Shardamai Educare Foundation - Baban Sangale

Shardamai Educare Foundation - Baban Sangale Contact information, map and directions, contact form, opening hours, services, ratings, photos, videos and announcements from Shardamai Educare Foundation - Baban Sangale, Social service, Pune.

“ज्यांच्या डोळ्यांना प्रकाश नाही, तेच आज अनेक गरीब मुलांच्या आयुष्यात ज्ञानाचा आणि संस्कारांचा प्रकाश पसरवत आहेत…ही ओळ आ...
02/08/2026

“ज्यांच्या डोळ्यांना प्रकाश नाही, तेच आज अनेक गरीब मुलांच्या आयुष्यात ज्ञानाचा आणि संस्कारांचा प्रकाश पसरवत आहेत…

ही ओळ आहे संत भगवान बाबा मृदुंग गुरुकुल वारकरी शिक्षण संस्था, आळंदी येथील सेवाव्रती ह.भ.प. आसाराम महाराज आव्हाड यांची. दृष्टी नसली तरी त्यांची दूरदृष्टी मात्र हजारो डोळस माणसांपेक्षा कितीतरी मोठी आहे. त्यांना खंबीर साथ लाभली आहे परमेश्वर आव्हाड यांची. या दोन्ही बंधूंनी स्वतःचे संपूर्ण आयुष्य समाजातील गरीब आणि वंचित मुलांच्या सेवेसाठी समर्पित केले आहे.

या गुरुकुलात वय वर्षे ७ ते १७ मधील सुमारे २५ ते ३० गरीब, ऊसतोड कामगार आणि गरजू कुटुंबातील मुले राहून शिक्षण घेत आहेत. त्यांना केवळ शालेय शिक्षणच नाही, तर वारकरी संस्कार, मृदुंगवादन, कीर्तन, गायन, भागवत आणि अध्यात्माचे शिक्षण दिले जाते. आज या संस्थेतून घडलेले अनेक विद्यार्थी समाजात कीर्तनकार, मृदुंगवादक, गायक आणि भागवत कथाकार म्हणून सेवा बजावत आहेत.

अशा निःस्वार्थ सेवेला हातभार लावण्याचे भाग्य शारदमाई फाउंडेशनला लाभले. संस्थेच्या सुरू असलेल्या बांधकामासाठी आवश्यक स्टील तसेच विद्यार्थ्यांच्या उपयोगासाठी पिठाची गिरणी देऊन या पवित्र कार्यात आमचाही छोटासा सहभाग नोंदवला.

ही मदत कोणावर उपकार म्हणून नाही, तर अशा महान सेवेला केलेला साष्टांग नमस्कार आहे. कारण गरीब मुलांच्या आयुष्यात संस्कारांचे बीज पेरणारे हात हेच समाजाचे खरे शिल्पकार असतात.

शारदमाई फाउंडेशन

“गरिबी परिस्थितीची असते, स्वप्नांची नाही…” माझ्या आईच्या प्रेरणेतून कार्यरत असलेल्या शारदमाई फाउंडेशन मार्फत आणखी एका हो...
18/06/2026

“गरिबी परिस्थितीची असते, स्वप्नांची नाही…”

माझ्या आईच्या प्रेरणेतून कार्यरत असलेल्या शारदमाई फाउंडेशन मार्फत आणखी एका होतकरू विद्यार्थिनीच्या शिक्षणासाठी मदतीचा हात देण्याचे भाग्य लाभले.

कु. प्रणिता राजेंद्र विघ्ने, मूळ रा. आनंदगाव पाडळी, जि. बीड व सध्या वास्तव्यास जगताप वस्ती, वाघोली, पुणे. अत्यंत सामान्य आणि आर्थिकदृष्ट्या दुर्बल कुटुंबातील ही विद्यार्थिनी आहे. आई गृहिणी असून वडील वाहनचालक म्हणून अथक परिश्रम करून कुटुंबाचा उदरनिर्वाह करतात.

प्रतिकूल परिस्थितीतही प्रणिताने दहावीच्या परीक्षेत तब्बल ९९% गुण मिळवत आपल्या जिद्दीचा आणि कर्तृत्वाचा ठसा उमटवला. मात्र पुढील शिक्षणासाठी आर्थिक अडचणीमुळे तिच्या स्वप्नांसमोर मोठे आव्हान उभे राहिले होते.

अशा वेळी शारदमाई फाउंडेशनने तिच्या पाठीशी खंबीरपणे उभे राहत पुण्यातील जे. के. कॉलेज, विमाननगर येथे इयत्ता ११ वीच्या संपूर्ण एका वर्षाच्या शिक्षणाचा खर्च धनादेशाद्वारे प्रदान केला.

आज दिलेली ही छोटीशी मदत उद्याच्या उज्ज्वल भविष्याचा पाया ठरेल, असा विश्वास आहे. समाजातील गुणी आणि मेहनती विद्यार्थ्यांची स्वप्ने आर्थिक अभावामुळे अपूर्ण राहू नयेत, हाच शारदमाई फाउंडेशनचा प्रयत्न आहे.

एका गुणी लेकीच्या शिक्षणाची जबाबदारी स्वीकारताना तिच्या आईच्या डोळ्यात दिसलेले समाधान आणि आनंदाचे अश्रू, हाच आमच्यासाठी सर्वात मोठा सन्मान आणि पुरस्कार आहे.

सन २०१९ मध्ये माझी आई आम्हाला कायमची सोडून गेली. पण तिचे संस्कार, तिची माया आणि दुसऱ्यांच्या दुःखात धावून जाण्याची शिकवण आजही माझ्यासोबत आहे. म्हणूनच तिच्या स्मृतीप्रित्यर्थ सुरू केलेल्या शारदमाई फाउंडेशनच्या माध्यमातून माझ्या कुवतीनुसार गरजू विद्यार्थ्यांच्या शिक्षणासाठी आणि गरजू रुग्णांच्या उपचारांसाठी मदतीचा हा छोटासा प्रयत्न सुरू आहे.

आई आज आपल्यात नसली, तरी प्रत्येक गरजूच्या चेहऱ्यावर उमटणारे हास्य, प्रत्येक आई-वडिलांच्या डोळ्यांतील समाधान आणि प्रत्येक लेकराच्या स्वप्नांना मिळणारे बळ… यातच मला माझी आई दिसते. तिच्या नावाने कुणाच्या आयुष्यात आनंद निर्माण करणे, हीच तिच्यासाठी खरी श्रद्धांजली आहे…🥲🙏

कु. प्रणिता हिला उज्ज्वल भविष्यासाठी मनःपूर्वक शुभेच्छा! 💐

🙏 शारदमाई फाउंडेशन
शिक्षण आणि आरोग्यासाठी मदतीचा हात…

संघर्ष ज्यांच्या रक्तात होता, स्वाभिमान ज्यांची ओळख होती आणि गोरगरीब, शेतकरी, कष्टकरी यांच्या डोळ्यातील अश्रू पुसणे ज्या...
03/06/2026

संघर्ष ज्यांच्या रक्तात होता,
स्वाभिमान ज्यांची ओळख होती
आणि गोरगरीब, शेतकरी, कष्टकरी यांच्या डोळ्यातील अश्रू पुसणे ज्यांचे ध्येय होते,
असे जननेते स्वर्गीय गोपीनाथराव मुंडे साहेब यांना पुण्यतिथीनिमित्त भावपूर्ण अभिवादन. 🙏💐

साहेब म्हणजे केवळ एक नेता नव्हते, तर लाखो सर्वसामान्यांच्या आशा-आकांक्षांचे केंद्र होते. सत्ता आली तरी पाय जमिनीवरच ठेवायचे आणि शेवटच्या माणसाच्या सुख-दुःखात सहभागी व्हायचे, हे साहेबांनी आपल्या कृतीतून दाखवून दिले.

साहेब आयुष्यात फार काळ सत्तेत नव्हते, पण जनतेच्या मनात मात्र ते कायम सत्ताधारी होते. विरोधी पक्षात राहूनही त्यांनी महाराष्ट्राच्या कानाकोपऱ्यात असंख्य कार्यकर्ते घडवले. सर्वसामान्य घरातील युवकांना संधी देत अनेक आमदार, खासदार आणि मंत्री घडविण्याचे काम त्यांनी केले. ते कोणत्याही एका समाजाचे नेते नव्हते, तर सर्व जाती-धर्मातील लोकांच्या मनावर अधिराज्य गाजवणारे लोकनेते होते.

संघर्षातून मार्ग काढायचा, अन्यायाविरुद्ध खंबीरपणे उभं राहायचं आणि स्वाभिमानाशी कधीही तडजोड करायची नाही, हे आम्ही साहेबांकडून शिकलो. आज साहेब आपल्यात नसले तरी त्यांचे विचार, त्यांचे कार्य आणि त्यांनी दिलेली प्रेरणा प्रत्येक कार्यकर्त्याच्या श्वासात जिवंत आहे.

“माणसं जातात, पण त्यांचे विचार अमर होतात…”

मुंडे साहेब हे नाव महाराष्ट्राच्या जनमानसात कायम अजरामर राहील. संघर्ष आणि स्वाभिमानाचा तो दीप अनेक पिढ्यांना मार्ग दाखवत राहील.

भावपूर्ण श्रद्धांजली साहेब 💐💐

शारदामाई फाउंडेशन
बबन सांगळे

परवा वाढदिवसानिमित्त अनेकांनी शुभेच्छा दिल्या… प्रेम दिलं… आशीर्वाद दिले… पण त्या दिवशी मनाला सर्वात जास्त समाधान एका गो...
29/05/2026

परवा वाढदिवसानिमित्त अनेकांनी शुभेच्छा दिल्या… प्रेम दिलं… आशीर्वाद दिले…
पण त्या दिवशी मनाला सर्वात जास्त समाधान एका गोष्टीचं मिळालं…

अशोक संताराम जेठे, रा. शाहजानापूर चकला, मादळमोही, जि. बीड…
एक साधा मुलगा… पण संघर्ष मात्र असामान्य…!

वडिलांचं छत्र नाही…
घरची परिस्थिती अत्यंत हलाखीची…
अल्प शेती…
पैशांची सततची अडचण…
पण या सगळ्यांपेक्षा मोठं त्याचं स्वप्न आहे — “अधिकारी बनून आईचं आयुष्य बदलायचं…”

सलग ४ वेळा MPSC पूर्व परीक्षा पास होणं हे कुणासाठीही अभिमानाची गोष्ट आहे…
पण अशोकसाठी ते फक्त यश नाही, तर प्रत्येक वेळी परिस्थितीशी दिलेली झुंज आहे…!

कधी पैशांअभावी राहण्याचा प्रश्न…
कधी मेसची चिंता…
कधी लायब्ररीची फी…
तर कधी पुढचा दिवस कसा जाणार याचं टेन्शन…
पण तरीही त्याच्या डोळ्यांतील स्वप्न आणि मेहनत कधी कमी झाली नाही…!

म्हणून माझ्या आईच्या नावाने स्थापन केलेल्या “शारदामाई फाउंडेशन”च्या माध्यमातून अशोकच्या पुढील १ वर्षाच्या राहण्याचा, जेवणाचा, लायब्ररी आणि अभ्यासाचा संपूर्ण खर्च उचलण्याचा छोटासा प्रयत्न केला. 🙏

कारण मला वाटतं…
दान हे पैशांचं नसतं,
तर एखाद्याच्या स्वप्नांवर ठेवलेल्या विश्वासाचं असतं…!

उद्या अशोक अधिकारी झाला,
त्याच्या आईच्या चेहऱ्यावर समाधानाचं हसू आलं,
तर त्यापेक्षा मोठा वाढदिवसाचा आनंद माझ्यासाठी दुसरा कुठलाच नसेल…! 🙏

— शारदामाई फाउंडेशन 🙏

27/05/2026

** ✍️युवा #उद्योजक स्व कर्तुत्वावर #उद्योग क्षेत्रात #साम्राज्य निर्माण करणारे
✍️ #सामाजिक #शैक्षणिक #आध्यात्मिक कार्यात #शारदामाई फाऊंडेशनच्या माध्यमातून गरीब लेकरांच्या #भविष्यासाठी मदतीसाठी नेहमी पुढाकार घेणारे व #प्रत्यक्षात #मदत करणारे
✍️स्व #कर्तुत्वावर शून्यातून साम्राज्य उभारणारे #बीड जिल्ह्याचे #भूमिपुत्र तथा आमचे जिवलग मित्र मार्गदर्शक मोठे #बंधुराज
✍️ #वैराग्यमूर्ती संत #वामनभाऊ संत #भगवान बाबा याचा दरवर्षी अविस्मरणीय #नेत्रदिपक पुण्यतिथी सोहळा याचे #उत्कृष्ट नियोजन करणारे #आध्यात्मिक कार्यात सदैव वाहून देणारे
✍️माझ्या #वाईट संकटाच्या काळात सगळ्यात अगोदर धावून आलेली #देवासारखा माझ्यासाठी #देवदूतच #बबनदादा सांगळे यांना वाढदिवसाच्या मनपूर्वक शुभेच्छा 🎉🎊🎂🍰🍰🎂🍰🍰❤️❤️
✍️ आपण असेच उद्योग क्षेत्रात यशाच्या #शिखरावर सैर करावी #लोकसेवेचा ध्यास व सेवा असे पुढे चालत रहावी याच संत #वामनभाऊ चरणी प्रार्थना 🎉** ✍️युवा #उद्योजक स्व कर्तुत्वावर #उद्योग क्षेत्रात #साम्राज्य निर्माण करणारे
✍️ #सामाजिक #शैक्षणिक #आध्यात्मिक कार्यात #शारदामाई फाऊंडेशनच्या माध्यमातून गरीब लेकरांच्या #भविष्यासाठी मदतीसाठी नेहमी पुढाकार घेणारे व #प्रत्यक्षात #मदत करणारे
✍️स्व #कर्तुत्वावर शून्यातून साम्राज्य उभारणारे #बीड जिल्ह्याचे #भूमिपुत्र तथा आमचे जिवलग मित्र मार्गदर्शक मोठे #बंधुराज
✍️ #वैराग्यमूर्ती संत #वामनभाऊ संत #भगवान बाबा याचा दरवर्षी अविस्मरणीय #नेत्रदिपक पुण्यतिथी सोहळा याचे #उत्कृष्ट नियोजन करणारे #आध्यात्मिक कार्यात सदैव वाहून देणारे
✍️माझ्या #वाईट संकटाच्या काळात सगळ्यात अगोदर धावून आलेली #देवासारखा माझ्यासाठी #देवदूतच #बबनदादा सांगळे यांना वाढदिवसाच्या मनपूर्वक शुभेच्छा 🎉🎊🎂🍰🍰🎂🍰🍰❤️❤️
✍️ आपण असेच उद्योग क्षेत्रात यशाच्या #शिखरावर सैर करावी #लोकसेवेचा ध्यास व सेवा असे पुढे चालत रहावी याच संत #वामनभाऊ चरणी प्रार्थना 🎉
** 🎉🎉🎂🎂🎂🍰🍰🍰👑👑
✍️ राहुल मिसाळ

कधी कधी एका छोट्याशा मदतीतून एखाद्या मुलाचं पूर्ण आयुष्य बदलण्याची ताकद असते… श्रीहरी तानाजी नागडेवय – १२ वर्षेइयत्ता – ...
08/05/2026

कधी कधी एका छोट्याशा मदतीतून एखाद्या मुलाचं पूर्ण आयुष्य बदलण्याची ताकद असते…

श्रीहरी तानाजी नागडे
वय – १२ वर्षे
इयत्ता – ६ वी
मूळ गाव – घोटाळ, ता. बसवकल्याण, जि. बेदर

श्रीहरीच्या डोक्यावरचं वडिलांचं छत्र मागच्या वर्षी कायमचं हरपलं…
घराची पूर्ण जबाबदारी त्याची आई सौ. ज्योती तानाजी नागडे यांच्या खांद्यावर आली. त्या पनवेलजवळ मुंबई येथे फक्त ₹१३,५०० पगारावर नोकरी करून आपल्या मुलाचं शिक्षण सुरू ठेवण्यासाठी संघर्ष करत आहेत.

पण परिस्थिती इतकी कठीण होती की, श्रीहरीची शाळेची फी भरणं त्यांना शक्य होत नव्हतं…

श्रीहरी हा
“वरदगुरुकुल विद्या निकेतन, सांगवडे, जि. कोल्हापूर”
या शाळेत शिक्षण घेत आहे.

आज “शारदामाई फाउंडेशन” च्या माध्यमातून श्रीहरीची संपूर्ण वार्षिक ₹५५,००० फी थेट शाळेच्या नावाने धनादेश देऊन भरून त्याच्या शिक्षणाला पुन्हा एक नवी आशा देण्याचा छोटासा प्रयत्न आम्ही केला आहे. 🙏

कारण आम्हाला विश्वास आहे…
“गरिबी ही स्वप्नांची अडचण असू शकते, पण शिक्षण थांबण्याचं कारण कधीच नसावं.”

एका आईच्या डोळ्यातला विश्वास आणि एका मुलाच्या चेहऱ्यावरचं हास्य…
यापेक्षा मोठं समाधान दुसरं काहीच नाही.

शारदामाई फाउंडेशन 🙏

शारदामाई फाउंडेशन – एका छोट्या जीवाला मिळालेला “नवा आवाज” ❤️वाघोली येथील कोमल मुंडे… एक आई, जी एकटीने आपल्या मुलीसाठी आय...
06/04/2026

शारदामाई फाउंडेशन –

एका छोट्या जीवाला मिळालेला “नवा आवाज” ❤️

वाघोली येथील कोमल मुंडे… एक आई, जी एकटीने आपल्या मुलीसाठी आयुष्याशी झुंज देत आहे.
तिची छोटी परी अनुष्का… जिच्या आयुष्यात सुरुवातीलाच एक मोठं आव्हान आलं – तिला जन्मतः ऐकू येत नव्हतं…

एका आईच्या मनात एकच स्वप्न होतं…
“माझ्या मुलीने एक दिवस मला ‘आई’ म्हणून हाक मारावी…” 🥺

काळाच्या ओघात, कॉक्लिअर इम्प्लांट सर्जरीनंतर अनुष्काला ऐकू येऊ लागलं…
आणि तिच्या आयुष्यात आशेचा पहिला किरण उजळला ✨
ती हळूहळू बोलण्याची सुरुवातही करू लागली…

पण अजूनही तिचा प्रवास संपलेला नाही…
तिला स्पष्ट बोलता यावं, इतरांचं बोलणं समजावं यासाठी पुढील काही वर्षे नियमित Speech Therapy घेणं अत्यावश्यक आहे.
आठवड्यातून दोन वेळा थेरपी… सलग अनेक वर्षे…

एकीकडे आईची मर्यादित कमाई…
घराचा खर्च, मुलीचं शिक्षण, मशीनचा खर्च…
आणि दुसरीकडे इतका मोठा उपचाराचा भार…
हे सगळं एकटीने पेलणं कोमल ताईंना अशक्यप्राय होतं… 😔

अशा कठीण परिस्थितीत,
शारदामाई फाउंडेशन त्यांच्या पाठीशी ठामपणे उभं राहिलं…

अनुष्काच्या पूर्ण १ वर्षाच्या Speech Therapy (उपचाराचा) खर्चाची जबाबदारी स्वीकारून
स्वरणाद सेंटर येथे थेट चेक देऊन
या कुटुंबाला मोठा दिलासा दिला 🙏

ही मदत फक्त आर्थिक नाही…
तर एका आईच्या स्वप्नांना दिलेला आधार आहे…
एका छोट्या मुलीच्या आयुष्यात उमटणारा “पहिला स्पष्ट शब्द” आहे… ❤️

आज अनुष्काच्या आयुष्यात उमटणारा प्रत्येक शब्द…
हा त्या आईच्या संघर्षाचा आणि समाजाच्या सहकार्याचा सुंदर संगम आहे ✨

चला… आपण सगळे मिळून अशा अनेक अनुष्कांच्या आयुष्यात “आवाज” बनूया…
कारण कुणाचं तरी स्वप्न पूर्ण करण्याइतकं मोठं समाधान दुसरं काहीच नसतं

शारदामाई फाउंडेशन 🙏

शारदामाई फाउंडेशनच्या माध्यमातून आम्ही एका गरजू विद्यार्थ्याच्या शिक्षणासाठी एक छोटासा पण अतिशय महत्त्वाचा हातभार लावला…...
27/03/2026

शारदामाई फाउंडेशनच्या माध्यमातून आम्ही एका गरजू विद्यार्थ्याच्या शिक्षणासाठी एक छोटासा पण अतिशय महत्त्वाचा हातभार लावला…

रोहित हेमंत दुसने हा विद्यार्थी दहावीच्या महत्त्वाच्या टप्प्यावर आहे. वडिलांचे छत्र नाही, आणि त्याची आई वैषाली हेमंत दुसने या एकट्याच फक्त ₹13,000 पगारात संसार आणि जबाबदाऱ्या सांभाळत आहेत…
खडकवासला, पुणे येथे राहणाऱ्या या कुटुंबासाठी शाळेची फी भरणे खूप कठीण झाले होते.
फी न भरल्यामुळे रोहितच्या शिक्षणावरच संकट आले होते…

पण स्वप्नांना थांबू द्यायचं नव्हतं… ✨
म्हणून शारदामाई फाउंडेशनने रोहित हेमंत दुसने याची पूर्ण वर्षाची शाळेची फी अभिनव एज्युकेशन सोसायटी इंग्लिश स्कूल, आंबेगाव यांच्या नावाने थेट चेकद्वारे भरली…

आज रोहित पुन्हा नव्या उमेदीने शाळेत जात आहे, आणि त्याच्या डोळ्यांत उज्ज्वल भविष्यासाठी आशेचा प्रकाश दिसतोय… 🌟

ही मदत फक्त आर्थिक नाही, तर एका आयुष्याला दिलेली नवी दिशा आहे…
एक छोटा प्रयत्न… पण एका मोठ्या स्वप्नाला आधार… 🙏

आपल्या सर्वांच्या सहकार्याने आणि आशीर्वादाने असेच अनेक गरजू विद्यार्थ्यांच्या आयुष्यात उजेड पाडण्याचा आमचा प्रयत्न कायम राहील…

🙏 शारदामाई फाउंडेशन 🙏

11/03/2026

✍️ स्वराज्यरक्षक धर्मवीर छत्रपती संभाजी महाराज यांना बलिदाना निमित्त विनम्र अभिवादन 👏👏

स्त्री शिक्षणातून.. स्त्री शक्तीला प्रज्वलीत करणाऱ्या क्रांतीज्योती सावित्रीबाई फुले यांच्या पुण्यतिथी निमित्त विनम्र अभ...
10/03/2026

स्त्री शिक्षणातून.. स्त्री शक्तीला प्रज्वलीत करणाऱ्या क्रांतीज्योती सावित्रीबाई फुले यांच्या पुण्यतिथी निमित्त विनम्र अभिवादन 👏👏

Address

Pune
411014

Website

Alerts

Be the first to know and let us send you an email when Shardamai Educare Foundation - Baban Sangale posts news and promotions. Your email address will not be used for any other purpose, and you can unsubscribe at any time.

Shortcuts

Share

Category