ദർശന ലൈബ്രറി & ആർട്സ് ക്ലബ്, കോട്ടപ്പുറം

08/03/2026

കോട്ടപ്പുറം ദർശന വായനശാലയിൽ 2026 മാർച്ച് 8 ഞായറാഴ്ച അന്താരാഷ്ട്രാ വനിതാ ദിനാഘോഷം സംഘടിപ്പിച്ചു.
ഗിവ് ടു ഗെയിൻ എന്നതായിരുന്നു പ്രമേയം.

മേലാറ്റൂർ ഉപജില്ലാ വിദ്യാഭ്യാസ ഓഫീസർ ശ്രീമതി ബിന്ദു. പി എസ് വയലിൽ ചടങ്ങ് ഉദ്ഘാടനം ചെയ്തു .
പ്രാദേശിക നവ എഴുത്തുകാരികളായ മേഴ്സി ഷാജു കരിമ്പുഴ, രഞ്ജിനി സി. ആർ കുണ്ടൂർക്കുന്നു, മഞ്ജുള മണികണ്ഠൻ കരിമ്പുഴ എന്നിവരെ വനിതാ ദിനത്തിൽ ആദരിക്കുകയും അവരുടെ രചനകളെ പരിചയപെടുത്തുകയും ചെയ്തു...സ്വയം രചിച്ച കവിത ചൊല്ലിക്കൊണ്ട് സുരേഷ്‌കുമാർ പൊക്കാളം ചടങ്ങിൽ പങ്കെടുത്തു..

വനിതവേദി അംഗവും വായനശാല കമ്മിറ്റി അംഗവുമായ ശോഭന ടീച്ചർ അധ്യക്ഷത വഹിച്ചു.
വിജിടീച്ചർ സ്വാഗതം ആശംസിച്ചു.

07/03/2026

കോട്ടപ്പുറം ദർശനവായനശാലയുടെയും KSSPU കരിമ്പുഴ യൂണിറ്റിൻ്റെയും ആഭിമുഖ്യത്തിൽ 2026 മാർച്ച് 8 ഞായറാഴ്ച വൈകുന്നേരം 3 മണിക്ക് അന്താരാഷ്ട്രാ വനിതാ ദിനാഘോഷം സംഘടിപ്പിക്കുന്നു. ഗിവ് ടു ഗെയിൻ എന്നതാണ് ഈ വർഷത്തെ പ്രമേയം. അതോടൊപ്പം നവ എഴുത്ത് കൂട്ടായ്മയും സംഘടിപ്പിക്കുന്നു. ഉദ്ഘാടനം മേലാറ്റൂർ ഉപജില്ലാ വിദ്യാഭ്യാസ ഓഫീസർ ശ്രീമതി ബിന്ദു. പി എസ് വയലിൽ നിർവ്വഹിക്കും. നവ എഴുത്തുകാരികളായ മേഴ്സി ഷാജു, രഞ്ജിനി സി. ആർ, മഞ്ജുള മണികണ്ഠൻ എന്നിവരും പങ്കെടുക്കുന്നു. എല്ലാവരെയും ഈ പരിപാടിയിലേക്ക് ഹാർദ്ദമായി ക്ഷണിക്കുന്നു.

28/01/2026

കോട്ടപ്പുറം ദർശന ലൈബ്രറി...
77 മത് റിപ്പബ്ലിക്ക്‌ ദിനാഘോഷത്തിന്റെ
ഭാഗമായി സംഘടിപ്പിച്ച സെമിനാർ വൈകുന്നേരം 6 മണിക്ക് പ്രസിഡന്റ് ശ്രീ വേണുഗോപാൽ ന്റെ അധ്യക്ഷതയിൽ നടത്തി...
റിട്ടയേർഡ് അധ്യാപകനും ഗ്രന്ഥശാല പ്രവർത്തകനും ആയ ശ്രീ. ടി. മോഹൻദാസ് മാസ്റ്റർ സെമിനാർ ഉദ്ഘാടനം ചെയ്തു...
ഇന്ത്യൻ ഭരണഘടനയെ കുറിച്ചും അതിന്റെ രൂപീകരണതെക്കുറിച്ചും ഇന്ത്യ പരമാധികാര രാഷ്ട്രം ആയി തീർന്ന ചരിത്രവും അതിനുവേണ്ടി മഹാരാഥന്മാർ നടത്തിയ പോരാട്ടങ്ങൾ ത്യാഗങ്ങളെക്കുറിച്ചും അദ്ദേഹംസംസാരിച്ചു.

അവയുടെ ഓർമ്മപുതുക്കുന്ന ഈ വേളയിൽ...
ഇന്ത്യൻ ഭാരണഘടന അനുസരിച്ചു ജീവിക്കാനും അത് അനുസരിച്ചു പ്രവരത്തിക്കാനും ഭരണഘടന കാത്തു സൂക്ഷിക്കാനും നാം ഓരോരുത്തരും ചുമതലകൾ നിരവഹിച്ചുകൊണ്ട് പ്രവർത്തിക്കണം എന്നു അദ്ദേഹം ഓർമ്മപ്പെടുത്തി................

ഇന്ത്യൻ രാഷ്ട്രപതിയിൽ നിന്നും വിശിഷ്ട സേവാമെഡൽ കരസ്ഥമാക്കിയ
ഗുരുവായൂർ
അസിസ്റ്റന്റ് കമ്മീഷണർ ഓഫ് പോലീസ് ഓഫീസറും
വായനശാലയിലെ മുൻപ്രവർത്തകനും നാട്ടുകാരനുമായ
ശ്രീ പ്രേമാനന്ദൻ കൃഷ്ണൻ സാറിനെ..
നാട്ടുകാരുടെയും പ്രിയകൂട്ടുകാരുടെയും ബന്ധുക്കളുടെയും സാന്നിധ്യത്തിൽ ചടങ്ങിൽ വെച്ച് ആദരിച്ചു..

വായനശാല ഉപദേശക സമിതി അംഗവും റിട്ടയേർഡ് പ്രിൻസിപ്പാളും കുലിക്കിലിയാട് സർവ്വിസ് സഹകരണ ബാങ്ക് പ്രസിഡന്റുമായ ശ്രീ നന്ദകുമാസ്റ്റർ അദ്ദേഹത്തെ പൊന്നടയണിയിച്ചു ....

പ്രസ്തുത ചടങ്ങ് വായനശാലയുടെ ഈ വർഷത്തെ റിപ്പബ്ലിക് ദിന ചടങ്ങിന് മാറ്റു കൂട്ടി.... ♥️

തന്റെ ഔദ്യോഗിക ജീവിതം വളരെസുതാര്യമാക്കികൊണ്ട് സമൂഹത്തിൽ ഏറ്റവും സാധാരണക്കാരുടെ ഏക ആശ്രയമായ പോലീസ് സ്റ്റേഷനിൽ മാതൃകപരമായ സേവനങ്ങൾ വളരെ ചിട്ടയോടെയും കുറ്റമറ്റ രീതിയിലും ചെയ്ത് തീർക്കാനാണ് ഇത്രയും കാലം ശ്രമിച്ചിട്ടുള്ളതെന്നും ആയതിൽ ഒരു മായവും കള്ളത്തരവും ചേർക്കാൻ സ്വയം ശ്രമിച്ചിട്ടില്ല എന്നു മാത്രമല്ല തന്റെ സഹപ്രവർത്തകരെയും കലങ്കമില്ലാതെ
പ്രവർത്തിപ്പിക്കാൻ താൻ പരീശ്രമിച്ചിട്ടുണ്ടെന്നും അദ്ദേഹം മറുപടി പ്രസംഗത്തിൽ പറഞ്ഞു...

കഠിനാധ്വാനവും അഹോരാത്രമുള്ള നിരന്തര പരിശ്രമവും ചിട്ടയോടെയുള്ളതും ശ്രദ്ധയോടെയുള്ള
സേവനവുമാണു തന്നെ ഈ പുരസ്കാരത്തിനു അർഹനാക്കിയത് എന്ന അദ്ധേഹത്തിന്റെ മറുപടി....
നാട്ടുകാരുകൂടിയായ സദസ്സിന് വളരെ അഭിമാന മുഹൂർത്ഥമായി.

ചടങ്ങിൽ ശ്രീ രാജേന്ദ്രൻ മാസ്റ്റർ..ദേശഭക്തി തുളുമ്പുന്ന കവിത ചൊല്ലി.

ശ്രീ താങ്കവേലു മാസ്റ്റർ.
മുരളിമോഹൻ
സുരേഷ് പി. ടി
ശശികുമാർ പൊക്കാളം
ബിജു കുമാർ...
കുന്നത്തൂർ നാരായണൻകുട്ടി ബാൽരാജ് എന്നിവർ ... ആശംസകൾ അർപ്പിച്ചു സംസാരിച്ചു...

രവിയേട്ടൻ ദേശഭക്തി .ഗാനം ചൊല്ലി

ശ്രീ രാജ്‌കുമാർ നന്ദി പറഞ്ഞു
ചടങ്ങ് അവസാനിപ്പിച്ചു....

28/01/2026

കോട്ടപ്പുറം ദർശനവായനശാലയുടെ ആഭിമുഖ്യത്തിൽ സംഘടിപ്പിച്ച റിപ്പബ്ലിക്ക് ദിന സദസ്സ് ടി മോഹൻദാസ് ഉദ്ഘാടനം ചെയ്തു. പ്രസിഡൻ്റ് കെ. വേണുഗോപാലൻ അധ്യക്ഷനായി. ചടങ്ങിൽ ബഹു.രാഷ്ട്രപതിയുടെ വിശിഷ്ട സേവാ മെഡലിനർഹനായ ഗുരുവായൂർ അസിസ്റ്റൻ്റ് കമ്മീഷണർ ഓഫ് പോലീസ് സി. പ്രേമാനന്ദ കൃഷ്ണനെ വി. നന്ദകുമാർ ആദരിച്ചു. പഞ്ചായത്ത് നേതൃസമിതി കൺവീനർ കെ മുരളി മോഹനൻ, എ.രാജേന്ദ്രൻ, പി.ടി. അങ്കപ്പൻ, സെക്രട്ടറി പി. സുകുമാരൻ , പി.ടി തങ്കവേലു, ബിന്ദു പി.വയലിൽ, കുന്നത്തൂർ നാരായണൻ കുട്ടി ശശികുമാർ, ആർ വിജു, ബി. ബാലരാജ്, കെ.കെ. രവീന്ദ്രൻ, പി.ടി സുരേഷ്, വി പി രാജു എന്നിവർ സംസാരിച്ചു.

16/01/2026

19/09/2025

യുവ എഴുത്തുകാരി വിസ്മയെയെ ആദരിക്കലും പുസ്തക ചർച്ചയും സംഘടിപ്പിച്ചു. കോട്ടപ്പുറം ദർശന വായനശാലയുടെ ആഭിമുഖ്യത്തിൽ യുവ സാഹിത്യകാരി എസ് വിസ്മയയെ ആദരിക്കലും അവരുടെ രണ്ടാമത്തെ പുസ്തകമായ മായ മരീചിക പുസ്തകചർച്ചയും സംഘടിപ്പിച്ചു.. എ.രാജേന്ദ്രൻ ഉദ്ഘാടനം ചെയ്തു. പ്രസിഡൻ്റ് കെ. വേണുഗോപാലൻ അധ്യക്ഷനായി. മായ മരീചിക എന്ന പുസ്തകം കരിമ്പുഴ പഞ്ചായത്ത് നേതൃസമിതി കൺവീനർ കെ. മുരളി മോഹനൻ പരിചയപ്പെടുത്തി. പി.ടി. അങ്കപ്പൻ ഉപഹാര സമർപ്പണം നടത്തി.സെക്രട്ടറി കെ. സുകുമാരൻ, ടി. മോഹൻദാസ്, കെ.പി ശോഭന, പി.ടി തങ്കവേലു, ടി.പി രാമദാസ് എന്നിവർ സംസാരിച്ചു.

14/09/2025

ഗ്രന്ഥശാല ദിനാചരണം