12/06/2023
నలుపంటే తమ డిమ్ము కింద ఉండేది కాదని, అది కేవలం ఇతరులదని...
వనభోజనాలు తమ వారు కానీ వారు మాత్రమే చేస్తే అవి కులభోజనాలు అని..
తాము పతివ్రతలము కనుక తాము పాయసం వండితే రాత్రి మూడు గంటలకు పాయా అవుతుందని.....
నింగీ నెలా సాక్షిగా బైరటేస్ గనుల సాక్షిగా ఉత్త సాక్షి గా చెప్పుకుంటున్న ఒక వర్గం ఒక సమావేశం ఏర్పాటు చేసుకుంది..
ఒక కులంగా సమావేశం ఏర్పాటు చేసుకోవడం లో ఎటువంటి అభ్యంతరం లేదు..దానికి వాడుకున్న పేరుతోనే మా సమస్య..
రెడ్ల కోసం రెడ్ల చేత రెడ్లే ఎంచుకుని ఏర్పాటు చేసుకున్న ఒకానొక సదస్సు.. దానికి వారు ఎంచుకున్న పేరు రాయలసీమ సదస్సు..
ఆ సదస్సుకి ఆహ్వానితు లు ఎవరయ్యా అంటే..
డాక్టర్ ప్రేమ్ సాగర్ రెడ్డి, డాక్టర్ ఆదిశేషారెడ్డి, డాక్టర్ శ్రీధర్ రెడ్డి, డాక్టర్ రాఘవరెడ్డి, శ్రీహరి వేల్పూరు...
(ఈ శ్రీహరి వేల్పూరి అనే ఆయన అందరికీ టిక్కెట్ స్పాన్సర్ కావొచ్చు)
సదస్సుకు వచ్చిన వక్తలు ఎవరూ అంటే – అప్పిరెడ్డి హరినాధరెడ్డి, మా కి రెడ్డి పురుషోత్తమరెడ్డి, భూమన్ రెడ్డి, నరాల రామిరెడ్డి...
ఇంతోటి దానికి ఇది ఏ రకంగా చూసినా రాయలసీమ సదస్సు కాదు, రెడ్ల సంఘం NRI సమావేశం..
ఒకానొక టైమ్లో పెద్ద పెద్ద పదవులు చేసిన రెడ్డి గారు అన్న మాటేంటీ అంటే, కుదరక మా వాళ్ళు వదిలేశారు కానీ లేదంటే దళిత రెడ్ల సంఘం, ముస్లిం రెడ్ల సంఘం అని కూడా పెట్టీ, వాటికి అధ్యక్షడుగా మా రెడ్లే ఉండే వారు. బేసిక్ గా మాకు మా చేతిలో అధికారం ఉండడం కావాలి, అది ఏ అధికారం అయినా సరే, మా చేతిలోనే అని ముగించారు.
ఒక కులంగా మా చేతిలో అధికారం ఉండాలి అనుకోడం తప్పులేదు. నియండర్తల్ నుంచీ మొదలైన ఎవల్యూషన్ ఈరోజు ఇంత వృద్ధికి కారణం కనపడకుండా ఉన్న ఆధిపత్యం కోసం పోరాటం కూడా. కానీ ఇక్కడ వచ్చే బాధ ఎంటి అంటే దానికి వాడుకునే పేరుతోనే.
5 ఏళ్ళ క్రితం హైదరాబాద్ రెడ్డి సంఘం మీటింగ్ పెట్టీ ఒకాయన "మేము అప్పటి నుంచీ పాలించాం, మీరు మమల్ని పరిగణలోకి తీసుకోవాలి" అని చెప్పారు. అలాంటి మీటింగ్ తో ఏ ఇబ్బంది లేదు, డల్లాస్ రెడ్ల సంఘం మీటింగ్ అనో, అమెరికా రెడ్ల సంఘం అనో పెట్టుకుంటే ఇప్పుడు డిస్కషన్ ఉండదు. రాయలసీమ అంటే కేవలం రెడ్లు అనే విధంగా చేస్తున్న దాని మీదే మా క్వశ్చన్...
గత ఎన్నికల్లో మా ప్రాంతంలో 52 కి 49 స్థానాల్లో గెలిచిన ఒక పార్టీ తమ కింద పీఠం కదిలిపోతూ ఉందని గ్రహించి "లేదు లేదు.. మేమంతా మీ వెంటే మీతో నే" అన్న బ్లూ రే డిస్క్ ప్రదర్శించటానికి ఏర్పాటు చేసిన "శ్రీ రెడ్ల సంఘం" సమావేశాన్ని(గౌరవం కోసం శ్రీ అన్నామంతే) రాయలసీమ సదస్సు అనో ఇంకోటి అనో అనడాన్ని కదిరి లో కొన్న గొడ్డలితో ఖండిస్తూ...
To be continued..
#ఉద్యామి
