21/11/2021
മത്സ്യഫെഡിന് ദേശീയ അവാർഡ്
മത്സ്യമേഖലയിലെ പ്രവർത്തനങ്ങൾക്ക് മത്സ്യഫെഡിന് ദേശീയ അംഗീകാരം ലഭിക്കുകയാണ്. ദേശീയ മത്സ്യ വികസന ബോർഡ് മത്സ്യ മേഖലയിലെ പ്രവർത്തനങ്ങൾക്ക് പൊതുമേഖലയിലെ പ്രവർത്തിക്കുന്ന സ്ഥാപനം എന്ന നിലയിലാണ് അവാർഡ് നൽകുന്നത്. 5 ലക്ഷം രൂപയും പ്രശസ്തി ഫലകവുമടങ്ങുന്ന അവാർഡ് ഒഡീഷയിലെ ഭുവനേശ്വറിൽ വച്ച് ലോക മത്സ്യ ദിനമായ നവംബർ 21 ന് നടന്ന ചടങ്ങിൽ വച്ച് കേന്ദ്ര ഡയറി ഫിഷറീസ് വകുപ്പ് മന്ത്രി ശ്രീ. പർഷോത്തം രൂപാലയിൽ നിന്നും മത്സ്യഫെഡ് ചെയർമാൻ ശ്രീ.ടി. മനോഹരനും , മാനേജിംഗ് ഡയറക്ടർ ഡോ. ദിനേശൻ ചെറുവാട്ടും സ്വീകരിച്ചു.
മഹാപ്രളയത്തിൽ കേരളത്തിലെ ജനങ്ങളുടെ രക്ഷകരായി മാറി കേരളത്തിന്റെ സ്വന്തം സൈന്യമായി ലോകമാകെ അംഗീകരിക്കപ്പെട്ട മത്സ്യ തൊഴിലാളികളുടെ സ്ഥാപനമായ മത്സ്യഫെഡിന് കിട്ടിയ അംഗീകാരം കേരളത്തിലെ മത്സ്യ തൊഴിലാളികൾക്കുള്ള അംഗീകാരമാണ്.