Aizawl West-I Congress

14/08/2019

Judge :- Chu i nupui chu i ţhen duh tak2 a maw?

Pasal :- Aw inţhen ka duh.

Judge :- Anih chuan i thla tin hlawh kha a chanve i pek char2 a ngai tawh ang.

Pasal :- Ava han lawmawm tehlul em, a hma te chuan aman a chang vek zel alom. 😂

19/03/2019

26/11/2018

PRESS STATEMENT
OF
MR. LUIZINHO FALEIRO, AICC GEN. SECY. (Northeast) on 16.11.2018
BJP TANA ZAHNA TUR: HLEIHLENNA LEH THARUM THAWHNA A LO HLUAR CHHOH DAN
Tun hnai chho-a chhinchhiah na hrang hrang atanga a lan danin Prime Minister Modi-a leh BJP Central-a an sawrkar hnu leh state hrang hrang a BJP an sawrkar tak hnu hian hnam tlem zawk (minorities), hnam hnuaihnung zawk (Dalit) leh hnam leh chi hrang hrang te zingah hleihlenna leh tharum thawhna a thleng chho mek zel a.
Thu rintlak tak ziahna (data) atanga a lan dan chuan heng hleihlenna leh in huatna thleng zinga a tam zawk lo pawng pawrh nachhan chu Prime Minister Modi-a leh sawrkar na chang tu party (BJP) te an ngawih tlat avang leh hetiang anga hma la tu te thiam an chan tir thin vang a ni.
DAN LO ANGA TUAL THAHNA LO PUN CHHOH DAN: MAY 2014 HNUAH BAWNG (COW) AVANGIN 97% THIHNA THLENG
Union Minister of State for Home Affairs Hansraj Ahir-an Rajya Sabha a hrilh dan in sawrkar in dan lo anga tual thahna mumal taka chhinchhiah a nih loh thu a sawi a.
Chutih laiin thuthar thehdarh tu (media) thenkhat te lo chhinchhiah dan in heng thihna thlen na chhan ber chu inhuatna (hate) vang a nih thu an tarlang a. India Spend in k*m 2010 atanga zir chianna a neih hi i lo tarlang teh ang:-
• Bawng (cow) avanga buaina hi India ram pum pui ah vawi 87 a awm.
• Mi 289 te chu bawng (cow) avanga tuartu (victim) te an ni.
• Mi 34 laiin nunna an chan phah.
• Na taka inbeih na/indona vawi 158 a awm bawk.
• A tuar tu zinga 56% zet chu Muslim an ni.
• A tuar tu 11% chu hnam hnuaihnung (Dalit) te an ni.
Chhinchhiahna (statistics) atanga a lan danin heng a chunga kan tarlan pawi khawihna hrang hrang ah hian a lang a pau in BJP te hi an in rawlh a. Bawng (cow) avanga buaina zinga 56% zet chu BJP in state hrang hrang a sawrkarna a siamna hmun a thil thleng a ni.
• Heng bawng (cow) avanga buaina thleng zinga 97% zet chu Prime Minister Narendra Modi a sawrkar lo pian hnu (May 2014) a thil thleng a ni.
• K*m 8 chhung a India mi 25 thi zingah mi 21 (84%) chu Muslim an ni a. Mi 139 ngawt in hliam an tuar bawk a ni.
• Zirchian na in a tarlan danin heng zinga a zatve aia tam mah (52%) chu thu thang leng vel a ni.
The Quint zirchian na atang chuan k*m 2015 atanga tharum thawhna hrang hrang zingah mi 68 laiin nunna an chan thu report a ni. Tharum thawhna avanga tual thihna hi tun hnai thla hnih chho ah hian a hluar hle mai a. India Today chhinchhiah dan chuan May ni 10 atang khan a tlem berah tual thihna vawi 16 lai Tripura atanga Maharashtra tlengin a awm tawh thu a sawi a. Chung zingah chuan mi 22 laiin nunna an chan phah bawk a ni.
THARUM THAWHNA LEH INHUATNA AVANGA THIL THLENG TE:
A hnuaia thil thleng hrang hrang kan tarlan te hi BJP lo sawrkar hnu a tharum thawhna leh inhuatna avanga buaina hrang hrang lo thleng te an ni a, tawi te te in i han thlir ho chin teh ang.
1. SAKHUANA LEH SAKHUA BIAKNA HMUN BEIH A NIH DAN
i) 11 March, 2018: Biak In Suasam-
Hindu sakhua kal fir fiak pawl (Hindu Munnani) an tih te chuan police te tawiawm na in Madurai-a Kristian Biak in panga (5) lai an dap a, Kristian te an inkhawm lai tibuai in hmeichhia te nasa takin an nghaisa bawk a ni.
ii) 8 February, 2018: Baptist mi Paul Msiza Visa (ram pawn zin dilna) hnawl a ni-
BJP sawrkar chuan sakhua inthliarna leh an thuneihna nasa taka hmang sual in Baptist Kohhran Inzawmkhawm (Baptist World Alliance)-a an hotu ber Rev. Paul Msiza an Garo Hills (Meghalaya) in an Kristian nih k*m 150-na champha hman tuma kal a dilna (visa) chu hnawl a ni.
iii) 14 December, 2017: Krismas Carol a zai te sawisak an ni-
Hindu kul muk (Bajrang Dal) te chuan sakhaw danga midang inleh an duh loh avangin Madhya Pradesh-a Catholic Kohhran Krismas vuakvet a Carol-a zai te chu k*t an thlak a, an Kohhran rawngbawltu (priest) Car pawh an hal sak hial a ni.
Hetiang thil a thlen mek lai hian Police te chuan a mawhphur tu te chu man lovin, State-a BJP hruaitu te nawrna avangin Kohhran rawngbawltu mi 40 leh he Krismas Carol-a tel ve te Police Station ah a khung zawk a ni.
iv) 2017: Tih duhdah na hrang hrang te
K*m 2017 khan hmun thum lai ah Kristian naupang rel (train) hmang a Kristian te hmunpui a kal tum chu tih buai an ni a. Madhya Pradesh-a Railway Police te chuan Kristian naupang rel a chuang te chu an hreng khawtlai a, a chhan ber ni a an sawi chu ‘inlet tura rukbo’ an tih vang a ni.
Ni 22 leh 23 May, 2017 ah khan mi 71 aia tlem lo naupang Nagpur (Maharashtra) a Bible Camp (Summer Bible Camp) a kal tum te chu an mahni hruaitu nen hren khawtlai an ni a. June 3, 2017 pawh khan Catholic hmeichhe puithiam (nun) leh hmeichhe pali (4) te chu Satna Railway Station ah hren khawtlai an lo ni tawh bawk. Ni 21 October, 2017 pawh khan puitling pahnih (2) leh naupang pasarih (7) te Bible zirtur (Bible Studies) tur pawh hren khawtlai an ni a, an chhungte hmuh pawh an phal sak lo a ni.
v) December 2014-February 2015: Delhi-a Biak in suasam a nih dan
Delhi-a Biak in panga (5) aia tam mah chu nasa taka suasam an ni a. Hetiang ang thil a thleng chung hian Delhi Police te chuan he pawi khawihna hi bengkhawn duh lovin heng thil thleng hi sakhua in huatna avanga thleng ni lovin buaina ho te (minor law and order problem) avanga thleng ang chauh ah an ngai a ni.
2. MUSLIM TE CHUNGA PAWIKHAWIHNA
i) January 2018: Kathua pawngsual (r**e) a nih dan-
Asifa Bano, naupang k*m 8 mi lek chu an sawisa a, an pawngsual hnu ah thingtlang khua (Rasana), Kathua, Jammu & Kashmir ah an that bawk a. He thil hi chi leh chi inhuatna avanga thil lo pun lun chho ta vanga thleng a ni.
Chutih lai chuan BJP MLA Prakash Ganga leh BJP Minister Lal Singh te chuan pawngsual tu a puh an tan avangin ama thlavang hauhna kawng zawh ah an tel pui a ni.

ii) 7 December, 2017: Rajsamand a Muslim Pathian chawimawi (Love Jihad) vangin that
Rajasthan lam mi Shambu Lal Regar chuan Mohammed Afrazul chu Muslim sakhaw hmanga an Pathian a chawimawi avangin a that a. Hei hi a chhan ber ni a lang chu Hindu hmeichhia te heng hmanrua hmang hian inkungkaihna an siam pui bakah inlet turin an thlem thin ah an ngai a ni.
Hetih mek lai hian December 16, 2017 ah chuan Police mi 30 vel zet te chu Shambu Lal Regar-a, Mohammed Afrazul-a (West Bengal mi inhlawhfa chawp) that tu thlawp tu te nen an innek buai a. Heng tual thattu thlawp tu te hian District and Session Court hmaa India National Flag pawh an pawt thla hial a ni.
iii) 5 April, 2017: Pehlu Khan thah a nih dan
April 2017 khan ranvulh a eizawng Pehlu Khan chu Hindu kal fir fiak pawl leh bawng neitu mi 200 rual in tel khawm te chuan an chil hlum a. Pehlu Khan-a leh a chhungte hi bawng hmanga dik lo taka sumdawng a an puh avangin an dik na pawh hailan a ni lova. Haryana leh Rajasthan-a dan hre mi leh Police te chuan he thubuai hi an hreng khawtlai a, Pehlu Khan-a chhungte hian an tuar ta a ni.
Rajasthan Home Minister Gulab Chand Kataria chuan Pehlu Khan a te chhungkua chu bawng hmanga dik lo taka sumdawng an nih thu leh hetianga an chil hlum chu awm a tih thu a sawi a. Chumai bakah Pehlu Khan-a thihna a mawhphurtu mi paruk (6) te pawh thubuai siam sak lo turin Police te a hriattir a ni.
iv) 28 March, 2015: Mohammed Akhlaq chu kelsa avanga tihhlum a ni
March 2015 khan Dadri, Uttar Pradesh a mipui pungkhawm chuan Muslim mi Mohammed Akhlaq a in chu thing leh brick in an tawng a. Hei hi a chhan ber chu Mohammed Akhlaq hian bawng naute ru leh bawngsa ei ah an puh vang a ni. Chutih lai chuan zirchianna (Forensic Science) atang chuan Akhlaq-a in a sa (meat) chu bawngsa ni lovin kelsa zawk a ni tih hriat chhuah a ni.
He thil thleng a rinhleh zawng zawng te chu bail hmanga chhuah lailawk tir vek an ni a. BJP MLA Tejpal Singh Nagar chuan bail a an chhuah hnu ah an hnathawh tur a ngaihtuah sak bakah an mi man zinga jail-a tang a thi hnenah tawrhpuina a hlan bawk a ni. Central-a Culture Minister Mahesh Sharma chuan heng an man zinga mi hi an in ngei ah a tlawh nghe nghe a. Chumai bakah jail chhunga thi ta kuang chu India hnam puan zar in na khuh bawk a ni.
v) 29 June, 2017: Sumdawng pakhat chu bawngsa ei a puh a nih avangin tihhlum a ni. Minister Jayant Sinha an thil ti dik lo a an puh pangpar thi a awrhtir
June 2017 khan sumdawng Allimuddin Ansari chu Hindu pawl nena inkungkaih bawng humhal tu ten k*tthlak in an that zui nghal a. An thah chhan ber ni a lang chu Ramgarh, Jharkhand ah bawngsa a keng lut ni a an rinhleh vang a ni.
Police ten an chhui chianna atanga a lan dan chuan he tualthat na hi a hma lam atanga uluk taka lo ruahmman niin an ngai a, a mawhphurtu a an puh pawh District Court in thiam loh an chantir vek tawh chu Central a Civil Aviation Minister Jayant Sinha chuan pangpar thi a awrh tir hlauh thung a ni.
vi) 2 June, 2014: Mohsin Shaikh thah a nih dan
Prime Minister Modi an sawrkarna a siam atanga kar hnih ngawr ngawr ah khan k*m 24 mi Mohsin Sadiq Shaikh, Pune lam mi chu Hindu pawl Rashtra Sena ten an that a ni.
3. GHAR WAPSI (HINDU SAKHUAA LET LEHNA)
i) K*m 2014 hnu lama Ghar Wapsi (Hindu sakhua-a let lehna leh tih luihna hmanga hnam tlem zawk te Hindu sakhua a inleh tir na)
Ghar Wapsi (Hindu sakhuaa a nawlpui inleh tir na) hi Hindu kal fir fiak pawl te hmalakna lian ber pakhat a ni mek a. Ghar Wapsi a hma la tu ber te pawh Durga Vahini (Uttar Pradesh CM Yogi Adityanath a kaihhruai) leh Vishwa Hindu Parishad (VHP) te hi an ni. Prime Minister Modi a k*m 2014-a a lal tan tirh atang hian heng pawl te hian nasa takin Hindu sakhuaa mi an let leh theihna turin hma an la a ni.
January 2015 khan VHP te hmalakna in West Bengal thingtlang khuaa Kristian mi 100 zet te chu tih luihna a inleh tir an ni a. Hetiang bawk hian Kerala-a Kristian mi 20 te chu inleh tir an lo ni tawh bawk a. December 2014 khan Agra (Uttar Pradesh)-a Kristian te pawh hetiang ang bawk hian inleh luih tir an lo ni tawh bawk a ni.
ii) 15 February, 2018
February ni 15, 2018 khan Kolkata (West Bengal) ah chi leh chi, sakhua na inpumkhatna tichhe zawng in tenawm takin chhungkaw 16 te zet te chu mipui hmaah ‘Ghar Wapsi’ tih thupui hmanga mualpho taka pho chhuah an ni.
Tapan Ghosh-a, Hindu Samhiti hmuchhuak tu leh he hun buatsaih na atana a bul tum tu ber chuan sakhua leh hnam inpumkhatna tichhe zawnga hma a lak mai piah lamah a thusawi chungchang a thuthar thehdarh tu te zawhna avangin thuthar thehdarh tu te k*t a thlak bawk a ni.
4. HNAM HNUAIHNUNG (DALIT) LAKA THARUM THAWHNA THLENG TE
i) 22 June, 2018: Dalit lo neitu chu a nung chunga hal hlum a ni
Bhopal (Madhya Pradesh) a hnam tha zinga mi pali chuan Dalit lo neitu Kishorilal Jatav chu a nung chungin an hal hlum a. Hei hi a chhan ber ni a lang chu dik lo taka a ram lo nek tu te a dodal na vang a hal hlum an ni. Thuneitu te chuan heng pawi khawihtu a rinhleh te chungah hian dan leh dun engmah an lek kawh lo a ni.
ii) 1 January, 2018: Bhima Koregaon hmun a tharum thawhna
Hindu sakhua la fir fiak pawl a hma la tu pahnih Milind Ekbote (BJP hruaitu) leh Sambhaji Bhide leh an hruihhruai te chuan k*mtina Bhima Koregaon k*tpui an hman laiin hnam hnuaihnung (Dalit) te nasa takin tharum thawh in an bei a. Report atanga a land an chuan heng pawi khawih tu te hian a hma atang daih tawh in heng k*tpui (festival) laia pawi khawih tum hian ruahman na an lo siam tawh a, chumi ti chiang tur chuan December 15, 2017 khan Facebook-ah an lo tarlang hmasa daih tawh a ni.
Hetiang anga pawi khawi tuma ruahmanna lo siam tu te hriat an nih tawh hnu ah pawh Devendra Fadnavis (Maharshtra CM) a kaihhruai sawrkar chuan Sambhaji Bhide leh BJP leh Shiv Sena hruaitu te laka thubuai (case) lo awm tawh chu a thaichhiat sak vek a. Chumai bakah Ministry of Home Affairs chuan hetiang anga pawi khawih tuma ruahmanna hi Hindu sakhua chawikan tum tu te hliah khuh nan hel pawl (naxal) te tih ah a puang zawk a ni.
iii) 15 July, 2016: Una khuaa Dalit te sawisak an nih dan
Gir Somnath District, Gujarat ah chuan bawng a thih avangin bawng humhalh tu pawl te chuan a mawhphurtu a an puh hnam hnuaihnung (Dalit) chhungkaw member 7 te chu vantlang hmun ah an vuak bakah an sawisak hnu ah mualpho takin an siam zui a ni.
iv) 17 January, 2016: Rohith Vemula inthah dan
Hyderabad Central University-a zirlai pakhat Rohith Vemula chuan University thuneitu ten a Scholarship dawn tur an pek duh loh avangin amah a inti hlum a. Heng thil a thlenna chhan chu BJP zirlai pawl (AVBP) in kawng hrang hrang a an tihbuai avanga a complain hnu ah Hostel atanga hnawhchhuah hial a ni.
Hetiang ang thil rapthlak tak a thleng chung pawn sawrkar chuan BJP zirlai pawl AVBP chungah chuan action a la duh miah lova. Chutih lai chuan BJP MP in MHRD a lehkha a thawn angin leh University chu Rohith Vemula leh a pawl te lakah action la zawk tura a ngen angin an chungah hian action lak a ni ta zawk a ni.
v) 21 October, 2015: Naupang nung chunga hal hlum a nih dan
Sunpedh, Faridabad (Delhi bul hnai) ah chuan hnam tha chi ten hnam hnuaihnung te in pakhat an halsak a, naupang muhil mek k*m 2 mi leh thla 9 mi te chu an thi a, an nu leh pa te pawn hliam na tak an tuar a ni.
He thil thleng chungchang ah hian Haryana CM chuan chi leh chi inthliar na dem zawng a thu sawi lovin mimal in huatna avanga hetiang ang thil hi thleng anih thu a sawi.
5. MI THIAM (INTELLECTUALS) LEH VANTLANG TANA THAWK THIN (ACTIVIST) TE THAH AN NIH DAN
i) 5 September, 2017: Gauresh Lankesh thah a nih dan
Gauresh lankesh-i hi thuthar thehdarh tu leh vantlang tana hnathawk thin mi chu Bengaluru (Karnataka)-a a in pawnah kahhlum a ni a. Lankesh hi thihna avang hian mi tam tak an lawm hle a, chung zingah chuan Prime Minister pawn a twitter (social media) ah a tarlang hial a ni.
Police hotu pakhat, he thihna chhui tu te zinga mi chuan vantlang tana mi tangkai tak tak—Narendra dabholkar, M.M. Kalburgi leh thuthar thehdarh tu Gauri Lankesh-i te thihna ah hian sakhua la fir fiak pawl te an tel ngei a ni a ti ni.
ii) 30 August, 2015: M.M. Kalburgi thah a nih dan
Dr. M.M. Kalburgi (78), Karnataka state a mi langsar, mi thiam leh mi ril chu kah hlum a ni a. Amah hi Karnataka state mite zing a thu leh hla thiam, Hindu te mi lem biak leh sakhua biakna dik loh chungchanga a ngaihdan lo sawi tawh tu a ni a, kah hlum a lo ni ta a ni.

iii) 16 February, 2015: Govind Pansare thah a nih dan
February 16, 2015 khan Kolhapur ah Govind Pansare, puithu na pawm lo tu leh Hindu fir fiak pawl te dotu lar tak chu silai hmangin mi pahnih in an bei a, an kap hlum a ni.
He thil thleng ah hian Virendra Tawde, Hindu Janajagruti Samiti pawla an hotu pa chu he pawi khawihna thil ah hian an rinhhlelh ber leh a bul tum tu ber ah an ngai a ni.






______________________________
Issued by Mizoram Pradesh Congress Committee Media Department Dt. 16.11.2018

26/11/2018

Vawiin khan Sairang -ah kan official candidate, Pu PC Laltlansanga hoin "BA ṬHIN INKHAWM" kan buatsaih! He hunah hian Congress worker an tel ṭhahnem hle a ni.

Kan bialtu MNF MLA ni mekin MLA Fund a hman danah hian West-I mipuite kan lung a awi lo hle a. A inthlahdah vangin nuaih tam tak hman lohin a awm a. A hman chhunah pawh fund release dan chungchangah mipui a tihnual nasa hle bawk a ni.

MLA Fund hi mipuite ta a ni a. Mipui pawisa a hman khawloh, mipui pawisa a bat hi vawiinah hian kan ṭhing let a, mipuite hian an pawisa batu hnenah pawisa hi an ṭhing let a ni.

24/11/2018

Vawiin khan Ramrikawnah Public Meeting hlawhtling tak mai neih a ni. Congress MLA kan nei ve tawh ngei dawn niin a lang a, mipui pawh an phur ta takzet e!

Vawiin Public Meeting-ah hian Health Minister Pu Lal Thanzara bakah, Indian National Congress - Mizoram Official Candidate Pu PC Laltlansanga te'n thusawiin, zaithiam te nen hun hlimawm leh chhinchhiah tlak tak hman a ni.

AIZAWL WEST I CONGRESS BLOCK COMMITTEE

PRESS RELEASE
24.11.2018

'MIN ENCHHIN VE ULA, THALO MIN TIH CHUAN MIN PAIH LEH MAI DAWN NIA'
- PC Laltlansanga

Vawiin ni 24 Sept, 2018 Inrinni chawhnu darkhat khan Ramrikawn ah Congress party buatsaih public meeting ropui takin neih a ni a. Mipui kal an ṭhahnem hle. He hun hi Aizawl West I bial Congress Candidate Pu PC Laltlansanga leh PWD Minister Pu Lal Thanzaran an hmanpui.

PC Laltlansanga chuan thusawiin 'State puitling nih hnuah Aizawl west I bialah hian Congress party in MLA a la nei ngai lo va. MNF in k*m 20 chuang MLA an nei a. Chutichung chuan hmasawnna a hnufum em em a. Hnathawh tur a tam hle a ni.' a ti.

Pu PC Laltlansanga chuan 'Aizawl West I bialah hian sorkar hmun pawimawh tak tak a awm a. Mizoram Home Guard hmunpui, Headquarters a awm. Home Guard volunteer te harsatna hi congress sorkar hian a lo sukiang tawh ṭhin a. An hlawh pawh a tihsan sak ṭhin. Mahse tunah hian hamṭhatna an neih theih nan hmabak leh tihtur a la tam hle a, sorkarin duhsak takin a enzui zel dawn a ni' a ti a.

'Veng ṭhenkhat hian tui connection ah harsatna kan la tawk a. Theihtawp kan chhuahpui dawn a ni. Community hall, indoor stadium, khelmual ṭha, futsal ground, ṭhalai te infiamna tur Basketball leh Volley Ball Court te la neilo leh siam ṭhat ngai te kan tam hle a, internal road, etc siam ngaiah te theihtawp kan chhuah dawn a ni. Ṭhalaite tan hma kan la ang' a ti bawk.

'MLA fund hi k*mtin nuai 100 a ni tawh a. Dik taka hman a nih chuan hmasawnna hna tam tak a thawh theih. Pathian leh mipui zarah thlantlin ka nih chuan dik takin MLA fund kan hmang ang a. Mirethei BPL harsa damdawiin a admit te tan MLA fund hman dan kan ngaihtuah ang a.' Pu Tlana chuan a ti.

'Kan hotute leh bial mipui, party hotuten min duh a, Pathian zarah kan dam a nih chuan vawikhat inthlan chauh ding turin ka lokal lo va. Inthlan leh hunah pawh rawn din zel ka duh dawn a. Ka tihder ve ngai dawnlo che u a ni. Nakin hun thlirin vawiinah kan campaign a ni.'

'Ka khingpui te hi mi ṭha leh fel tak tak helai bial MLA nimek leh lo nitawh te an ni a. Tun ṭum chu min enchhin ve ula, ṭhalo min tih chuan min thlak leh mai dawn nia, vawikhat min thlantlin chuan ka tla tawh lovang' a ti a. 'Mirethei te ban phak, sawipuitu nei velo te sawi sak tu, chhuata ṭhu tur MLA nih ka tum a ni' Pu PC Laltlansanga chuan a ti bawk.

He hun hmanpuitu Pu Lal Thanzara chuan "BJP kaihhruai NEDA ah an an tel reng chungin MNF ten BJP kan thawhpui lo an ti a. 'Bible Society ah kohhran hrang hrang kan thawkho ang hi a ni' te an ti a. Bible Society a thawkho kohhrante dintu, a bul leh a tawp chu Lal Isua a ni a. BJP leh NEDA dintu, a bul leh tawp chu Amit Shah a ni a ti. Mizo mipuiin BJP kan thinhrik avangin thawhho pui angin an lang ngam lo va, an thawhpui lo tak tak a nih chuan BJP kaihhruai NEDA aṭangin an inhnukdawk tur a ni. Chuvangin PM Pu Modi a lokal pawhin amah hmuaktite zingah MNF Flag hmuh tur a tam a ni" a ti a. Kan sakhaw lungphum sawinghin tumtu BJP leh a sangawi zawnpui, BJP Control theih Party te kan vote tur a ni lo, a ti bawk. "MNF te hian BJP thawhpuiah min puh ṭhin a. Chakma ADC ah hian party mala sorkar thei kan awm lo va. Seat changlo Congress aṭanga banga BJP ticket a dinga tling zuite chuan MNF an thawhpui duh silo a. Thawkho ila thla hnih thum hnuah kan lo lut ang a, CADC Congress sorkar kan siam dawn nia an ti a. Mahse an intiam anga congress ah an lo luh tak loh avangin kan thawhpui zel duh ta lo va. Governor in BJP duhdanin no confidence motion a ko duh silo a. MNF te hian chu chu hre mahse an pu te, BJP nen inthurualin CADC ah BJP nen thawkho angin min puh mek a ni a ti bawk.

Congress Party Public meeting hi Tuivamit MPF Local Forum Secretary Dr Kapliana'n a kaihruai a, Aizawl West I Congress Official Candidate Pu PC Laltlansanga hian Congress zawm thar MNF atangin Voters 34, ZNP atangin Voters 3 leh Neutral atangin Voters 2, avaiin Voters 39 Congress Party ah a lawmlut nghal a ni.

Issued by Aizawl West I Block Media Department

24/11/2018

K. SANGṬHUAMA MLA FUND HMAN DAN LUNGCHHIATTHLAK, BIAL HMUHSITNA

Aizawl West I bialchhunga Pu K Sangthuama’n MLA Fund a hmanna hrang hrang RTI Act hmangin 17th October 2018 khan lakchhuah a ni a. A bial chhunga MLA fund a hmanna hrang hrangte kan thlirin a lungchhiat thlak a, Aizawl West I bial mipuite hmuhsitna mai piah lamah MLA Fund hmanga mahni leh Party enkawl a tum hi a mak kan ti a, he bial tan hian MLA ni tlakah kan ngailo a ni.

Pu K Sangthuama’n a MLA Fund a hman hrang hrang zinga a dik lo langsar zual bikte chauh han tarlang ila :-

1. K*m 2018-19 chhunga a MLA Fund hmanah Sairang GSA chu Field Thar laih hna a pe a, he hna a pek dawn hian Sairang GSA te bulah Rs. 5,00,000/- (5 lakhs) man hna kan pe ang che u a, Rs. 1,00,000/- hi kan pawt let anga, Rs. 4,00,000/- in hna inthawk dawn nia tiin an inrem a, hna chu an inpe ta a. Mahse RTI a kan lakchhuaha a lan danah chuan Rs.20,00,000/- (20 lakhs) hmanral angin a inziak si a, Sairang GSA chuan Rs. 4,00,000/- (4 lakhs) chauh an dawng si a ni. Tichuan Rs.16,00,000/- (16 lakhs) chu a bo a, a hmanralna kan hre ta lo a ni. Sairang GSA te hi dt. 21.7.2018 zing dar 8:57 ah Pu Liandinga, Aizawl West-I MNF Block Treasurer In ah amah ngei Pu Liandinga hian Rs. 400,000/- (Nuaih li) hi GSA Sairang hruaitute a hlan a ni. (RTI 2018-19 Serial No. 7)

2. 2013-2019 chhunga MLA Fund hmannaah hian Tanhril MUP hminga hnachhuak zawng zawng chu Rs. 2,55,000/- man a ni a. Heng hna hrang hrang zingah, MUP Tanhril te hnathawh chu Rs. 25,000/- (singhnih sangnga) man chauh a ni a, an hriatpui hauhloh belhkhawm chu Rs. 2,30,000/- (nuaihnih singthum) man a ni a. Heng pawisa kawngbo te hi khawia hman nge a nih an hriatpui lo a ni. (RTI 2017-18 Serial No. 43,44,45. 2018-19 Serial No. 19)

3. Pu K.Sangthuama hian a MLA chhung hian a Fund atangin Tuivamit Tennis Club hmingin hna hrang hrang Rs.11,00,000/- (11 lakhs) hmangral angin RTI ah a inziak a; heng pawisate hi Seal lem siamchawp hmanga lakchhuah thin a ni a, heng pawisa tehi NREGS hmanga Tuivamit mipuiin kawng an laih vek tawhsa chu thawk angin an tarlang a.
Tin, Tennis Club hming hmang hian AICS Transformer bula Retaining wall siam hi lungremsa vek tawh thawk angin an insawi a, AICS Jr School bula PCC Flooring hnathawh anga an tarlan pawh hi MLA Fund nilovin School pawisa hmanga hnathawh tawh zawk a ni.
(RTI 2016-17 Serial No. 23,50,51. 2017-2018 Serial No. 149. 2018-19 Serial No. 43, 44)

4. Luangmual vengah hian hna hrang hrang Rs. 3,00,000/- (3 lakhs) man thawh anga sawi hi a hna hmuh zawhloh a ni. Heng hna hrang hrangte hi khawi hmunah nge a thawh a, a thawhna hmun min kawhhmuh turin Pu K.Sangthuama hi kan phut tlat bawk a ni. (RTI 2016-17 Serial No. 53. 2017-18 Serial No. 106, . 2018-19 Serial No. 47)

5. Sakawrtuichhun a MLA Fund hmanna atana Rs.20,000/- man MUPC bula Side drain hnathawh hi Kohhran hnatlang a thawh a ni a. Agency atana hman Sakawrtuichhun Local Council hian Cement Bag 2 chiah Kohhran hnatlangah an pe a ni. RCC Flooring Dam Veng Road a hnathawh, Sakawrtuichhun Local Council ten MLA Fund Rs. 1,00,000/-hmanga thawk anga an insawi hi AMC atanga thawh a ni. Tin, PCC Flooring H/S Road hi Farmer’s Club Sakawrtuichhun ten Rs.40,000/- thawh anga sawi a ni a, he hna hi hmuh tur a awmlo. (RTI 2016-17 Serial No. 53. 2017-18 Serial No. 106, . 2018-19 Serial No. 47)

6. Sairang Dinthar-ah hian MLA Fund hmanga a hnathawh thenkhat zingah Rs. 4,59,600 man hi hnathawhnan leh Silpauline leinan hmang anga inziak a ni a, hei hi hriatpui a ni lo a. Tin, Sairang Dinthar GSA tana Rs. 1,00,000/- man hna a pekah hian GSA chuan Rs. 40,000/- chauh a pawisa an dawng a ni. (RTI 2013-14 Serial No 28. 2015-16 Serial No 39. 2017-18 Serial No. 142)

7. Phunchawng venga MLA Fund hmanga hnapek Rs. 30,000/- man hi Mirethei Inhlawh Pawl hnena pek anga tanlan a ni a. Phunchawng veng hi mi harsa te te awmkhawmna veng nimahse Mirethei Inhlawh Pawl hi he vengah hian a awm lo a, a awm ngai pawh an ringlo a ni. Self Help Group (Mari Group) Phunchawng hmingin Rs. 80,000/- man hna pek anga tarlan hi he pawl hian an hriatpui lo bawk a, an k*tah hna leh pawisa hi a thleng lo bawk a ni.

Tin, Phunchawng MHIP tana Vantlang Zun-in repair Rs. 15,000/- man hi Phunchawng MHIP ten an hriatpuilo a, Vantlang Zun-in repair a awm tih pawh an hre lo. (RTI 2013-14 Serial No 20. 2015-16 Serial No 19. 2017-18 Serial No. 11)

Aizawl West I MLA Pu K Sangthuama hian a MLA Fund a hmannaah hian Pawl hming phuahchawp leh hnathawh hmuh tur awmlo a tam em em a. MLA Fund a pek atang hian a chanve (50%) te a pawisa faiin a la let fo thin bawk a. Hetiang MLA kan nei hi a zahthlakin a vanduaithlak kan ti hle a ni.

MLA Fund a hmanna atanga hnathawh hmuh tur awmlo leh a pawisa pawhlet tunhnaia kan hriattheih chin ringawt hi Rs. 39,74,600/- (Nuai sawmthum pakua, sing sarih, sangli leh zaruk) a ni a. Heta kan tarlan loh tam tak hi a awm ngei pawh kan ring a ni.

Pu K Sangthuama hi MLA Candidate zingah pawh sum leh pai nei a, hausa ber pawla kan ngaih a ni a. Heti tak maia MLA Fund a hmanna kawnga a ma mimal tana thahnem ngai taka pawisa (MLA Fund) a pawt then fo mai leh hminglem phuahchawp hmanga MLA Fund a hmang vak mai hi a mak kan ti a. Hetiang ang mi hi MLA atana thlantlin fo tlakah kan ngailo a ni.

Issued by Mizoram Pradesh Congress Committee Media Deptt

21/11/2018

VOTER 27 A TAK NGEIIN LAWMLUT

Nizan (20.11.2018 6:30pm) khan kan party official candidate Pu PC Laltlansanga chuan Sairang Dintharah chalpen ngam ṭhah Voter 27 a lawm lut leh e. Hma kan sawn zel a, chutih rualin kan sehna mual tinah thathlah loin aw...

20/11/2018

Intelligence lam report a dikna kan hmu chho zel e. Hmun tin maiah Congress thlifim a tleh heuh heuh ta mai!

Vawiin Mualpui lam aw... Rahul Gandhi in Aizawl

20/11/2018

RAMCHHUNG
Emergency puan lai aiin Modi-a hnuaiah ram dinhmun a chhe zawk : Arun Shourie

Union Minister hlui Arun Shourie chuan Prime Minister hlui Indira Gandhi-in Emergency a lo puang kha amah ngei pawh a hnuah a inchhir a, mahse k*m 1975-77 a India ram dinhmun khirh taka a awm lai ai khan Prime Minister Narendra Modi-a kaihhruaina hnuaia India dinhmun chu ala chhe zawk a ni, a ti.

Arun Shourie chuan Modi-an India ram a tichhe zel tur ven a, lo dan theihna chu k*m 2019 Lok Sabha inthlanpui neih turah eptu party hrang hrangte an ṭanrual a, BJP an paihthlak a ngai a ni, tiin a sawi. Hemi atan hian eptute chu inlungrual a, BJP beilet tura candidate inṭawm an siam a ngai tih a sawi.

Mumbai-a Tata Literature Festival neihnaa 'Danger within the Judicial System' session-a thu a sawiah, Shourie chuan, " K*m 1975, Emergency hnuaia awm lai khan tun aiin eptu lam an ṭha zawk a ni. Tunah chuan eptu lam hi an darhsak lutuk a ni. Indira Gandhi leh Narendra Modi danglamna chu Gandhi-i khan a thiltih avang khan inchhirna a nei a, vawiinah erawh chuan inchhirna hmel a lang lo", a ti. "Gandhi khan emergency hunlai khan mi 1,75,000 zet jail-ah dah mah se, bithliah chin a nei thung. Tunah chuan bithliah engmah a awm tawh lo" tiin a sawi.

Shourie chuan 2019-a PM Modi hneh theihna tur pawimawh chu eptu ṭanrualna a ni tih a sawi a, Modi-a lar vanglai, a thli a tleh an tih lai pawh khan vote a hmuh zat chu 39% a ni a, eptu pawl hrang hrangte an ṭanrual chuan vote 69% in bul an ṭan nghal dawn a ni, a ti.

--Vanglaini.

20/11/2018

Mizoram mipuiin AICC President Pu Rahul Gandhi rawn kal tur chu kan nghakhlel tawh hle!

19/11/2018

MI DAWHEH LALDUHOMA*

“Ka pian tirh ata Corruption hi ka la khawih ngai lo a, ka thih nî thlengin khawih ka tum bawk lo”
~ Lalduhoma, ZPM CM candidate

Khatia chanchinbu mite'n an hailan tâkah khan Pu Lalduhoma khan zin loh bill a lo làk char char ṭhin kha a return ta hnû hnû a nih kha. Hailan ni lo phei se chu a lak chhunzawm char char a rinawm.

A return kawngah hian MLA dangte aiin a fakawm angreng viau! Amaherawhchu thil dik lo a tih kha a dik phah reng reng lo. Zin lo na na na chuan ZIN LOH BILL a lo làk hi a nihna, thiamna leh experience han enpui hian THIL DIK LO, CORRUPTION a ni ngei a ni tih a hre em em bawk ang. A bill neitu amah hian a hming a sign hnan thlap bawk si a.

Hetianga Corruption-a inhnamhnawih reng chunga mipui hmaa Corruption la khawih ngai reng reng lo anga a insawi hi 'hniak phawi miah lova dawtsawi' kan tih ang kha a ni a, lemchanna dik tak a ni.