https://www.suratmunicipal.gov.in/

My Surat, Surat Municipal Corporation, "Tapi Bhawan/Surat Mahanagar Seva Sadan" Gordhandas Chokhawala Marg, Tapipura, Surat/, Surat (2026)

09/10/2026

સુરત સાયન્સ સેન્ટર ખાતે શનિ ગ્રહ નિદર્શન કાર્યક્રમ – ૨૦૨૬

બ્રહ્માંડની અદ્ભુત દુનિયાને નજીકથી નિહાળવાની અનોખી તક!

સુરત મહાનગરપાલિકા દ્વારા શહેરીજનોમાં વિજ્ઞાન અને ખગોળશાસ્ત્ર પ્રત્યે જિજ્ઞાસા તથા રસ વધે તે હેતુથી સુરત સાયન્સ સેન્ટર ખાતે શનિ ગ્રહ નિદર્શન કાર્યક્રમનું આયોજન કરવામાં આવ્યું છે.

- તારીખ: ૧૦/૧૦/૨૦૨૬ (શનિવાર)
- સમય: સાંજે ૦૭:૧૫ થી રાત્રે ૦૮:૩૦ કલાક
- સ્થળ: સાયન્સ સેન્ટર, સુરત
- નિદર્શન: ટેલિસ્કોપ દ્વારા શનિ ગ્રહનું અવલોકન

આ કાર્યક્રમ અંતર્ગત શહેરીજનોને ટેલિસ્કોપની મદદથી શનિ ગ્રહનું નિદર્શન કરવાની તક મળશે. ખગોળવિજ્ઞાનમાં રસ ધરાવતા નાગરિકો, વિદ્યાર્થીઓ અને બાળકો માટે આકાશી પિંડોની દુનિયાને જાણવાનો તથા વિજ્ઞાન પ્રત્યે પોતાની જિજ્ઞાસા વધારવાનો આ એક સુંદર અવસર છે.

તો આવો, સાયન્સ સેન્ટર ખાતે પધારો અને ટેલિસ્કોપ દ્વારા શનિ ગ્રહને નિહાળવાના આ રોમાંચક અનુભવનો લાભ લો!

ખાસ નોંધ: શનિ ગ્રહનું નિદર્શન તે સમયની વાતાવરણીય પરિસ્થિતિ અને આકાશમાં વાદળોની સ્થિતિને આધીન રહેશે.

09/10/2026

સ્મીમેર હોસ્પિટલની સ્થાપનાના ૨૫ વર્ષની ઉજવણી – આરોગ્ય સેવા અને જનજાગૃતિનો સંકલ્પ!

સુરત મહાનગરપાલિકા સંચાલિત સ્મીમેર હોસ્પિટલની સ્થાપનાનાં ૨૫ વર્ષ પૂર્ણ થવાના અવસરે તા. ૧૨/૧૦/૨૦૨૬ થી તા. ૧૭/૧૦/૨૦૨૬ દરમિયાન છ દિવસીય વિશેષ આરોગ્યલક્ષી કાર્યક્રમોનું આયોજન કરવામાં આવ્યું છે.

આ ઉજવણીના ભાગરૂપે સ્મીમેર હોસ્પિટલ ખાતે ઓપીડી તથા ઇન્ડોર સારવાર માટે આવનાર દર્દીઓને સુરત મહાનગરપાલિકાના માફીના ઠરાવ મુજબ તપાસ અને સારવારમાં ૫૦% થી ૧૦૦% સુધીની માફી આપવામાં આવશે.

- છ દિવસીય કાર્યક્રમોની રૂપરેખા:

🔹 તા. ૧૨/૧૦/૨૦૨૬: સ્તનપાન અંગે જાગૃતિ અને આરોગ્ય જાગૃતિ કાર્યક્રમ
🔹 તા. ૧૩ અને ૧૪/૧૦/૨૦૨૬: કેન્સર જનજાગૃતિ કાર્યક્રમ
🔹 તા. ૧૫/૧૦/૨૦૨૬: રક્તદાન શિબિર, અંગદાન અંગે જાગૃતિ અને બોન ડેન્સિટી તપાસ કેમ્પ
🔹 તા. ૧૬/૧૦/૨૦૨૬: CPR તાલીમ અને જાહેર જનજાગૃતિ કાર્યક્રમ
🔹 તા. ૧૭/૧૦/૨૦૨૬: CTEV કેમ્પ (ક્લબફૂટ ક્લિનિક)

આરોગ્ય સેવા, જનજાગૃતિ અને માનવસેવાના ધ્યેય સાથે સ્મીમેર હોસ્પિટલની આ રજત જયંતિ ઉજવણી નાગરિકોના સ્વાસ્થ્ય અને સુખાકારીને વધુ સુદૃઢ બનાવવાનો એક મહત્વપૂર્ણ પ્રયાસ છે.

સ્મીમેર હોસ્પિટલ – ૨૫ વર્ષની સેવા, સ્વાસ્થ્ય અને સમર્પણ!

09/10/2026

શહેરના રસ્તાઓ સુરક્ષિત અને સુગમ વાહનવ્યવહાર માટે યોગ્ય સ્થિતિમાં રહે તે હેતુથી Team SMC દ્વારા સઘન માર્ગ સમારકામ અભિયાન ચલાવવામાં આવી રહ્યું છે. આ કામગીરી અંતર્ગત SDBC હોટમિક્સ મટીરિયલથી પેચવર્ક, જેટ પેચર ટેક્નોલોજીથી ખાડાઓનું રિપેરિંગ, મશીનરી વડે રોડ સ્ક્રેપિંગ અને જરૂરિયાત મુજબ GSB ફિલિંગ જેવી વિવિધ કામગીરી સતત હાથ ધરવામાં આવી રહી છે

શહેરના માર્ગો વધુ સુગમ, સુરક્ષિત અને ટકાઉ બને તે માટે Team SMC સતત કાર્યરત છે.

સ્વચ્છ સુરત • સુરક્ષિત સુરત

Team SMC – 24×7 જનસેવામાં સમર્પિત.

09/10/2026

સ્વચ્છતા, જાગૃતિ અને સ્વસ્થ સુરત તરફ વધુ એક મજબૂત પગલું!

સુરત મહાનગરપાલિકા દ્વારા શહેરના વિવિધ વિસ્તારો નાગરિકોમાં પર્યાવરણ અને જાહેર આરોગ્ય પ્રત્યે જાગૃતિ લાવવા માટે વિશેષ IEC (Information, Education & Communication) પ્રવૃત્તિઓનું આયોજન કરવામાં આવ્યું.

સ્વચ્છ સુરત, સુંદર સુરતના ધ્યેય સાથે નાગરિકોએ સંકલ્પ પત્ર ભરી સ્વચ્છતા જાળવવાનો સંકલ્પ લીધો.

- કચરાનું ૪ શ્રેણીમાં વર્ગીકરણ
- Single Use Plastic (SUP) મુક્ત સુરત માટે જનજાગૃતિ
- 5R – Refuse • Reduce • Reuse • Recycle • Recover નો સંદેશ
- VBDC વિભાગ દ્વારા મચ્છરજન્ય રોગોથી બચવા જરૂરી સાવચેતી અંગે માર્ગદર્શન

જાગૃત નાગરિક, સ્વચ્છ શહેર અને સ્વસ્થ સમાજના નિર્માણ માટે સુરત મહાનગરપાલિકાનો સતત પ્રયાસ.
આવો, આપણે સૌ મળીને સ્વચ્છ, હરિયાળું અને સ્વસ્થ સુરત બનાવીએ.

09/10/2026

સેવાસેતુ કાર્યક્રમ | સેવા, સુવિધા અને ઝડપી ઉકેલનો સેતુ

રાજ્ય સરકારશ્રીની લોકઉપયોગી યોજનાઓ અને સેવાઓનો લાભ નાગરિકોને સરળતાથી મળી રહે તેમજ તેમની રજૂઆતોનો ન્યાયિક, ચોક્કસ અને ઝડપી નિકાલ સ્થળ પર જ થાય તે હેતુથી સુરત મહાનગરપાલિકા દ્વારા તા.૦૯/૧૦/૨૦૨૬ના રોજ સચીન કોમ્યુનીટી હોલ, પટેલ ફળિયાની બાજુમાં, સુરત-નવસારી મેઈન રોડ, સચીન ગામ, સુરત (સાઉથ ઝોન બી - સચિન) ખાતે “સેવાસેતુ કાર્યક્રમ”નું આયોજન કરવામાં આવ્યું.

કાર્યક્રમમાં વિવિધ સરકારી વિભાગો તથા સુરત મહાનગરપાલિકાના સંબંધિત વિભાગો દ્વારા નાગરિકોને એક જ સ્થળે વિવિધ સેવાઓ અને યોજનાઓ અંગે માર્ગદર્શન તથા જરૂરી કાર્યવાહીનો લાભ આપવામાં આવ્યો.

આવકના દાખલા, ક્રીમીલેયર સર્ટિફિકેટ, સિનિયર સિટિઝન પ્રમાણપત્ર, વિધવા સહાય, વૃદ્ધ સહાય, જાતિના દાખલા, દિવ્યાંગ સર્ટિફિકેટ, PMJAY મા કાર્ડ, આયુષ્માન વય વંદના કાર્ડ સહિતની વિવિધ રજૂઆતોના સ્થળ પર જ નિકાલની સુવિધા ઉપલબ્ધ કરાવવામાં આવી.

માન.મેયરશ્રી સુરત મહાનગરપાલિકા શ્રીમતી માયાબેન માવાણી, માન. ધારાસભ્યશ્રી ચોર્યાસી વિધાનસભા શ્રી સંદીપભાઈ દેસાઈ, માન.ડે.મેયરશ્રી સુરત મહાનગરપાલિકા શ્રી સુધાકર ચૌધરી, માન.પૂર્વ ધારાસભ્યશ્રી વી. ડી. ઝાલાવાડિયા, માન.દંડકશ્રી શાસક-પક્ષ શ્રીમતી ઉર્મિલાબેન ત્રિપાઠી તેમજ વિવિધ સમિતિના અધ્યક્ષશ્રીઓ તથા મ્યુ. સદસ્યશ્રીઓની ઉપસ્થિતિમાં યોજાયેલા આ કાર્યક્રમમાં લાભાર્થીઓને જરૂરી સેવાઓનો સરળતાથી લાભ મળ્યો અને એક જ સ્થળેથી રજૂઆતોના નિકાલ બદલ વિસ્તારના નાગરિકો દ્વારા હકારાત્મક તથા પ્રેરક પ્રતિસાદ આપવામાં આવ્યો.

08/10/2026

વન્યપ્રાણી સપ્તાહ–૨૦૨૬

ડો.શ્યામપ્રસાદ મુખર્જી ઝૂલોજિકલ ગાર્ડન ખાતે વન્યપ્રાણી સપ્તાહની ઉજવણી અંતર્ગત Zoo Awarenessને પ્રોત્સાહન આપતા વિવિધ કાર્યક્રમોનું આયોજન કરવામાં આવ્યું.

સુરત મહાનગરપાલિકા સંચાલિત શાળાના વિદ્યાર્થીઓ અને ઝૂ સ્ટાફ દ્વારા મુલાકાતીઓને ઝૂમાં શું કરવું અને શું ન કરવું અંગે માર્ગદર્શન આપી વન્યજીવો પ્રત્યે સંવેદનશીલતા અને જવાબદારીનો સંદેશ આપવામાં આવ્યો.

Zoo Awareness Poster & Banner સાથે સાયકલ રેલી યોજાઈ, જેના માધ્યમથી મુલાકાતીઓ અને નાગરિકોમાં વન્યજીવ સંરક્ષણ અંગે જાગૃતિ ફેલાવવામાં આવી.

રવિવારે શાળાના વિદ્યાર્થીઓ દ્વારા “બેજુબાન કી પુકાર” નાટક રજૂ કરવામાં આવ્યું, જેના દ્વારા વન્યજીવો પ્રત્યે પ્રેમ, સંવેદના અને સંરક્ષણનો સુંદર સંદેશ આપવામાં આવ્યો.

જાગૃતિથી સંરક્ષણ તરફ…
વન્યજીવોની સુરક્ષા, આપણી સૌની જવાબદારી!

My Surat

09/10/2026

09/10/2026

09/10/2026

09/10/2026

09/10/2026

08/10/2026

Address

Website

Alerts

Shortcuts

Share

Category

Listing takedown request