29/08/2026
TM സുന്ദര രാജനെന്ന ചെണ്ട രാജൻ സഖാവ്..🌹
കലയെയും കലാകാരനെയും സ്നേഹിച്ച മനുഷ്യൻ, അതോടൊപ്പം സാമൂഹ്യപ്രവർത്തനത്തിന് പ്രാമൂഹ്യം കൊടുത്ത വെക്തി, സിപിഐഎം മലഞ്ചുറ്റ് ബ്രാഞ്ച് സെക്രട്ടറിയായി മൂന്നു ടേണും (9 വർഷത്തോളം )ലോക്കൽ കമ്മിറ്റി അംഗമായി പ്രവർത്തിച്ച നാളുകൾ. കോവിടെന്ന മഹാമാരിക്കാലത്ത് മനുഷ്യൻ മനുഷ്യനെ ഭയപ്പെട്ടിരുന്ന കാലത്ത് സാമൂഹ്യ പ്രതിബദ്ധത ഉഴർത്തിപ്പിടിച്ചുകൊണ്ട് അപരൻ്റെ ദുഃഖം സ്വന്ത ദുഃഖമായി കരുതികൊണ്ട് സ്വജീവനെ ബലിയർപ്പിച്ച് വിപ്ലവം തീർത്ത മനുഷ്യൻ. അതെ വേർപാടിന്റെ 5 വർഷം പിന്നിട്ടിരിക്കുന്നു. ഓർമ്മകളിൽ അലയടിക്കുന്നത് ആ ചെണ്ട രാജനെയാണ്. തൻ്റെ പിതാവായ തങ്കസ്വാമി ആശാനിൽ നിന്നും തന്റെ മുത്തച്ഛൻ ആയ ഐ ആശാനിൽ നിന്നും പകർന്നുകിട്ടിയ താള വൈഭവം, അത് അസുരവാദ്ധ്യമായ ചെണ്ടയിലായിരുന്നു പകർന്നാടിയത്. ആ താളപ്പൊലിമ ഇന്നും കാതുകളിൽ മുഴങ്ങുകയാണ്.പാറശ്ശാലയെന്ന പ്രദേശത്ത് അതി മനോഹരവും കുഞ്ഞു ഗ്രാമവുമായ കുഴക്കോട്ടുകോണം എന്ന സ്ഥലത്താണ് തൻ്റെ ജനനം. ഇന്ന് വളരെ പ്രശസ്തമായ കാവ് ഇവിടെയാണ് സ്ഥിതിചെയുന്നു "മയിലേന്തികാവ്" എന്ന ഭഗവതി ക്ഷേത്രം. ഈ കാവിൻ്റെ നാമദേയത്തിലാണ് ചെണ്ട രാജൻ ചെണ്ടമേളവും ശിങ്കാരിമേളവും ആരംഭിക്കുന്നത്. ഇന്ന് കേരളത്തിലും, തമിഴ്നാട്ടിലും ഒട്ടുമിക്ക സംസ്ഥാനങ്ങളിലും മയിലേന്തികാവെന്ന ശിങ്കാരിമേളം തങ്ങളുടെ പാടവം തെളിയിച്ചുകഴിഞ്ഞു.അതിലൂടെ ഈ നാടിനെ ഈ പ്രദേശത്തെ കലാകാരൻമ്മാരെ കലയെ ഉയർത്തിപിടിച്ച മനുഷ്യൻ, തന്റെ വാർഡായ പരശുവയ്ക്കൽ വാർഡിൽ പാർട്ടിയെ കെട്ടിപ്പെടുക്കുന്നതിൽ അഘോരാത്രം പണിപ്പെട്ട മനുഷ്യൻ, കണ്ണിലെ കൃഷ്ണമണിയപ്പോലെ ഈ പാർട്ടിയെ ഈ പ്രദേശത്ത് സംരക്ഷിച്ച മനുഷ്യൻ, ഏകദേശം 35 വർഷങ്ങൾക്കിപ്പുറം പരശുവയ്ക്കൽ വാർഡിൽ ഇടതു പക്ഷത്തിൻ്റെ ചെങ്കൊടി നാട്ടിയ മനുഷ്യൻ, സഖാവിൻ്റെ ഓർമ്മക്കുമുന്നിൽ സിപിഐഎം മലഞ്ചുറ്റ് ബ്രാഞ്ചിൻ്റെ ഒരു പിടി രക്തപുഷ്പങ്ങൾ അർപ്പിച്ചുകൊള്ളുന്നു.
