06/08/2016
महिलांवरील अत्याचार / गुन्हे यांना नियंत्रित करणे व गुन्हेगारांची मानसिकता बदलणे हे पोलिसांसमोरील आज खरे आव्हान असेल. "SHE TEAM " च्या माध्यमातून तेलंगणा पोलिसांनी अत्यंत स्तुत्य प्रयत्न करुन यासाठी पहिले पाऊल उचलले आहे. मा. विश्वास नांगरे पाटील, वि.पो. महानिरिक्षक, कोल्हापूर परिक्षेत्र, कोल्हापूर यांनी या संकल्पनेला ' निर्भया पथक ' च्या माध्यमातून कोल्हापूर परिक्षेत्रात मूर्त स्वरुप देण्यास पुढाकार घेतला आहे.
मा. विश्वास नांगरे पाटील, वि. पो. महानिरिक्षक , को. प., कोल्हापूर हे पुणे ग्रा. पोलीस दलाच्या ' निर्भया पथकाला दि. ११.0८.२०१६ रोजी हिरवा झेंडा दाखवून जिल्हयांतील सर्व पोस्टेला रवाना करणार आहेत..
ध्येय -
🔹महिलांची छेडछाड हा माहिलांवरील अत्याचारातील अगदी पहिला टप्पा आहे. फोन कॉल, मेसेज, इ मेल, सोशल मिडियाचा वापर करुन किंवा प्रत्यक्ष महिलेची छेड काढली जाते.
🔹 अशा वेळी महिलांना विनाविलंब पोलीसांची मदत उपलब्ध करून देवून तिच्या मनात सुरक्षिततेची भावना निर्माण करणे.
🔹 क्षुल्लक बाब समजून महिला / शाळकरी मुलींच्या छेडछाडीकडे होणारे दुर्लक्ष व त्यातून अपराध्याचे वाढणारे बळ यांवर प्रभावी नियंत्रण आणणे.
🔹पुरुषांना विशेषत : तरुणांना त्यांच्या गैरवर्तनाची समुपदेशनातून जाणीव करून देणे व कुटुंबियांच्या मदतीने त्याना सुधारण्याची संधी देणे.
कार्यपद्धती -
🔹 महिला / तरुणींचे छेडछाड होण्याची शक्यता असणारी ठिकाणे शोधून काढण्यात येतील.. उदा. शाळा / कॉलेज, बस स्टँड, बाजारपेठ, महिला वसतीगृहे, सिनेमा हॉल, उद्याने इ.
🔹 निर्भया पथक अशा ठिकाणी टेहाळणी करुन उडाणटप्पू मुले / तरुण / पुरुष यांना शोधेल.
🔹 त्यांनी केलेल्या कृत्याचे स्वरूप लक्षात घेता त्यानुसार उचित कलमांन्वये गुन्हा दाखल करतील. आवश्यकतेनुसार दोषारोपपत्र मा. न्यायालयाला सादर करणे वा अत्पवयीन अपराध्याला समज देवून पालकांच्या ताब्यात देतील.
🔹 तक्रारदार पिडीताची ओळख जाहीर होणार नाही याची पूर्ण दक्षता घेतली जाईल..
सामाजिक कर्तव्य -
आवश्यकतेनुसार गुन्हा घडते वेळी हजर साक्षीदारांनी सामाजिक जबाबदारीतून स्वतःहून तपासाच्या प्रक्रियेत सहभागी व्हावं.
निर्भया पथकाशी ' संपर्क -
🔹डायल १००/ १०९१
🔹 व्हॉटस् अप क्रमांक - ९९२३४६३१००
🔹नियंत्रण कक्ष क्रमांक - ०२०- २५६५७१७१
🔹 ई मेल [email protected]
🔹 मोबाईल फोन अॅप - https://play.google.com/store/apps/details?id=com.snt.askpcr&hl=en
Government organization
