05/10/2020
കുട്ടികൾക്കായി വലപ്പാട് ഉപജില്ലയിലെ അധ്യാപകരും ഉപജില്ലാ വിദ്യാഭ്യാസ ഓഫീസ് ജീവനക്കാരും ചേർന്ന് പാടി ആവിഷ്കരിച്ച സംഗീതശില്പം കുഞ്ഞിക്കുരുവികൾ വിദ്യാർത്ഥികൾക്കായി സമർപ്പിച്ചു...
കോവിഡ് മഹാമാരിയിൽ വിദ്യാലയങ്ങളിലെത്താനാവാതെ വീടകങ്ങളിൽ ഒതുങ്ങേണ്ടി വന്ന വിദ്യാർത്ഥികളിൽ വിദ്യാലയ പ്രതീക്ഷകളും പ0ന സ്വപ്നങ്ങളും പകരുവാനായാണ് അധ്യാപകരും ഓഫീസ് ജീവനക്കാരും ചേർന്ന് സംഗീതശില്പം ആവിഷ്കരിച്ചത്. വലപ്പാട് ഉപജില്ല ഓഫീസ് സീനിയർ സൂപ്രണ്ട്. ജസ്റ്റിൻ തോമസ് ആണ് സംഗീതശില്പത്തിൻ്റെ സംവിധായകൻ...
ഉപജില്ലയിലെ വിദ്യാലയങ്ങളിലെ പഠന നേട്ടങ്ങൾ, കൃഷി, പരിസ്ഥിതി, ലൈബ്രറി ,ശാസ്ത്ര നേട്ടങ്ങൾ.. തുടങ്ങിയവയുടെ ദൃശ്യാവിഷ്കാരം സംഗീതശില്പത്തിൻ്റെ ഭാഗമാണ്...
വലപ്പാട് ഉപജില്ലാ വികസന സമിതിയാണ് സംഗീതശില്പത്തിൻ്റെ നിർമ്മാതാക്കൾ...
സംഗീതശില്പ സമർപ്പണം ജില്ലാ പഞ്ചായത്ത് വിദ്യാഭ്യാസ സ്റ്റാൻ്റിങ്ങ് കമ്മറ്റി ചെയർപേഴ്സൺ.മഞ്ജുള അരുണൻ നിർവഹിച്ചു. നാട്ടിക ഗ്രാമ പഞ്ചായത്ത് പ്രസിഡണ്ട്.പി. വിനു. അദ്ധ്യക്ഷത. വഹിച്ചു. എ. ഇ.ഒ.ഓഫീസ് സീനിയർ സൂപ്രണ്ട് ജസ്റ്റിൻ.വി.തോമസ്. ആ മുഖ പ്രഭാഷണം നടത്തി. ചാവക്കാട് വിദ്യാഭ്യാസ ജില്ല ഓഫീസർ.സി.സി. കൃഷ്ണകുമാർ.മുഖ്യാതിഥിയായി. തളിക്കുളം BPC .എം.മോഹൻരാജ്, ഗാനരചയിതാവ് രമേഷ് പനക്കൽ ഉപജില്ല വിദ്യാഭ്യാസ സമിതി ഭാരവാഹികളായ സി.കെ.ബിജോയ്, എം.ഡി. ജോസ്, എം.എ.സാദിഖ്എന്നിവർ സംസാരിച്ചു.
