SFI College of Applied Science Neruambram, Payangadi (2026)

15/10/2017

2017-18 വർഷത്തെ കോളേജ് യൂണിയൻ ഉദ്ഘാടനം 13/10/2017ന് പ്രശസ്ഥ മാധ്യമ പ്രവർത്തകൻ ശ്രീ:പി.വി.കുട്ടൻ നിർവഹിച്ചു.തുടർന്ന് കോളേജിലെ വിദ്യാർത്ഥികളുടെ കലാപരിപാടികളും,പട്ടുവം നാട്ടുകൂട്ടത്തിന്റെ കലാകാരൻമാരും കലാകാരികളും അവതരിപിച്ച നാടൻ പാട്ടു കലാമേളയും കോളേജ് അങ്കണത്തിൽ അരങ്ങേറി.

13/06/2017

_CAS_NERUVAMBRAM
'നിരോധനങ്ങളുടേതല്ല വൈവിധ്യങ്ങളുടേതാണ് ഇന്ത്യ,വിലക്കിയ ഹ്രസ്വചിത്രങ്ങള്‍

മുഴുവന്‍ ക്യാമ്പസുകളില്‍ പ്രദര്‍ശിപ്പിക്കും- എസ്.എഫ്.ഐ

രാജ്യത്തെമ്പാടും നടപ്പിലാക്കുന്ന സംഘപരിവാര്‍ അജന്‍ഡയുടെ അത്യന്തം അപലപനീയമായ മുഖമാണ് ഹ്രസ്വചിത്രങ്ങളെ വിലക്കിയ കേന്ദ്ര സര്‍ക്കാര്‍ നടപടി. കേരളത്തിന്‍റെ അന്താരാഷ്ട്ര ഡോക്യുമെന്‍ററി ഹ്രസ്വചലച്ചിത്ര മേളയില്‍ രോഹിത് വെമുല, ജെ.എന്‍.യു, കാശ്മീര്‍ തുടങ്ങിയ വിഷയങ്ങളെ പ്രമേയമാക്കിയ ഹ്രസ്വചിത്രങ്ങളെയാണ് കേന്ദ്ര സര്‍ക്കാര്‍ വിലക്കിയത്. കേരളത്തില്‍ മാത്രമാണ് നിലവില്‍ അന്താരാഷ്ട്ര ഡോക്യുമെന്‍ററി ഹ്രസ്വചലച്ചിത്ര മേള നടക്കുന്നത്. പത്ത് വര്‍ഷമായി നടത്തപ്പെടുന്ന മേള വിഭിന്ന ആശയഗതിക്കാരായ കലാസാംസ്കാരിക പ്രവര്‍ത്തകരുടെ സംഗമ വേദികൂടിയാണ്. ഇന്ത്യന്‍ ബഹുസ്വരതയുടെ അടയാളം കൂടിയായ ചലച്ചിത്ര മേളയ്ക്ക് നേരെയാണ് ആര്‍.എസ്.എസ്. കടന്നുകയറ്റം.

ഫെaബ്രുവരി 9നു ശേഷമുള്ള സമരമുഖരിതമായ ജവഹര്‍ലാല്‍ നെഹ്റു സര്‍വകാലശാലയിലെ രാജ്യം ശ്രദ്ധിച്ച സമരമുന്നേറ്റങ്ങളാണ്, കാത്തു ലൂക്കോസിന്‍റെ മാര്‍ച്ച്- മാര്‍ച്ച്- മാര്‍ച്ച് എന്ന ഹ്രസ്വചിത്രത്തിന്‍റെ പ്രമേയം. സംഘപരിവാര്‍ സമരങ്ങളുടെ വേലിയേറ്റത്തിന് സാക്ഷ്യം വഹിച്ച ക്യാമ്പസി്ല്‍ സെപ്റ്റംബറില്‍ നടന്ന വിദ്യാര്‍ത്ഥി യൂണിയന്‍ തിരഞ്ഞെടുപ്പ് വരെയുള്ള സംഭവവികാസങ്ങളാണ് ചിത്രത്തിന്‍റെ പ്രമേയം. സമരമുഖരിതമായ ക്യാമ്പസില്‍ നടന്ന വിദ്യാര്‍ത്ഥി യൂണിയന്‍ തിരഞ്ഞെടുപ്പില്‍ അധികാരത്തില്‍ വന്നത് എസ്.എഫ്.ഐയും ഐസയും നേതൃത്വം നല്‍കുന്ന മുന്നണിയായിരുന്നു. സമാനമായ അര്‍ത്ഥത്തില്‍ രോഹിത് വെമുലയുടെ രക്തസാക്ഷിത്വം അടയാളപ്പെടുത്തിയ ഹൈദ്രബാദ് സെന്‍ട്രല്‍ സര്‍വ്വകലാശാലയിലെ ക്യാമ്പസിന്‍റെ പ്രമേയമാണ് പി.എന്‍. രാമചന്ദ്രന്‍റെ 'ദി അണ്‍ബെയ്റബില്‍ ബീയിംങ് ഓഫ് ലൈറ്റ്നെസ്' പറയുന്നത്. ഇത്തരത്തില്‍ രാജ്യത്തെ ജനാധിപത്യത്തെ സംരക്ഷിക്കാന്‍ ആര്‍ജ്ജവത്തോടുകൂടി സമരത്തിന് നേതൃത്വം നല്‍കിയ കലാലയങ്ങളുടെ സമരങ്ങളെ ചരിത്രത്തില്‍ നിന്ന് പുറത്താക്കാനുള്ള ലക്ഷ്യം കൂടിയാണ് ഇത്തരം നിരോധനങ്ങള്‍ക്ക് പിന്നില്‍ പക്ഷെ സംഘപരിവാര്‍ അജണ്ടയ്ക്ക് മുന്നില്‍ തലകുനിക്കാന്‍ കേരളത്തിന്‍റെ ക്യാമ്പസുകള്‍ തയ്യാറല്ല.കേരളത്തിലെ മുഴുവന്‍ കലാലയങ്ങളിലും "നിരോധനങ്ങളുടേതല്ല വൈവിധ്യങ്ങളുടേതാണ് ഇന്ത്യ" എന്ന മുദ്രാവാക്യമുയര്‍ത്തി നിരോധിക്കപ്പെട്ട ഹ്രസ്വചിത്രങ്ങള്‍ പ്രദര്‍ശിപ്പിക്കും