13/07/2026
നെല്ലുവായ് ഗ്രാമീണ വായനശാലയുടെ ആഭിമുഖ്യത്തിൽ ആദരവ്.
വെള്ളാറ്റഞ്ഞൂർ ശങ്കരൻ നമ്പീശൻ സ്മാരക ട്രസ്റ്റിന്റെ 18 വയസ്സിന് താഴെയുള്ളവരുടെ അഖില കേരള മദ്ദള കേളി മത്സരത്തിൽ ഒന്നും രണ്ടും സ്ഥാനങ്ങൾ കരസ്ഥമാക്കി നാടിൻ്റെ അഭിമാനമായി മാറിയ നിരഞ്ജൻ, അഥർവ് അവരെ ഇതിന് പ്രാപ്തമാക്കിയ ഗുരുനാഥൻ പ്രശസ്ത മദ്ദള കലാകാരൻ കലാമണ്ഡലം സുബീഷ്, SSLC, +2 പരീക്ഷകളിൽ വിജയം നേടിയ നമ്മുടെ കുട്ടികൾ, ലോകകപ്പ് ഫുട്ബോളിനെ ആസ്പദമാക്കി വായനശാല നടത്തിയ ക്വിസ്, ചിത്രരചന മത്സരങ്ങളിലെ വിജയികൾ എന്നിവരെയെല്ലാം ഉപഹാരം നൽകി ആദരിച്ചു. വടക്കാഞ്ചേരി ബ്ലോക്ക് പഞ്ചായത്ത് മുൻ അംഗവും മോട്ടിവേഷൻ സ്പീക്കറും കൗൺസിലറും ആയ ഡോ. V C ബിനോജ് മാസ്റ്റർ ഉദ്ഘാടനം ചെയ്ത പരിപാടിയിൽ നിലവിലെ ബ്ലോക്ക് പഞ്ചായത്ത് അംഗം സിജി ജോൺസൺ മുഖ്യാതിഥിയായി.
