10/05/2026
പുതിയ കാലത്തോടൊപ്പം മുന്നേറാനായിസർവവിജ്ഞാനകോശം ഇൻസ്റ്റിറ്റ്യൂട്ടിനെ സജ്ജമാക്കാനുള്ള ഉദ്യമങ്ങളിൽ ഒന്നാണ് സർവ ഓഡിയോസ്. പ്ലേ സ്റ്റോറിൽ ഇപ്പോൾഈ ഓഡിയോ ബുക്ക് ലഭ്യമാണ്.വിജ്ഞാനകോശങ്ങൾ, വൈജ്ഞാനിക പ്രഭാഷണങ്ങൾ... മലയാളികൾക്ക് ഇനിമേൽ അവരുടെ മൊബൈൽ ഫോണിൽ കേൾക്കാം !
സംസ്ഥാന സർവവിജ്ഞാനകോശം ഇൻസ്റ്റിറ്റ്യൂട്ട് 2026 ജനുവരിയിൽ രൂപം നൽകിയ ഓഡിയോ ബുക്ക് മൊബൈൽ ആപ്ലിക്കേഷനായ Sarva Audios അതിന്റെ സാങ്കേതിക- സുരക്ഷാ പരിശോധനകൾക്കു ശേഷം ഇപ്പോൾ ഗൂഗിൾ പ്ലേ സ്റ്റോറിൽ ലഭ്യമാണ്.
വിജ്ഞാനകോശം ഉള്ളടക്കത്തിന്റെ നേർപ്പതിപ്പല്ല ഓഡിയോ ബുക്കിന്റേത്. വ്യത്യസ്ത മാധ്യമങ്ങൾ എന്ന നിലയിൽ രണ്ടിന്റെയും സമീപനം വ്യത്യസ്തമാണ്. ഓഡിയോ ബുക്കിന്റേത് - ലളിതവും - വിവരണാത്മകവുമാണ്. നമ്മുടെ നിത്യജീവിതത്തിൽ മൂലകങ്ങളുടെ പങ്കിന് ഊന്നൽ കൊടുത്തു കൊണ്ടാണ് 118 ഓഡിയോ ട്രാക്കുകളും തയ്യാറാക്കിയിട്ടുളളത്. പശ്ചാത്തല സംഗീതം നൽകുക വഴി ഉള്ളടക്കത്തിന് കൂടുതൽ ആസ്വാദ്യതയേകാൻ ശ്രമിച്ചിട്ടുണ്ട്. ഇൻസ്റ്റിറ്റ്യൂട്ടിലെ ജീവനക്കാരുടെ ശബ്ദമാണ് പൊതുവിൽ ഉപയോഗപ്പെടുത്തിയിട്ടുള്ളത്. ഒപ്പം പ്രശസ്ത ശബ്ദ കലാകാരന്മാരായ ശ്രീ മധുപാൽ, ശ്രീ.അലിയാർ, ശ്രീമതി ഷീലാ രാജ്, ശ്രീമതി സീന ആന്റണി, ശ്രീമതി.ബിന്ദു എസ് തുടങ്ങിയവരുടെയും ശബ്ദമികവ് ഓഡിയോ ബുക്കിന് മാറ്റുകൂട്ടുന്നു.
ഇൻസ്റ്റിറ്റ്യൂട്ട് പ്രസിദ്ധീകരിച്ച മൂലക വിജ്ഞാനകോശത്തെ അടിസ്ഥാനമാക്കിയുള്ള മൂലകവിജ്ഞാനകോശം ഓഡിയോ ബുക്കാണ് ഈ സംരംഭത്തിൽ ആദ്യത്തേത്. ഹൈഡ്രജൺ മുതൽ ഒഗനസോൺ വരെയുള്ള 118 മൂലകങ്ങളെ സംബന്ധിച്ച വിവരണമാണ് ഇതിന്റെ ഉള്ളടക്കം.
മൂലക വിജ്ഞാനകോശത്തിന്റെ എഡിറ്ററായ ശ്രീമതി ലിൻസ കെ.എൻ, പ്രത്യുഷചന്ദ്രൻ, അസിസ്റ്റന്റ് എഡിറ്റർ ആയിരുന്ന ശ്രീമതി.രാജലക്ഷ്മി, മൂലകവിജ്ഞാന കോശത്തിന്റെ ഉപദേശക സമിതി അംഗങ്ങൾ,ലേഖനങ്ങൾക്ക് script തയ്യാറാക്കി ധന്യ ജി. നായർ, ട്രാക്കുകൾക്ക് ശബ്ദം നൽകിയവർ, റെക്കോഡിങ്ങും സൗണ്ട് എഡിറ്റിങ്ങും നിർവഹിച്ച KSFDC യുടെ കലാഭവൻ സ്റ്റുഡിയോ, മൊബൈൽ ആപ്ലിക്കേഷൻ ഡവലപ് ചെയ്ത സി ഡിറ്റ്. ഇത് ഗൂഗിൾ പ്ലേ സ്റ്റോറിൽ ലഭ്യമാക്കുന്നതിനാവശ്യമായ സാങ്കേതിക- സുരക്ഷാ പരിശോധന നടത്തി സർട്ടിഫിക്കറ്റ് നൽകിയ ഡിജിറ്റൽ യൂണിവേഴ്സിറ്റി തുടങ്ങിയ എല്ലാവർക്കും നന്ദി രേഖപ്പെടുത്തുന്നു.
Play Store ൽ Sarva Audios എന്നു ടൈപ്പ് ചെയ്തു സെർച്ച് ചെയ്താൽ App ലഭ്യമാകും.
https://play.google.com/store/apps/details?id=com.cdit.audiobook
