𝙆𝙎𝙀𝘽 𝗔𝗹𝗮𝗸𝗼𝗱𝗲, KSEB Electrical Section, , Near Panchayath Office, Alakode (2026)

കേരളാ സർക്കാർ ഉടമസ്ഥതയിൽ നടത്തുന്ന വൈദ്യുത ഉത്പാദന, പ്രസരണ, വിതരണ കമ്പനിയാണ് കേരള സ്‌റ്റേറ്റ് ഇലക്ട്രിസിറ്റി ബോർഡ് ലിമിറ്റഡ് അഥവാ കെ.എസ്.ഇ.ബി. ലിമിറ്റഡ്. 1957-മാർച്ച് 31-നാണ് ബോർഡ്‌ പ്രവർത്തനം തുടങ്ങിയത്. 2014 ഓഗസ്റ്റിൽ വൈദ്യുതി ബോർഡ് ലിമിറ്റഡ് എന്ന കമ്പനിയായി മാറി.

02/08/2026

പ്രളയാനന്തര സുരക്ഷാ മുന്നറിയിപ്പ്!

വെള്ളപ്പൊക്കത്തിൽ വെള്ളവും ചെളിയും കയറിയ വീടുകളിലും കെട്ടിടങ്ങളിലും വൈദ്യുതി പുനഃസ്ഥാപിക്കുന്നതിന് മുമ്പ് നിർബന്ധമായും ഈ കാര്യങ്ങൾ ശ്രദ്ധിക്കുക! 👇

📍 1. ലൈസൻസുള്ള ഇലക്ട്രിഷ്യന്റെ സേവനം തേടുക
വൈദ്യുതി ഉപയോഗിക്കുന്നതിന് മുൻപ് യോഗ്യതയുള്ള ഒരു ഇലക്ട്രീഷ്യനെക്കൊണ്ട് വയറിംഗ് പരിശോധിച്ച് പൂർണ്ണമായും സുരക്ഷിതമാണെന്ന് ഉറപ്പ് വരുത്തുക.
📍 2. ELCB / RCCB പ്രവർത്തിക്കുന്നുണ്ടോ?
വീട്ടിലെ ELCB/RCCB സ്വിച്ചുകൾ കൃത്യമായി പ്രവർത്തിക്കുന്നുണ്ടെന്ന് ഉറപ്പാക്കുക. ഇത് വലിയ അപകടങ്ങൾ ഒഴിവാക്കാൻ സഹായിക്കും.
📍 3. ഷോർട്ട് സർക്യൂട്ട് സാധ്യതകൾ
സ്വിച്ച് ബോർഡുകൾ, പ്ലഗ് പോയിന്റുകൾ, ഇലക്ട്രോണിക് ഉപകരണങ്ങൾ എന്നിവയിൽ വെള്ളം കയറിയതിനാൽ എർത്ത് ലീക്കേജോ ഷോർട്ട് സർക്യൂട്ടോ ഉണ്ടാകാൻ സാധ്യത കൂടുതലാണ്.
❌ അശ്രദ്ധ കാണിച്ചാൽ സംഭവിക്കാവുന്നത്:
• ഗുരുതരമായ വൈദ്യുതാഘാതം (Electric Shock), തീപിടുത്തം, മരണസാധ്യത.
• വലിയ രീതിയിലുള്ള എർത്ത് ലീക്കേജ് കാരണം വൈദ്യുതി പാഴാകാനും വലിയ തുക കറന്റ് ബിൽ വരാനും സാധ്യത.

👉 കെട്ടിടത്തിനുള്ളിലെ വയറിംഗ് സുരക്ഷിതമാണെന്ന് ഉറപ്പുവരുത്തേണ്ടത് നമ്മൾ ഓരോരുത്തരുടെയും ഉത്തരവാദിത്തമാണ്.
സുരക്ഷയാണ് പ്രധാനം! എല്ലാവരിലേക്കും എത്തിക്കാൻ ഈ സന്ദേശം പരമാവധി ഷെയർ ചെയ്യുക.

01/08/2026

അറിയിപ്പ്

കരിവേടങ്കുണ്ട് ട്രാൻസ്ഫോർമറിലേക്ക് വൈദ്യുതി വിതരണം ചെയ്യുന്ന HT ABC കേബിളിൽ തകരാർ സംഭവിച്ചതിനെ തുടർന്ന് നിലവിൽ കരിവേടങ്കുണ്ട് ട്രാൻസ്ഫോർമർ ഓഫ് ചെയ്തിരിക്കുകയാണ്.

താൽക്കാലിക ക്രമീകരണമായി വയാട്ടുപറമ്പ് കവല ട്രാൻസ്ഫോർമറിൽ നിന്ന് ബാക്ക് ഫീഡ് നൽകി വൈദ്യുതി വിതരണം പുനഃസ്ഥാപിച്ചിട്ടുണ്ട്. ഇതിന്റെ ഫലമായി കരിവേടങ്കുണ്ട്, വയാട്ടുപറമ്പ് കവല ട്രാൻസ്ഫോർമറുകൾക്ക് കീഴിലുള്ള ഉപഭോക്താക്കൾക്ക് താൽക്കാലികമായി ലോ വോൾട്ടേജ് അനുഭവപ്പെടാൻ സാധ്യതയുണ്ട്.

സിസ്റ്റത്തിൽ അധിക ലോഡ് ഉണ്ടാകാനുള്ള സാധ്യത കണക്കിലെടുത്ത്, അത്യാവശ്യമായ വൈദ്യുത ഉപകരണങ്ങൾ മാത്രം ഉപയോഗിച്ച് കെ.എസ്.ഇ.ബി.യുടെ പ്രവർത്തനങ്ങളോട് എല്ലാ ഉപഭോക്താക്കളും സഹകരിക്കണമെന്ന് അഭ്യർഥിക്കുന്നു.

അറ്റകുറ്റപ്പണികൾ പൂർത്തിയാക്കി നാളെ വൈകുന്നേരത്തോടെ സാധാരണ നിലയിൽ വൈദ്യുതി വിതരണം പൂർണമായി പുനഃസ്ഥാപിക്കുന്നതാണ്.

ഉപഭോക്താക്കളുടെ സഹകരണത്തിന് നന്ദി.

ES, ആലക്കോട്

10/04/2026

ഇക്കൊല്ലം കേവലം മൂന്ന് മാസത്തിനുള്ളിൽ മൂന്നു പേർക്കാണ് വൈദ്യുതി ലൈനിനുസമീപം ലോഹ തോട്ടി/ ഏണി ഉപയോഗിക്കുമ്പോൾ വൈദ്യുതാഘാതമേറ്റ് ജീവൻ തന്നെ നഷ്ടമായത്.

9 പേർക്ക് ഗുരുതരമായി പരിക്കേറ്റു.

തികഞ്ഞ ജാഗ്രത വേണം.
ഒരു കാരണവശാലും വൈദ്യുതി ലൈനുകൾക്ക് സമീപം ലോഹനിർമ്മിതമായ തോട്ടിയോ ഏണിയോ ഉപയോഗിക്കരുത്.

10/04/2026

കെ.എസ്.ഇ.ബി ജീവനക്കാരുടെ സമയോചിത ഇടപെടൽ; ശ്വാസംമുട്ടി അവശനായ കടയുടമയ്ക്ക് പുതുജീവൻ

കാർത്തികപുരം: ഡ്യൂട്ടിക്കിടയിൽ ലഭിച്ച അടിയന്തര സാഹചര്യത്തിൽ തക്കസമയത്ത് ഇടപെട്ട് ഒരു മനുഷ്യജീവൻ രക്ഷിച്ച കെ.എസ്.ഇ.ബി ജീവനക്കാർ നാടിന് മാതൃകയായി. കാർത്തികപുരം സെക്ഷനിലെ ഇലക്ട്രിസിറ്റി വർക്കറായ ശിവനേശൻ നാടാറുടെയും സഹപ്രവർത്തകരുടെയും അവസരോചിതമായ നീക്കമാണ് മീൻകടയുടമയെ മരണമുഖത്തുനിന്ന് രക്ഷപ്പെടുത്തിയത്.

സംഭവം ഇങ്ങനെ:

ഇന്നലെ ഉച്ചയ്ക്ക് രണ്ട് മണിയോടെ കാർത്തികപുരം കോൺവെന്റ് - പൂവച്ചാൽ റോഡിലെ 11 കെവി ലൈനിൽ വീണ മരക്കമ്പുകൾ നീക്കം ചെയ്യുകയായിരുന്നു കെ.എസ്.ഇ.ബി സംഘം. അറ്റകുറ്റപ്പണി പുരോഗമിക്കുന്നതിനിടെയാണ് സമീപത്തെ വ്യാപാര സ്ഥാപനത്തിൽ നിന്നും നിലവിളി കേട്ടത്. ഭക്ഷണം കഴിക്കുന്നതിനിടെ തൊണ്ടയിൽ കുടുങ്ങി ശ്വാസം തടസ്സപ്പെട്ട് കടയുടമ അതീവ ഗുരുതരാവസ്ഥയിൽ നിൽക്കുന്നതാണ് ജീവനക്കാരുടെ ശ്രദ്ധയിൽപ്പെട്ടത്.

സാഹചര്യത്തിന്റെ ഗൗരവം തിരിച്ചറിഞ്ഞ ശിവനേശൻ നാടാർ, പ്രഥമ ശുശ്രൂഷാ രീതിയായ ഹൈംലിക് മാനുവർ (Heimlich Maneuver) ഉടൻ തന്നെ പ്രയോഗിച്ചു. ഇതിലൂടെ ശ്വാസനാളത്തിൽ തടസ്സപ്പെട്ട ആഹാരശകലം പുറത്തെടുക്കാനും മിനിറ്റുകൾക്കുള്ളിൽ അദ്ദേഹത്തിന്റെ ശ്വാസോച്ഛ്വാസം സാധാരണ നിലയിലാക്കാനും സാധിച്ചു.
വൈദ്യുതി തകരാറുകൾ പരിഹരിക്കുന്നതിനൊപ്പം തന്നെ പൊതുജനങ്ങളുടെ സുരക്ഷയ്ക്കും ജീവനും കരുതലേകിയ കെ.എസ്.ഇ.ബി ജീവനക്കാരുടെ ഈ സേവനസന്നദ്ധതയെ നാട്ടുകാരും ജനപ്രതിനിധികളും അഭിനന്ദിച്ചു. ഔദ്യോഗിക കൃത്യനിർവഹണത്തോടൊപ്പം തന്നെ പ്രഥമ ശുശ്രൂഷയിലുള്ള അറിവ് എങ്ങനെ ഒരു ജീവൻ രക്ഷിക്കാൻ സഹായിക്കും എന്നതിന്റെ ഉത്തമ ഉദാഹരണമായി ഈ സംഭവം മാറി.

കടപ്പാട് : Alakode News

15/03/2026

അറിയിപ്പ്

Address

KSEB Electrical Section, , Near Panchayath Office
Alakode
670571

Telephone

+914602256161

Website

http://wss.kseb.in/

Alerts

Be the first to know and let us send you an email when 𝙆𝙎𝙀𝘽 𝗔𝗹𝗮𝗸𝗼𝗱𝗲 posts news and promotions. Your email address will not be used for any other purpose, and you can unsubscribe at any time.

𝙆𝙎𝙀𝘽 𝗔𝗹𝗮𝗸𝗼𝗱𝗲

02/08/2026

01/08/2026

10/04/2026

10/04/2026

15/03/2026

Address

Telephone

Website

Alerts

Shortcuts

Share

Category

Listing takedown request