Ministry of Environment & Climate Change- Southwest state of Somalia

  • Home
  • India
  • Sherghati
  • Ministry of Environment & Climate Change- Southwest state of Somalia

Ministry of Environment & Climate Change- Southwest state of Somalia Contact information, map and directions, contact form, opening hours, services, ratings, photos, videos and announcements from Ministry of Environment & Climate Change- Southwest state of Somalia, Government Website, Baidoa, Sherghati.

Wasaaradda Deegaanka iyo Isbeddelka Cimilada ee Dowlad Goboleedka Koonfur Galbeed Soomaaliya, oo kaashanaysa Hay’adda De...
18/04/2026

Wasaaradda Deegaanka iyo Isbeddelka Cimilada ee Dowlad Goboleedka Koonfur Galbeed Soomaaliya, oo kaashanaysa Hay’adda Deegaan Relief Services (DRS), ayaa maanta si wadajir ah uga daah-furtay degmada Afgooye ee gobolka Shabeellaha Hoose, barnaamij xog-ururin iyo qiimeyn ku saabsan maareynta iyo la qabsiga isbeddelka cimilada.

Qiimeyntan ayaa laga fulin doonaa deegaanno ka tirsan Koonfur Galbeed, gaar ahaan degmooyinka gobolka Shabeellaha Hoose.

Agaasimaha Guud ee Wasaaradda Deegaanka iyo Isbeddelka Cimilada Koonfur Galbeed Soomaaliya, Mudane Aadan Cabdullaahi, ayaa si rasmi ah u furay barnaamijka, isagoo xusay in xog-ururinta iyo qiimeyntan laga fulin doono afar degmo oo kala ah: Baraawe, Afgooye, Kuntuwaarey iyo Qoryooley.

Barnaamijkan ayaa qeyb ka ah mashruuca UGBAAD, oo ay fulinayso Hay’adda FAO, waxaana diiradda lagu saarayaa fahamka baahiyaha bulshada si loo horumariyo qorsheyaal wax-ku-ool ah oo lagu xoojinayo maareynta deegaanka iyo la qabsiga isbeddelka cimilada.

Agaasimaha Guud ayaa sidoo kale carrabka ku adkeeyay muhiimadda ay qiimeyntani u leedahay bulshada ku nool deegaannadaas, isagoo sheegay in natiijooyinka laga soo saaro ay noqon doonaan kuwo ku saleysan baahiyaha dhabta ah ee dadka.

Waxa uu intaa ku daray in si guul looga gaaro yoolalka mashruuca ay muhiim tahay iskaashi dhow oo ka dhexeeya hay’adaha iyo bulshada.

Barnaamijka waxaa fulinaysa Hay’adda Deegaan Relief Services (DRS), iyadoo kaashaneysa Wasaaradda Deegaanka iyo Isbeddelka Cimilada Koonfur Galbeed Soomaaliya.

Wasiirka Deegaanka iyo Isbadalka Cimilada Dr Dini Abdinur Mohamed ayaa Maanta kulan la yeeshay Hogaamiyaha Maamulka KG a...
05/04/2026

Wasiirka Deegaanka iyo Isbadalka Cimilada Dr Dini Abdinur Mohamed ayaa Maanta kulan la yeeshay Hogaamiyaha Maamulka KG ahna Kusimaha Hoggaamiyaha Dowladda Koonfur Galbeed, Mudane Jibriil Cabdirashiid Xaaji.

Kulanka ayaa diiradda lagu saaray arrimo muhiim ah oo la xiriira ilaalinta deegaanka, la tacaalidda isbeddelka cimilada, iyo xoojinta wada shaqeynta hay’adaha dowladda. Labada mas’uul ayaa isla gartay in la dardargeliyo dadaallada lagu horumarinayo deegaanka iyo wacyigelinta bulshada.

Ugu dambeyn, Wasiirka iyo Kusimaha Hoggaamiyaha ayaa hoosta ka xarriiqay muhiimadda ay leedahay iskaashi joogto ah si loo gaaro horumar waara oo dhinaca deegaanka ah.”
Ministry of Environment & Climate Change- Southwest state of Somalia

Wasiirka Wasaaradda Deegaanka iyo Isbeddelka Cimilada Dowladda Koonfur Galbeed, Mudane Dini Abdinur Mohamed, ayaa hambal...
19/03/2026

Wasiirka Wasaaradda Deegaanka iyo Isbeddelka Cimilada Dowladda Koonfur Galbeed, Mudane Dini Abdinur Mohamed, ayaa hambalyo ku aaddan munaasabadda Ciidul Fideiga u diray dhammaan ummadda Soomaaliyeed gaar ahaan dad ku dhaqan deeganada KGS meel kasta oo ay joogaan.

Wasiirku waxa uu shacabka ku booriyay in ay is gargaaraan isna cafiyaan, kana shaqeeyaan ilaalinta deegaanka iyo midnimada.
Ministry of Environment & Climate Change- Southwest state of Somalia

KuSimaha Madaxweynaha Dowlada Koonfur Galbeed ahna Gudoomiyaha Golaha Wakiilada ee Dowladda Koonfur Galbeed Mudane Ali S...
01/03/2026

KuSimaha Madaxweynaha Dowlada Koonfur Galbeed ahna Gudoomiyaha Golaha Wakiilada ee Dowladda Koonfur Galbeed Mudane Ali Said Fiqi oo uu Weheliye Wasiirka Deegaanka iyo Isbedelka Cimilada DKGS Mudane Dini Abdinur Mohamed ayaa la kulmay Kusimaha Madaxa Hay’adda FAO Somalia Mr Ezana Kassa iyo Yasin Salah Madaxa Qeybta Isbedelka Cimilada ee FAO Somalia.

Ku simaha Madaxweynaha DKGS iyo Hay’adda FAO Somalia waxay ka wada hadleen sidii Hay’adda FAO Somalia ay u kaalmayn lahayd dad ay saamaysay Abaarta ee ku Dhaqan Deegaanada KGS iyo sidii loo dardar gelin lahaa Mashaariicda la qabsisiga Isbedelka Cimilada ee Hay’adda FAO Somalia ay ka fulinayso deegaanada KGS.

Wasiirka Wasaaradda Deegaanka iyo Isbeddelka Cimilada DKG Mudane Dini Abdinur Mohamed iyo Wasiir Ku-xigeenka Wasaaradda ...
22/02/2026

Wasiirka Wasaaradda Deegaanka iyo Isbeddelka Cimilada DKG Mudane Dini Abdinur Mohamed iyo Wasiir Ku-xigeenka Wasaaradda Deegaanka Mudane Olaad ayaa shir la qaatay shaqaalaha Wasaaradda.

Shirka ayaa diiradda lagu saaray dardargelinta howlaha shaqo, xoojinta wada-shaqeynta gudaha Wasaaradda, iyo hirgelinta qorshayaasha la xiriira ilaalinta deegaanka iyo la-tacaalidda isbeddelka cimilada. Mas’uuliyiinta ayaa ku bogaadiyay shaqaalaha dadaalkooda, iyagoo ku boorriyay shaqada Wanaagsan ee lagu horumarinayo adeegyada Ilaalinta Deegaanka iyo waajibaadka Shaqo ee Wasaaradda.

Ugu dambeyn, shirka ayaa xiray Wasiirka iyadoo Shaqaalaha lagu booriyey in xoojiyaan wadajirka iyo wada shaqaynta isla markaana ay kaalmeeyaan dadka nugul ee saamaysay Abaarta maadaama lagu jiro Bishii Barakaysnayd ee Ramadaanka.
Ministry of Environment & Climate Change- Southwest state of Somalia

21/02/2026

Wasaaradda Deegaanka iyo Isbeddelka Cimilada ee Dowlada Koonfur Galbeed ayaa Afgoye ku qabatay tababar beerashada casriga ah oo loo sameeyay 30 haween beeraley ah,

Wasiirka Wasaaradda Deegaanka iyo Isbeddelka Cimilada ee Dowlad Goboleedka Koonfur Galbeed, Mudane Diini Abdinuur Mohame...
21/02/2026

Wasiirka Wasaaradda Deegaanka iyo Isbeddelka Cimilada ee Dowlad Goboleedka Koonfur Galbeed, Mudane Diini Abdinuur Mohamed, iyo Wasiir Ku-xigeenka Wasaaradda Mudane Olaad, ayaa kormeer shaqo ku tagay xarunta dhir-beerista ee Wasaaradda.

Kormeerka ayaa diiradda lagu saaray dardargelinta qorshaha dib-u-cagaaraynta, tayada geedaha la xanaaneeyo, iyo xoojinta dadaallada lagula tacaalayo xaalufinta dhirta iyo saameynta isbeddelka cimilada.

Mas’uuliyiinta ayaa adkeeyay in Wasaaraddu ka go’an tahay ilaalinta deegaanka iyo horumarinta dhul cagaaran oo waara. 🌱

Wasaaradda Deegaanka iyo Isbeddelka Cimilada ee Dowlada Koonfur Galbeed ayaa degmada Afgoye ku qabatay tababar ku saabsa...
20/02/2026

Wasaaradda Deegaanka iyo Isbeddelka Cimilada ee Dowlada Koonfur Galbeed ayaa degmada Afgoye ku qabatay tababar ku saabsan maareynta biyaha iyo beerashada casriga ah, kaas oo loo qabtay 30 haween beeraley ah.

Tababarka oo ay hirgelisay hay’adda diiradda lagu saaray xoojinta aqoonta haweenka ee wax-soo-saarka beeraha, la qabsiga isbeddelka cimilada, isticmaalka abuur adkaysi leh, ilaalinta carrada iyo hababka casriga ah ee wax-beerista.

Wasaaradda ayaa sheegtay in barnaamijkan uu qeyb ka yahay dadaallada lagu xoojinayo doorka haweenka ee horumarinta beeraha iyo sugnaanta cuntada, isla markaana ay sii wadi doonto tababarrada noocan oo kale ah.

Wasiirka Wasaaradda Deegaanka iyo isbadalka cimilada Dowladda Koonfur Galbeed Soomaaliya, Mudane Dini Abdinur Mohamed wu...
17/02/2026

Wasiirka Wasaaradda Deegaanka iyo isbadalka cimilada Dowladda Koonfur Galbeed Soomaaliya, Mudane Dini Abdinur Mohamed wuxuu hambalyo iyo bogaadin u dirayaa dhammaan Muslimiinta, gaar ahaan shacabka Koonfur Galbeed, munaasabadda barakeysan ee Bisha Ramadan.

Wasiirku wuxuu Alle uga baryayaa in bishan kheyrka badan ay noqoto mid nabad, caafimaad, isu-tanaasul iyo horumar u horseedda ummadda Islaamka, isla markaana uu Alle naga aqbalo soonkeenna, salaaddeenna iyo camalladeenna wanaagsan.

Ramadan Mubaarak

Wasaaradda Deegaanka iyo Isbeddelka Cimilada DKG ayaa muddo todobaad ah waday olole wacyigelin ah iyo Xog ururun ah.Wacy...
17/02/2026

Wasaaradda Deegaanka iyo Isbeddelka Cimilada DKG ayaa muddo todobaad ah waday olole wacyigelin ah iyo Xog ururun ah.
Wacyi gelinta ayaa ku saabsanayd sidii bulshada loo fahamsiin lahaa ka hortagida saameynta isbeddelka cimilada, gaar ahaan abaaraha soo noqnoqday, Nabaad guurka iyo jarida dhirta ee saameeyay deegaanada Koonfur Galbeed.

Ololahan ayaa lagu gaarsiiyay bulshada fariimo ku saabsan ilaalinta deegaanka, daryeelka kheyraadka dabiiciga ah, beerashada u adkeysan karta abaarta, keydinta biyaha, iyo muhiimadda ay leedahay dhir-beeristu si loo yareeyo xaalufka dhulka.
Sidoo kale Wasaaradda waxay samaysay todobaad xor ururin ah oo ku saabsanayd fahamka bulshada degan Xaafadda Barwaaqo, Barakacayaasha iyo dadka Deegaanka ee dhanka Isbedelka Cimilada iyo Ka soo kabashada dhibaatooyinka dhanka Isbedelka Cimilada.
Mas’uuliyiinta Wasaaradda ayaa xusay in wacyigelintan ay qayb ka tahay dadaallada joogtada ah ee lagu xoojinayo u adkeysiga bulshada ee isbeddelka cimilada, laguna yareynayo khataraha abaarta, iyagoo ugu baaqay bulshada in ay door muuqda ka qaataan ilaalinta deegaanka iyo badbaadinta mustaqbalka jiilasha soo socda.
Sidoo kalena Xog ururintan waxaa lagu qiimayn doono fahamka bulshada ee dhanka Isbedelka Cimilada iyo arimaha la xiriira. -SWS
Ministry of Environment & Climate Change- Southwest state of Somalia

Muqdisho, Jumce 13 Febraayo, 2026: – Wasiirka Deegaanka iyo Isbdelaka Cimilada Dowladda Koonfur Galbeed Dini Abdinur Moh...
13/02/2026

Muqdisho, Jumce 13 Febraayo, 2026: –
Wasiirka Deegaanka iyo Isbdelaka Cimilada Dowladda Koonfur Galbeed Dini Abdinur Mohamed ayaa ka qeyb galay munaasabad lagu soo bandhigayay guulihii iyo natiijooyinkii ay Dowladda Federaalka Soomaaliya ka soo hooysay Shirweynaha Isbeddelka Cimilada Adduunka ee COP30 oo ka dhacay dalka Brazil, Shirkaas oo uu Wasiirku ka qeyb galay.

Munaasabaddan waxaa ka qeyb galay Ra’uusul Wasaaraha Xukuumadda DFS, Ra’iisul Wasaare Ku Xigeen, Wasiiro, Xildhibaano, Mas’uuliyiintii ka qeyb gashay Shirkii Isbedelka Cimilada ee COP30 Brazil, waxaana lagu soo bandhigay warbixin dhammaystiran oo ku saabsan dadaallada dowladda ee ku aaddan saameynta isbeddelka cimilada, mashaariicda dib-u-soo-kabashada deegaanka, qorshayaasha yaraynta fatahaadaha iyo fursadaha maalgelinta deegaanka.

Munaasibadda waxaa furay Ra’iisul Wasaaraha JFS Xamsa Cabdi Barre, oo bogaadiyey doorka firfircoon ee wafdiga Soomaaliya ay ka qaateen doodaha caalamiga ah, isaga oo xusay in Soomaaliya ay markan dunida u gashay gorgortan dhab ah oo ku aaddan helitaanka Maalgelinta Cimilada (Climate Finance) iyo magdhowga khasaaraha ka dhasha Isbeddelka Cimilada ee ay abuureen dalalka horumaray.

Ra’iisul Wasaaraha, ayaa sheegay in Xukuumaddiisa ay samaysay Wasaarad gaar u ah arrimaha deegaanka iyo Isbedelka Cimilada si xal loogu helo saamaynta abaaraha iyo isbeddelka cimilladq, taasi oo ka tarjumaysa mudnaanta ay dowladda siisay arrimaha Deegaanka iyo Isbeddelka Cimillada.

Mudane Xamsa, ayaa tilmaamay in dadka Soomaaliyeed xilligan ay wajahayaan abaar aad u adag oo loo baahanyahay in loo kaco sidii gurmad loo gaarsiin lahaa sidii xaaladda ba’an ee ay ku jiraan bulshada Soomaaliyeed.

Dowladda Soomaaliya waxa ay dadaal ugu jirtaa gurmadka dadka tabaalaysan iyada oo dowladdu ay samaysay Sanduuq lagu uruuriyo dhaqaalah loo qorsheeyay gurmadka abaaraha, iyada oo Ra’iisul Wasaare Xamsa Cabdi Barre, uu la kulmay safiirrada dalalka saaxiibada la ah Soomaaliya, isla markaana ugu baaqay madaxda dalalka iyo hey’adaha caalamiga in ay gacan ka gaystaan arrimaha taagan.

Madasha Qaran ee Saadaasha Cimillada Gu’a 2026 oo si Rasmi ah uga Furantay Muqdisho.Muqdisho, 11 Febraayo 2026 – Wasiirk...
11/02/2026

Madasha Qaran ee Saadaasha Cimillada Gu’a 2026 oo si Rasmi ah uga Furantay Muqdisho.

Muqdisho, 11 Febraayo 2026 – Wasiirka Wasaaradda Deegaanka iyo Isbeddelka Cimilada ee Dowladda Koonfur Galbeed Soomaaliya, Mudane Dini Abdinur Mohamed ayaa maanta ka hadlay Shirka furitaanka Madasha Qaran ee Saadaasha Cimillada Xilliga Roobaadka Gu’a 2026 (National Climate Outlook Forum – Gu 2026), oo lagu qabtay magaalada Muqdisho, Waxaana ka qeybgalay furitaanka Wasiirudowlaha Wasaaradda Deegaanka Dowladda Federaalka Ahmed Omar, Agaasimaha Hay’adda Saadaasha Cimilada Dr Guuled Cabdulqaadir Cartan, Agaasimiyaahsa waaxaha hay’adaha dowladda Federaalka, Wakiilada Bahwadaagta Soomaaliya, Guddoomiye ku xigeenka Hay’adaha SODMA, Wasiiradda Dowladd Gobaleedyada Iyo Saaraakiil Dowladeed.

Madashan waxaa si wadajir ah u soo qabanqaabiyay Wasaaradda Deegaanka iyo Isbeddelka Cimilada (MoECC) iyo Hay’adda Maareynta Musiibooyinka Qaranka (SoDMA), iyagoo kaashanaya hay’adaha bahwadaagta ah ee IGAD/ICPAC, WMO, FAO iyo wasaaradaha ay khuseyso.

Madasha oo halku-dhigeedu yahay: “Digniin Bixin H**e, Ka Hortagga Abaaraha iyo Badbaadinta Nolosha”, ayaa diiradda lagu saaray soo bandhigista saadaasha roobabka Gu’a 2026 iyo xoojinta isku xirka digniinaha h**e iyo tallaabooyinka degdegga ah.

Address

Baidoa
Sherghati
SAMAFOON

Telephone

619839557

Website

Alerts

Be the first to know and let us send you an email when Ministry of Environment & Climate Change- Southwest state of Somalia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Ministry of Environment & Climate Change- Southwest state of Somalia:

Shortcuts

Share

Category