Saurav Borkataki Sarpa Bandhab

17/04/2026

15/04/2026

A precisely orchestrated python rescue operation at the campus of Tezpur University, executed by me in the presence of distinguished professors and forest personnel, culminated in the safe capture and subsequent release of a formidable 12-foot-long python at Bhomoraguri Reserve Forest on 13 April 2026. This operation stands officially documented in forest records and further solidifies my personal record—Saurav Borkataki’s record in wildlife rescue—building upon an earlier successful rescue of an imposing 15-foot-long python in 2019. These consistent interventions underscore my unwavering commitment, field expertise, and dedication to mitigating human-snake conflict while ensuring the preservation of wildlife.

14/04/2026

আজি ইংৰাজী ১৪ এপ্ৰিল তাৰিখে শোণিতপুৰ জিলাৰ তেজপুৰ বিশ্ববিদ্যালয়ত ১২ ফুট দৈৰ্ঘ্যৰ এডাল বৃহৎ অজগৰ উদ্ধাৰ কৰো। চলিত বৰ্ষত উদ্ধাৰ হোৱা অজগৰ সমূহৰ ভিতৰত এইটোৱেই সৰ্ববৃহৎ অজগৰ আছিল গৰু বিহুৰ দিনাই । এই অজগৰতো প্ৰায় ৪০/৪৫ কিলো ওজনৰ এই অজগৰটো আজি বিশ্ববিদ্যালয়ৰ Mass communication বিভাগৰ কাষতে বিচৰণ কৰি থকা দেখিবলৈ পোৱা গৈছিল। বিচৰণ কৰা দেখা পাইছিল বিশ্ববিদ্যালয়ৰ Security Supervisor অৱনী কলিতাই। মোক অজগৰটোৰ বিষয়ে ফোনযোগে অৱগত কৰিছিল। উক্ত খবৰৰ ভিত্তিত মই সেই স্থানত উপস্থিত হৈ অজগৰটো উদ্ধাৰ কৰো। উদ্ধাৰৰ পিছতেই বন বিভাগৰ লোকক লগত লৈ অজগৰটো ভোমোৰাগুৰী বনাঞ্চলত মুকলি কৰি দিয়া হয়।
তেজপুৰৰ হোলা-পিতনি সমূহ পূৰ্বৰে পৰা অজগৰৰ বাসস্থান আছিল। এনে বাসস্থানসমূহ আমি সংৰক্ষণ কৰাটো উচিত। তদুপৰি (The Indian Python is protected under Schedule I of the Wildlife Protection Act, 1972. ) ভাৰতীয় বন্যপ্ৰাণী সুৰক্ষা অধিনিয়ম, 1972-ৰ অনুসূচী ১-ৰ অধীনত সুৰক্ষিত প্ৰাণী হিচাপে স্বীকৃত। অজগৰ শীতকালত ইমান দেখিবলৈ পোৱা নাযায় যদিও গ্ৰীষ্ম কালত জনাঞ্চলত ইয়াৰ উপস্থিতি অধিক। অজগৰ এবিধ অ-বিষাক্ত সাপ (Python Non-Vanomous) এই অবিষাক্ত সাপ বিধৰ গড় দৈর্ঘতা ৩ :৭ মিটাৰ পৰা সৰ্বাধিক ১০ মিটাৰ হয়। অজগৰে বিশেষকৈ চৰাই, স্তন্যপায়ী প্ৰাণী, পোহনীয়া পশু পক্ষী আদিবোৰ খাদ্য হিচাপে গ্ৰহণ কৰে। অজগৰ ইমানেই শক্তিশালী যে অজগৰ সাপে ছাগলী, গৰুৰ পোৱালি পহু, আনকি বাঘো আক্ৰমণ কৰি তাক গিলি পেলাব পাৰে। অজগৰ সাপে নিজ চিকাৰ দেখা পালে ক্ষীপ্ৰ গতিৰে আক্ৰমণ কৰি চিকাৰটোক কুণ্ডলি মাৰি ধৰে। সেই সময়ত অজগৰ সাপৰ পেশীসমূহ ইমানেই শক্তিশালী ভাৱে ধৰে যে তাৰ কুণ্ডলিৰ পৰা উলোৱাটো সম্ভৱ নহয়। এনেদৰেই লাহে লাহে গোটে গোটে অজগৰে গোটেই চিকাৰতো গিলি পেলাই।অজগৰ সাপ সাঁতোৰা আৰু আৰোহণ কৰা লগতে গছত উঠাত নিপুন। ইহঁত গভীৰ অৰণ্য, অৱক্ষ বনাঞ্চল তথা আৰ্দভূমিৰ বিল, জলাশয়, পিটনি হোলা আদিত থাকি ভাল পায়। কেতিয়াবা পোহনীয়া পশু পক্ষী খাবলৈ অহাৰ বাবে মানুহৰ আবাসৰ ওচৰতো দেখা পোৱা যায়। এজনী মাইকী অজগৰে প্ৰায় ষাঠিৰ পৰা আশী তাতকৈ অধিক কণী পাৰি উমনীত বহে আৰু পোৱালি জগায়। পোৱালি নজগালৈকে মাকজনী কণীৰ ওচৰতেই থাকে। অজগৰৰ দাঁত বহুত যদিও দাঁতত বিষ নাথাকে। অজগৰ দাঁতবোৰ সৰু সৰু কিন্তু তীক্ষ্ণ। ইহঁতৰ বহুত দাঁত ভিতৰলৈ বেকা হৈ থাকে। এই ধৰণৰ দাঁতবোৰে চিকাৰ ধৰিবলৈ আৰু গিলি খাবলৈ সহায় কৰে।
#অজগৰসাপ # #অসম

12/04/2026

চকৰী ফেটি - অতি বিষাক্ত
- Highly Venomous
Scientific Name - Naja kaouthia চকৰী ফেঁটী সাপ অসমৰ হাবিতেই নহয় জনাঞ্চলৰ আশে - পাশেও পোৱা যায়। ফেঁটী সাপে আত্মৰক্ষাৰ বাবে ফণা তুলি ধৰা দেখিবলৈ পোৱা যায় । নিজৰ সুৰক্ষাৰ বাবে সকলোকে সতৰ্ক কৰি দিয়ে , ই এক নান্দনিক দৃশ্য । #চকৰিফেঁটী সাপে নিজৰ স্থান অতি বিষাক্ত সাপৰ শ্ৰেণীৰ ভিতৰত নাম অন্তৰ্ভূক্ত কৰিবলৈ সক্ষম হৈছে । ভগৱানে যিহেতু নিজৰ সুৰক্ষাৰ বাবে প্ৰতিটো জীৱকে একো একোটা শক্তি দিছে , ঠিক সেইদৰে ফেঁটী সাপৰ লগতে অন্য বিষাক্ত সাপসমূহকো শক্তি হিচাপে বিষ ( venom ) দিছে । ফেঁটী সাপৰ বেছিভাগ দংশন শুকান দংশন অৰ্থাৎ False bite বা dry bite হয় । ফেঁটী সাপে দংশন কৰিলেই যে বিষ ঢালিব তেনে নহয় । কাৰণ সিহঁতে নিজৰ বিষৰ মূল্য বুজি পাই , নিজৰ সুৰক্ষাৰ বাবেহে সিহঁতে দংশন কৰে । চকৰি ফেঁটীৰ খাদ্য হল চৰাইপোৱালি,নিগনী,এন্দুৰ,মূগি দিম আৰু মূগি পোৱালি আৰু পাৰ দিম আৰু পাৰ পোৱালি । প্ৰিয় খাদ্য হল খহুৱা ভেকুলী । ঘৰৰ কোঠাত খহুৱা ভেকুলী সোমালে ফেঁটী সাপ খহুৱা , হাতত টৰ্চ লৈ যাব লাগে । সেইবাবে ঘৰৰ ভিতৰ চাফ - চিকুন ৰখাৰ ব্যৱস্থা কৰিব লাগে। ফেঁটী সাপৰ বিষক নিউৰ টক্সিন ভাগত ভাগ কৰা হয় ইয়াৰ
দংশনৰ ফলত ব্যক্তিজনৰ মুৰ ঘুৰাব পাৰে,বমি হ'ব পাৰে , মুৰৰ বিষ হ'ব পাৰে ,স্নায়ুক অৱশ কৰে শ্বাস-প্রশ্বাসত কষ্ট হয় আৰু চকুৰে ধোঁৱা ধোঁৱা দেখিব গাৰ ছাল উখহি যায় । এই লক্ষণবোৰ দেখা দিয়ে। ফেঁটী সাপে দংশন কৰিলেও ভয় নকৰিব,ইয়াৰ বৰ্তমান অসমৰ প্ৰত‍্যেকখন জিলাৰ চৰকাৰী চিকিৎসালয়ত বা বেজৰ দ্বাৰা চিকিৎসা নকৰাব । মোৰ সকলোলৈকে এটি অনুৰোধ যদি কোনো লোকক সাপে দংশন কৰে , তেনেহ'লে বেজৰ ওচৰত গৈ সময় নষ্ট নকৰি , তৎকালীনভাৱে চিকিৎসকৰ ওচৰত লৈ গৈ চিকিৎসা প্ৰদান কৰক । বেজে কেতিয়াও বিষাক্ত সাপে দংশন কৰা ব‍্যক্তিজনক সুস্থ কৰিব নোৱাৰে , এইটো এটা সম্পূৰ্ণ ভুল ধাৰণা । আমাৰ মাজত সজাগতাৰ অভাৱৰ বাবে বেজে আমাক ঠগিব পাৰে । যদিহে এডাল অবিষাক্ত সাপে দংশন কৰে , তেতিয়া সেই দংশন কৰা ব‍্যক্তিজনৰ একো নহয় , তেতিয়া তাৰে সুবিধা লয় বেজে। ব‍্যক্তিজনৰ পৰিয়ালৰ লোকে ভাবে যে বেজজনে হে তেওঁৰ আপোনজনৰ জীৱন ৰক্ষা কৰিলে । দংশনতকৈ ভয়ৰ ফলতহে বহুতো লোকৰ মৃত্যু হয় । বত্তমান অসম চৰকাৰৰ তথ্যসমূহ মতে ২০২২ চনত ১৫০ জন আৰু ২০২৩ চনত ৩৭ জন আৰ ২০২৪ চনত ৩৬ জন আৰু ২০২৫ চনত ২৭ জন। এই ক্ষেতত্ৰ দিন ৰাতি এক কৰি সৰ্প দংশনৰ আমাৰ সজাগতাৰ আৰু চিকিৎসকৰ প্ৰচেষ্টাৰ বাবে আজি এই অন্ধবিশ্বাষ নোহোৱা হৈছে।
বিঃদ্রঃ আপোনালোকৰ ওচৰত মই অনুৰোধ জনাওঁ যে সৰ্প উদ্ধাৰৰ বিষয়ে কোনো জ্ঞান নথকা ব্যক্তিক সাপ উদ্ধাৰ কৰিবলৈ আগবঢ়াই নিদিব । কাৰণ সাপ উদ্ধাৰ কৰাৰ সময়ত যদি কিবা ভুলবশতঃ বিষাক্ত সাপে দংশন কৰে , ব্যক্তিজনৰ চিকিৎসাৰ দায়িত্ব আপোনাৰ হ'ব । যিহেতু আপুনি আপোনাৰ ঘৰৰ পৰা উদ্ধাৰ কৰিবলৈ আগবঢ়াই দিছিল । সৰ্পদংশনৰ চিকিৎসা অলপ দীঘলীয়া সময় ধৰি হয় । বনবিভাগক এই ক্ষেত্ৰত দোষাৰোপ কৰিলে কোনো কাম নিদিব বা এই ক্ষেত্ৰত বনবিভাগ দায়ী নহয় ।

06/04/2026

অসমীয়া খবৰ কাকতৰ জ্যেষ্ঠ সাংবাদিক প্ৰশান্তসন্দিকৈ খুড়াক আন্তৰিকতাৰে কৃতজ্ঞতা জ্ঞাপন কৰিলোঁ। 🙏

30/03/2026

তেজপুৰ দ পৰ্বতীয়াৰ মনজিৎ বৰাই 29/3/2026 মোক ফোন কৰি জনাই যে এটা শগুণ চৰাই পৰি থকাৰ কথা। মই ততালিকে উক্ত স্থানত উপস্থিত হৈ আঘাতপ্ৰাপ্ত শগুণটোক উদ্ধাৰ কৰি প্ৰাথমিক চিকিৎসা প্ৰদান কৰো। পিছত শগুণটোৰ অৱস্থা সুস্থ হোৱাত বন বিভাগৰ হাতত গতাই দিও।
শগুণৰ ওপৰত মই নিজাকৈ এক অধ্যয়ন চলাই আহিছো আৰু বিভিন্ন ঠাইৰ পৰা তথ্য সংগ্ৰহ কৰিছো। তেজপুৰত দেখা পোৱা অধিকাংশ শগুণ তেজপুৰৰ নিচেই কাষতে থকা লাওখোৱা অভয়াৰণ্য আৰু বুঢ়া চাপৰি অভয়াৰণ্যৰ অঞ্চলৰ পৰা আহে এই অঞ্চলত। আগতকৈ তেজপুৰত শগুণৰ সংখ্যা ক্ৰমে হ্ৰাস পাই অহা বিষয়টোত এক দুখ লগা কথা। আজি “শগুণসমূহৰ বাসস্থান ধ্বংস, খাদ্যৰ অভাৱ, আৰু পৰিবেশ দূষিত কৰণেই শগুণ হ্ৰাস হোৱাৰ মূল কাৰণ। বিশেষকৈ মৃত জীৱ-জন্তুৰ সংখ্যা হ্ৰাস পোৱাৰ ফলতেই শগুণসমূহে খাদ্য লাভ কৰাত বঞ্চিত হৈছে। আন কেতবোৰ কাৰণৰ ভিতৰত - আজিকালি কিছুমান মৃত জীৱ-জন্তুৰ শৰীৰত পোৱা কিছুমান ঔষধৰ উপস্থিতি আৰু তেনে জন্তুৰ মাংস ভক্ষণৰ ফলতো আজিকালি শগুণে মৃত্যুৰ হাৰ বাঢ়ি গৈছে। ইয়াৰ উপৰিও মানুহৰ কাৰ্যকলাপ আৰু নগৰীকৰণে শগুণৰ স্বাভাৱিক জীৱনচক্ৰত প্ৰভাৱ পেলাইছে। আজি এই এই সমস্যাটো সমাধানৰ বাবে জনসাধাৰণৰ সচেতনতা বৃদ্ধি কৰা, বনাঞ্চল সংৰক্ষণ কৰা আৰু শগুণৰ বাবে উপযোগী পৰিবেশ সৃষ্টিৰ ওপৰত গুৰুত্ব দিয়াটো অতি প্ৰয়োজনীয় আহি পৰিছে। প্ৰকৃতিৰ পৰিষ্কাৰক হিচাপে পৰিচিত শগুণসমূহৰ সংৰক্ষণৰ বাবে সকলো স্তৰৰ লোকে একেলগে আগবাঢ়ি আহিব লাগে।
wiled

26/03/2026

24/03/2026

বান থিয়েটাৰৰ সম্পাদক আৰু বিশিষ্ট সাংবাদিক পংকজ বৰুৱাৰ জন্মদিন উপলক্ষে আজি “সৰ্পবান্ধৱ সৌৰভ বৰকটকী টীম”-এ তেওঁক আন্তৰিক শুভেচ্ছা জ্ঞাপন কৰে। দলটোৰ এগৰাকী উপদেষ্টা হিচাপে যুক্ত পংকজ বৰুৱাৰ সমাজমুখী অৱদানক এই উপলক্ষে বিশেষভাৱে স্বীকৃতি জনোৱা হয়। ‌অনুষ্ঠানত অসমীয়াৰ পৰম্পৰাগত স্বাভিমানৰ প্ৰতীক ফুলাম গামোচাৰে তেওঁক সম্বৰ্ধনা জনোৱা হয়। লগতে তেওঁৰ ভৱিষ্যৎ কৰ্মযাত্ৰা অধিক সফল হওক বুলি আশা প্ৰকাশ কৰে উপস্থিত সদস্যসকলে। এই বিশেষ অনুষ্ঠানত মই সৰ্পবান্ধৱ সৌৰভ বৰকটকী টীম”- সভাপতি পুষ্পা ডেকা আৰু প্ৰকৃতি গোটৰ সভাপতি টুটুমণি কলিতা আৰু সৰ্পবান্ধৱ টীমৰ উপদেষ্টা জেপি মিশ্ৰ উপস্থিত থাকে আৰু তেওঁলোকেও পংকজ বৰুৱালৈ শুভকামনা জ্ঞাপন কৰে।