12/07/2026
राङापारा दख'रा दुलाराय बर' फरायसा आफाद
गाहाय मावख' -माइनावस्रि
अक्ट -12 जुलाइ
दिनै राङापारा दख'रा दुलाराय बर' फरायसा आफादनि आफादगिरि सिन्तु बसुमतारि बिथांनि मासि लानानै सामलायनायाव दख'रा आफादनि सिङाव थानाय बिहुराम बर' गेजेर आरो गोजौ फरायसालियाव BTR आरो BKWAC खौ लानानै मोनसे गोनांथार मेलेमजिबि मेल जानानै थाङो बे मेलखौनो बेखेवनानै होयो सनितपुर जिला दुलाराय बर' फरायसा आफादनि गाहाय नेहाथारि हरिचरन बसुमतारि बिथांङा लोगोसेनो गाहाय बुंथिगिरि महरै बाहागो लानानै आथिखालाव BTR आरो BKWAC खौ लानानै गुवारै बिबुंथि लाखियो दुलाराय बर' फरायसा आफादनि सासे नेहाथारि बिरदाव बर' आरो बारग' सुबुं फोनांजाब नेहाथारि राजेस बसुमतारि आरो हाबाफारियावनो बाहागो लानो हाबावो राङापारा जौमा फरायसालिनि लोगो बिबुंगोरा रितेन बसुमतारि आरो सनितपुर जिला बर' थुनलाइ आफादनि लोगो आफादगिरि चन्दन दैमारि आरो राङापारा, माइनावस्रि गुदि बर' थुनलाइ आफादनि आफादगिरि/नेहाथारि आरो ओनसोलनि मेलेमजिबि,समाज सिबियारि,फोरोंगिरि सारमोन लोगोसे दख'रानि सिंङाव थानाय गंफ्रोमबो FRCनि आफादगिरि/नेहाथारि,गामिनि आफादगिरि /नेहाथारि आरो रायजोफोरनि मदद आरो हेफाजाबाव दिनैनि हाबाफारियाव ओनसोलनि मेलेमजिबि, समाज सिबियारि , फोरोंगिरि, साफ्रोमनिबो गोथौ आरो गुवार सानायजों माखासे गोख्रों थांखिफोर लानाय जायो।
थांखि1- सनितपुर जिला दुलाराय बर' फरायसा आफादनि सिङाव थानाय गंफ्रोमबो गामिखौ BTR आव थाबैनो सोसनजोबनांगौ।
थांखि2- सनितपुर जिलानि सिंङाव थानाय गंसेबो BKWAC गामिया थानो लुबैया।
थांखि3- सम आरो थासारिखौ नोजोर होनानै ओनसोलनि गासैबो आफादफोरा नांगौ जायोब्ला राजा लामा जथेनो साखा फारा जानांगोन।
थांखि4- दुलाराय बर' फरायसा आफादनि बिबानगिरि बिथांमोनाव सोंङाब्लानो BTR आरो BKWAC हाबनांगौनि थाखाय गुबुन जायगानिफ्राय फैनानै बाथ्रा बुंफैनायखौ खोनायोब्ला बिनि सायाव ओनसोलनि मेलेमजिबि, समाज सिबियारि बिथांमोनहा थाबैनो सावरायगोन ।
बेफोर गासैबो गोनांथार बाथ्रानि सायाव गोथौ आरो गुवारै सावरायलाय आरो बुजिलायनायाव दिनैनि हाबाफारिया जोबनानै थांङो।
