Saraswati English Medium School , Vivare

10/03/2026

We are Hiring Teachers for Academic year 2026-27.

21/02/2026

*सरस्वती इंग्लिश मेडियम स्कुल विवरे खुर्द येथे छत्रपती शिवाजी महाराज यांची जयंती उत्साहात साजरी*

– सरस्वती शैक्षणिक सांस्कृतिक विकास मंडळविवरे खुर्द संचलित सरस्वती इंग्लिश मेडियम स्कुल विवरे खुर्द येथे छत्रपती शिवाजी महाराज यांचा जन्मोत्सव देशभक्तीच्या आणि प्रेरणादायी वातावरणात अत्यंत उत्साहात साजरा करण्यात आला.
आजच्या कार्यक्रमाला प्रमुख उपस्थिती शाळेचे प्रशासक श्री महेंद्र दयाराम पाटील सर, सह प्रशासक सौ संगीता पाटील मॅडम आणि शाळेच्या मुख्याध्यापिका सौ मनिषा संजय पाटील मॅडम व सर्व शिक्षक वृंद उपस्थित होते.
कार्यक्रमाची सुरुवात शाळेचे प्रशासक , सहप्रशासक तसेच मुख्याध्यापिका यांच्या हस्ते महाराजांच्या मूर्तीचे पूजन करून करण्यात आले.
या प्रसंगी विद्यार्थ्यांनी शिवचरित्रावर आधारित विविध आकर्षक कार्यक्रम सादर करून उपस्थितांना मंत्रमुग्ध केले. छत्रपती शिवाजी महाराजांच्या जन्मापासून राज्याभिषेकापर्यंतचा प्रेरणादायी प्रवास सुंदर नृत्यनाटिकेद्वारे सादर करण्यात आला. जोशपूर्ण शिवगर्जना आणि देशभक्तीपर सादरीकरणांनी संपूर्ण परिसर दुमदुमून गेला.
यासोबतच विद्यार्थ्यांनी महाराजांच्या जीवनकार्यावर आधारित पोवाडा आणि दमदार आणि प्रभावी भाषणे सादर केली. त्यांच्या पराक्रम, दूरदृष्टी, स्वराज्यनिर्मिती आणि आदर्श नेतृत्व यांचे प्रभावी वर्णन करत विद्यार्थ्यांनी उपस्थितांमध्ये अभिमान आणि प्रेरणेची भावना जागृत केली आणि इ 4 थी च्या दोन विद्यार्थिनींनी व्यायाम काठी फिरविण्याचे उत्कृष्ट कर्तब दाखविले तसेच बालकलाकारांनी छत्रपती शिवाजी महाराज, राजमाता जिजाऊ आणि माता भवानी तसेच स्वराज्याच्या शूर मावळ्यांच्या वेशभूषा साकारून अप्रतिम अभिनय केला. त्यांच्या जिवंत सादरीकरणाने कार्यक्रमाला विशेष रंगत आली आणि उपस्थितांची मने जिंकली.
कार्यक्रमाचे सूत्रसंचालन आणि आभार प्रदर्शन इयत्ता नववीच्या विद्यार्थिनी आणि यांनी अत्यंत आत्मविश्वासपूर्ण आणि प्रभावी पद्धतीने पार पाडले.
कार्यक्रमाच्या यशस्वी आयोजनासाठी शाळेच्या शिक्षिका पुजा कोंडे मॅडम यांनी विशेष परिश्रम घेतले, तर सजावटीची जबाबदारी शिक्षिका सौ वैशाली मॅडम यांनी समर्थपणे पार पाडली. तसेच शाळेतील सर्व शिक्षक व शिक्षकेत्तर कर्मचाऱ्यांनी कार्यक्रम यशस्वी होण्यासाठी मोलाचे योगदान दिले.
देशभक्ती, संस्कार आणि इतिहासाची प्रेरणा देणारा हा सोहळा विद्यार्थ्यांसाठी अविस्मरणीय ठरला. उत्साह, शिस्त आणि सांस्कृतिक समृद्धीचा सुंदर संगम घडवणारा हा कार्यक्रम सर्वांच्या स्मरणात राहील, अशी भावना उपस्थितांनी व्यक्त केली.

05/02/2026

*सरस्वती इंग्लिश मेडियम स्कुल, विवरे खुर्द येथे इयत्ता दहावीच्या विद्यार्थ्यांचा भावपूर्ण निरोप समारंभ संपन्न*

सरस्वती इंग्लिश मेडियम डियम स्कुल, विवरे खुर्द येथे इयत्ता दहावीच्या विद्यार्थ्यांचा निरोप समारंभ अत्यंत उत्साहात व भावनिक वातावरणात पार पडला. अनेक आठवणी, अनुभव आणि स्वप्ने सोबत घेऊन पुढील वाटचालीस निघणाऱ्या विद्यार्थ्यांसाठी हा क्षण अविस्मरणीय ठरला.
कार्यक्रमाच्या सुरुवातीस इयत्ता दहावीच्या विद्यार्थ्यांनी शाळेचे प्रशासक श्री. महेंद्र दयाराम पाटील सर, सह-प्रशासक सौ. संगीता महेंद्र पाटील मॅडम, शाळेच्या मुख्याध्यापिका सौ. मनिषा संजय पाटील मॅडम तसेच शाळेचे पर्यवेक्षक श्री. डिगंबर आत्माराम चौधरी सर यांचे पुष्पगुच्छ देऊन मन:पूर्वक स्वागत केले.
यानंतर विद्यार्थ्यांनी आपल्या मनोगतातून शाळेबद्दलचे प्रेम, शिक्षकांनी दिलेले मार्गदर्शन, शिस्त, संस्कार आणि आयुष्याला दिशा देणाऱ्या आठवणी व्यक्त केल्या. अनेक विद्यार्थ्यांच्या डोळ्यांत अश्रू तर चेहऱ्यावर कृतज्ञतेचे भाव स्पष्टपणे दिसून येत होते. “ही शाळा म्हणजे आमचं दुसरं घर आहे,” असे भावनिक शब्द विद्यार्थ्यांनी व्यक्त केले.
कार्यक्रमाच्या समारोपप्रसंगी शाळेचे प्रशासक श्री. महेंद्र पाटील सर, मुख्याध्यापिका सौ. मनिषा पाटील मॅडम तसेच पर्यवेक्षक श्री. डिगंबर चौधरी सर यांनी विद्यार्थ्यांना पुढील शैक्षणिक आणि जीवनप्रवासासाठी मौलिक मार्गदर्शन केले. मेहनत, प्रामाणिकपणा आणि आत्मविश्वास हेच यशाचे खरे सूत्र असल्याचे त्यांनी सांगितले आणि सर्व विद्यार्थ्यांना उज्ज्वल भविष्यासाठी शुभेच्छा दिल्या.
हा निरोप समारंभ केवळ कार्यक्रम न राहता शिक्षक-विद्यार्थी नात्याचा भावनिक साक्षीदार ठरला. सरस्वती इंग्लिश मेडियम स्कुल, विवरे खुर्द येथून घडलेले विद्यार्थी जीवनाच्या प्रत्येक टप्प्यावर शाळेचे नाव उज्वल करतील, असा विश्वास सर्वांनी व्यक्त केला.

27/01/2026

*सरस्वती इंग्लिश मेडियम स्कूल, विवरे खुर्द येथे भारतीय प्रजासत्ताक दिन उत्साहात साजरा*

विवरे खुर्द येथील सरस्वती इंग्लिश मेडियम स्कूलमध्ये भारतीय प्रजासत्ताक दिन अत्यंत उत्साहात व देशभक्तीच्या वातावरणात साजरा करण्यात आला. प्रजासत्ताक दिनानिमित्त विवरे बुद्रूक ते विवरे खुर्द अशी भव्य रॅली काढण्यात आली. या रॅलीत विद्यार्थ्यांनी देशभक्तीपर घोषणा देत परिसरात राष्ट्रीय भावना जागृत केली.
रॅलीनंतर शाळेच्या प्रांगणात मुख्य कार्यक्रमाचे आयोजन करण्यात आले. या कार्यक्रमासाठी शाळेचे प्रशासक श्री. महेंद्र दयाराम पाटील सर, सह-प्रशासक सौ. संगीता पाटील मॅडम तसेच शाळेच्या मुख्याध्यापिका सौ. मनिषा संजय पाटील मॅडम हे प्रमुख पाहुणे म्हणून उपस्थित होते.
कार्यक्रमाच्या सुरुवातीस ध्वजारोहणाचा सन्मान शाळेचे अनुभवी शिक्षक श्री. नितीन श्रीधर सराफ सर यांना देण्यात आला. ध्वजारोहणानंतर राष्ट्रगीत सादर करण्यात आले, ज्यामुळे संपूर्ण परिसर देशभक्तीने भारावून गेला.
यानंतर शाळेचे क्रीडा शिक्षक श्री. अमर रणशिंगे सर यांच्या मार्गदर्शनाखाली विद्यार्थ्यांनी शिस्तबद्ध परेड व झेंडा कवायत अत्यंत यशस्वीरीत्या सादर केली. विद्यार्थ्यांच्या शिस्तबद्ध हालचाली व आत्मविश्वासपूर्ण सादरीकरणाने उपस्थितांची मने जिंकली.
तसेच बालचिमुकल्या विद्यार्थ्यांनी थोर क्रांतिकारकांच्या वेशभूषा साकारून कार्यक्रमाला विशेष रंगत आणली. त्यांच्या सादरीकरणाने उपस्थितांचे लक्ष वेधून घेतले.
या संपूर्ण कार्यक्रमातून विद्यार्थ्यांमध्ये राष्ट्रप्रेम, शिस्त व सामाजिक जाणीव निर्माण झाली. उपस्थित मान्यवरांनी कार्यक्रमाचे कौतुक करत विद्यार्थ्यांना उज्ज्वल भविष्यासाठी शुभेच्छा दिल्या.

17/01/2026

17/01/2026

*सरस्वती इंग्लिश मेडियम स्कूल, विवरे खुर्द येथे छत्रपती संभाजी महाराजांचा राज्याभिषेक दिन उत्साहात साजरा*

सरस्वती इंग्लिश मेडियम स्कूल, विवरे खुर्द येथे छत्रपती संभाजी महाराजांचा राज्याभिषेक दिन अत्यंत उत्साहपूर्ण वातावरणात साजरा करण्यात आला. कार्यक्रमाच्या सुरुवातीला शाळेचे प्रशासक श्री. महेंद्र दयाराम पाटील सर व शाळेच्या मुख्याध्यापिका सौ. मनिषा संजय पाटील मॅडम यांच्या हस्ते छत्रपती संभाजी महाराजांच्या प्रतिमेचे पूजन करण्यात आले. त्यानंतर शाळेचे प्रशासक श्री. महेंद्र पाटील सर यांच्या हस्ते छत्रपती संभाजी महाराजांची आरती करण्यात आली व कार्यक्रमास विधिवत प्रारंभ झाला.
यानंतर विद्यार्थ्यांनी छत्रपती संभाजी महाराजांचे जीवनकार्य, शौर्य, पराक्रम व स्वराज्यासाठी केलेले बलिदान यावर आधारित प्रेरणादायी भाषणे सादर केली. काही विद्यार्थिनींनी छत्रपती संभाजी महाराजांवर आधारित भावपूर्ण काव्य सादर करून उपस्थितांची मने जिंकली.
छत्रपती संभाजी महाराजांचा राज्याभिषेक दिनांक १६ जानेवारी १६८१ हा मराठा इतिहासातील अत्यंत महत्त्वाचा दिवस आहे. छत्रपती शिवाजी महाराजांच्या निधनानंतर संभाजी महाराजांचा राज्याभिषेक रायगडावर झाला. ते एक पराक्रमी, विद्वान, बहुभाषिक आणि धर्मनिष्ठ राजे होते. स्वराज्याच्या संरक्षणासाठी त्यांनी अपार संघर्ष केला आणि आपल्या कर्तृत्वाने मराठा साम्राज्याची धुरा समर्थपणे सांभाळली.
आजच्या कार्यक्रमाचे सूत्रसंचालन व आभार प्रदर्शन इयत्ता ९ वीच्या विद्यार्थिनी हर्षदा सनंसे व सोनल मोपारी यांनी अत्यंत प्रभावीपणे केले. कार्यक्रमाच्या यशस्वी आयोजनासाठी सर्व शिक्षक व शिक्षकेत्तर कर्मचारी यांनी विशेष परिश्रम घेतले.
हा कार्यक्रम विद्यार्थ्यांमध्ये देशभक्ती, इतिहासाची जाणीव व छत्रपती संभाजी महाराजांच्या महान कार्याबद्दल आदर निर्माण करणारा ठरला.

13/01/2026

*सरस्वती इंग्लिश मेडियम स्कूल, विवरे खुर्द येथे राजमाता जिजाऊ व स्वामी विवेकानंद जयंती उत्साहात साजरी*

सरस्वती इंग्लिश मेडियम स्कूल, विवरे खुर्द येथे राजमाता जिजाऊ आणि स्वामी विवेकानंद यांची जयंती अत्यंत उत्साहपूर्ण व प्रेरणादायी वातावरणात साजरी करण्यात आली. या कार्यक्रमाचा उद्देश विद्यार्थ्यांमध्ये राष्ट्रप्रेम, सुसंस्कार आणि आत्मविश्वास निर्माण करणे हा होता.
कार्यक्रमाच्या प्रारंभी शाळेचे प्रशासक श्री. महेंद्र दयाराम पाटील सर तसेच शाळेच्या मुख्याध्यापिका सौ. मनिषा संजय पाटील मॅडम यांच्या हस्ते राजमाता जिजाऊ आणि स्वामी विवेकानंद यांच्या प्रतिमेचे पूजन करून कार्यक्रमास सुरुवात करण्यात आली.
यानंतर इयत्ता ४ थी व ५ वीच्या विद्यार्थिनींनी राजमाता जिजाऊ यांच्या जीवनावर आधारित सुंदर नृत्यनाटिकेचे सादरीकरण केले. या नृत्यनाटिकेतून छत्रपती शिवाजी महाराजांच्या घडणीतील जिजाऊ मातेचे संस्कार, धैर्य आणि स्वराज्याची प्रेरणा प्रभावीपणे सादर करण्यात आली. तसेच विद्यार्थ्यांनी राजमाता जिजाऊ व स्वामी विवेकानंद यांच्या जीवनकार्यावर आधारित दमदार व विचारप्रवर्तक भाषणे सादर केली.
यावेळी शाळेच्या मुख्याध्यापिका सौ. मनिषा पाटील मॅडम तसेच शाळेचे पर्यवेक्षक डिगंबर चौधरी सर यांनी विद्यार्थ्यांना राजमाता जिजाऊ आणि स्वामी विवेकानंद यांच्या जीवनकार्याबद्दल अनमोल व प्रेरणादायी मार्गदर्शन केले. त्यांनी विद्यार्थ्यांना जीवनात शिस्त, कष्ट, आत्मविश्वास आणि उच्च ध्येय ठेवण्याचे महत्त्व पटवून दिले.
राजमाता जिजाऊ या छत्रपती शिवाजी महाराजांच्या मातोश्री असून त्यांनी बाल शिवरायांवर स्वराज्य, धर्मनिष्ठा व शौर्याचे संस्कार रुजवले. त्यांचे जीवन मातृत्व, त्याग व राष्ट्रभक्तीचे श्रेष्ठ उदाहरण आहे.
स्वामी विवेकानंद हे महान तत्त्वज्ञ व विचारवंत असून त्यांनी भारतीय संस्कृतीचा गौरव जागतिक स्तरावर पोहोचवला. “उठा, जागे व्हा आणि ध्येय साध्य होईपर्यंत थांबू नका” हा त्यांचा संदेश आजही तरुणांसाठी प्रेरणास्रोत आहे.
या कार्यक्रमामुळे विद्यार्थ्यांना थोर व्यक्तिमत्त्वांच्या विचारांची ओळख होऊन त्यांच्या जीवनातून प्रेरणा घेण्याची संधी मिळाली. कार्यक्रमाच्या यशस्वी आयोजनासाठी शाळेतील शिक्षकवृंद व विद्यार्थ्यांनी विशेष परिश्रम घेतले.

08/01/2026

*सरस्वती इंग्लिश मेडियम स्कूल, विवरे खुर्द येथे शारदोत्सव उत्साहात व दिमाखात संपन्न*

विवरे खुर्द (ता. रावेर) येथील सरस्वती इंग्लिश मेडियम स्कूल येथे दिनांक ०७ जानेवारी २०२६, बुधवार रोजी शारदोत्सव (वार्षिक सांस्कृतिक कार्यक्रम) अत्यंत उत्साहपूर्ण, शिस्तबद्ध व आनंदी वातावरणात यशस्वीपणे संपन्न झाला. रात्रीच्या वेळेस रंगीबेरंगी विद्युत रोषणाईने संपूर्ण शाळा परिसर उजळून निघाला असून कार्यक्रमास उत्सवाचे स्वरूप प्राप्त झाले होते.
कार्यक्रमास प्रमुख पाहुणे म्हणून रावेर तालुका तहसीलदार श्रीमती दिपा जेधे मॅडम, रावेर बी.ई.ओ. श्री साहेबराव वत्सला रामदास शिंदे सर, महाराष्ट्र राज्य मुख्याध्यापक संघटनेचे माजी अध्यक्ष श्री जे. के. पाटील सर, निंभोरा पोलीस स्टेशनच्या ए.पी.आय. मीरा देशमुख मॅडम उपस्थित होते. तसेच शाळेचे अध्यक्ष श्री सीताराम दयाराम पाटील सर, प्रशासक श्री महेंद्र दयाराम पाटील सर, सह-प्रशासक सौ. संगीता पाटील मॅडम, संचालक डॉ. पियुष पाटील सर, मुख्याध्यापिका सौ. मनिषा संजय पाटील मॅडम व माजी सरपंच विवरे बु. श्री वासुदेव नरवाडे सर यांची उपस्थिती लाभली.
कार्यक्रमाच्या प्रारंभी शाळेच्या लेझीम पथकाने वाजत गाजत मान्यवरांचे स्वागत करीत त्यांना मंचापर्यंत आणले. त्यानंतर मान्यवरांच्या हस्ते श्रीगणेश व सरस्वती पूजन तसेच दीपप्रज्वलन करण्यात आले. पाहुण्यांच्या सन्मानार्थ स्वागत गीत सादर करण्यात आले. भारतीय संस्कृतीनुसार पुष्पगुच्छ, शाल, सरस्वती मातेची मूर्ती व रोपटे देऊन मान्यवरांचा सन्मान करण्यात आला तसेच याप्रसंगी मागील वर्षीच्या इयत्ता दहावीतील गुणवंत विद्यार्थ्यांचा गौरव करण्यात आला. भावेश विलास सपकाळ (प्रथम), भावना प्रमोद सपकाळ (द्वितीय) व स्नेहल लिलाधर चौधरी (तृतीय) यांना स्मृतिचिन्ह व प्रमाणपत्र देऊन सन्मानित करण्यात आले, यानंतर शाळेच्या मुख्याध्यापिका सौ. मनिषा संजय पाटील मॅडम यांनी शाळेची प्रस्तावना मांडली. प्रमुख पाहुण्यांनी विद्यार्थ्यांना शिक्षण, शिस्त व संस्कारांचे महत्त्व पटवून दिले व शाळेच्या उपक्रमांचे कौतुक केले.
सांस्कृतिक कार्यक्रमांची सुरुवात नर्सरीच्या चिमुकल्यांच्या गणेश गीतावरील नृत्याने झाली. त्यानंतर विद्यार्थ्यांनी विविध विषयांवर आधारित नृत्य व कलाविष्कार सादर करून प्रेक्षकांची मने जिंकली. कार्यक्रमाचे सूत्रसंचालन इयत्ता दहावीच्या विद्यार्थिनी खुशी लोखंडे, लोकिता पिंपळे व अनुष्का पाटील यांनी प्रभावीपणे केले.
कार्यक्रमाच्या यशस्वीतेसाठी सर्व शिक्षक व कर्मचारी यांनी विशेष परिश्रम घेतले. सदर शारदोत्सव शाळेच्या शैक्षणिक व सांस्कृतिक परंपरेचे दर्शन घडविणारा ठरला.

30/12/2025

✨✌🏻♥️ ✨✌🏻♥️

24/12/2025

*🌸 सरस्वती इंग्लिश मेडियम स्कूल, विवरे खुर्द येथे मॅथ्स एक्झिबिशन( गणित प्रदर्शन )उत्साहात संपन्न 🌸*

सरस्वती इंग्लिश मेडियम स्कूल, विवरे खुर्द येथे महान भारतीय गणिततज्ञ श्रीनिवास रामानुजन यांच्या जयंतीनिमित्त गणित दिन मोठ्या उत्साहात साजरा करण्यात आला. या निमित्ताने शाळेमध्ये मॅथ्स एक्झिबिशन (गणित प्रदर्शन) चे भव्य आयोजन करण्यात आले होते.

गणित दिन दरवर्षी २२ डिसेंबर रोजी साजरा केला जातो. महान गणिततज्ञ श्रीनिवास रामानुजन यांच्या स्मृतिप्रीत्यर्थ हा दिवस साजरा केला जातो.
श्रीनिवास रामानुजन स्मृपृत्यर्थी हा दिवस साजरा केला जातो, विद्यार्थ्यांमध्ये गणिताची गोडी निर्माण करणे, गणिताचे दैनंदिन जीवनातील महत्त्व समजावून सांगणे आणि तर्कशक्ती विकसित करणे हा या दिवसामागील मुख्य उद्देश आहे.

या कार्यक्रमाच्या प्रसंगी सर्वप्रथम शाळेचे प्रशासक श्री. महेंद्र पाटील सर, सह-प्रशासक सौ. संगीता पाटील मॅडम तसेच शाळेच्या मुख्याध्यापिका सौ. मनिषा पाटील मॅडम यांच्या हस्ते महान गणिततज्ञ श्रीनिवास रामानुजन यांच्या प्रतिमेचे पूजन करून गणित प्रदर्शनाचे उद्घाटन करण्यात आले.

या गणित प्रदर्शनामध्ये इयत्ता तिसरी ते दहावी पर्यंतच्या विद्यार्थ्यांनी उत्स्फूर्त सहभाग घेतला. विद्यार्थ्यांनी गणिताशी संबंधित विविध आकर्षक व उपयुक्त प्रोजेक्ट्स सादर केले. प्रत्येक विद्यार्थ्याने आपल्या प्रोजेक्टची माहिती आत्मविश्वासाने सांगितली.

शाळेचे प्रशासक, सह-प्रशासक तसेच मुख्याध्यापिका यांनी प्रत्येक प्रोजेक्टची पाहणी करत विद्यार्थ्यांना प्रश्न विचारले व त्यांच्या कल्पकतेचे कौतुक केले. या उपक्रमामुळे विद्यार्थ्यांमध्ये गणिताबद्दलची भीती कमी होऊन आवड निर्माण झाल्याचे दिसून आले.

या यशस्वी कार्यक्रमासाठी शाळेतील सर्व शिक्षकवृंद तसेच शिक्षकेत्तर कर्मचारी यांनी मोलाचे सहकार्य व परिश्रम घेतले.