Beti Bachao Beti Padhao - BBBP Serchhip District

23/01/2025

Celebration of National Girl Child Day & BBBP 10 Years Anniversary
“Walk for the Girl Child”

21/01/2025

Dated Serchhip, the 21st January, 2025: Vawiin khan Beti Bachao Beti Padhao (BBBP) k*m 10 tlinna champhaphak leh January 24 a National Girl Child Day lo thleng tur pualin a khuh hawnna programme chu Serchhip DC Pu Paul L.Khuma hovin Serchhip DC Pisapui Hall ah neih a ni.

DC Pu Paul L Khuma chuan India rama mipui vantlangte zingah hmeichhe fa aiin mipa fa hlut leh dahsan zawkna thinlung pu an la tam a, hmeichhe fa an pai tih an hriat avanga titla (abort) te an awm thin bakah hriselna, zirna leh ei tur tha pek kawngah pawh mipa naupang aiin hmeichhe naupang ngaihthah an ni fo thin a; chutianga inthliarna a reh theihna turin he programme hi buatsaih thin a ni, a ti. India ramah k*m 1991 ah chuan mipa 1000 zelah hmeichhia 927 an awm a, 2011 chhiarpuiah chuan 1000 zelah 940 an awm a, Child S*x Ratio (nau pianghlim atanga k*m 6) ah erawh chuan chuan 1991 ah mipa 1000 zelah hmeichhia 945 an awm laiin k*m 2011 ah chuan mipa 1000 zelah hmeichhia 914 an awm thu Serchhip DC chuan a sawi a. India ram pumpuiah nau piang s*x ratio ah hmeichhia an tlakhniam zel avangin hmeichhe naupangte hlutzia inzirtir thar kan mamawhzia a lang a, sawrkar laipui chuan k*m 2015 atang khan chak takin hma a la tan ta a ni, a ti. DC Pu Paul L.Khuma chuan vawiin programme a tel te hlawk taka hun hmang turin a chah a, hmeichhe naupang te dikna chanvo humhimna leh, mipa leh hmeichhe inthliarna a bo theih nan, mi dangte hrilh leh zirtir chhawngtu nih turm turin a fuih a ni.

Vawiin programme ah hian College level Public Speaking Competition neih a ni a. Heta tithate lawmman hi kharna inkhawm, January 24 (Zirtawpni) a nei turah sem a ni ang.

Pu James Lalremliana, DPO-in-charge chuan vawiin inkhawm hi a kaihruai a. Specialist in Financial Literacy Pi V Lalruatsangi chuan BBBP nih phung leh Serchhip District chhunga hma an lo lak tawh dan te sawizauna hun a hmang a. Beti Bachao Beti Padhao leh National Girl Child Day pual hian kalkhawm ten thutiam an sawi rual bawk a ni.

20/01/2025

20/01/2025

National Girl Child Day 2025

28/05/2024

"HER RIGHTS : OUR MISSION" Campaign

Dt. 27.02.2024 (Tuesday) : Serchhip Kawnpui Kohhran ah Kohhran Hmeichhe ho nen BBBP leh PWDVA 2005 Awareness Programme hlawhtling tak hman ho a ni.

28/05/2024

"HER RIGHTS : OUR MISSION" Campaign

Serchhip, Dt. 27.02.2024 (Tuesday) : Serchhip Bazar Kohhran Hall ah Kohhran Hmeichhe ho nen Awareness Programme hlawhtling tak a hman ho a ni.

He hunah hian VL. Remruatpuii, Gender Specialist in BBBP chungchang a hriattur hrang hrang zirtirna leh hrilhhriatna hun a hmang a, Lalvensanga, DMC in PWDVA 2005 chungchang leh Service Provider te mawhphurhna leh hmalak dan tur chungchang zirtirna leh hrilhhriatna hun a hmang bawk a ni.

Kalkhawm te hnenah BBBP, PMMVY leh PWDVA 2005 Leaflet sem a ni.

22/05/2024

Celebration of International Women’s Day, 2024