KAIFA

01/06/2026

01/06/2026

சிறந்த மண்வளத்துக்கு #ஐநாபரிசு!
பொள்ளாச்சி விவசாயிக்கு மூன்றாமிடம்!!
#மண்காப்போம்

மண் வளத்தை சிறப்பாக மேம்படுத்திய பொள்ளாச்சி இயற்கை விவசாயியை ஐ.நா. அங்கீகரித்துள்ளது. அவருக்கு உலகளவில் மூன்றாம் இடம் கிடைத்துள்ளது.

ஐக்கிய நாடுகள் அமைப்பின் உணவு மற்றும் வேளாண் பிரிவு சார்பில் உலகளவில் சிறந்த மண் வளம் உருவாக்கிய இயற்கை விவசாயிகள் அங்கீகரிக்கப்பட்டுள்ளனர். இதில் சீனா, இந்தோனேசியா நாடுகள் முதல் மற்றும் இரண்டாவது பரிசுகளை பெற்றன. கோவை மாவட்டம், பொள்ளாச்சி அருகே உள்ள வேட்டைக்காரன்புதூர் பகுதியைச் சேர்ந்த முன்னோடி இயற்கை விவசாயி வள்ளுவன் மூன்றாம் பரிசை பெற்றுள்ளார்.

இதுகுறித்து வள்ளுவன் கூறியதாவது:

“17 ஆண்டுகளாக இயற்கை விவசாயம் செய்து வருகிறேன். மண் வளம் ஆரோக்கியமாக இருந்தால்தான் விளைபொருள் தரமாக இருக்கும். நான் இயற்கை விவசாயத்தில் இறங்குவதற்கு முன்பு மண்ணில் 0.5 அங்ககக் கரிமச் சத்து இருந்தது. இப்போது 3.36 அங்ககக் கரிமச் சத்து உள்ளது. கடந்த 7 ஆண்டுகளுக்கு முன்பு அங்ககக் கரிமச் சத்து 1.56 இருந்தது. அதனடிப்படையில்தான் மூன்றாவது பரிசு கிடைத்துள்ளது.

இப்போது ஆய்வு செய்தால் நமக்குத்தான் முதல் பரிசு கிடைக்கும்.

மண் வளம்தான் முக்கியம் என உலகளவில் அதை நோக்கி பயணம் தொடங்கிவிட்டனர். பல்பயிர் சாகுபடியில் ஈடுபடும் போது மண் வளம் மேம்பட்டு, விவசாயிகளின் பொருளாதாரம் உயர்வடையும்” என்றார்.

01/06/2026

தமிழக மலைக் குவாரி கொள்ளைகளை விசாரிக்க வலியுறுத்தும் KAIFA அறிக்கை

தமிழகம் முழுவதும் நடைபெற்று வரும் மலைக் குவாரி மற்றும் கல் வெட்டும் முறைகேடுகள் குறித்து, காலக்கெடு நிர்ணயிக்கப்பட்ட உயர்மட்ட விசாரணையை தமிழக அரசு உடனடியாக மேற்கொள்ள வேண்டும் என KAIFA வலியுறுத்துகிறது.

மலைகள் என்பது வெறும் கற்கள் குவிந்த இடமல்ல. அவை பல்லுயிர் வளங்களின் பாதுகாப்புக் கோட்டைகள், நிலத்தடி நீரின் ஆதாரங்கள், இயற்கை காலநிலை தடுப்புச் சுவர்கள் மற்றும் வருங்கால தலைமுறைகளின் சுற்றுச்சூழல் சொத்துகள் ஆகும்.

திருமயம் பகுதியில் நடைபெற்றதாகக் கூறப்படும் மிகப்பெரிய குவாரி முறைகேடுகளை வெளிச்சத்திற்கு கொண்டு வந்த சமூகப் போராளி ஜகபர் அலி அவர்களின் மரணம், ஒரு சாதாரண கொலை வழக்காக மட்டும் பார்க்கப்படக் கூடாது. ஜகபர் அலிக்கு நீதி கிடைக்க வேண்டுமெனில், குவாரி உரிமையாளர்களை மட்டும் கைது செய்வது போதாது; அவர்களுக்கு பின்னால் செயல்பட்ட அதிகாரிகள், காவல்துறை அதிகாரிகள், அரசியல் ஆதரவாளர்கள் மற்றும் முறைகேடு வலையமைப்பை முழுமையாக வெளிக்கொண்டு வர வேண்டும்.

KAIFA-வின் முக்கிய கோரிக்கைகள்:

1. அனுமதிக்கப்பட்ட எல்லையை மீறி சுரங்கத் தோண்டுதல் செய்த அனைத்து குவாரிகளையும் உடனடியாக மூட வேண்டும்.
2. மலைகள், பல்லுயிர் வளங்கள், நிலத்தடி நீர் மற்றும் சுற்றுச்சூழலுக்கு ஏற்பட்ட சேதத்தை அறிவியல் ரீதியாக மதிப்பீடு செய்ய வேண்டும்.
3. அரசுக்கு ஏற்பட்ட உண்மையான வருவாய் இழப்பை கணக்கிட்டு மீட்டெடுக்க வேண்டும்.
4. விதிமீறலில் ஈடுபட்ட குவாரி நிறுவனங்கள் மற்றும் அதிகாரிகளுக்கு 100 மடங்கு அபராதம் விதிக்க வேண்டும்.
5. சட்டவிரோத சுரங்கத் தோண்டுதலுக்கு துணைபோன வருவாய், சுரங்கவியல், காவல்துறை மற்றும் மாவட்ட நிர்வாக அதிகாரிகளை பணிநீக்கம் செய்து வழக்குப் பதிவு செய்ய வேண்டும்.
6. விசாரணையில் நிரூபிக்கப்பட்டால், அரசியல் மற்றும் அமைச்சர்மட்ட ஆதரவாளர்களையும் சட்டத்தின் முன் நிறுத்த வேண்டும்.
7. இந்த விசாரணையை 6 மாதங்களுக்குள் முடிக்க சிறப்பு விரைவு விசாரணை அமைப்பை உருவாக்க வேண்டும்.
8. சுற்றுச்சூழல் ஆர்வலர்கள், சமூகப் போராளிகள் மற்றும் முறைகேடுகளை வெளிப்படுத்தும் தகவல் அளிப்போருக்கு அரசு பாதுகாப்பு வழங்க வேண்டும்.
9. தமிழகத்தில் நடைபெற்ற மலைக் குவாரி முறைகேடுகளை விசாரிக்க திரு. யு. சகாயம் IAS அவர்களின் தலைமையில் ஒரு சுயாதீன சிறப்பு விசாரணைக் குழுவை அமைக்க வேண்டும்.

இன்று லாபத்திற்காக மலைகள் அழிக்கப்படுகின்றன. ஆனால் அந்த மலைகள்தான் நாளைய தலைமுறைக்கு மழையையும், நீரையும், காலநிலை சமநிலையையும் வழங்குகின்றன. இயற்கையை கொள்ளையடிப்பது வருங்கால சந்ததியினரின் உரிமையை பறிப்பதற்கு சமம்.

சுற்றுச்சூழல் மற்றும் சமூக நலனுக்காக குரல் கொடுப்பவர்கள் மிகவும் குறைவு. அவர்களை பாதுகாப்பது அரசின் கடமை. அவர்களை இழப்பது சமூகத்தின் மிகப்பெரிய இழப்பாகும்.

ஜகபர் அலிக்கு நீதி வேண்டும்.
தமிழக மலைகளை காப்போம்.
சுற்றுச்சூழலை பாதுகாப்போம்.
சட்டவிரோத குவாரி கொள்ளைகளை முற்றிலும் ஒழிப்போம்.

மலை முழுங்கிகள் , துணைபோன அதிகாரிகள் தண்டிக்கவேண்டும் .

– KAIFA
கடைமடை பகுதி ஒருங்கிணைந்த விவசாயிகள் சங்கம்

28/05/2026

“நீரை காத்த நீதியின் மனிதர்”

மாண்புமிகு நீதியரசர் திரு ஆர். சுரேஷ்குமார் அவர்களுக்கு KAIFA சார்பில் நெஞ்சார்ந்த நன்றியும் மரியாதையும்.

புதுக்கோட்டை மண்ணின் மைந்தர், எளிமையின் அடையாளம், சமூக நீதி உணர்வின் உருவம், மாண்புமிகு நீதியரசர் திரு ஆர். சுரேஷ்குமார் அவர்கள் பணி ஓய்வு பெறும் இந்த தருணத்தில், KAIFA – கடைமடை பகுதி ஒருங்கிணைந்த விவசாயிகள் சங்கம் சார்பில் மனமார்ந்த நன்றியையும், உயர்ந்த மரியாதையையும் தெரிவித்துக் கொள்கிறோம்.

பேராவூரணி பெரிய குளம் மறுசீரமைப்பில் தொடங்கிய எங்கள் சிறிய முயற்சியை, “100 ஏரிகள் மீட்பு” என்ற இயக்கமாக மாற்றிய தூணாக இருந்தவர் நீதியரசர் சுரேஷ்குமார் அவர்கள்.

நீதித்துறையின் பல முக்கிய ஆதரவுகளை எங்களுடன் இணைத்தவர். மாண்புமிகு நீதியரசர் திரு. பாரதிதாசன்,மாண்புமிகு நீதியரசர் திரு புகழேந்தி , மாண்புமிகு நீதியரசர் ஜெயச்சந்திரன், மாண்புமிகு நீதியரசர் செந்தில்குமார் , மாண்புமிகு நீதியரசர் திரு. ஜெகதீஷ் சந்திரா , மாண்புமிகு நீதியரசர் திரு. தண்டபாணி ,
அவர்கள் உடன் இணைந்து, “மக்கள் பங்களிப்புடன் கூடிய விவசாயிகள் ஏரி மறுசீரமைப்பு” என்ற கருத்தை கொள்கை ரீதியான செயலாக்க நிலைக்கு கொண்டு சென்ற பெருமை அவருக்கு உண்டு.

எங்கள் “100 ஏரிகள் மீட்பு” முயற்சியை மாண்புமிகு உச்சநீதிமன்ற நீதியரசர் திரு சுந்தரேசன் அவர்களிடம் கொண்டு சென்ற அந்த தருணம், KAIFA மனதில் ஒரு விதையை விதைத்தது. அந்த விதையே இன்று “MISSION 1000 LAKES” என்ற மகத்தான இலட்சியமாக வளர்ந்து நிற்கிறது.

பதவியும் அதிகாரமும் உயர்ந்தபோதும், எளிமையையும் மனிதநேயத்தையும் விடாமல் வாழ்ந்தவர் அவர். பணி ஓய்வு நாளிலும் கூட எந்த ஆடம்பரமும் வேண்டாம் என அமைதியாக வெளியேறிய அவரது பணிவு, இந்த தலைமுறைக்கு ஒரு பெரிய பாடமாகும்.

நீதியை மட்டும் வழங்கியவர் அல்ல… நீரையும், விவசாயத்தையும், சமூக பொறுப்பையும் காக்க நம்பிக்கை கொடுத்த மனிதர் அவர்.

“ஒரு நீதியரசரின் கையொப்பம் சில தீர்ப்புகளை மாற்றும்…
ஆனால் ஒரு நல்ல மனிதரின் ஆதரவு ஒரு தலைமுறையின் பாதையை மாற்றும்.”

உங்கள் சேவைக்கும், எங்கள் மீது வைத்த நம்பிக்கைக்கும், தமிழகத்தின் நீர்நிலைகள் மீது கொண்ட அக்கறைக்கும், KAIFA என்றும் நன்றியுடன் இருக்கும்.

வாழ்க உங்கள் எளிமை! வாழ்க உங்கள் சமூக நீதி பயணம்! வாழ்க நீர்நிலைகள் காக்கும் உங்கள் சிந்தனை!

கவிநாடு கண்மாய், வல்லநாடு கண்மாய் மீட்டு எடுத்தது இவரின் பங்கு பெரியது.

— KAIFA கடைமடை பகுதி ஒருங்கிணைந்த விவசாயிகள் சங்கம் Mission 1000 Lakes 🌿
- MilkyMist

08/05/2026

இயற்கை அழிந்து கொண்டிருக்கிறது என்பது மட்டுமல்ல பிரச்சனை.

பிரச்சனை என்னவென்றால், அது முன்பு எப்படி இருந்தது என்பதை நாம் மறந்துவிடுகிறோம்.

இது 'மாறும் அடிப்படை நிலை நோய்க்குறி' (Shifting Baseline Syndrome) என்று அழைக்கப்படுகிறது: ஒவ்வொரு தலைமுறையும் முந்தைய தலைமுறையை விட மிகவும் சீரழிந்த நிலப்பரப்பில் வளர்கிறது,
ஆனால் அதை 'இயல்பானது' என்று கருதுகிறது, ஏனென்றால் அவர்கள் வேறு எதையும் அறிந்ததில்லை.

குறைவான மரங்கள், குறைவான விலங்குகள், மாசடைந்த ஆறுகள் மற்றும் வளம் குன்றிய மண்ணைப் பார்த்து வளரும் ஒரு குழந்தை, இதுதான் உலகின் இயற்கையான நிலை என்று நினைக்கலாம்.

ஆனால் அது அப்படியல்ல.
ஒரு காலத்தில் பாடல்கள் இருந்த இடத்தில் இயற்கை எப்போதும் அமைதியாக இருந்ததில்லை.

ஒரு காலத்தில் காடுகள் இருந்த இடத்தில் அது எப்போதும் வெறும் மண்ணாக இருந்ததில்லை.

ஒரு காலத்தில் செழிப்பு இருந்த இடத்தில் அது எப்போதும் பற்றாக்குறையாக இருந்ததில்லை.

சூழலியல் நினைவுகளை மீட்டெடுப்பது அவசரமானது.

ஏனென்றால், நாம் இனி நினைவில் கூட வைத்திருக்காத ஒன்றை நம்மால் மீட்டெடுக்க முடியாது.

இழப்பை 'இயல்பானது' என்று அழைப்பதை நாம் நிறுத்தும் போதுதான் மீளுருவாக்கம் தொடங்குகிறது.

KAIFA

02/05/2026

தேதி : 01/05/2026
இடம் : காரங்குடா, மனோரா.

கடல் நீரின் மீது ஒரு காடு
சுரபுன்னை அலையாத்தி காடு

ஆற்றுநீர் கடலோடு கலக்கும் இடங்களில் வளரும் இயற்கை அரண்கள். கடலில் உண்டாகும் அலைகளின் வேகத்தை மட்டுப்படுத்தும் தன்மையை உடையதால் இவை அலையாத்தி காடுகள் என்று அழைக்கப்படுகின்றன. அலையாத்தி காடுகள் என்பவை கடலோர உப்பு தன்மையை தாங்கும் திறன் கொண்ட தாவரங்களாகும்.

தஞ்சை மாவட்டத்தில் மீன், நண்டு மற்றும் இறால் போன்றவை இயற்கையாக உற்பத்தியாகி, மீனவர்களுக்கு நல்ல வருமானம் கிடைக்க இந்த மரங்கள் உதவுகின்றன. கடல் வளத்தை
பாதுகாப்பதில் அலையாத்தி காடுகள் முக்கிய பங்காற்றுகிறது.

தஞ்சை மாவட்டத்தில் அலையாத்தி காடுகளை வளர்க்க உகந்த இடங்களாக மனோரா உள்ளிட்ட 14 இடங்கள் தேர்வு செய்யப்பட்டுள்ளன. இதனையடுத்து மாவட்ட ர் தலைமையில் மாவட்ட வன அலுவலகம், ஓம் கார் அறக்கட்டளை , கைஃபா கடைமடை பகுதி ஒருங்கிணைந்த விவசாய சங்கம் தன்னார்வலர்களுடன் இணைந்து அலையாத்தி காடு வளர்க்கும் பணி மேற்கொள்ள பட்டது .

காலவரிசை: ஜனவரி 2023-இல் நடப்பட்டது.

செங்குத்து வளர்ச்சி: ஆரம்ப நடவு உயரத்திலிருந்து சுமார் 3.3 ஆண்டுகளில் 5 அடியாக அதிகரிக்கும்.

வேர் உறுதித்தன்மை: "வலுவான, பிடித்துக்கொள்ளும் வேர்களின்" (பெரும்பாலும் காற்றூட்ட வேர்கள் அல்லது முட்டு வேர்கள்) வளர்ச்சியே மிக முக்கியமான மைல்கல் ஆகும். இந்த வேர்கள் இரண்டு முதன்மைப் பணிகளைச் செய்கின்றன:

மண் நிலைப்படுத்தல்: இவை வண்டல் மண்ணைத் தேக்கி, வங்காள விரிகுடாவின் அலைகள் தஞ்சாவூர் கடற்கரையை அரிப்பதைத் தடுக்கின்றன.

கார்பன் சேமிப்பு: சதுப்புநிலக் காடுகள், தரைக்காடுகளை விட கணிசமாக அதிக கார்பனைச் சேமிக்கின்றன. இது ஒரு முக்கிய காலநிலை நடவடிக்கைத் திட்டமாக அமைகிறது.

சூழலியல் தாக்கம்

பல்லுயிர் மையம்: இந்த சதுப்புநிலக் காடுகள் முதிர்ச்சியடையும்போது, ​​அவை உள்ளூர் மீன் மற்றும் ஓட்டுடலி இனங்களுக்கு நாற்றங்காலாக மாறி, உள்ளூர் மீன்பிடிப் பொருளாதாரத்திற்கு நேரடியாகப் பயனளிக்கும்.

உயிர் கவசம்: வங்காள விரிகுடாவில் அடிக்கடி ஏற்படும் புயல் அலைகள் மற்றும் சூறாவளிகளுக்கு எதிராக இந்தத் தோட்டம் ஒரு இயற்கை அரணாகச் செயல்படுகிறது.

Team KAIFA












Sun TV
Nakkheeran
PuthiyaThalaimurai TV
Naveen Anandan
VikatanTv
Siva Kumar
Elango Govindarajan
K S Gowthaman

01/05/2026

திட்டத்தின் கண்ணோட்டம்: கரங்குடா சதுப்புநிலக் காடு மறுசீரமைப்பு

KAIFA, ஓம்கார் அறக்கட்டளை மற்றும் NABARD ஆகியவற்றின் ஒத்துழைப்பு, உள்ளாட்சி அரசின் ஆதரவுடன் இணைந்து, நீண்டகாலப் பாதுகாப்பிற்கு அவசியமான ஒரு வலுவான "பொது-தனியார்-சமூக" மாதிரியைப் பிரதிபலிக்கிறது.

வளர்ச்சி செயல்திறன்: சிறுபுனை சதுப்புநிலக் காடுகள்

சிறுபுனை (அநேகமாக, உள்ளூரில் அவற்றின் நெகிழ்வான வேர் அமைப்புகளுக்காக அறியப்படும் Avicennia அல்லது Ceriops இனங்களைக் குறிக்கிறது) தஞ்சாவூர் மாவட்டக் கடற்கரையில் குறிப்பிடத்தக்க நெகிழ்வுத்தன்மையைக் காட்டியுள்ளது:

காலவரிசை: ஜனவரி 2023-இல் நடப்பட்டது.

செங்குத்து வளர்ச்சி: சுமார் 3.3 ஆண்டுகளில், ஆரம்பத்தில் நடப்பட்ட உயரத்திலிருந்து 5 அடியாக அதிகரித்தது.

19/04/2026

கைஃபா (KAIFA) பத்திரிகையாளர் சந்திப்பு உரை
தேதி: 19 ஏப்ரல் 2026 | இடம்: தஞ்சாவூர்

அன்புடையீர் ஊடக நண்பர்களுக்கும், தமிழ்நாட்டின் சகோதர சகோதரிகளுக்கும் என் வணக்கங்கள்.

“நீர் இருந்தால் வாழ்க்கை இருக்கும்…
நீர் இல்லையெனில் நம் எதிர்காலமே இல்லை.”
இந்த உண்மையை உணர்ந்து தான்,
2019 மார்ச் 3ஆம் தேதி,
கைஃபா (KAIFA) அமைப்பு உருவானது.

நாங்கள் கடந்த 6 ஆண்டுகளாக
👉 விவசாயிகளின் நலன்
👉 சுற்றுச்சூழல் பாதுகாப்பு
👉 காலநிலை மாற்றத்தை எதிர்கொள்ளும் நடவடிக்கைகள்
இவற்றில் தொடர்ந்து பணியாற்றி வருகிறோம்.

எங்கள் சாதனைகள்
மக்களின் ஒத்துழைப்புடன்,Millymist CSR ஆதரவுடன், மாவட்ட ஆட்சியர்கள், WRD, CGWB – ஜல சக்தி துறை ஆகியவற்றின் வழிகாட்டுதலுடன்,
👉 தமிழ்நாட்டின் 10 மாவட்டங்களில்
👉 292 குளங்கள், கால்வாய்கள், நீர்நிலைகள்
மீட்டெடுக்கப்பட்டுள்ளன.

இந்தப் பணிகளில்

மாண்புமிகு உயர்நீதிமன்ற நீதிபதிகள்
சுரேஷ்குமார் அவர்கள்,
புகழேந்தி அவர்கள்,
பாரதிதாசன் அவர்கள்,
ஜெயச்சந்திரன் அவர்கள்
மற்றும்
உச்சநீதிமன்ற நீதிபதி சுந்தரேசன் அவர்கள் நேரில் கலந்து கொண்டு எங்களை ஊக்குவித்துள்ளனர்.

தமிழ்நாட்டின் உண்மை நிலை
ISRO Bhuvan தரவுகளின்படி,
தமிழ்நாட்டில் 80,000க்கும் மேற்பட்ட நீர்நிலைகள் உள்ளன.

ஆனால் இன்று என்ன நிலை?
❗ நிலத்தடி நீர் வறட்சியடைந்துள்ளது
❗ கடல் நீர் ஊடுருவல் அதிகரித்துள்ளது
❗ விவசாயம் சீர்குலைந்துள்ளது
❗ கிராம மக்கள் நகரங்களுக்கு இடம்பெயர்கிறார்கள்

மக்கள் இயக்கமாக மாற்ற வேண்டிய நேரம்.தமிழ்நாட்டில் 7 கோடி மக்கள் உள்ளனர்.
👉 ஒருவருக்கு ₹1000 மட்டும் ஒரு வருடத்திற்கு செலவிட்டால்
👉 ₹7000 கோடி தொகை உருவாகும்
இந்த தொகையால்
👉 ஒரு ஆண்டில் 80000 ஆயிரக்கணக்கான நீர்நிலைகளை மீட்டெடுக்கலாம்
👉 சில ஆண்டுகளில் முழு தமிழ்நாட்டையும் நீர்ச் செழிப்பாக மாற்றலாம்

பெரிய கொள்கை மாற்றம் – வரலாற்று முடிவு.

மாண்புமிகு நீதிபதி புகழேந்தி அவர்கள்
கைஃபா செய்த பணியை பார்த்து,
👉 “ஒரு எக்ஸ்கவேட்டரால் இளைஞர்கள் 292 நீர்நிலைகளை மீட்டுள்ளனர்…

அதேதை அரசு ஏன் செய்யக்கூடாது?”
என்று கேள்வி எழுப்பி,
👉 ஒவ்வொரு மாவட்டத்துக்கும் ஒரு எக்ஸ்கவேட்டர் வாங்கும் திட்டத்தை
தமிழ்நாடு அரசிடம் முன்மொழிந்தார்.

இன்று,
👉 38 எக்ஸ்கவேட்டர்கள் வாங்கப்பட்டு,
👉 மாவட்ட ஆட்சியர்களின் கட்டுப்பாட்டில் செயல்படுகின்றன.
ஒரு எக்ஸ்கவேட்டர் மூலம்
👉 ஒரு ஆண்டுக்கு 25–30 நீர்நிலைகள் மீட்க முடியும்
இதன் மூலம்
👉 ஒரு ஆண்டுக்கு 1000 நீர்நிலைகள் மீட்கும் வாய்ப்பு உள்ளது.
இது வெறும் தொடக்கம் தான்!
👉 ஒவ்வொரு மாவட்டமும் 10 எக்ஸ்கவேட்டர்கள் வாங்கினால்
👉 ஒரு ஆண்டில் 10,000 நீர்நிலைகள் மீட்க முடியும்!

நீர்நிலைகள் மீட்பு – முழுமையான மாற்றம்
நீரை பாதுகாப்பது என்பது வெறும் சுற்றுச்சூழல் வேலை அல்ல:
✔ விவசாயத்தை காப்பாற்றும்
✔ கிராம பொருளாதாரத்தை உயர்த்தும்
✔ குழந்தைகளின் கல்வியை மேம்படுத்தும்
✔ குடிநீர் பிரச்சினையை தீர்க்கும்
✔ நகரங்களுக்கு இடம்பெயர்வை தடுக்கும்

ஒவ்வொரு பொதுமக்களும்
இணைந்து செயல்பட வேண்டும்.
“நீரை காப்போம் – தமிழ்நாட்டை காப்போம்”நாம் இன்று தொடங்கினால்,
நாளை நம் தலைமுறைக்கு
ஒரு செழிப்பான தமிழ்நாட்டை வழங்க முடியும்.

Team KAIFA

12/04/2026

Project 292

கைஃபா- வின் 292 வது நீர்நிலைகள் சீரமைப்பு பணி நிறைவு*

அரியலூர் மாவட்டம் செந்துறை வட்டம்
இருங்கால குறிச்சி கிராமம்
நீலா புறம் ஏரி 61 ஏக்கர் பரப்பளவு .

JCB உபயம் மூலமாக.

சுற்றுச்சூழல் பாதுகாப்பு மற்றும் எங்களின் நீர்மேலாண்மை பணிக்கு பெரும் பக்க பலமாக இருக்கும் “மில்கி மிஸ்ட் Milky Mist “ நிறுவனத்துக்கு நெஞ்சார்ந்த நன்றிகள்.🙏

KAIFA
கைஃபா - கடைமடை பகுதி ஒருங்கிணைந்த விவசாயிகள் சங்கம்