22/08/2026
കെസ്നിക്ക് 'മെറിറ്റോണം -2026 ' പരിപാടി ആഘോഷിച്ചു.
സംസ്ഥാന നിർമ്മിതി കേന്ദ്രത്തിന്റെ ഓണാഘോഷ പരിപാടിയായ 'മെറിറ്റോണം '-2026 ബഹു.ജല വിഭവ ഭവന വകുപ്പ് മന്ത്രി അഡ്വ . മോൻസ് ജോസഫ് ഉദ്ഘാടനം ചെയ്തു തിരുവനന്തപുരം പി ടി പി നഗറിലുള്ള കെസ്നികിന്റെ ഹെഡ് ഓഫിസിലെ കാർണിവൽ ഹാളിലാണ് ആഘോഷ പരിപാടികൾ നടന്നത് . ബഹു. കെസ്നിക്ക് ഡയറക്ടർ ഡോ ഫെബി വർഗ്ഗീസ് അധ്യക്ഷത വഹിച്ച യോഗത്തിൽ ഫിനാൻഷ്യൽ അഡ്വൈസർ ശ്രീ നിസാറുദീൻ എ , ചീഫ് എഞ്ചിനീയർ ശ്രീ സന്തോഷ് വി തുടങ്ങിയവർ സംസാരിച്ചു. പ്രസ്തുത പരിപാടിയിൽ കെസ്നിക്കിന്റെ ഏറ്റവും മികച്ച റീജിയണൽ ഓഫിസുകൾക്കുള്ള ട്രോഫി ബാർട്ടൺഹിൽ, വട്ടിയൂർക്കാവ് സെന്ററുകൾക്ക് മന്ത്രി സമ്മാനിച്ചു . കൂടാതെ വിവിധ അക്കാഡമിക് വിഭാഗങ്ങളിൽ ഉന്നത വിജയം നേടിയവർക്കുള്ള അവാർഡുകളും മന്ത്രി സമ്മാനിച്ചു . കെസ്നിക്കിന്റെ ഹെഡ് ഓഫീസിലെയും റീജിയണൽ ഓഫീസിലെയും ജീവനക്കാരും ആഘോഷത്തിൽ പങ്കെടുത്തു.കെസ്നിക്കിലെ ജീവനക്കാർ വിവിധ കലാ പരിപാടികൾ അവതരിപ്പിച്ചു.
