06/09/2026
श्रीकृष्ण जन्मोत्सवानिमित्त ‘मी सेवेकरी सोशल फाऊंडेशन’च्या वतीने कृषी उत्पन्न बाजार समितीच्या मैदानावर आयोजित खेड तालुक्यातील भव्य दहीहंडी सोहळा मोठ्या उत्साहात पार पडला. ढोल-ताशांचा गजर, ‘गोविंदा रे गोपाळा’चा जयघोष आणि अभिनेत्री माधवी निमकर व ‘बिग बॉस मराठी’ विजेती अभिनेत्री तन्वी कोलते यांच्या उपस्थितीने वातावरणात चैतन्य निर्माण झाले होते. राजगुरूनगरच्या बजरंग दल गोविंदा पथकाने उत्कृष्ट समन्वयातून दहीहंडी फोडत विजेतेपद पटकावले.
या सोहळ्यात स्व. अजितदादा पवार यांना श्रद्धांजली अर्पण करण्यात आली. तसेच, या दहीहंडीच्या माध्यमातून सुधीरभाऊ मुंगसे यांनी एक महत्त्वाचा सामाजिक संदेश दिला. हंडी फोडणारा वरचा गोविंदा सर्वांना दिसतो; मात्र त्याला उंची देणारा तळाचा गोविंदा अनेकदा दुर्लक्षित राहतो. आपल्या समाजाची प्रगतीही अशाच कष्टकरी, शेतकरी, कामगार आणि सेवेकऱ्यांच्या भक्कम आधारावर उभी आहे.
उत्सवाची खरी शोभा तेव्हाच, जेव्हा प्रत्येक हाताला सन्मान आणि प्रत्येक कष्टाला आधार मिळतो. या विचारासोबत हा सोहळा यशस्वी करणाऱ्या सर्व गोविंदा पथकांचे, मान्यवरांचे, सुरक्षा यंत्रणेचे, समस्त खेडकरांचे तसेच ‘मी सेवेकरी सोशल फाऊंडेशन’च्या सर्व पदाधिकारी व कार्यकर्त्यांचे मनःपूर्वक आभार मानते.
