27/11/2025
पलूस नगरपरिषद, पलूसच्या भाजप पक्षाचे नगराध्यक्षपदाचे अधिकृत उमेदवार सोनालीताई सागर नलवडे तसेच प्रभाग २चे नगरसेवक पदाचे उमेदवार श्री. सुरज पोपट निकम आणि सौ. राजलक्ष्मी विजय सदामते व प्रभाग १०चे नगरसेवक पदाचे उमेदवार श्री. शाहूराज पांडुरंग पाटील आणि सौ. नीलम नितीन शितापे या उमेदवारांच्या प्रचारार्थ आयोजित कोपरा सभा व बैठकांच्या प्रसंगी जनतेशी विविध विषयावर चर्चा केली. यावेळी सर्वांशी संवाद साधताना अडीअडचणी जाणून घेतल्या.
यावेळी स्थानिक प्रश्न, नगरपरिषद विकासाच्या दृष्टीने करावयाच्या कामाची दिशा आणि भाजपाच्या भूमिकेबाबत अनेक मुद्दे मांडले. नगरपरिषदेच्या निवडणुकीत भाजपाला प्रचंड जनसमर्थन मिळत असून भक्कम विजय मिळवण्यासाठी आम्ही सर्वजण एकजुटीने प्रयत्न करीत आहोत. दि. २ डिसेंबर रोजी आपले मतदानरुपी आशीर्वाद आम्हाला द्यावेत. विकासाभिमुख नेतृत्व, पारदर्शक कारभार आणि सर्वसमावेशक धोरणे यामुळे या निवडणुकीत भाजपाला प्रचंड जनसमर्थन मिळेल हा विश्वास आहे.
