Thamarassery Grama Panchayat

16/03/2026

*അംഗൻവാടികളിലേക്ക് വെയിൻ മെഷിൻ വിതരണം ചെയ്തു*

താമരശ്ശേരി പഞ്ചായത്ത് നവതി 2K26 പഞ്ചായത്തിലെ മുഴുവൻ അംഗൻവാടികളിലേക്കുമുള്ള വെയിൻ മെഷിൻ വിതരണ ഉൽഘാടനം പഞ്ചായത്ത് പ്രസിഡണ്ട് റസീന സിയാലി നിർവ്വഹിച്ചു.വൈസ് പ്രസിഡണ്ട് നവാസ് ഈർപ്പോണ അധ്യക്ഷത വഹിച്ചു. ക്ഷേമകാര്യ സ്റ്റാൻ്റിംഗ് കമ്മറ്റി ചെയർമാൻ പി.പി അബ്ദുൽ ഗഫൂർ ,ഐ സി ഡി എസ് സൂപ്രവൈസർ ശ്രുതി, അജിത തുടങ്ങിയവർ സംസാരിച്ചു.

12/03/2026

*കുടിവെള്ള വിതരണം ആരംഭിച്ചു.*

താമരശ്ശേരി പഞ്ചായത്ത് നവതി 2K26 കുടിവെള്ള വിതരണം പഞ്ചായത്ത് പ്രസിഡണ്ട് റസീന സിയാലി ഉൽഘാടനം ചെയ്തു. വൈസ് പ്രസിഡണ്ട് നവാസ് ഈർപ്പോണ, സ്റ്റാൻ്റിംഗ് കമ്മറ്റി ചെയർമാൻമാരായ പി.പി.അബ്ദുൽ ഗഫൂർ, നസീറഷരീഫ്, കാവ്യ വി.ആർ മെമ്പർമാരായ സൈനുൽ ആബിദീൻ തങ്ങൾ,ബിജിത്ത്, അബ്ദുൽ റഷീദ്, എ.പി.സമദ്, ഹബീബുറഹ്മാൻ, കോയ, ജ്യോതി കെ.സി, ബവിത, അനിൽ മാസ്റ്റർ, സൗജ അബ്ദുറഹിമാൻ, ബിന്ദു ആനന്ദ്, റജിന, ഖദീജ സത്താർ,സെക്രട്ടറി ഫവാസ് ഷമീം എന്നിവർ സംബന്ധിച്ചു.

12/03/2026

06/03/2026

*താമരശ്ശേരി ട്രാഫിക് പരിഷ്ക്കരണം - ഉപസമിതി രൂപീകരിച്ചു*

താമരശ്ശേരി പഞ്ചായത്ത് ട്രാഫിക് അഡ്വൈസറി യോഗം പഞ്ചായത്ത് പ്രസിഡണ്ട് റസീന സിയാലിയുടെ അധ്യക്ഷതയിൽ ചേർന്നു.ഡി. വൈ എസ് പി കെ.വിനോദ് കുമാർ,വൈസ് പ്രസിഡണ്ട് നവാസ് ഈർപ്പോണ, സ്റ്റാൻ്റിംഗ് കമ്മറ്റി ചെയർമാൻമാരായ പി.പി.അബ്ദുൽ ഗഫൂർ, നസീറ ഷരീഫ്, കാവ്യ വി.ആർ, ബ്ലോക്ക് മെമ്പർ പി.ഗിരീഷ് കുമാർ, ബിജിത്ത്,പി.സി.ഹബീബ് തമ്പി ,പി.സി.അഷ്റഫ് ,പി.ടി.ബാപ്പു ,ടി.ആർ ഒ കുട്ടൻ മാസ്റ്റർ, ബി.ആർ ബെന്നി, മുഹമ്മദ് കുട്ടിമോൻ, വി.കെ.അഷ്റഫ് ,ഷിനു, ട്രാഫിക് എസ് ഐ, എക്സൈസ് ഓഫീസർ, പി.ഡബ്ലിയു ഡി ഓഫീസർ തുടങ്ങിയവർ സംസാരിച്ചു. താമരശ്ശേരി പഞ്ചായത്തും വ്യാപാരി വ്യവസായി ഏകോപന സമിതിയും ചേർന്ന് ടൗൺ സൗന്ദര്യവൽക്കരണം നടത്താനും ഏപ്രിൽ മാസത്തിൽ ട്രാഫിക് പരിഷ്ക്കരണം നടത്താനും തീരുമാനിച്ചു. ചെറിയപെരുന്നാളി നോടനുപന്തിച്ച് താൽക്കാലിക പാർകിംഗ് സൗകര്യങ്ങൾക്ക് സിതാര ടെക്സിന് പിൻവശമുള്ള ഗ്രൗണ്ട്, വ്യാപാരഭവന് സമീപം, പോസ് റ്റോഫീസിന് സമീപമുള്ള ലാവണ്യ ഗ്രൗണ്ട്, വലിയ കാട്ടിൽ ഗ്രൗണ്ട് ((SBIക്ക് സമീപം Pay Parking), സുരഭി കോപ്ലക്സ്, താമരശ്ശേരി -ചുങ്കം ബൈപ്പാസ് ,ആഴ്ചചന്ത ഗ്രൗണ്ട് ( ചൊവ്വ ഒഴികെ) എന്നിവ ഏർപ്പെടുത്തും

06/03/2026

*ജാഗ്രതാ സമിതി ദ്വിദിന ശിൽപശാല സംഘടിപ്പിച്ചു*

താമരശ്ശേരി ഗ്രാമപഞ്ചായത്ത് നവതി 2K26 ജാഗ്രത സമിതി ദ്വിദിന ശിൽപശാല പഞ്ചായത്ത് പ്രസിഡണ്ട് റസീന സിയാലി ഉൽഘാടനം ചെയ്തു. വൈസ് പ്രസിഡണ്ട് നവാസ് ഈർപ്പോണ അധ്യക്ഷത വഹിച്ചു.സ്റ്റാൻ്റിംഗ് കമ്മറ്റി ചെയർമാൻമാരായ പി.പി.അബ്ദുൽ ഗഫൂർ, നസീറ ഷരീഫ്, കാവ്യ വി.ആർ, മെമ്പർമാരായ ആസാദ് കാരാടി, ബിന്ദു ആനന്ദ്, പി എ അനിൽ കുമാർ, അബ്ദുൽ റഷീദ്, ഹബീബുറഹ്മാൻ, ബബിത,രത്നവല്ലി ,ഷീജ ദിലിപ് ,ഖദീജ സത്താർ, സൗദ അബ്ദുറഹിമാൻ, ഐ സി.ഡി എസ് സൂപ്ര വൈസർ ശ്രുതി, സിഡിഎസ് ചെയർപേഴ്‌സൺ സോണിത എന്നിവർ സംസാരിച്ചു. മോയിൻ ക്ലാസുകൾക്ക് നേതൃത്വം നൽകി

03/03/2026

*താമരശ്ശേരി ഗവ. യു.പി. സ്കൂൾ കെട്ടിടത്തിന്റെ പ്രവൃത്തി ഉദ്ഘാടനം നടന്നു*

ഡോ. എം.കെ. മുനീർ അവരുടെ 2023-24 ആസ്‌തി വികസന നിധിയിൽ ഉൾപ്പെടുത്തി താമരശ്ശേരി ഗ്രാമപഞ്ചായത്തിലെ ഗവ. യു.പി. സ്കൂൾ താമരശ്ശേരി കെട്ടിടത്തിന്റെ പ്രവൃത്തി ഉദ്ഘാടനം ഇന്ന് (03-03-2026) നടന്നു.

സ്കൂൾ പരിസരത്ത് നടന്ന ചടങ്ങിൽ ഗ്രാമപഞ്ചായത്ത് പ്രസിഡണ്ട് ശ്രീമതി റസീന സിയാലി അധ്യക്ഷത വഹിച്ചു. വിദ്യാർത്ഥികൾക്ക് മികച്ച പഠന സൗകര്യങ്ങൾ ഒരുക്കുക എന്ന ലക്ഷ്യത്തോടെ ആധുനിക സൗകര്യങ്ങളോടുകൂടിയ പുതിയ കെട്ടിടമാണ് നിർമ്മിക്കുന്നത് എന്ന് എം.എൽ.എ. ഉദ്ഘാടന പ്രസംഗത്തിൽ പറഞ്ഞു. വിദ്യാഭ്യാസ മേഖലയിലെ അടിസ്ഥാന സൗകര്യ വികസനം സർക്കാരിന്റെ പ്രധാന പരിഗണനയാണെന്നും അദ്ദേഹം വ്യക്തമാക്കി.
ഗ്രാമപഞ്ചായത്ത് വൈസ് പ്രസിഡണ്ട് ശ്രീ. നവാസ് ഈർപ്പോണ, ബ്ലോക്ക് പഞ്ചായത്ത് വികസനകാര്യ സ്റ്റാൻ്റിംഗ് കമ്മിറ്റി ചെയർപേഴ്‌സൺ ശ്രീമതി മൈമൂന ഹംസ, വികസനകാര്യ സ്റ്റാൻ്റിംഗ് കമ്മിറ്റി ചെയർപേഴ്‌സൺ ശ്രീമതി നസീറ ശരീഫ്, ക്ഷേമകാര്യ സ്റ്റാൻ്റിംഗ് കമ്മിറ്റി ചെയർമാൻ ശ്രീ. പി.പി. ഗഫൂർ, വിദ്യാഭ്യാസ സ്റ്റാൻ്റിംഗ് കമ്മിറ്റി ചെയർപേഴ്‌സൺ ശ്രീമതി വി.ആർ. കാവ്യ, ജില്ലാ പഞ്ചായത്ത് മെമ്പർ ശ്രീ. പി.ജി. മുഹമ്മദ്, ഗ്രാമപഞ്ചായത്ത് അംഗം ശ്രീ. ആസാദ് കാരാടി എന്നിവർ സംസാരിച്ചു.
ഡി.ഇ.ഒ. താമരശ്ശേരി ശ്രീ. സുബൈർ കെ.കെ.എ.എസ്, എ.ഇ.ഒ. താമരശ്ശേരി ശ്രീമതി പൗളി മാത്യു, പി.ടി.എ. പ്രസിഡണ്ട് ശ്രീ. ഷൈജു പി., എസ്.എം.സി. ചെയർമാൻ ശ്രീ. എം. സുൽഫിക്കർ, ഹെഡ്മിസ്ട്രസ് ശ്രീമതി റോസമ്മ ചെറിയാൻ എന്നിവർ സാന്നിധ്യം വഹിച്ചു.
കെ.ബി.എം.ഇ.എൽ.സി.സി.എസ് (KBMELCCS) ആണ് നിർമ്മാണ പ്രവർത്തികൾ നിർവഹിക്കുന്നത്. പുതിയ കെട്ടിടം സ്കൂളിന്റെ വിദ്യാഭ്യാസ നിലവാരം ഉയർത്തുന്നതിന് സഹായകരമാകുമെന്ന് നാട്ടുകാർ പ്രതീക്ഷ പ്രകടിപ്പിച്ചു.

02/03/2026

താമരശ്ശേരി ഗ്രാമ പഞ്ചായത്ത് ജനകീയാസൂത്രണം 2025-2026 പദ്ധതിയുടെ ഭാഗമായുള്ള ഇടവിള കിറ്റുകളുടെ വിതരണോൽഘാടനം ഗുണഭോക്താക്കൾക്ക് നൽകി കൊണ്ട് താമരശ്ശേരി ഗ്രാമ പഞ്ചായത്ത് പ്രസിഡന്റ് റസീനാ സിയാലി നിർവ്വഹിച്ചു. താമരശ്ശേരി കൃഷിഭവനിൽ വെച്ച് നടന്ന ചടങ്ങിൽ ഗ്രാമ പഞ്ചായത്ത് ഗ്രാമ പഞ്ചായത്ത് വികസന കാര്യ സ്റ്റാന്റിംഗ് കമ്മിറ്റി ചെയർ പേഴ്സൺ നസീറ ഷരീഫ് അദ്ധ്യക്ഷത വഹിച്ചു. ആരോഗ്യ-വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ കാവ്യ.ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ പി.പി. അബ്ദുൽ ഗഫൂർ വി.ആർ,എന്നിവർ ആശംസകൾ അർപ്പിച്ച് സംസാരിച്ചു. വാർഡ് മെമ്പർമാരായ മൊയ്തീൻ കോയ, രത്നവല്ലി, എം.കെ.അബ്ദുൽ റഷീദ്, സൗജ അബ്ദുറഹിമാൻ, ആസാദ് കാരാടി,ബബിത സുരേന്ദ്രൻ, കൃഷി ഓഫീസർ രജീഷ് കുമാർ എന്നിവർ പങ്കെടുത്തു. വാർഡ് മെമ്പർ ബിന്ദു ആനന്ദ് സ്വാഗതവും, കൃഷി അസിസ്റ്റന്റ് ഷൈജ നന്ദിയും പറഞ്ഞു.

01/03/2026

*വയോജനങ്ങൾക്ക് കട്ടിൽ വിതരണം ചെയ്തു*

താമരശ്ശേരി പഞ്ചായത്ത് നവതി 2K26 വാർഷിക പദ്ധതിയിൽ ഉൾപ്പെടുത്തി നൽകുന്ന വയോജനങ്ങൾക്കുള്ള കട്ടിൽ വിതരണം പഞ്ചായത്ത് പ്രസിഡണ്ട് റസീന സിയാലി ഉൽഘാടനം ചെയ്തു.വൈസ് പ്രസിഡണ്ട് നവാസ് ഈർപ്പോണ അധ്യക്ഷത വഹിച്ചു.സ്റ്റാൻ്റിഗ് കമ്മറ്റി ചെയർമാൻമാരായ പി.പി.അബ്ദുൽ ഗഫൂർ, നസീറ ഷരീഫ് മെമ്പർമാരായ പി.എ.അനിൽകുമാർ, ഹബീബുറഹ്മാൻ, അബ്ദുൽ റഷീദ്,ബിന്ദു ആനന്ദ്, ഖദീജ സത്താർ, സൗജ അബ്ദുറഹിമാൻ, അസിസ്റ്റൻ്റ് സെക്രട്ടറി എന്നിവർ സംബന്ധിച്ചു.

28/02/2026

28/02/2026

*താമശ്ശേരി ഗ്രാമ പഞ്ചായത്ത് 2026-27 വർഷിക ബജറ്റ് അവതരിപ്പിച്ചു *

നവതി ആഘോഷവർഷമായ 2026 ൽ സമഗ്ര വികസനം ലക്ഷ്യമിട്ട് 408572418 രൂപ വരവും 330450850 രൂപ ചെലവും 78121568 രൂപ നീക്കിയിരിപ്പും പ്രതീക്ഷിക്കുന്ന ബജറ്റ് അവതരിപ്പിച്ചു. താമരശ്ശേരി ടൗൺ സൗന്ദര്യ വൽക്കരണത്തിന് 10 ലക്ഷം രൂപയും വകയിരുത്തിയിട്ടുണ്ട്. ലഹരിക്കെതിരെ പോരാട്ടം ശക്തമാക്കുന്നതിൻ്റെ ഭാഗമായി എല്ലാ വാർഡിലും കളിസ്ഥലം നിർമ്മിക്കുന്നതിന് തുടക്കം കുറിക്കാനും താമരശ്ശേരി ആസ്ഥാനമായി സ്പോട്സ് അക്കാദമി ആരംഭിക്കാനും ഈ ബജറ്റ് ലക്ഷ്യമിടുന്നു.
കാർഷിക രംഗത്ത് നഷ്ടപ്പെട്ടു പോയ പ്രതാപം തിരിച്ചുപിടിക്കുന്നതിന് ഹരിതാപം പദ്ധതിക്ക് 45 ലക്ഷം രൂപയും പഞ്ചായത്ത് ഓഫീസ് സ്മാർട്ടാക്കുന്നതിന് 40 ലക്ഷം രൂപയും പഴയ സ്റ്റാൻറ് ഷോപ്പിംഗ് കോംപ്ലക്സ് നിർമ്മാണത്തിന് 38 ലക്ഷവും വകയിരുത്തി. ലൈഫ് ഭവനപദ്ധതിയിലെ മുഴുവൻ ഗുണഭോക്താക്കൾക്കും വീട് പൂർത്തീകരിക്കുന്നതിന് ഒരു കോടി 62 ലക്ഷവും ഒപ്പം ഒപ്പത്തിനൊപ്പം ( ഭിന്നശേഷി സൗഹൃദ പഞ്ചായത്ത്) 47 ലക്ഷവും കുട്ടികളുടെ പോഷകാഹാരത്തിന് 70ലക്ഷവും വയോജനക്ഷേമത്തിന് 15 ലക്ഷവും സ്ക്കൂളുകളിൽ സ്മാർട്ട് ക്ലാസ് റൂം 65 ലക്ഷവും കമ്യൂണിറ്റി ഡിജിറ്റൽ ലേണിംഗിന് 20 ലക്ഷവും കുടിവെള്ള പദ്ധതിക്ക് 52 ലക്ഷവും വെട്ടം പദ്ധതിക്ക് 32 ലക്ഷം രൂപയും ഡയാലിസിസ് രോഗികൾക്ക് മരുന്നും പാലിയേറ്റീവ് പ്രവർത്തനത്തിന് (മിഴിവ്), വനിത ജിം 41 ലക്ഷവും എസ്.സി, എസ്ടി ക്ഷേമപദ്ധതികൾക്ക് (മുഖ്യധാര ) ഒരു കോടി 59 ലക്ഷവും വകയിരുത്തി. പ്രവാസികൾക്ക് സ്വയം തൊഴിൽ സംരഭം പ്രോൽസാഹിപ്പിക്കുന്നതിന് ഈ ബജറ്റ് ലക്ഷ്യമിടുന്നു. പൂനൂർ പുഴയും ഇരുതുള്ളി പുഴയും സംരക്ഷിക്കാൻ പദ്ധതി ലക്ഷ്യമിടുന്നു.പഞ്ചായത്ത് പ്രസിഡണ്ട് റസീന സിയാലി അധ്യക്ഷത വഹിച്ചു.വൈസ് പ്രസിഡണ്ട് നവാസ് ഈർപ്പോണ ബജറ്റ് അവതരണം നടത്തി.ഉച്ചക്ക് ശേഷം നടന്ന ഭരണ സമിതി യോഗത്തിൽ ഐകകഠ്യേന പാസാക്കി.

18/02/2026

*താമരശ്ശേരി ഗ്രാമ പഞ്ചായത്തിന്റെ നേതൃത്വത്തിൽ എൽ.എസ്.എസ് , യു .എസ് .എസ് പരിശീലന ക്യാമ്പ് സംഘടിപ്പിച്ചു*

താമരശ്ശേരി: ഗ്രാമ പഞ്ചായത്തും സീഡ് താമരശ്ശേരിയും സംയുക്തമായി എൽ.എസ്.എസ്, യു .എസ് .എസ് കോച്ചിംഗ് പരിശീലന ക്യാമ്പ് സംഘടിപ്പിച്ചു. ഗ്രാമ പഞ്ചായത്ത് ഹാളിൽ വെച്ചും രാജീവ് ഗാന്ധി ഓഡിറ്റോറിയത്തിൽ വെച്ചും നടന്ന പരിശീലന ക്യാമ്പ് രാവിലെ 9.30 മുതൽ വൈകിട്ട് 4.00 വരെ നീണ്ടുനിന്നു.വിദ്യാർത്ഥികൾക്ക് പരീക്ഷയെ ആത്മവിശ്വാസത്തോടെ നേരിടാൻ ആവശ്യമായ മാർഗ്ഗനിർദേശങ്ങളും മോഡൽ പരീക്ഷകളും ഉൾപ്പെടുത്തിയായിരുന്നു പരിപാടി. വിഷയ വിദഗ്ധർ ക്ലാസുകൾ കൈകാര്യം ചെയ്തു. പഞ്ചായത്തിലെ വിവിധ സ്കൂളുകളിൽ നിന്നുള്ള നിരവധി വിദ്യാർത്ഥികൾ പങ്കെടുത്തു. ഗ്രാമ പഞ്ചായത്ത് പ്രതിനിധികളും വിദ്യാഭ്യാസ പ്രവർത്തകരും ചടങ്ങിൽ പങ്കെടുത്തു. വിദ്യാർത്ഥികളുടെ പഠന നിലവാരം ഉയർത്തുന്നതിനും മത്സര പരീക്ഷകളിൽ മികച്ച വിജയം കൈവരിക്കുന്നതിനും ഇത്തരം പരിശീലനങ്ങൾ ഏറെ സഹായകരമാണെന്ന് സംഘാടകർ വ്യക്തമാക്കി.

12/02/2026

"പച്ചക്കറി തൈ വിതരണം "
താമരശ്ശേരി ഗ്രാമപഞ്ചായത്ത് 2025 -26 വർഷിക പദ്ധതിയിൽ ഉൾപ്പെട്ട പച്ചക്കറി തൈ വിതരണം ഗ്രാമ പഞ്ചായത്ത് പ്രസിഡണ്ട് റസീന സിയാലി നിർവഹിച്ചു.ഗ്രാമ പഞ്ചായത്ത് വൈസ് പ്രസിഡണ്ട് നവാസ് മാസ്റ്റർ അധ്യക്ഷത വഹിച്ചു.വികസന സ്റ്റാന്റിംഗ് കമ്മിറ്റി ചെയർപേഴ്സൺ നസീറ ശരീഫ് ,ആരോഗ്യ സ്റ്റാന്റിംഗ് കമ്മിറ്റി ചെയർപേഴ്സൺ കാവ്യ വി ആർ ,മറ്റു ഗ്രാമപഞ്ചായത്ത് മെമ്പർമാരും പരിപാടിയിൽ സംബന്ധിച്ചു.