04/06/2026
રાજકોટ મંડળના દિવ્યાંગ કર્મચારી દેવેન્દ્ર યાદવે રાષ્ટ્રીય આર્મ રેસલિંગ ચેમ્પિયનશિપમાં રજત પદક જીત્યો
પશ્ચિમ રેલવેના રાજકોટ મંડળના કેરેજ અને વેગન ડિપોમાં હેલ્પર તરીકે કાર્યરત દિવ્યાંગ કર્મચારી શ્રી દેવેન્દ્ર યાદવે 5મી રાષ્ટ્રીય આર્મ અને પેરા આર્મ રેસલિંગ (પંજો કુશ્તિ) ચેમ્પિયનશિપ–2026માં શાનદાર પ્રદર્શન કરીને રજત પદક પ્રાપ્ત કર્યો છે.
ગાંધીનગર સ્થિત રાષ્ટ્રીય રક્ષા યુનિવર્સિટીમાં યોજાયેલી આ પ્રતિષ્ઠિત સ્પર્ધામાં દેશભરમાંથી 2000થી વધુ ખેલાડીઓએ ભાગ લીધો હતો. ગુજરાતનું પ્રતિનિધિત્વ કરતાં શ્રી દેવેન્દ્ર યાદવે 70થી 80 કિલોગ્રામ પેરા સ્ટેન્ડિંગ કેટેગરીમાં ઉત્કૃષ્ટ પ્રદર્શન કરીને રજત પદક જીત્યો.
તેમના આ ઉત્કૃષ્ટ પ્રદર્શનના આધારે તેમની પસંદગી આગામી વર્લ્ડ આર્મ રેસલિંગ ચેમ્પિયનશિપ–2026 માટે પણ કરવામાં આવી છે.
રાજકોટ મંડળ રેલ પ્રબંધક શ્રી ગિરિરાજ કુમાર મીનાએ તેમને આ સિદ્ધિ બદલ અભિનંદન પાઠવ્યા અને તેમના ઉજ્જવળ ભવિષ્ય માટે શુભેચ્છાઓ વ્યક્ત કરી.
💪 મજબૂત સંકલ્પ, કઠોર મહેનત અને આત્મવિશ્વાસ સફળતાની સાચી ઓળખ છે.
Western Railway
