06/11/2025
"നാട്ടൊരുമയുടെ നാട്ടിൻപുറം
നൻമകളാൽ സമൃദ്ധം"
തുടർച്ചയായ പതിമൂന്നാം വർഷവും വായനശാല ഫ്രണ്ട്സ്, മരത്തംകോടിൻ്റെ ഹൃദയഭാഗത്ത് നയനാനന്ദകരമായ ബഹുവർണ്ണ പന്തൽ കമനീയമായി ഒരുക്കുന്നു. ഈ കാലയളവിലെല്ലാം ബഹു വർണ്ണ പന്തലുകളെല്ലാം ഒരുക്കിയത്. എടപ്പാൾ ബൈജുവിൻ്റ നേതൃത്വത്തിലൂള്ള നാദം ലൈറ്റ് സൗണ്ടാണ്. നിരവധി തവണ പല തരത്തിലുള്ള പ്രതിസന്ധികളെ അതിജീവിച്ചാണ് പരിശുദ്ധ പരുമല തിരുമേനിയുടെ നാമധേയത്തിലുള്ള മരത്തംകോട് പെരുന്നാൾ വർണാഭമാക്കുന്നത്. പെരുന്നാളിന് ശേഷം അഞ്ചാം തിയ്യതി വായനശാല ഫ്രണ്ട്സിൻ്റെ പന്തൽ അഴിച്ചുമാറ്റുന്നതിനിടയിൽ പന്തൽ റോഡിലേക്ക് തകർന്നു വീഴുകയും അതിഥി തൊഴിലാളിക്ക് ചെറിയ പരിക്കും, ഗുഡ്സ് വാഹനം ഭാഗീകമായി തകരുകയും ചെയ്തു.
ഈ നാട്ടിലെ സുമനസ്സരായ ജനങ്ങൾ, വിവിധ കമ്മറ്റികളിലെ അംഗങ്ങൾ അതിനുമപ്പുറം വിവിധ കമ്മറ്റികൾക്കു വേണ്ടി പന്തലുകൾ ഒരുക്കുമ്പോൾ ഏറ്റവും മികച്ചത് നൽകാൻ ലൈറ്റ് & സൗണ്ടുകൾ തമ്മിൽ ആരോഗ്യപരമായ മത്സരം എല്ലാ കാലത്തും ഉണ്ടായിട്ടുണ്ട്. അപകടം സംഭവിച്ചപ്പോൾ മറ്റു പന്തലുകളുടെ തൊഴിലാളി സുഹൃത്തുക്കളുടെ അവസരോചിതവും, വേഗത്തിലുള്ള പ്രവർത്തനമാണ് നാട്ടുകാർക്ക് പ്രചോദനമായത്. എല്ലാവരും ഒത്തൊരുമിച്ച് ഒരു മാലയിൽ കോർത്ത പുഷ്പ്പങ്ങളെ പോലെ മുന്നോട്ടിറങ്ങി പ്രവർത്തിച്ചപ്പോൾ ഗതാഗത കുരുക്ക് ദ്രുതഗതിയിൽ പരിഹരിക്കുവാനും, മറ്റു അപകടങ്ങൾ ഒഴിവാക്കാനും സാധിച്ചു. മാതൃകാപരമായ പ്രവർത്തനങ്ങൾക്ക് നേതൃത്വം നൽകിയ മുഴുവനാളുകളെയും വായനശാല ഫ്രണ്ട്സ് ഹൃദയത്തിൽ ചേർത്തു വെക്കുന്നു. നന്ദി സ്നേഹം.....
ആഘോഷങ്ങൾക്കുമപ്പുറം അതിജീവനത്തിനും, കരുതലിനും, പരസ്പ്പര സഹായത്തിനും "ഈ നാട് ഇങ്ങിനെയാണ് ഭായ് "
മരത്തംകോട്
©️ _mp_sijo
