്കേണ്ടതും, 1925 ൽ, ശിവഗിരി കുന്നിൽ ഗത്യന്തരമില്ലാതെ ഗുരുവിന്റെ കെണിയിൽപ്പെട്ട് നടത്തിയ പ്രസ്തുത ചടങ് അല്ലാതെ പിന്നീട് ആര്യസമാജമോ, ഏതെങ്കിലും ഹിന്ദു ഐക്യ ഹിന്ദു വോ, ഹിന്ദു ഐക്യ സംഘടനകളോ, അവരുടെ വീട്ടിലോ, ക്ഷേത്രത്തിലോ, പൊതുയിടത്തിലോ അവർ ഹിന്ദു സന്യാസിയാക്കാൻ നടക്കുന്ന നാരായണ ഗുരു രചിച്ച ഹോമ മന്ത്രം ഉപയോഗിക്കാറുണ്ടോ ?? ഉത്തരം ഇല്ല എന്ന് തന്നെ ! കാരണം നാരായണ ഗുരു രചിച്ച ഹോമ മന്ത്രം അവർ ഉൾപ്പെടുത്തിയിരിക്കുന്നത് അയിത്തപ്പട്ടികയിലാണ് !!
നാരായണ ഗുരു രചിച്ച ഹോമ മന്ത്രത്തിന്റെ സൈന്ദവ തലങ്ങളും ( ദ്രാവിഡ തലങ്ങും ), ഹോമ മന്ത്രം ആര്യ ബ്രാഹ്മണരുടെ ഏറ്റവും സവിശേഷ മന്ത്രം എന്ന് പറയുന്ന, മന്ത്രങ്ങളുടെ മാതാവ് എന്ന് പറയുന്ന ഗായത്രീ മന്ത്രവുമായി എങ്ങനെയോക്കെ വിഭിന്ന പ്പെട്ടിരിക്കുന്നു എന്ന് പിന്നീട് വിശദമായി ചർച്ച ചെയ്യേണ്ട ഒന്നാണ്.
മറ്റോന്ന്, ഗുരു ദർശനത്തിലുള്ള വിശ്വാസവും ഭക്തിയും കൊണ്ടാണോ SNDP യോഗത്തിന്റെ കെയർ ടെക്കറായ
ശ്രീ. വെള്ളാപ്പള്ളി നടേശൻ നാരായണ ഗുരു രചിച്ച ഹോമമന്ത്രത്തിന്റെ 100 ആം വർഷ മഹാമഹം സംഘടിപ്പിച്ചത് ?
നാരയണ ഗുരുവിന്റെ ദർശന മഹിമയിൽ, ഗുരു ഒരേ ഒരു പ്രാവിശ്യം അവർത്തിച്ച് മൂന്ന് വട്ടം അരുത്.... അരുത്..... അരുത് എന്ന ഉദ്ബോധിപ്പിച്ച മദ്യവർജ്ജനത്തിന്റെ നൂറാം വാർഷികം 1921 ൽ SNDP യോഗത്തിന്റെ കെയർ ടെക്കറായ ശ്രീ. വെള്ളാപ്പള്ളി നടേശൻ SNDP യോഗത്തിന്റെ ശാഖകൾ തോറും നടത്തിയില്ല ? ശാഖകൾ തോറും നടത്തിയില്ലയെങ്കിലും സംസ്ഥാന തലത്തിൽ എങ്കിലും നടത്തിയില്ല ?
ഇപ്പോൾ എന്ത് കൊണ്ട് SNDP യോഗത്തിന്റെ കെയർ ടെക്കറായ ശ്രീ. വെള്ളാപ്പള്ളി നടേശൻ നാരായണ ഗുരു രചിച്ച ഹോമമന്ത്രത്തിന്റെ 100 ആം വർഷ മഹാമഹം സംഘടിപ്പിച്ചത്?
ഈ വേളയിൽ മുഴുവൻ ശ്രീ നാരായണീയരും ഈ ചോദ്യം ഉന്നയിച്ചില്ലെങ്കിലും SNDP യോഗത്തിൽ മെമ്പർഷിപ്പ് ഉള്ള ഈഴവർ ഈ ചോദ്യം ചോദിക്കണം, ഉത്തരം കണ്ടെത്തണം.
ദ്രാവിഡ വിചാര കേന്ദ്രം
