04/01/2022
*गोर बंजाराचा पोरीयातारा*
आज गोर सेनेचे राष्ट्रीय अध्यक्ष प्रा. संदेश भाऊ चव्हाण यांचा वाढदिवस. संदेश भाऊ चव्हाण यांचा जन्म बुलडाणा जिल्हातील हनवतखेड या एका छोट्याशा खेड्यात झाला. प्रत्येक माता पित्यांना वाटाव तस त्यांच्याही माता पित्यांना वाटत होत की, संदेश भाऊंनी डाॅक्टर, इंजिनियर वकिल व्हांव आणि ते तेवढे शिक्षणात हुशार सुध्दा होते. परंतु, नियतीला ते मान्य नव्हत. घरची परिस्थिती सधन असतांना ते या खडतर प्रवासाला का निघाले असावेत? तर संदेश भाऊचं शिक्षण चालु असतांना काशिनाथजी नायकांनी गोरसिकवाडी नावाच्या चळवळीच रोपटं लावल होतं. त्यात एका कार्यक्रमात संदेश भाऊंनी हजेरी लावली आणि त्यात काशिनाथजी नायकांची अोळख सुध्दा झाली.
नंतर काही दिवसांनी संदेश भाऊंनी नायका सोबत काम करण्याची इच्छा व्यक्त केली पण नायकांनी त्यांना नकार दिला. का? तर संदेश भाऊ दिसायला नाजुक सडपातळ बांधा चांगल्या घरचे दिसत होते. त्यामुळे नायकांनी तु यात काम करु शकणार नाही असं सागितल. नायकांनी त्यांना समजावून सांगीतल की, यामध्ये खुप हाल अपेष्टा सहन कराव्या लागतील, डोंगर दर्यातुन हिंडाव लागेल, ऊन वारा पाऊस झेलावं लागेल कधी ऊपाशी तापाशी राहावं लागेल. हे सारं एकल्या नंतर त्या पहाडाच्या उंचिच्या निधड्या छातीच्या संदेश भाऊंनी होकार दिला आणि शेवटी इथल्या जुलमी समाज व्यवस्थेचा अभ्यास केल्या नंतर त्यांनी अविवाहित राहुन समाज परिवर्तनाचं व्रत स्विकारल.
*संदेश भाऊ सोबतचे काही दिवस:* २०१०-११ मध्ये मुंबईला वधु वर परीचय मेळावा होता त्यावेळेस संदेश भाऊंनी मला पण तिथे बोलावलं. दिवसभर फिरुन आल्या नंतर आम्ही सारेच दमलो होतो, रात्री ११ वाजता जेवण केल्यानंतर आम्ही रुमकडे निघालो संदेश भाऊंनी माझ्या खांद्यावर हात दिला होता. चालता चालता संदेश भाऊ म्हणतात की, जरा लवकर चला. तर मी म्हटल की, संदेश भाऊ आता आपल्याला झोपायचचं आहे, जाऊ आरामाने.. *तर संदेश भाऊ म्हणाले नाही, मला कपडे धुवायचे आहे?* तेव्हां मी संदेश भाऊला म्हटले की, भाऊ आता ११ वाजले कपडे कशाला धुता आपण कपडे लाँड्रीवर टाकुन देऊ? त्यावर संदेश भाऊ काय म्हणाले असतील? *ते म्हणाले 'अरे विनायक हे समाजाचे पैसे आहेत. आपण हे असे खर्च नाही करु शकत.* 'खरतर हा प्रसंग डोळ्यात पाणी आनणारा होता. ज्याला कधी गरीबी म्हणजे काय माहीत नव्हंत ती व्यक्ती समाजासाठी हे सारं त्याग करायला तयार होता. येवढं केल्यानंतर सुध्दा *ते सकाळी चार साडेचार वाजता ऊठायचे दिवसाच्या कामाची यादी बनवायचे आणि झपाटल्या सारखे काम करायचे.* येवढ काम केल्यानंतरही कधी त्यांच्या चेहर्यावर थकवा दिसायचा नाही की, ऊर्जा कमी झालेली दिसायची नाही.
आज ते दिवस नसतील कदाचित परंतु, हा जो सिकवाडी गोरसेनेचा डोलारा ऊभा आहे, त्यात प्रा. संदेश भाऊचा मोठा त्याग आहे.
*आज त्यांच्याकडे OBC च नेतृत्व म्हणुन पाहील्या जात, का तर कोठेही अन्याय अत्याचार झाला तर संदेश भाऊ अग्रस्थानी असतांना दिसतात. त्याचं बरोबर एखादा आंदोलन असेल आणि त्याच नेतृत्व संदेश भाऊकडे असेल तर शासन प्रशानाची धडकी भरते. का तर त्यांना माहीत आहे लाखोने लोक जमा होणार. कोणताही राजकीय वारसा नसतांना त्यांच्या एका हाकेला लाखो लोक जमा होतात. *का तर लोकांना माहीत आहे आपला नेता सत्तेसाठी पैशासाठी कोणापुढे झुकणार नाही.*
शेवटी त्या माता पित्याला सलाम ज्यांनी अशा व्यक्तिला जन्मास घातल.
संदेश भाऊ असेच पुढे चालत रहा आम्ही तुमच्या खांद्याला खादा देऊन काम करु... *पुन्हा एकदा वाढदिवशाच्या शुभेच्छा!*
