13/08/2026
I ♥️ Leesh River Fullbari
🙏 नमस्कार सम्पूर्ण साथीभाइ तथा गाउँसमाजका आदरणीय गाउँवासीहरूमा
विशेष गरी लिशरिभर चियाबारी (फुलबारी) खेल मैदानमा फोहोरमैला फ्याँक्ने र वातावरण प्रदूषित बनाउने विषयमा यहाँहरूको ध्यानाकर्षण गराउन चाहन्छु।
गत वर्ष पनि मैले स्वयं यस विषयमा पहल गर्दै फोहोरमैला व्यवस्थापन तथा सरसफाइ अभियानमा सक्रिय भूमिका निर्वाह गरेको थिएँ। त्यस क्रममा धेरै दाजुभाइ तथा साथीहरूले साथ र सहयोग दिनुभएको थियो, जसका कारण हामीले त्यो काम सफलतापूर्वक सम्पन्न गर्न सकेका थियौँ। त्यसका लागि सम्पूर्ण सहयोगीहरुलाई मन बाट हार्दिक धन्यवाद व्यक्त गर्दछु। 🙏
तर अहिले फेरि त्यही समस्या दोहोरिन थालेको छ। त्यसैले अब हामी सबै एकजुट भएर यस गम्भीर विषयमा ठोस कदम चाल्नुपर्ने समय आएको छ।
फेसबुकमा लाइक, कमेन्ट र सेयर गरेर मात्र यो समस्या समाधान हुँदैन। हामी सबैले आफ्नो ठाउँबाट आवाज उठाउँदै, खेल मैदानलाई स्वच्छ र सुरक्षित राख्न जिम्मेवार बन्न आवश्यक छ।
जथाभावी फोहोर फालेर खेल मैदान र हाम्रो वातावरण बिगार्ने कार्यलाई रोक्न, सम्बन्धित व्यक्ति तथा निकायले आवश्यक कदम चाल्नुपर्छ। साथै, नियमविपरीत फोहोर फाल्ने व्यक्तिहरूमाथि प्रचलित नियमअनुसार उचित कारबाही हुनुपर्छ।
आउनुहोस्, हामी सबै मिलेर आफ्नो खेल मैदान, आफ्नो गाउँ र आफ्नो वातावरण जोगाउने अभियानलाई अझ प्रभावकारी बनाऔँ। 💪🌿
यो विषयलाई केवल सामाजिक सञ्जालको बहसमा सीमित नराखी, समाधान नभएसम्म एकजुट भएर अघि बढौँ।
🙏 स्वच्छ खेल मैदान, स्वच्छ वातावरण र स्वस्थ समाज निर्माणका लागि हामी सबै एकजुट बनौँ।
आजैदेखि संकल्प गरौँ—
“फोहोर नफालौँ, अरूलाई पनि फोहोर नफाल्न सचेत गराऔँ।” 🌿⚽
सनम थापा
समाज सेवी
लिशरिभर चिया कमान।
