What are the opening hours?

Monday 10am - 5pm Tuesday 10am - 5pm Wednesday 10am - 5pm Thursday 10am - 5pm Friday 10am - 5pm Saturday 10am - 5pm

http://panchayat.lsgkerala.gov.in/ambalapparapanchayat/

Ambalapara Gramapanchayat, Office of Ambalappara Gramapanchayat, Ottapalam (2026)

Q: What is the address?

Office Of Ambalappara Gramapanchayat

22/02/2026

*വിജ്ഞാന കേരളം- തൊഴിൽമേള സംഘടിപ്പിച്ചു*

അമ്പലപ്പാറ ഗ്രാമപഞ്ചായത്ത് 2026-27 വാർഷിക പദ്ധതിയിൽ ഉൾപ്പെടുത്തി ASAP കേരളവുമായി സഹകരിച്ച് വിജ്ഞാനകേരളം പദ്ധതിയുടെ ഭാഗമായി തൊഴിൽ അന്വേഷകർക്കായി മെഗാ തൊഴിൽമേള സംഘടിപ്പിച്ചു. വിജ്ഞാനകേരളം പദ്ധതിയുടെ സ്ട്രാറ്റജിക് അഡ്വൈസർ ഡോ. പി സരിൻ പരിപാടി ഉദ്ഘാടനം ചെയ്തു. വികസന സ്റ്റാൻഡിങ് കമ്മിറ്റി ചെയർമാൻ കെ ടി ഷമീർ സ്വാഗതം പറയുകയും ഗ്രാമപഞ്ചായത്ത് പ്രസിഡണ്ട് കെ രാധാകൃഷ്ണൻ മാസ്റ്റർ അധ്യക്ഷത വഹിക്കുകയും ചെയ്തു. വൈസ് പ്രസിഡണ്ട് സൗദ സലീം, ക്ഷേമ കാര്യ സ്റ്റാൻഡിങ് കമ്മിറ്റി ചെയർപേഴ്സൺ എംജി ലത, തുടങ്ങിയവർ ആശംസകൾ അർപ്പിക്കുകയും ഗ്രാമപഞ്ചായത്ത് സെക്രട്ടറി നിഷ. കെ എൽ നന്ദി പറയുകയും ചെയ്തു. പഞ്ചായത്തിലെ വിവിധ വാർഡ് മെമ്പർമാർ, കമ്മ്യൂണിറ്റി അംബാസഡർ രജിത കെ തുടങ്ങിയവർ പങ്കെടുത്തു.

നിലവിലുള്ള തൊഴിൽ ട്രെൻഡുകളെ പറ്റിയും ആവശ്യമായ യോഗ്യതകളെ പറ്റിയും, മനസ്സിലാക്കുന്നതിന് വേണ്ടിയും അഭിമുഖങ്ങളിൽ ശ്രദ്ധിക്കേണ്ട കാര്യങ്ങളെ പറ്റിയും 20,21 തീയതികളിൽ നടത്തിയ കരിയർ ബൂസ്റ്റ് പരിപാടിയുടെ തുടർച്ചയായിട്ടാണ് ഇന്ന് തൊഴിൽമേള സംഘടിപ്പിച്ചത്. തൊഴിൽമേളയിലൂടെയുള്ള സ്പോട്ട് ഇൻറർവ്യൂ വഴി പെട്ടെന്ന് ജോലി നേടാനുള്ള അവസരമാണ് തൊഴിൽമേളയിലൂടെ ഗ്രാമപഞ്ചായത്ത് നൽകിയത്. 22 ഓളം പ്രമുഖ കമ്പനികളിലേക്ക് HR Manager, Accountant, Office Staff, Tele Caller, IT technician, Field staff തുടങ്ങി നിരവധി തസ്തികകളിലേക്കുള്ള ഇൻറർവ്യൂ ആണ് തൊഴിൽ മേളയിലൂടെ നടന്നത്.

21/02/2026

*എസ്.സി വിദ്യാര്‍ത്ഥികൾക്ക് പഠനോപകരണങ്ങൾ വിതരണം ചെയ്തു*

അമ്പലപ്പാറ ഗ്രാമപഞ്ചായത്ത് 2026-27 വാര്‍ഷിക പദ്ധതിയിൽ ഉൾപ്പെടുത്തി എസ്.സി വിഭാഗത്തിൽപ്പെട്ട വിദ്യാര്‍ത്ഥികൾക്ക് പഠനോപകരണങ്ങൾ വിതരണം ചെയ്തു. 4990/- രൂപ മതിപ്പ് വില വരുന്ന മേശയും, കസേരയും ആണ് വിതരണം ചെയ്തത്. ഒന്നാം ഘട്ടമായി ചുനങ്ങാട്, വേങ്ങശ്ശേരി സ്ക്കൂളുകളിലെ 28 കുട്ടികൾക്കാണ് ഉപകരണങ്ങൾ വിതരണം ചെയ്തത്. അസി സെക്രട്ടറി അനിൽകുമാര്‍ സി.പി സ്വാഗതം പറയുകയും, വൈസ് പ്രസിഡണ്ട് സൗസ സലീം അദ്ധ്യക്ഷത വഹിക്കുകയുംചെയ്ത പരിപാടി പ്രസിഡണ്ട് കെ രാധാകൃഷ്ണൻ മാസ്റ്റര്‍ ഉദ്ഘാടനം ചെയ്തു. വികസന സ്റ്റാൻഡിംഗ് കമ്മിറ്റി ചെയര്‍മാൻ കെ.ടി ഷെമീര്‍, ക്ഷേകാര്യ സ്റ്റാൻഡിംഗ് കമ്മിറ്റി ചെയര്‍മാൻ എം.ജി ലത, ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയര്‍മാൻ കെ. കൃഷ്ണപ്രകാശ്, ജൂനിയര്‍ സൂപ്രണ്ട് രാധാകൃഷ്ണൻ കെ.ടി, വിവിധ വാര്‍ഡ് മെമ്പര്‍മാര്‍ തുടങ്ങിയവര്‍ പങ്കെടുത്തു. എസ്.സി പ്രൊമോട്ടര്‍ സുജല നന്ദി പറഞ്ഞു.

20/02/2026

*തൊഴിൽ അന്വേഷകർക്കായി കരിയർ ഗൈഡൻസ് ക്ലാസ്സ് സംഘടിപ്പിച്ചു*

അമ്പലപ്പാറ ഗ്രാമപഞ്ചായത്ത് വിജ്ഞാനകേരളം പദ്ധതിയിൽ ഉൾപ്പെടുത്തി അസാപ്പുമായി സഹകരിച്ച് തൊഴിൽ അന്വേഷകര്‍ക്ക് കരിയർ ഗൈഡൻസ് ക്ലാസ്സ് സംഘടിപ്പിച്ചു. അസിസ്റ്റൻറ് സെക്രട്ടറി അനിൽകുമാർ സിപി സ്വാഗതം പറയുകയും വൈസ് പ്രസിഡണ്ട് സൗദ സലീം അധ്യക്ഷത വഹിക്കുകയും ചെയ്ത പരിപാടി ഗ്രാമപഞ്ചായത്ത് പ്രസിഡണ്ട് കെ രാധാകൃഷ്ണൻ മാസ്റ്റർ ഉദ്ഘാടനം ചെയ്തു. ട്രെയിനർ രമാദേവി ക്ലാസ്സ് നയിച്ചു. 20,21 തീയതികളിൽ ഗ്രാമപഞ്ചായത്ത് പൊതുസഭാ ഹാളിൽ വെച്ചാണ് പരിപാടി സംഘടിപ്പിക്കുന്നത്. ഫെബ്രുവരി 22 ഞായറാഴ്ച്ച ഗ്രാമപഞ്ചായത്ത് കല്യാണമണ്ഡപത്തിൽ വച്ച് തൊഴിൽ അന്വേഷകർക്കുള്ള പ്ലേസ്മെന്റ് ഡ്രൈവും നടത്തുന്നുണ്ട്. വികസന സ്റ്റാൻഡിങ് കമ്മിറ്റി ചെയർമാൻ കെ ടി ഷമീർ, ക്ഷേമ സ്റ്റാൻഡിങ് കമ്മിറ്റി ചെയർമാൻ എം ജി ലത, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ കെ കൃഷ്ണപ്രകാശ്, വിവിധ വാർഡ് അംഗങ്ങൾ, കമ്മ്യൂണിറ്റി അംബാസഡർ രജിത ടി, അസാപ്പിൽ നിന്നുള്ള ഫാക്കൽട്ടിമാർ തുടങ്ങിയവർ പങ്കെടുത്തു. ഇന്നും നാളെയും നടക്കുന്ന പരിശീലന പരിപാടിയിൽ പങ്കെടുക്കുന്നവരിൽ തെരഞ്ഞെടുക്കുന്ന 30 പേർക്ക് സൗജന്യമായി BPCA ഇംഗ്ലീഷ് പ്രൊഫിഷ്യൻസി കോഴ്സ് കൊടുക്കുന്നുണ്ട്.

20/02/2026

*തണ്ണിമത്തൻ വിളവെടുത്തു*

അമ്പലപ്പാറ വേങ്ങശ്ശേരിയിലെ പ്രമുഖ കർഷകനായ വിജയരാഘവൻ എന്ന വ്യക്തി ഇത്തവണ കൃഷി ചെയ്തത് ചൂടുകാലത്ത് ആശ്വാസമേകുന്ന ചുവപ്പ്, മഞ്ഞ തണ്ണിമത്തനുകളാണ്. ഒറ്റപ്പാലത്തിന്റെ പ്രിയപ്പെട്ട എംഎൽഎ adv.പ്രേംകുമാർ തണ്ണിമത്തൻ വിളവെടുപ്പ് ഉദ്ഘാടനം നിർവഹിച്ചു. ചടങ്ങിൽ വൈസ് പ്രസിഡന്റ്‌ സൗദ സലീം അധ്യക്ഷത വഹിച്ചു.ഉദ്ഘാടന ചടങ്ങിൽ അദ്ദേഹത്തിന്റെ ബന്ധുക്കളോടും സുഹൃത്തുകളായ കർഷകരോടൊപ്പം പഞ്ചായത്തിന്റെ സ്റ്റാൻഡിങ് കമ്മിറ്റി ചെയർമാൻമാരായ ഷമീർ, കൃഷ്ണപ്രകാശ്, കൃഷി ഓഫീസർ റുക്സാന,Dr. അമല എന്നിവർ പങ്കെടുത്തു.ചടങ്ങിന് സ്റ്റാൻഡിങ് കമ്മിറ്റി ചെയർമാനും വാർഡ് മെമ്പർ കൂടിയായ ലത എം. ജി സ്വാഗതം പറഞ്ഞു

19/02/2026

*🚀 MEGA JOB FAIR 2026 🚀*

*വിജ്ഞാനകേരളം തൊഴിൽ മേള*

പാലക്കാട് അമ്പലപ്പാറ ഗ്രാമ പഞ്ചായത്തും ASAP കേരളയും ചേർന്ന് നടത്തുന്ന സൗജന്യ തൊഴിൽ മേള.
*🗓️ തീയതി:* 2026 ഫെബ്രുവരി 22 (ഞായർ)
*🕘 സമയം:* രാവിലെ 9:30 മുതൽ
*📍 സ്ഥലം:* അമ്പലപ്പാറ ഗ്രാമ പഞ്ചായത്ത് കല്യാണമണ്ഡപം
https://maps.app.goo.gl/QVEhPGwBMBWrvJ7c9

*🌟 ഹൈലൈറ്റ്സ്*
🏢 20+ പ്രമുഖ കമ്പനികൾ
💼 300+ ഒഴിവുകൾ
🎓 *യോഗ്യത:* SSLC മുതൽ MBA വരെ (ITI, Diploma, Degree ഉൾപ്പെടെ)

താഴെ കാണുന്ന ലിങ്ക് വഴി മുൻകൂട്ടി രജിസ്റ്റർ ചെയ്യാം.
*👉 Registration Link:* https://forms.gle/qMfqUAPStcttpGb3A

*കമ്പനി ഡീറ്റെയിൽസ്:* https://docs.google.com/spreadsheets/d/1_IpmWNxeJEfb2bonmSPuEGwSXdaojvMH45HcAEv6wls/edit?usp=sharing

*💡 ശ്രദ്ധിക്കുക:* പങ്കെടുക്കുന്നവർ ബയോഡാറ്റ സഹിതം എത്തിച്ചേരുക.
📞 കൂടുതൽ വിവരങ്ങൾക്ക്: 8157874997, 9645748729, 9495999667

19/02/2026

തൊഴിൽ തയ്യാറെടുപ്പ് പരിശീലനം – Career Boost 2026 🎯
✅ അമ്പലപ്പാറ പഞ്ചായത്തും ASAP കേരളയും ചേർന്ന് സൗജന്യ തൊഴിൽ പരിശീലനം
📅 ഫെബ്രുവരി 20 & 21, 2026
⏰ രാവിലെ 10.00 – വൈകിട്ട് 4.00
📍 അമ്പലപ്പാറ പഞ്ചായത്ത് പൊതുസഭ ഹാൾ
🎓 യോഗ്യത: പ്ലസ് ടു അല്ലെങ്കിൽ അതിനു മുകളിൽ (അമ്പലപ്പാറ പഞ്ചായത്ത് സ്വദേശികൾ)
👉 ഇന്റർവ്യൂ പരിശീലനം, ആത്മവിശ്വാസം വളർത്തൽ, കരിയർ ഗൈഡൻസ്
👉 തിരഞ്ഞെടുക്കുന്ന 30 പേർക്ക് 1 മാസം BPCE (English) സൗജന്യ കോഴ്‌സ്
📌 ഫെബ്രുവരി 22
📌 പരിശീലന പരിപാടിയിൽ പങ്കെടുക്കുന്നവർ മുൻകൂട്ടി രജിസ്റ്റർ ചെയ്യുക.
📌(ഞായർ): മെഗാ പ്ലേസ്മെന്റ് ഡ്രൈവ്
📞 രജിസ്ട്രേഷൻ: 8157874997, 9645748729, 9846162314, 9400156255

22/12/2025

സ്ത്രീ സുരക്ഷാ പദ്ധതി: അപേക്ഷകൾ ഡിസംബർ 22 മുതൽ; പ്രതിമാസം 1000 രൂപ ധനസഹായം

തിരുവനന്തപുരം: സംസ്ഥാനത്തെ സ്ത്രീകളുടെ ക്ഷേമം ഉറപ്പാക്കുന്നതിനായി കേരള സർക്കാർ ആവിഷ്കരിച്ച 'സ്ത്രീ സുരക്ഷാ പദ്ധതി'യുടെ അപേക്ഷകൾ ഡിസംബർ 22 മുതൽ സ്വീകരിച്ചു തുടങ്ങുമെന്ന് തദ്ദേശ സ്വയംഭരണ വകുപ്പ് പ്രിൻസിപ്പൽ ഡയറക്ടർ അറിയിച്ചു. നിലവിൽ സംസ്ഥാനത്തെ മറ്റ് സാമൂഹികക്ഷേമ പദ്ധതികളുടെയോ പെൻഷനുകളുടെയോ ഗുണഭോക്താക്കൾ അല്ലാത്ത അർഹരായ സ്ത്രീകൾക്ക് പ്രതിമാസം 1000 രൂപ ധനസഹായം ലഭ്യമാക്കുന്നതാണ് ഈ പദ്ധതി. ksmart.lsgkerala.gov.in എന്ന വെബ്സൈറ്റ് മുഖേന തദ്ദേശ സ്വയംഭരണ സ്ഥാപനങ്ങളിലെ സെക്രട്ടറിമാർക്കാണ് അപേക്ഷകൾ സമർപ്പിക്കേണ്ടത്.

കേരളത്തിൽ സ്ഥിരതാമസക്കാരായ, 35 വയസ്സിനും 60 വയസ്സിനും ഇടയിൽ പ്രായമുള്ള സ്ത്രീകൾക്കും ട്രാൻസ് വുമൺ വിഭാഗത്തിൽപ്പെട്ടവർക്കുമാണ് പദ്ധതിയുടെ പ്രയോജനം ലഭിക്കുക. അന്ത്യോദയ അന്നയോജന (മഞ്ഞ കാർഡ്), മുൻഗണനാ വിഭാഗം (പിങ്ക് കാർഡ്) എന്നീ റേഷൻ കാർഡുകൾ ഉള്ളവർക്കാണ് അപേക്ഷിക്കാൻ അർഹതയുള്ളത്. വിധവാ പെൻഷൻ, അവിവാഹിത പെൻഷൻ, വികലാംഗ പെൻഷൻ എന്നിവയ്ക്ക് പുറമെ വിവിധ സർവീസ് പെൻഷനുകൾ, കുടുംബ പെൻഷൻ, ഇ.പി.എഫ് പെൻഷൻ എന്നിവ കൈപ്പറ്റുന്നവർക്കും ഈ പദ്ധതി പ്രകാരം ആനുകൂല്യം ലഭിക്കില്ല. കേന്ദ്ര-സംസ്ഥാന സർക്കാർ സർവീസിലോ, സർക്കാർ ഉടമസ്ഥതയിലുള്ള സ്ഥാപനങ്ങളിലോ, സർവ്വകലാശാലകളിലോ സ്ഥിരമായോ കരാർ അടിസ്ഥാനത്തിലോ ജോലി ചെയ്യുന്നവരെ പദ്ധതിയിൽ നിന്നും ഒഴിവാക്കിയിട്ടുണ്ട്.

അപേക്ഷ സമർപ്പിക്കുന്നവർ പ്രായം തെളിയിക്കുന്നതിനായി ജനന സർട്ടിഫിക്കറ്റ്, സ്കൂൾ സർട്ടിഫിക്കറ്റ്, ഡ്രൈവിംഗ് ലൈസൻസ്, പാസ്പോർട്ട് എന്നിവയിൽ ഏതെങ്കിലും ഒന്ന് ഹാജരാക്കണം. ഇവ ലഭ്യമല്ലാത്തവർക്ക് മെഡിക്കൽ ഓഫീസർ നൽകുന്ന സർട്ടിഫിക്കറ്റ് ഉപയോഗിക്കാവുന്നതാണ്. ബാങ്ക് അക്കൗണ്ട് വിവരങ്ങൾ, ഐ.എഫ്.എസ്.സി കോഡ്, ആധാർ വിവരങ്ങൾ എന്നിവ അപേക്ഷയോടൊപ്പം സമർപ്പിക്കണം.

അപേക്ഷയോടൊപ്പം സ്വയം സാക്ഷ്യപ്പെടുത്തിയ സത്യപ്രസ്താവനയും ഉൾപ്പെടുത്തണം. ആനുകൂല്യം ലഭിക്കുന്നവർ എല്ലാ വർഷവും ആധാർ അധിഷ്ഠിതമായി വാർഷിക മസ്റ്ററിംഗ് നടത്തണം. ഗുണഭോക്താവ് മരണപ്പെട്ടാൽ ആനുകൂല്യം അവകാശികൾക്ക് കൈമാറാൻ വ്യവസ്ഥയില്ല. ഗുണഭോക്താവ് ഒരു മാസമോ അതിൽ അധികമോ ജയിൽ ശിക്ഷ അനുഭവിക്കുകയോ റിമാൻഡ് ചെയ്യപ്പെടുകയോ ചെയ്താൽ ആ കാലയളവിലെ ധനസഹായം ലഭിക്കില്ല.

തെറ്റായ വിവരങ്ങൾ നൽകി ആനുകൂല്യം കൈപ്പറ്റുന്നത് ശ്രദ്ധയിൽപ്പെട്ടാൽ 18 ശതമാനം പലിശ സഹിതം തുക തിരിച്ചുപിടിക്കുമെന്നും പ്രിൻസിപ്പൽ ഡയറക്ടർ അറിയിച്ചു.

22/12/2025

*അമ്പലപ്പാറ ഗ്രാമപഞ്ചായത്ത് - തെരഞ്ഞെടുക്കപ്പെട്ട 23 അംഗങ്ങളുടെ സത്യപ്രതിജ്ഞ ചടങ്ങ് നടന്നു*

2025 ലെ തദ്ദേശസ്വയംഭരണ സ്ഥാപനങ്ങളിലേക്കുള്ള തെരഞ്ഞെടുപ്പിൽ വിജയിച്ച അമ്പലപ്പാറ ഗ്രാമപഞ്ചായത്തിലെ 23 അംഗങ്ങളുടെ സത്യപ്രതിജ്ഞ ചടങ്ങ് 21/12/2025 തീയതി കാലത്ത് 10 മണിക്ക് ഗ്രാമപഞ്ചായത്ത് പൊതുസഭാ ഹാളിൽ വച്ച് നടന്നു. തെരഞ്ഞെടുപ്പ് വരണാധികാരി ആയ സൈറ ഭാനു.എം.എം തെരഞ്ഞെടുക്കപ്പെട്ട അംഗങ്ങളിൽ ഏറ്റവും മുതിർന്ന അംഗമായ കെ രാധാകൃഷ്ണൻ മാസ്റ്റർക്ക് സത്യ വാചകം ചൊല്ലി കൊടുക്കുകയും തുടർന്ന് ബാക്കി അംഗങ്ങളുടെ സത്യപ്രതിജ്ഞ നടക്കുകയും ചെയ്തു. പുതിയതായി തെരഞ്ഞെടുക്കപ്പെട്ട അംഗങ്ങളുടെ ആദ്യ ഭരണസമിതി യോഗം മുതിർന്ന അംഗമായ കെ .രാധാകൃഷ്ണൻ മാസ്റ്ററുടെ അധ്യക്ഷതയിൽ K-SMART ലൂടെ ചേർന്നു. ഗ്രാമപഞ്ചായത്ത് അധ്യക്ഷൻ/ ഉപാധ്യക്ഷൻ സ്ഥാനത്തിലേക്കുള്ള തെരഞ്ഞെടുപ്പ് 27/12/2025 നടക്കുന്നതാണ്.

15/01/2025

*അമ്പലപ്പാറ ഗ്രാമപഞ്ചായത്ത് – ജനുവരി 15 പാലിയേറ്റീവ് ദിനത്തിൽ കുടുംബ സംഗമവും, വിളംബര റാലിയും നടത്തി.*

പാലിയേററീവ് ദിനമായ ജനുവരി 15 ന് അമ്പലപ്പാറ ഗ്രാമപഞ്ചായത്തും, സാമൂഹികാരോഗ്യകേന്ദ്രവും പാലിയേറ്റീവ് കുടുംബ സംഗമം സംഘടിപ്പിച്ചു. ഗ്രാമപഞ്ചായത്ത് പ്രസിഡണ്ട് പി വിജയലക്ഷ്മി ടീച്ചര്‍ പരിപാടിയുടെ ഉദ്ഘാടന കര്‍മ്മം നിര്‍വ്വഹിച്ചു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയര്‍പേഴ്സൺ ബിന്ദു. എം.എം സ്വാഗതം പറയുകയും, വൈസ് പ്രസിഡണ്ട് ടി. ശശികുമാര്‍ അദ്ധ്യക്ഷത വഹിക്കുകയും ചെയ്തു. പഞ്ചായത്തിലെ 291 പാലിയേറ്റീവ് രോഗികളിൽ 96 കിടപ്പു രോഗികളുടെ ബന്ധുക്കൾ പരിപാടിയിൽ പങ്കെടുത്തു. രാവിലെ 10 മണിക്ക് സി.എച്ച്.സി ൽ നിന്നും റാലിയായി പഞ്ചായത്തിൽ എത്തി പരിപാടികൾക്ക് തുടക്കം കുറിച്ചു. . സി.എച്ച്.സി. മെഡിക്കൽ ഓഫീസർ ഡോ. എം. അനുപമ മുഖ്യ പ്രഭാഷണം നടത്തി. കഴിഞ്ഞ ഒരു വർഷത്തെ പ്രവർത്തന റിപ്പോർട്ട് പാലിയേറ്റീവ് നഴ്സ് കെ.സി. പങ്കജം അവതരിപ്പിച്ചു. പാലിയേറ്റീവ് പദ്ധതിയിൽ വരുന്ന കുടുംബങ്ങൾക്ക് പാരിതോഷികങ്ങൾ നൽകി. ബ്ലോക്ക് ക്ഷേമകാര്യ സ്റ്റാൻഡിംഗ കമ്മിറ്റി ചെയര്‍മാൻ കെ. രാധാകൃഷ്ണൻ, പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയര്‍മാൻ പി മുഹമ്മദ് കാസിം എന്നിവര്‍ അശംസകൾ അര്‍പ്പിച്ചു സംസാരിച്ചു. ക്ഷയരോഗമുക്തകേരളം പദ്ധതിയുടെ 100 ദിന കര്‍മ്മപരിപാടിയുടെ പഞ്ചായത്ത്തല ഉദ്ഘാടനവും ഇന്നേ ദിവസം നടന്നു. വിവിധ പഞ്ചായത്ത് ജനപ്രതിനിധികൾ, ഹെൽത്ത് ഇൻസ്പെക്ടർ മാരായ കെ. ഡി. ദീപക്, ജോസഫ് ബിനു, വിധു ലക്ഷ്മി തുടങ്ങിയവര്‍ സംസാരിച്ചു. പഞ്ചായത്ത് - സി.എച്ച്.സി ജീവനക്കാർ, ആശ പ്രവർത്തകർ, കടമ്പൂർ ഗവ. ഹയർ സെക്കൻ്ററി സ്കൂളിലെ എസ്.പി.സി അംഗങ്ങൾ, പൊതുജനങ്ങൾ തുടങ്ങിയവർ പരിപാടിയിൽ പങ്കെടുത്തു. പങ്കെടുത്ത വിവിധ അംഗങ്ങൾ കലാപരിപാടികൾ അവതരിപ്പിച്ചു.

11/01/2025

*മുട്ടക്കോഴികുഞ്ഞുങ്ങൾ വിതരണം ചെയ്തു.*

അമ്പലപ്പാറ ഗ്രാമ പഞ്ചായത്ത്‌ 2024-25 സാമ്പത്തിക വർഷത്തെ പദ്ധതിയിൽ ഉൾപ്പെടുത്തി മുട്ടക്കോഴികുഞ്ഞുങ്ങളെ വിതരണം ചെയ്തു. 3 ലക്ഷം രൂപ ചിലവിൽ 500 പേർക്ക് 45 മുതൽ 60 ദിവസം പ്രായം ആയ 5 വീതം മുട്ട കോഴി കുഞ്ഞുങ്ങളെ ആണ് നൽകുന്നത്. 5 കോഴികുഞ്ഞുങ്ങൾ അടങ്ങി യ ഒരു യൂണിറ്റ് നു 600 രൂപ യാണ് ചിലവ് വരുന്നത്. 100% സബ്‌സിഡി ആയിട്ടാണ് നൽകുന്നത്. ഇതിൽ 324 പേർക്ക് ഉള്ള കോഴികുഞ്ഞുങ്ങൾ ആണ് വിതരണം ചെയ്തത്. ബാക്കി ഉള്ള 176 ഗുണഭോക്താക്കൾക്കുള്ള കോഴികുഞ്ഞുങ്ങൾ അടുത്ത 10 ദിവസത്തിനുള്ളിൽ വിതരണം ചെയ്യും.
പദ്ധതിയുടെ ഉദ്ഘടനം പഞ്ചായത്ത്‌ പ്രസിഡന്റ് പി വിജയലക്ഷ്മി ടീച്ചർ നിർവഹിച്ചു. നിർവഹണ ഉദ്യോഗസ്ഥ ബോബിത സ്റ്റാൻലി സ്വാഗതം പറഞ്ഞു.
4 മേഖലകളിലായി നടന്ന വിതരണത്തിൽ പഞ്ചായത്ത്‌ വൈസ് പ്രസിഡന്റ് ടി ശശികുമാർ, ക്ഷേമ കാര്യസ്റ്റാന്റിങ് കമ്മിറ്റി ചെയർമാൻ പി മുഹമ്മദ്‌ കാസിം, ആരോഗ്യ വിദ്യാഭ്യാസ സ്റ്റാന്റിങ് കമ്മിറ്റി ചെയർപേഴ്സൺ എം എം ബിന്ദു, എന്നിവർ നേതൃത്വം നൽകി.
മറ്റു ജന പ്രധിനിധികൾ പങ്കെടുത്തു.

19/11/2024

*അമ്പലപ്പാറ ഗ്രാമപഞ്ചായത്ത് – കേരളോത്സവം 2024 സംഘാടകസമിതി യോഗം ചേര്‍ന്നു*

ഈ വര്‍ഷം നടക്കാനിരിക്കുന്ന കേരളോത്സവവുമായി ബന്ധപ്പെട്ട് 18/11/2024 ന് ഗ്രാമപഞ്ചായത്ത് പ്രസിഡണ്ട് പി. വിജയലക്ഷ്മി ടീച്ചറുടെ അദ്ധ്യക്ഷതയിൽ സംഘാടക സമിതി യോഗം ചേര്‍ന്നു. ആരോഗ്യ വിദ്യാഭ്യാസ സ്റ്റാൻഡിംഗ് കമ്മിറ്റി ചെയര്‍പേഴ്സൺ എം.എം ബിന്ദു സ്വാഗതം പറയുകയും, ക്ഷേമകാര്യ സ്റ്റാൻഡിംഗ് കമ്മിറ്റി ചെയര്‍മാൻ പി മുഹമ്മദ് കാസിം ആശംസകൾ അര്‍പ്പിക്കുകയും ചെയ്തു. യൂത്ത് കോര്‍ഡിനേറ്റര്‍ സുധീഷ് പി നന്ദി പറഞ്ഞു. യോഗത്തിൽ ക്ലബ്ബ് ഭാരവാഹികളുമായി ചര്‍ച്ച നടത്തുകയും നവംബര്‍ 30 മുതൽ ഡിസംബര്‍ 15 വരെ വിവിധ മത്സര ഇനങ്ങൾ സംഘടിപ്പിക്കുന്നതിനും തീരുമാനിച്ചു. 20/11/2024 മുതൽ 27/11/2024 വരെ അപേക്ഷാഫോറങ്ങൾ ഗ്രാമപഞ്ചായത്ത് ഹെൽപ് ഡസ്ക്കിൽ സ്വീകരിക്കും. മത്സരാര്‍ത്ഥികൾ 01/11/2024 ന് 15 വയസ്സ് പൂര്‍ത്തിയായവരാവണം. 40 വയസ്സ് കഴിഞ്ഞവരാവരുത്. അപേക്ഷയോടൊപ്പം ആധാര്‍ കാര്‍ഡിന്റെ കോപ്പി, ഫോട്ടോ എന്നിവ സമര്‍പ്പിക്കണം.

19/11/2024

നിരോധിത പുകയില ഉൽപ്പന്നങ്ങൾ വീണ്ടും പിടികൂടി .

ഹെൽത്തി കേരള പരിശോധനയുടെ ഭാഗമായി അമ്പലപ്പാറ സാമൂഹ്യ ആരോഗ്യ കേന്ദ്രം മെഡിക്കൽ ഓഫീസറുടെ നിർദ്ദേശാനുസരണം ഹെൽത്ത് ഇൻസ്പെക്ടർ വി. സുധി, ജൂനിയർ ഹെൽത്ത് ഇൻസ്പെക്ടർ മാരായ കെ. ഡി. ദീപക്, ജോസഫ് ബിനു, സുമ, വിധു ലക്ഷ്മി തുടങ്ങിയവരുടെ നേതൃത്വത്തിൽ മുരിക്കുംപറ്റ ജംഗ്ഷനിൽ പ്രവർത്തിക്കുന്ന കൂൾബാറിൽ നിന്നും നിരോധിത പുകയില ഉൽപ്പന്നമായ ഹാൻസ്, കൂൾ എന്നീ പേരുകൾ ഉള്ള വസ്തുക്കൾ പിടികൂടി. മഹസ്സർ രേഖപ്പെടുത്തി കേസെടുക്കുന്നതിനായി പ്രതിയെ പോലീസിന് കൈമാറി.

Ambalapara Gramapanchayat

22/02/2026

21/02/2026

20/02/2026

20/02/2026

19/02/2026

19/02/2026

22/12/2025

22/12/2025

15/01/2025

11/01/2025

19/11/2024

19/11/2024

Address

Opening Hours

Website

Alerts

Contact The Organization

Shortcuts

Share

Category

Monday	10am - 5pm
Tuesday	10am - 5pm
Wednesday	10am - 5pm
Thursday	10am - 5pm
Friday	10am - 5pm
Saturday	10am - 5pm