29/12/2019
KA HMANGAIH CHE
Di, Nang ka duhna che avang hianin eng thil atthlak nge ka tih thin te ka ngaihtuah hian ka zakin ka nuihte pawh a za a, Eng thil nge ka la tih leh zel ang tih ka ngaihtuah chang phei chuan min lo hmusit ru mai2 ang toh ka hlau leh lawi si... Min han hrilh teh, I hmangaihna thinlung ka hlawhchhuah theih nan engtin nge? Ni leh lo, eng thil nge ka tih ngai ang? Ni e, Hmangaihna hi chu a hlawh a hlawhchhuah chi a ni lo. Mahse... ti ngawt hi chuan engtikah mah hmangaih chu sawi loh min ngainat ringawt pawh a theih ka ring lo. I hmelthatnate leh i zunzamte hian min hip a, i sum leh i neih thil hlute hian i hnen atangin min la hrang tial2 in, i chaponate hian ka beiseina a tichhe leh thin. I lerhnate i tawngkamte hian vawitam min hliam thin a sin... Mahse chuti chung pawhin ka hmangaihna che erawh a chuai mai thei si lo... Awm ngaihna pawh ka hre ta lo!
Ka nuih avang hian ka hlim tihna a ni lova, ka kalsan che avang khan ka hmangaih lo che tihna a ni lo. Ka biak duhlo che avangin ka haw ta che tihna a ni lova, ka kalbo avangin ka thinlungin a kal bosan ve che tihna a ni hek lo! Nui reng chung siin ka thinlung hi a tap a, loh theih lohna avangin nang hmangaih reng chung siin ka kalsan che a ngai a, sawi tur ka haihchham em avangin ngawi-ah ka tlak a, ka hmangaih zia che hi engtiang a nasa nge tih ka hriatchian nan lak boin ka awm ta a ni ang. Amaherawhchu, Hetah ka taksa awm mahse, ka thinlung erawh chu i hnen a ka pek ang2 khan, i kiangah a la awm zel a, ka lo let leh hunah chuan thinlung emaw taksa emaw chauh a awmdun lovin, Thinlung leh taksa nen inzawm reng turin kan lengdun tawh dawn nia aw...
Ihmaw Di,
Ka duh tluk zet che in ka ngaina che a,
Ka huat tluk zet che in ka hmangaih che asin..
Ka hmangaih che a, ka hmangaih reng fovang che.
- Era K Tharthari (Hringnun Thawnthu Author)
