തവനൂർ ഗ്രാമപഞ്ചായത്ത്

08/01/2025

തവനൂർ ഗ്രാമപഞ്ചായത്ത് വലിച്ചെറിയൽ മുക്ത വാ രഘോഷ ഭാഗമായി ശുചിത്വ സന്ദേശ റാലി നടത്തി.

മാലിന്യ മുക്തം നവകേരളം ക്യാമ്പെയ്നിന്റെ ഭാഗമായി തവനൂർ ഗ്രാമപഞ്ചായത്തിൽ ജനുവരി ഒന്നു മുതൽ ഏഴ് വരെ തനതായ പരിപാടികൾ സംഘടിപ്പിച്ചു. തവനൂർ അങ്ങാടി മാലിന്യ മുക്തമാക്കുകയും, സ്കൂളുകളിൽ ബോധവൽക്കരണ ക്ലാസ്, നടത്തുകയും കൂടാതെ ഇ -പോസ്റ്റർ പ്രചരിപ്പിക്കുക, സ്‌ക്വാർഡ് പരിശോധന തുടങ്ങിയ നടത്തുകയും ചെയ്തു.കൂടാതെ പ്രസിഡന്റ് സിപി നസീറ,വൈസ് പ്രസിഡന്റ്, ടീ.വി ശിവദാസ്, അസിസ്റ്റന്റ് സെക്രട്ടറി സുരേഷ്, സ്റ്റാൻഡിങ് കമ്മിറ്റി ചെയർമാൻ മാർ ആയ, ലിഷ, വിമൽ, ധനലക്ഷ്മി, റോബിൻ,സിഡ്‌സ് ചേർപേഴ്സൺ ഹരിതകർമ്മ സേന അംഗങ്ങൾ nss കുട്ടികളുടെ എന്നിവരുടെ നേതൃത്വത്തിൽ ശുചിത്വ സന്ദേശ റാലി നടത്തുകയും ചെയ്തു.

02/10/2024

തവനൂർ ഗ്രാമപഞ്ചായത്തും ഇമ്പിച്ചിബാവ സ്മാരക വായനശാലയുടെയും നേതൃത്വത്തിൽ മറവഞ്ചേരി GLP സ്കൂളിൽ വെച്ച് ഗാന്ധി ജയന്തി ദിനത്തിൽ ലഹരി വിരുദ്ധ ബോധവൽക്കരണ ക്ലാസ് നടത്തി.

02/10/2024

തവനൂർ ഗ്രാമപഞ്ചായത്ത് ഇമ്പിച്ചിബാവ സ്മാരക വായനശാലയുടെ നേതൃത്വത്തിൽ മാലിന്യ മുക്ത നവകേരളത്തിന്റെ ക്യാമ്പയിൻ മറവഞ്ചേരിയിൽ തുടക്കം കുറിച്ചു

13/08/2024

08/08/2024

തവനൂർ ഗ്രാമ പഞ്ചായത്ത് ഡിജി കേരളം- 2024 സർവ്വേ പൂർത്തീകരിച്ചു.

*ഡിജി* *സാക്ഷരതാ* *സർവ്വേ* പൂർത്തീകരിച്ച ജില്ലയിലെ *ആദ്യത്തെ* ഗ്രാമ പഞ്ചായത്താണ് *തവനൂർ* ....

ഈ പ്രവർത്തനങ്ങൾക്ക് നേതൃത്വം നൽകിയ ഭരണസമിതി അംഗങ്ങൾ, സെക്രട്ടറി, അസിസ്റ്റന്റ് സെക്രട്ടറി, സെക്ഷൻ കൈകാര്യം ചെയ്ത സീനിയർ ക്ലർക്ക്, RGSA ബ്ലോക്ക് കോ-ഓർഡിനേറ്റർ, ടെക്നിക്കൽ അസിസ്റ്റന്റ്, പ്രൊജക്ട് അസിസ്റ്റന്റ്, സാക്ഷരതാ പ്രേരക്, ഓരോ വാർഡിന്റെയും ചുമതല വഹിച്ച കോ-ഓർഡിനേറ്റർമാർ, കുടുംബശ്രീ അംഗങ്ങൾ,
MGNREGS ജീവനക്കാർ, സ്ക്കൂൾ കോളേജ് NSS കോ-ഓർഡിനേറ്റർമാർ, അങ്കണവാടി ജീവനക്കാർ, ഹരിത കർമ്മസേന അംഗങ്ങൾ, ക്ലബ്ബ് - വായനശാല ഭാരവാഹികൾ, സന്നദ്ധ പ്രവർത്തകർ, തുടങ്ങി എല്ലാവർക്കും ഹൃദയം നിറഞ്ഞ,

*അഭിനന്ദനങ്ങൾ*🌹
എന്ന്,
നസീറ. സി. പി
പ്രസിഡണ്ട്
തവനൂർ ഗ്രാമ പഞ്ചായത്ത്

12/07/2024

മലപ്പുറം ജില്ലയിലെ ഏറ്റവും മികച്ച പൊതുവിദ്യാലയങ്ങളിൽ ഒന്നാണ് തവനൂർ KMGUP സ്കൂൾ. തവനൂർ ഗ്രാമപഞ്ചായത്തിന്റെ പൊതുവിദ്യാഭ്യാസ രംഗത്തെ ഇടപെടലിന്റെ ഭാഗമായി നിരവധി തവണ വാർത്തപ്രാധാന്യം നേടിയ സ്കൂൾ കൂടിയാണിത്.തവനൂർ ഗ്രാമ പഞ്ചായത്ത്‌ ഓരോ വർഷവും വിദ്യാഭ്യാസ മേഖലയിൽ നടപ്പിലാക്കുന്ന നൂതനവും ദീർഘ വീക്ഷണത്തോടെ ഉള്ളതുമായ പദ്ധതികൾ പഞ്ചായത്തിലെ മുഴുവൻ പൊതു വിദ്യാഭ്യാസ സ്ഥാപനങ്ങളെയും മികവിന്റെ കേന്ദ്രങ്ങളാക്കി മാറ്റി.കേരളത്തിലെ ഏറ്റവും മികച്ച പ്രെപ്രൈമറി ക്ലാസ്സ്‌ മുറികളും, കേരളത്തിലെ പൊതു വിദ്യാഭ്യാസ രംഗത്തെ ആദ്യത്തെ മിനി പ്ലാനിട്ടോറിയം, തിയേറ്റർ ക്ലാസ്സ്‌റൂം എന്നിവയുമെല്ലാം തയ്യാറാക്കുന്നതിനു തവനൂർ ഗ്രാമപഞ്ചായത്ത് വഹിച്ച നേതൃപരമായ പങ്ക് KMGUP സ്കൂളിനെ പൊതു വിദ്യാഭ്യാസ രംഗത്തെ മികച്ച സ്കൂൾ ആക്കി മാറ്റുകയും ചെയ്തു. അധ്യാപകരുടെ കഠിനപ്രയത്നത്തിൻ്റെ ഫലമായി എല്ലാ മത്സരങ്ങളിലും ഒന്നും രണ്ടും സ്ഥാനങ്ങൾ കൈവരിക്കാൻ വിദ്യാലയത്തിനു സാധിച്ചിട്ടുമുണ്ട്. നാലുമണിക്കു ശേഷവും അവധി ദിനങ്ങളിലും അവർ കുട്ടികൾക്കുവേണ്ടി നിരന്തരം ജോലി ചെയ്യുന്നു.

എന്നാൽ ഇന്ന് തവനൂർ പ്രദേശത്ത് ഒരിടത്തും വൈദ്യുതി ഇല്ലാത്തതിനാൽ പുറത്തു നിന്നും വെള്ളം വാങ്ങാൻ കഴിയാതിരുന്നതിനാൽ കുട്ടികളുടെ പ്രയാസം കണക്കിലെടുത്ത് ഉച്ചക്ക് സ്കൂൾ വിട്ടതിനെതിരെ സോഷ്യൽ മീഡിയയിൽ നടക്കുന്ന ചില ചർച്ചകൾ ദൗർഭാഗ്യകരമാണ്. സ്കൂളിനാവശ്യമായ വെള്ളം മുഴുവൻ ലഭിച്ചിരുന്നത് സ്കൂളിൽ ഉള്ള കുഴൽകിണറിൽ നിന്നാണ്. എന്നാൽ ഏതാനും ദിവസങ്ങൾക്കു മുൻപാണ് കുഴൽ കിണറിൽ നിന്ന് ആവശ്യത്തിന് വെള്ളം ലഭിക്കാത്തത് സ്കൂൾ അധികൃതരുടെ ശ്രദ്ധയിൽപ്പട്ടത്. 3തവണ പണം നൽകി ആളുകളെ ഉപയോഗിച്ച് കുഴൽ കിണറിൽ നിന്ന് മോട്ടോർ പൊക്കിയെടുത്ത് ക്ലീൻ ചെയ്യുകയും ചെയ്തു. ഈ ദിവസങ്ങളിൽ പലപ്പോഴും വെള്ളം പണം കൊടുത്തു വാങ്ങിയാണ് കുട്ടികളുടെ പഠനം മുടക്കാതെ സ്കൂൾ പ്രവർത്തിച്ചത്. രക്ഷിതാക്കളെപ്പോലും ഈ പ്രയാസം അറിയിക്കാതെ സ്കൂൾ അധികൃതർ പണം ചെലവഴിക്കുകയാണ് ചെയ്തത്.എന്നിട്ടും ശരിയായ്കാതെ വന്നപ്പോൾ തൊട്ടടുത്തുള്ള പഞ്ചായത്ത്‌ കിണറിൽ മോട്ടോർ വെച്ച് ആവശ്യത്തിന് വെള്ളമടിക്കാൻ അനുമതി നൽകുകയും ചെയ്തു. എന്നാൽ രണ്ടു ദിവസം ഉപയോഗിച്ചപ്പോൾ ആ കിണറിലെ വെള്ളം വറ്റുന്ന സ്ഥിതിയുമാണ് ഉണ്ടായത്.ഭൂർഗർഭ ജലവുമായി ബന്ധപ്പെട്ട എന്തോ പ്രശ്നമാകാം ഈ രണ്ടു ജല സ്രോതസ്സിൽ നിന്നും ഒരേ സമയം വെള്ളം കിട്ടാതിരിക്കാൻ കാരണം.എന്നാൽ ആ പ്രശ്നം പരിഹരിക്കുന്നതിന് ആവശ്യമായ തുക വകയിരുത്തണമെങ്കിൽ പഞ്ചായത്തിന് പ്രൊജക്റ്റ്‌ വെക്കാതെ സാധിക്കില്ല. അതിനു കാലതാമസം നേരിടുകയും ചെയ്യും. ഈ സാഹചര്യത്തിലാണ് പഞ്ചായത്ത്‌ ഇടപെട്ട് kcaet യിൽ നിന്ന് സ്കൂളിന് ആവശ്യമായി വരുന്ന വെള്ളം ലഭ്യമാക്കുന്നതിനു കത്ത് നൽകുകയും ചെയ്തത്. സ്കൂൾ PTA കമ്മിറ്റിയും അധ്യാപകരും രക്ഷിതാക്കളിൽ നിന്നും സഹായം നേടി ഈ പ്രശ്നത്തിന് പരിഹാരത്തിനു ശ്രമിക്കുന്നുണ്ട്.സ്കൂൾ ഹെഡ്ടീച്ചർ ഇന്ന് കളക്ടറെ നേരിൽ കാണുകയും കാര്യങ്ങൾ ധരിപ്പിക്കുകയും ചെയ്തിട്ടുണ്ട്. കളക്ടർ ഈ വിഷയത്തിൽ സ്വാഗതർഹമായ നടപടി സ്വീകരിക്കുകയും പരിശോധന നടത്തുന്നതിനു ഭൂഗർഭ ജല വിഭാഗത്തിന് നിർദ്ദേശം നൽകുകയും ചെയ്തട്ടുണ്ട്. സ്കൂളിന് ആവശ്യമായ വെള്ളം നൽകാൻ പ്രദേശവാസിയായ ശ്രീ ചന്ദ്രൻ തയ്യാറായതിനെ അഭിനന്ദിക്കുകയും ചെയ്യുന്നു.

ഈ വിഷയത്തിൽ വസ്തുതകൾ ഇതായിരിക്കെ ഒരു മികച്ച പൊതുവിദ്യാഭ്യാസ സ്ഥാപനത്തെയും അവിടുത്തെ അധ്യാപകരെയും PTA യെയും പൊതു സമൂഹഹത്തിന് മുന്നിൽ അപകീർത്തിപെടുത്തുന്നതിനു വേണ്ടിയാണു നവമാധ്യമങ്ങളിലെ ചില പൊളിറ്റിക്കൽ പ്രൊഫൈലുകൾ ബോധപൂർവം ശ്രമിക്കുന്നത്. കഴിഞ്ഞ കനത്ത വേനലിലും സ്കൂൾ കെട്ടിടത്തിന്റെ പണികൾ നടക്കുന്ന സമയത്തും ആവശ്യത്തിന് വെള്ളം ഉപയോഗിച്ചിരുന്നത് ഈ കിണറ്റിൽ നിന്നാണ്, വിദ്യാഭ്യാസ മഹോത്സവം പോലെ പഞ്ചായത്തിലെ മുഴുവൻ പൊതുവിദ്യാലയങ്ങളിലെയും അധ്യാപകരും വിദ്യാർത്ഥികളും പങ്കെടുത്ത പരിപാടിക്ക് പോലും ആവശ്യത്തിന് വെള്ളം ലഭ്യമാക്കിയിരുന്നത് ഈ ജല സ്രോതസ്സിൽ നിന്നാണ്. മാത്രവുമല്ല ഏകദേശം 16000 ലിറ്ററോളം വെള്ളം കഴിഞ്ഞ കാലങ്ങളിൽ എല്ലാം സ്കൂൾ പ്രവർത്തി ദിവസങ്ങളിലും ഉപയോഗിച്ചിരുന്നു. എന്നാൽ പെട്ടെന്നുണ്ടായ ഈ പ്രയാസം സ്കൂൾ അധികൃതരുടെ പോരായ്മയാണെന്നു കാണിച്ചു സ്കൂളിനെ പൊതുസമൂഹത്തിൽ ഇകഴ്ത്തി കാണിക്കാനുള്ള മനപ്പൂർവമായ ശ്രമത്തെ ചെറുത്തുതോല്പ്പിക്കണം..
ഒരു ദിവസം പോലും സ്കൂൾ അടച്ചിടാതിരിക്കാനുള്ള നടപടികൾ പഞ്ചായത്ത്‌ സ്വീകരിച്ചിട്ടുണ്ട്. തിങ്കളാഴ്ച മുതൽ സ്കൂൾ സാധാരണ ഗതിയിൽ പ്രവർത്തിക്കുകയും ചെയ്യും... എന്നാൽ അരദിവസം കുട്ടികളുടെ പ്രയാസങ്ങൾ കണക്കിലെടുത്ത് അവധി നൽകിയതിനെതിരെ സോഷ്യൽ മീഡിയയിൽ നടത്തുന്ന ഇത്തരം കുപ്രചരണങ്ങൾ നമ്മുടെ കുട്ടികൾ പഠിക്കുന്ന പൊതു വിദ്യാഭ്യാസ സംവിധാനത്തെ തകർക്കുകയെ ഉള്ളു... ദയവു ചെയ്തു അത്തരം പ്രചാരണങ്ങൾ സാമൂഹ്യ പ്രതിബദ്ധത ഉള്ള യുവജന പ്രസ്ഥാനങ്ങൾ അവസാനിപ്പിക്കണം .

സി. പി. നസീറ
പ്രസിഡന്റ്‌
തവനൂർ ഗ്രാമ പഞ്ചായത്ത്