Police Station Nizamabad Town-1

20/08/2026

టౌన్–I పోలీస్ స్టేషన్, నిజామాబాద్
Mobile phone (52) Recovered through CEIR Portal ద్వారా – యజమానులకు అప్పగింత

నిజామాబాద్ టౌన్–I పోలీస్ స్టేషన్ పరిధిలో మొబైల్ ఫోన్లు పోగొట్టుకున్న బాధితుల ఫిర్యాదులపై పోలీసులు ప్రత్యేక దృష్టి సారించారు. సాంకేతిక పరిజ్ఞానాన్ని వినియోగించి పోగొట్టుకున్న మొబైల్ ఫోన్లను ట్రాక్ చేసి, మొత్తం 52 మొబైల్ ఫోన్లను రికవరీ చేయడం జరిగింది.

రికవరీ చేసిన 52 మొబైల్ ఫోన్లను వాటి అసలైన యజమానులను గుర్తించి, ధృవీకరణ అనంతరం సంబంధిత యజమానులకు అప్పగించడం జరిగింది.

ప్రస్తుతం మొబైల్ ఫోన్ పోగొట్టుకున్న సందర్భాల్లో, ఫోన్ ద్వారా ఫోన్‌పే, గూగుల్ పే తదితర డిజిటల్ చెల్లింపు ఖాతాలను దుర్వినియోగం చేసే అవకాశం ఉన్నందున, ప్రజలు అప్రమత్తంగా ఉండాలని పోలీసులు సూచించారు. మొబైల్ ఫోన్ పోగొట్టుకున్న వెంటనే సంబంధిత బ్యాంకు ఖాతాలు, ఫోన్‌పే, గూగుల్ పే తదితర డిజిటల్ చెల్లింపు ఖాతాలను తాత్కాలికంగా బ్లాక్ చేయించుకోవాలి.

అలాగే, పోగొట్టుకున్న మొబైల్ ఫోన్‌కు సంబంధించిన వివరాలతో CEIR (సెంట్రల్ ఎక్విప్‌మెంట్ ఐడెంటిటీ రిజిస్టర్) పోర్టల్‌లో ఫిర్యాదు నమోదు చేసుకోవాలి. దీనితో పాటు సమీపంలోని పోలీస్ స్టేషన్‌లో కూడా ఫిర్యాదు చేయాలి.

ప్రజలు తమ మొబైల్ ఫోన్లు మరియు డిజిటల్ ఖాతాల భద్రత కోసం బలమైన పాస్‌వర్డ్‌లను (Strong Passwords) ఉపయోగించాలని, పాస్‌వర్డ్‌లను ఇతరులతో పంచుకోకూడదని పోలీసులు సూచించారు.

మొబైల్ ఫోన్ల రికవరీలో కృషి చేసిన పోలీసు సిబ్బందిని అధికారులు అభినందించారు. ప్రజల భద్రతకు, వారి విలువైన వస్తువుల రికవరీకి పోలీసులు నిరంతరం కృషి చేస్తారని తెలిపారు.

బి. రఘుపతి
ఇన్‌స్పెక్టర్ ఆఫ్ పోలీస్
టౌన్–I పోలీస్ స్టేషన్, నిజామాబాద్

05/06/2026

పత్రికా ప్రకటన

నిజామాబాద్ టౌన్-I పోలీస్ స్టేషన్ పరిధిలో పోగొట్టుకున్న 33 మొబైల్ ఫోన్లను సాంకేతిక ఆధారాలతో గుర్తించి బాధితులకు అప్పగించడం జరిగింది. మొబైల్ ఫోన్ పోగొట్టుకున్న వెంటనే CEIR పోర్టల్‌లో ఫిర్యాదు నమోదు చేయాలని పోలీసులు సూచించారు. ఇటీవల మొబైల్ ఫోన్లు పోగొట్టుకున్న అనంతరం PhonePe, Google Pay వంటి UPI యాప్‌ల ద్వారా నగదు అక్రమ బదిలీ ఘటనలు నమోదవుతున్న నేపథ్యంలో ప్రజలు అప్రమత్తంగా ఉండాలని తెలిపారు.

ప్రజలు తమ మొబైల్ ఫోన్ల భద్రత కోసం బలమైన పాస్‌వర్డ్, PIN లేదా ప్యాటర్న్ లాక్‌ను ఉపయోగించాలి. ఫింగర్‌ప్రింట్ లేదా ఫేస్ అన్‌లాక్‌తో పాటు బలమైన PIN ఏర్పాటు చేసుకోవాలి. OTPలు, బ్యాంకింగ్ వివరాలు, పాస్‌వర్డ్లు మొబైల్‌లో సేవ్ చేయకూడదు. UPI యాప్‌లకు ప్రత్యేక భద్రతా PIN ఏర్పాటు చేసుకోవాలి. మొబైల్ పోగొట్టుకున్న వెంటనే CEIR పోర్టల్‌లో నమోదు చేసి, సిమ్ కార్డు, బ్యాంకింగ్ మరియు UPI సేవలను బ్లాక్ చేయించుకోవాలని పోలీసులు సూచించారు.

ఈ సందర్భంగా ఫోన్లు తిరిగి పొందిన బాధితులు పోలీసు శాఖకు కృతజ్ఞతలు తెలిపారు.

ఇట్లు,
బి. రఘుపతి
ఇన్స్పెక్టర్ ఆఫ్ పోలీస్ & ఎస్.హెచ్.ఓ
పోలీస్ స్టేషన్ టౌన్–I, నిజామాబాద్

13/01/2026

Date 13-01-2026 నాడు CEIR పోర్టల్ సాయంతో నిజామాబాద్ Town I PS పరిధిలో (10) మిస్సింగ్ ఫోన్లు రికవరీ చేసి SHO రఘుపతి సార్ గారు బాధితులకు అప్పగించినారు
👉బాధితురలు తిరిగి పొందడంతో హర్షం వ్యక్తం చేశారు

08/01/2026

చైనా మాంజాను వాడకండి. మీ సరదా కోసం ఇతరుల ప్రాణాల మీదకు తీసుకుని రావొద్దు. బాధ్యత గల పౌరులుగా వ్యవహరించండి. చైనా మాంజా విక్రయాలు మీ దృష్టికి వస్తే సమాచారం ఇవ్వండి.

08/01/2026

బ్రెయిలీ లిపి నిర్మాత డాక్టర్ లూయి బ్రెయిలీ 217వ జయంతి సందర్భంగా ఆధ్వర్యంలో నిర్వహించిన కార్యక్రమంలో పి. సాయి చైతన్య, ఐపీఎస్., గారు పాల్గొన్నారు.
దివ్యాంగత ఒక పరిమితి కాదని, ఆత్మవిశ్వాసంతో ముందుకు సాగితే ప్రతి లక్ష్యాన్ని సాధించవచ్చని ఆయన తెలిపారు. స్నేహ సొసైటీ దివ్యాంగ విద్యార్థులు జాతీయ, అంతర్జాతీయ స్థాయిలో సాధించిన విజయాలు సమాజానికి స్ఫూర్తిదాయకమని పేర్కొన్నారు.
కార్యక్రమం అనంతరం దివ్యాంగ విద్యార్థులకు నోటు పుస్తకాలు మరియు పెన్నులు పంపిణీ చేశారు.

08/01/2026

08/01/2026

🔹 ట్రాఫిక్ నిబంధనలు పాటించాలి అని సూచించిన సాయి చైతన్య
🔹 డాక్టర్ లూయి బ్రెయిలీ జయంతి కార్యక్రమంలో పాల్గొన్న పోలీస్ కమిషనర్
🔹 రోడ్డు భద్రతా వారోత్సవాల సందర్భంగా నవీపేట్ లో విద్యార్థుల ర్యాలీ
🔹 హెల్మెట్ సీటు బెల్ట్ తప్పనిసరిగా ధరించాలని అవగాహన
🔹 రోడ్డు ప్రమాదాల నివారణ పోస్టర్లను ఆవిష్కరించిన జిల్లా జడ్జి జీవీఎన్ భారతలక్ష్మి
🔹 చైనా మాంజా వినియోగం ప్రమాదకరం అని హెచ్చరిక
🔹 చైన్ స్నాచింగ్ కేసును ఛేదించిన మూడో టౌన్ పోలీసులు
🔹 అక్రమ ఇసుక రవాణాపై చర్యలు డంప్ సీజ్
🔹 యువతకు క్రీడలు మానసికోల్లాసం ఇస్తాయని ఏసీపీ శ్రీనివాస్
🔹 డ్రంకెన్ డ్రైవ్ కేసుల్లో నలుగురికి జరిమానా విధించిన కోర్టు

08/01/2026

మీ వాహనాలకు చలాన్ జారీ అయింది..చెక్ చేసుకోవాలంటూ వచ్చే మెసేజ్‌లతో జాగ్రత్త. అందులోని లింక్ క్లిక్ చేయొద్దు. మీ చలాన్‌ చెక్ చేసుకునేందుకు అధికారిక వెబ్‌సైట్‌ను మాత్రమే ఆశ్రయించండి. ఎలాంటి ఏపీకే ఫైల్స్ డౌన్‌లోడ్‌ చేయొద్దు.