22/08/2026
ଦକ୍ଷିଣ ଓଡ଼ିଶାର ସାମଗ୍ରିକ, ସନ୍ତୁଳିତ ଓ ତ୍ୱରାନ୍ୱିତ ବିକାଶ ପାଇଁ ୨୦୨୪ରେ ଗଠନ ହୋଇଥିଲା #ଦକ୍ଷିଣ_ଓଡ଼ିଶା_ବିକାଶ_ପରିଷଦ । ଶିକ୍ଷା, ସ୍ୱାସ୍ଥ୍ୟ, ଗମନାଗମନ, ଜୀବିକା, ପର୍ଯ୍ୟଟନ ଓ ଅର୍ଥନୈତିକ ଅଭିବୃଦ୍ଧିରେ ଦକ୍ଷିଣ ଓଡ଼ିଶାକୁ ଆଗକୁ ନେବା ଥିଲା ଏହି ପରିଷଦର ମୁଖ୍ୟ ଉଦ୍ଦେଶ୍ୟ। କିନ୍ତୁ ଗଠନକୁ ଦୁଇ ବର୍ଷ ପୂରିବାକୁ ବସିଥିବାବେଳେ ମଧ୍ୟ ପରିଷଦର ରୂପରେଖା ଓ କାର୍ଯ୍ୟକ୍ଷମତା ନେଇ ଯଦି ପ୍ରଶ୍ନ ଉଠୁଛି, ତେବେ ଏହା ଦକ୍ଷିଣ ଓଡ଼ିଶାବାସୀଙ୍କ ପାଇଁ ନିଶ୍ଚିତ ଭାବେ ଚିନ୍ତାର ବିଷୟ।
ଏହି Bharatiya Janata Party (BJP) ସରକାର ୨୦୨୫ ବଜେଟ୍ରେ ପରିଷଦ ପାଇଁ ₹୨୦୦ କୋଟି ଅନୁଦାନ ଘୋଷଣା କରାଯାଇଥିଲା। ଏହାର ବିନିଯୋଗ ନେଇ ପ୍ରଶ୍ନ ଉଠିବା ପରେ ୨୦୨୬ ବଜେଟ୍ରେ ପୁଣି ₹୨୦୦ କୋଟି ବ୍ୟବସ୍ଥା କରାଯାଇଛି। ଅର୍ଥାତ୍, ପରିଷଦ ପାଇଁ ମୋଟ ₹୪୦୦ କୋଟିର ବଜେଟ୍ ବ୍ୟବସ୍ଥା ରହିଛି। କିନ୍ତୁ ଦକ୍ଷିଣ ଓଡ଼ିଶାବାସୀଙ୍କ ତରପରୁ ଏହି ଡବଲ ଇଞ୍ଜିନ ସରକାରଙ୍କୁ କିଛି ପ୍ରଶ୍ନ ଏହି ଅର୍ଥରେ କେଉଁ ପ୍ରକଳ୍ପ ଆରମ୍ଭ ହେଲା? କେଉଁ ଗାଁରେ ରାସ୍ତା ହେଲା? କେଉଁ ସ୍କୁଲ୍ର ଉନ୍ନତି ହେଲା? କେଉଁ ହସ୍ପିଟାଲ୍କୁ ଉନ୍ନତ କରାଗଲା? କେତେ ଯୁବକ ଯୁବତୀଙ୍କ ପାଇଁ ଜୀବିକାର ସୁଯୋଗ ସୃଷ୍ଟି ହେଲା?
ବଜେଟ୍ରେ ଅର୍ଥ ବରାଦ୍ଦ କରିଦେବା ବିକାଶ ନୁହେଁ। ସେହି ଅର୍ଥକୁ ସଠିକ୍ ଯୋଜନାରେ ବିନିଯୋଗ କରି ଲୋକଙ୍କ ଜୀବନରେ ପରିବର୍ତ୍ତନ ଆଣିବା ହିଁ ପ୍ରକୃତ ବିକାଶ। ଦୁଇ ବର୍ଷ ପରେ ବି ରୂପରେଖା ଅସ୍ପଷ୍ଟ କାହିଁକି? ପରିଷଦର କାର୍ଯ୍ୟାଳୟ କେଉଁଠି ହେବ? କେତେ କର୍ମଚାରୀ ରହିବେ? କେଉଁ ଅଧିକାରୀ ଦାୟିତ୍ୱ ନେବେ? କେଉଁ ଜିଲ୍ଲାର କେଉଁ କ୍ଷେତ୍ରକୁ ପ୍ରାଥମିକତା ମିଳିବ? ଅନୁଦାନ କିପରି ଓ କେଉଁ କ୍ଷେତ୍ରରେ ବିନିଯୋଗ ହେବ? ଏହି ପ୍ରଶ୍ନଗୁଡ଼ିକରେ ସ୍ପଷ୍ଟତା ନ ଥିଲେ, ₹୪୦୦ କୋଟିର ବଜେଟ୍ ବରାଦ୍ଦ ମଧ୍ୟ ଦକ୍ଷିଣ ଓଡ଼ିଶାର ଲୋକଙ୍କ ପାଇଁ କେବଳ ଏକ ସଂଖ୍ୟା ହୋଇ ରହିଯିବ। ଟାସ୍କଫୋର୍ସ ଗଠନ ହୋଇଛି, ବୈଠକ ମଧ୍ୟ ହୋଇଛି। କିନ୍ତୁ ଦକ୍ଷିଣ ଓଡ଼ିଶାର ଲୋକ ଏବେ ଆଉ ବୈଠକର ଖବର ନୁହେଁ, ବୈଠକର ନିଷ୍ପତ୍ତିର ଫଳାଫଳ ଦେଖିବାକୁ ଚାହୁଁଛନ୍ତି। ଯୋଜନା ବନ୍ଦ, ଦକ୍ଷିଣ ଓଡ଼ିଶାର ଚିନ୍ତା ବଢ଼ିଛି ଅବିଭକ୍ତ କୋରାପୁଟ ଅଞ୍ଚଳର ପଛୁଆପଣ ଦୂର କରିବା ଏବଂ ମୌଳିକ ଭିତ୍ତିଭୂମିର ବିକାଶ ପାଇଁ KBK ଯୋଜନା ଦୀର୍ଘଦିନ ଧରି ଏକ ଗୁରୁତ୍ୱପୂର୍ଣ୍ଣ ବିକାଶ ମାଧ୍ୟମ ଥିଲା। ଏହା ପରେ ଦକ୍ଷିଣ ଓଡ଼ିଶା ପାଇଁ ନୂଆ ବିକାଶ ବ୍ୟବସ୍ଥା ଗଠନ କରାଯିବ ବୋଲି ଆଶା ସୃଷ୍ଟି ହୋଇଥିଲା।
Biju Janata Dal Odisha ସର୍ବଦା ଓଡ଼ିଶାର ସମସ୍ତ ଅଞ୍ଚଳର ସମାନ ଓ ସନ୍ତୁଳିତ ବିକାଶ ପାଇଁ ସ୍ୱର ଉଠାଇ ଆସିଛି। ଦକ୍ଷିଣ ଓଡ଼ିଶାକୁ କେବଳ ନିର୍ବାଚନ ସମୟର ପ୍ରତିଶ୍ରୁତି ନୁହେଁ, ଏକ ଦୀର୍ଘମିଆଦୀ ବିକାଶ ଦୃଷ୍ଟିକୋଣ ଆବଶ୍ୟକ। ସରକାରଙ୍କୁ ଏବେ ସ୍ପଷ୍ଟ କରିବାକୁ ହେବ ₹୪୦୦ କୋଟିର ଅନୁଦାନ କେବେ ବିନିଯୋଗ ହେବ? ପରିଷଦର ସମ୍ପୂର୍ଣ୍ଣ ଢାଞ୍ଚା କେବେ ଘୋଷଣା ହେବ? ଦକ୍ଷିଣ ଓଡ଼ିଶା ପାଇଁ ଜିଲ୍ଲାଭିତ୍ତିକ ବିକାଶ ଯୋଜନା କେବେ ଆସିବ? ଏବଂ ସବୁଠାରୁ ବଡ଼ ପ୍ରଶ୍ନ ଦକ୍ଷିଣ ଓଡ଼ିଶାର ଲୋକ କେବେ ଏହି ବିକାଶର ପ୍ରତ୍ୟକ୍ଷ ଲାଭ ପାଇବେ?
Naveen Patnaik
Biju Janata Dal Rayagada
