19/11/2025
പ്രിയപ്പെട്ടവരെ,
ഡിസംബർ ഒമ്പതാം തീയതി നടക്കുന്ന തദ്ദേശ സ്വയംഭരണ തെരഞ്ഞെടുപ്പിൽ പത്തനംതിട്ട ജില്ലാ പഞ്ചായത്ത് പുളിക്കീഴ് ഡിവിഷനിൽ നിന്ന് എൽഡിഎഫ് സ്ഥാനാർത്ഥിയായി ഞാൻ മത്സരിക്കുകയാണ്.
വിദ്യാർത്ഥി രാഷ്ട്രീയത്തിലൂടെ പൊതുപ്രവർത്തന രംഗത്തേക്ക് കടന്നു വരുവാനും, വിവിധ സന്നദ്ധ സംഘടനകളിലും സമൂഹ സേവന പ്രവർത്തനങ്ങളിലും സജീവമായി പ്രവർത്തിക്കാനുള്ള അവസരം ലഭിച്ചിരുന്നു. കഴിഞ്ഞ തദ്ദേശ തെരഞ്ഞെടുപ്പിൽ പെരിങ്ങര ഗ്രാമപഞ്ചായത്തിലെ അംഗമായും തുടർന്ന് പഞ്ചായത്ത് പ്രസിഡന്റായും പ്രവർത്തിക്കുമ്പോൾ, നാടിന്റെ സമഗ്ര പുരോഗതി ലക്ഷ്യമിട്ട് നിരവധി വികസന പ്രവർത്തനങ്ങളും ജനോപകാര പദ്ധതികളും വിജയകരമായി നടത്തുവാൻ കഴിഞ്ഞിരുന്നു.
ആ കാലഘട്ടങ്ങളിലെ അനുഭവങ്ങളും, നാട്ടുകാരുമായുള്ള അടുപ്പവും, അവരുടെ പ്രശ്നങ്ങൾ നേരിട്ട് മനസ്സിലാക്കിയുള്ള ഇടപെടലുകളും, എന്റെ പൊതുപ്രവർത്തനങ്ങളെ കൂടുതൽ സമഗ്രവും ഗുണപരവുമായ രീതിയിൽ മുന്നോട്ട് കൊണ്ടുപോകുവാൻ സഹായകമായി. ഈ അനുഭവം ജില്ലാ പഞ്ചായത്ത് തലത്തിൽ നാടിന് കൂടുതൽ സംഭാവനകൾ നൽകാനുള്ള ശക്തിയെയും ആത്മവിശ്വാസത്തെയും എനിക്കു നൽകുന്നു.
നമ്മുടെ പുളിക്കീഴ് ഡിവിഷന്റെ സമഗ്ര വികസനത്തിനായി,
സൗകര്യങ്ങളുടെ മെച്ചപ്പെടുത്തലിൽ നിന്നും, വിദ്യാഭ്യാസ-ആരോഗ്യ മേഖലയുടെ പുരോഗതിക്ക് വരെ —
ഉത്തരവാദിത്വബോധവും സത്യസന്ധതയും കൈമുതലാക്കി ഞാൻ പ്രവർത്തിക്കുമെന്ന് ഉറപ്പുനൽകുന്നു.
നിങ്ങൾ എനിക്ക് ഒരു അവസരം നൽകി നിങ്ങളുടെ പ്രതിനിധിയായി തിരഞ്ഞെടുക്കുമെങ്കിൽ,
കക്ഷിരാഷ്ട്രീയ ഭേദമന്യേ, നിങ്ങളുടെ സുഖദുഃഖങ്ങളിൽ നിങ്ങളോടൊപ്പം നിന്ന് പ്രവർത്തിക്കുമെന്ന് ഞാൻ ഉറപ്പ് നൽകുന്നു.
ചുരുങ്ങിയ സമയം കൊണ്ടുള്ള പര്യടനത്തിലൂടെ ഓരോരുത്തരെയും നേരിൽ കണ്ടു വോട്ട് അഭ്യർത്ഥിക്കാൻ ഞാൻ ശ്രമിക്കുന്നുണ്ട്.
എങ്കിലും, നിങ്ങളുടെവിലയേറിയ ഒരൊറ്റ വോട്ട് പോലും എനിക്ക് അത്യന്തം പ്രധാനമാണ്.
"രണ്ടില" ചിഹ്നത്തിൽ നിങ്ങളുടെ അനുഗ്രഹവോട്ടുകൾ രേഖപ്പെടുത്തി എന്നെ വിജയിപ്പിക്കണമെന്ന് ഹൃദയപൂർവ്വം അഭ്യർത്ഥിക്കുന്നു.
സ്നേഹവും....ബഹുമാനവും... സഹിതം,
എബ്രഹാം തോമസ്
(കൊച്ചുമോൻ കൊട്ടാണിപ്രൽ)
